കൊ​ച്ചി: റ​ബ​റി​നെ ത​ള​യ്ക്കാ​ൻ ഏ​ഷ്യ​ൻ ട​യ​ർ ലോ​ബി അ​വ​സാ​ന അ​ട​വും പ​യ​റ്റി​യി​ട്ടും വി​പ​ണി​ക​ൾ കു​തി​ച്ചു. ആ​ഭ്യ​ന്ത​ര വ്യ​വ​സാ​യി​ക​ൾ രം​ഗ​ത്തു​നി​ന്നും പി​ൻ​വ​ലി​ഞ്ഞ് നി​ര​ക്ക് ഇ​ടി​ക്കാ​ൻ ശ്ര​മം. കു​രു​മു​ള​ക് പു​തി​യ ദി​ശ​യി​ലേ​യ്ക്ക്. ജാ​തി​ക്ക​യു​ടെ വി​ലയി​ടി​വ് ക​ർ​ഷ​ക​രെ പ്ര​തി​സ​ന്ധി​യിലാ​ക്കി. രാ​ജ്യാ​ന്ത​ര ഭ​ക്ഷ്യ​യെ​ണ്ണ വി​പ​ണി​യി​ൽ പോ​ര്, ഇ​ന്ത്യ വാ​ൾ എ​ടു​ത്തു.

കു​തി​ച്ച് റ​ബ​ർ

ഏ​ഷ്യ​ൻ റ​ബ​ർ ക​ർ​ഷ​ക​രെ മോ​ഹി​പ്പി​ച്ച് അ​വ​ധി വി​ല​ക​ൾ കു​തി​ച്ചു​പാ​ഞ്ഞു. ഒ​സാ​ക്ക എ​ക്സ്ചേ​ഞ്ചി​ൽ റ​ബ​റി​നെ ത​ള​യ്ക്കാ​ൻ ട​യ​ർ ലോ​ബി അ​ട​വു​ക​ൾ പ​തി​നെ​ട്ടും പ​യ​റ്റി​യി​ട്ടും ക​ടി​ഞ്ഞാ​ണി​ല്ലാ​ത്ത കു​തി​ര ക​ണ​ക്കെ അ​വ​ധി വി​ല​ക​ൾ മു​ന്നേ​റി. കി​ലോ 351 യെ​ന്നി​ൽ വി​പ​ണ​നം തു​ട​ങ്ങി​യ ജ​പ്പാ​നി​ൽ വാ​ര​മ​ധ്യം ഒ​രു വി​ഭാ​ഗം ലാ​ഭ​മെ​ടു​പ്പ് ന​ട​ത്തി. എ​ന്നാ​ൽ, ഇ​തേ സ​ന്ദ​ർ​ഭ​ത്തി​ൽ കൂ​ടു​ത​ൽ ക​രു​ത്തു നേ​ടു​മെ​ന്ന ഭീ​തി​യി​ൽ ഊ​ഹ​ക്ക​ച്ച​വ​ട​ക്കാ​ർ ഷോ​ട്ട് ക​വ​റിം​ഗി​ന് നീ​ക്കം ന​ട​ത്തി​യ​തോ​ടെ 2011ന് ​ശേ​ഷ​മു​ള്ള ഏ​റ്റ​വും ഉ​യ​ർ​ന്ന നി​ര​ക്കാ​യ 387 യെ​ന്നി​ലേ​യ്ക്ക് റ​ബ​ർ ചു​വ​ടു​വ​ച്ചു.

മൂ​ന്നു ദി​വ​സം​കൊ​ണ്ട് റ​ബ​ർ ഏ​ക​ദേ​ശം ഏ​ഴ് ശ​ത​മാ​നം ഉ​യ​ർ​ന്നു. ഓ​ഗ​സ്റ്റി​ൽ റ​ബ​ർ വി​ല 20 ശ​ത​മാ​നം വ​ർ​ധി​ച്ചു, അ​താ​യ​ത് കി​ലോ 65 യെ​ൻ. 2024ൽ ​ഇ​തി​ന​കം 127 യെ​ൻ മു​ന്നേ​റി​യ റ​ബ​ർ 49 ശ​ത​മാ​നം മി​ക​വ് കാ​ണി​ച്ചു. ഒ​രു വ​ർ​ഷ​കാ​ല​യ​ള​വി​ലെ റ​ബ​റി​ന്‍റെ ച​ല​ന​ങ്ങ​ൾ വി​ല​യി​രു​ത്തി​യാ​ൽ മൊ​ത്തം 146 യെ​ൻ ക​യ​റി, അ​താ​യ​ത് 60 ശ​ത​മാ​നം.

