കൂടാതെ ഓട്ടോ ടോപ്പ്-അപ്പ് മാൻഡേറ്റ് എപ്പോൾ വേണമെങ്കിലും അസാധുവാക്കാനും കഴിയും. അതേസമയം ഓട്ടോമാറ്റിക്കായി പണം റീലോഡ് ചെയ്യാൻ കഴിയുന്ന ഇടപാടുകളുടെ എണ്ണം ഒരു ദിവസം അഞ്ചായി പരിമിതപ്പെടുത്തിയിട്ടുണ്ട്.
5000 രൂപയിൽനിന്ന് 10,000 രൂപയാക്കിയാണ് യുപിഐ123 പേയുടെ പരിധി ഉയർത്തിയത്. നോൺ സ്മാർട്ട് ഫോൺ/ഫീച്ചർ ഫോൺ ഉപയോക്താക്കൾക്കും യുപിഐ ഇടപാട് നടത്താൻ സഹായിക്കുന്നതാണ് യുപിഐ123പേ.
ഫീച്ചർ ഫോണുകളിലൂടെ കോൾ സൗകര്യം ഉപയോഗിച്ച് പണമിടപാട് നടത്താവുന്ന സംവിധാനമാണ് യുപിഐ123പേ. മലയാളം ഉൾപ്പെടെ 12 പ്രാദേശിക ഭാഷകളിൽ ഈ സൗകര്യം ലഭ്യമാണ്. യുപിഐയിൽ കൊണ്ടുവന്ന പുതിയ മാറ്റങ്ങൾ കൂടുതൽ ഉപയോക്താക്കളെ ആകർഷിക്കുമെന്നാണ് കരുതുന്നത്.