ഇ​പ്പോ​ഴ​ത്തെ നി​ല​യ്ക്ക് റ​ബ​ർ ര​ണ്ട് ശ​ത​മാ​നം കു​ടി മു​ന്നേ​റാം. എ​ന്നാ​ൽ റ​ബ​ർ ബു​ള്ളി​ഷ് മ​നോ​ഭാ​വം തു​ട​രു​ന്ന​തി​നൊ​പ്പം സാ​ങ്കേ​തി​ക​മാ​യി ഓ​വ​ർ ബ്രോ​ട്ടാ​യ​തി​നാ​ൽ തി​രു​ത്ത​ലി​നു സാ​ധ്യ​ത. ഈ​വാ​രം 399 യെ​ന്നി​ലും 412 യെ​ന്നി​ലും പ്ര​തി​രോ​ധ​മു​ണ്ട്. വി​പ​ണി​യി​ൽ തി​രു​ത്ത​ൽ അ​നു​ഭ​വ​പ്പെ​ട്ടാ​ൽ 363-338 യെ​ന്നി​ലേ​യ്ക്ക് താ​ഴും. സിം​ഗ​പ്പു​ർ എ​ക്സ്ചേ​ഞ്ചി​ൽ ടി​എ​സ്ആ​ർ റ​ബ​ർ മു​ൻ വാ​രം സൂ​ചി​പ്പി​ച്ച കി​ലോ 182 ഡോ​ള​റി​ലെ​ത്തി. ചൈ​നീ​സ് മാ​ർ​ക്ക​റ്റും മി​ക​വ് നി​ല​നി​ർ​ത്തി.

താ​യ്‌​ല​ൻ​ഡി​ലെ കാ​ലാ​വ​സ്ഥ​യി​ൽ കാ​ര്യ​മാ​യ മാ​റ്റം ക​ണ്ടി​ല്ലെ​ങ്കി​ലും വൈ​കാ​തെ ടാ​പ്പിം​ഗ് എ​ല്ലാ മേ​ഖ​ല​ക​ളി​ലും പു​ന​രാ​രം​ഭി​ക്കു​മെ​ന്ന പ്ര​തീ​ക്ഷ​യി​ലാ​ണ് വ്യ​വ​സാ​യ ലോ​കം. അ​തേ​സ​മ​യം, ക​യ​റ്റു​മ​തി​ക്കാ​ർ ക​രു​ത​ലോ​ടെ​യാ​ണ് പു​തി​യ വി​ദേ​ശ വ്യാ​പാ​ര​ങ്ങ​ളി​ൽ ഏ​ർ​പ്പെ​ടു​ന്ന​ത്. ബാ​ങ്കോ​ക്കി​ൽ ക​യ​റ്റു​മ​തി​ക​ളെ ബാ​ധി​ച്ച പ്ര​തി​സ​ന്ധി വി​ട്ടു​മാ​റി​യി​ല്ല. ബാ​ങ്കോ​ക്കി​ൽ ഷീ​റ്റ് വി​ല 21,654 രൂ​പ​യി​ൽ​നി​ന്നും 23,592 രൂ​പ വ​രെ ക​യ​റി. 10 പ്ര​വൃ​ത്തി​ദി​ന​ങ്ങ​ളി​ൽ ഉ​യ​ർ​ന്ന​ത് 3461 രൂ​പ​യാ​ണ്.

ച​ക്ര​വാ​ത​ച്ചൂ​ഴി​യെ തു​ട​ർ​ന്ന് വാ​ര​മ​ധ്യം സം​സ്ഥാ​ന​ത്ത് സ്തം​ഭി​ച്ച റ​ബ​ർ വെ​ട്ട് ഇ​നി​യും പു​ന​രാ​രം​ഭി​ച്ചി​ട്ടി​ല്ല. മു​ഖ്യ വി​പ​ണി​ക​ളി​ൽ വ​ര​വ് കു​റ​ഞ്ഞ​തി​നി​ട​യി​ലെ ഡി​മാ​ന്‍റിൽ നാ​ലാം ഗ്രേ​ഡ് റ​ബ​ർ 237ൽ ​നി​ന്നും 239 വ​രെ ക​യ​റി​യ ശേ​ഷം വാ​രാ​ന്ത്യം അ​ൽ​പ്പം ത​ള​ർ​ന്നു. വ്യ​വ​സാ​യി​ക​ൾ ശ​നി​യാ​ഴ്ച്ച നി​ര​ക്ക് താ​ഴ്ത്തി​യെ​ങ്കി​ലും ഇ​ട​പാ​ടു​ക​ളു​ടെ വ്യാ​പ്തി കു​റ​വാ​യി​രു​ന്നു. അ​ഞ്ചാം ഗ്രേ​ഡ് 233ലും ​ലാ​റ്റ​ക്സ് 137 രൂ​പ​യി​ലു​മാ​ണ്.

ക​രു​ത്താ​ർ​ജി​ച്ച് കു​രു​മു​ള​ക്

കു​രു​മു​ള​ക് തി​രു​ത്ത​ലു​ക​ൾ​ക്ക് ശേ​ഷം ക​രു​ത്ത് വീ​ണ്ടെ​ടു​ക്കു​ന്നു. ഹൈ​റേ​ഞ്ച് കു​രു​മു​ള​കി​ന് ഉ​ത്ത​രേ​ന്ത്യ​യി​ൽ​നി​ന്നും കൂ​ടു​ത​ൽ അ​ന്വേ​ഷ​ണ​ങ്ങ​ൾ എ​ത്തി​യ​തോ​ടെ നി​ര​ക്ക് ക്വി​ന്‍റ​ലി​ന് 600 രൂ​പ ക​യ​റി. ഉ​ത്സ​വകാ​ല ഡി​മാ​ന്‍റിനു​ള്ള ച​ര​ക്ക് സം​ഭ​ര​ണ​ത്തി​ന് അ​ന്ത​ർ​സം​സ്ഥാ​ന വാ​ങ്ങ​ലു​കാ​ർ നീ​ക്കം തു​ട​ങ്ങി​യെ​ങ്കി​ലും കാ​ർ​ഷി​ക മേ​ഖ​ല താ​ഴ്ന്ന വി​ല​യ്ക്ക് മു​ള​ക് ഇ​റ​ക്കി​യി​ല്ല. ഇ​തോ​ടെ അ​ൺ ഗാ​ർ​ബി​ൾ​ഡ് കു​രു​മു​ള​ക് 64,400 രൂ​പ​യി​ൽ​നി​ന്നും 65,000 രൂ​പ​യാ​യി.

ഇ​ടു​ക്കി, വ​യ​നാ​ട്, പ​ത്ത​നം​തി​ട്ട മേ​ഖ​ല​ക​ളി​ൽ വി​ൽ​പ്പ​ന​ക്കാ​ർ കു​റ​വാ​ണ്. വ​രും ദി​ന​ങ്ങ​ളി​ൽ നി​ര​ക്ക് കൂ​ടു​ത​ൽ ഉ​യ​രാ​ൻ ഇ​ട​യു​ണ്ടെ​ന്ന നി​ല​പാ​ടി​ലാ​ണ് വി​പ​ണി വൃ​ത്ത​ങ്ങ​ൾ. ഇ​തി​നി​ട​യി​ൽ ചി​ല ക​യ​റ്റു​മ​തി​ക്കാ​ർ മു​ള​ക് സം​ഭ​രി​ക്കാ​ൻ ഉ​ത്സാ​ഹി​ച്ചു. എ​ന്നാ​ൽ, പു​തി​യ വി​ദേ​ശ വ്യാ​പാ​ര​ങ്ങ​ളെ​ക്കു​റി​ച്ചു​ള്ള ചോ​ദ്യ​ങ്ങ​ൾ​ക്കു മു​ന്നി​ൽ അ​വ​ർ മൗ​നം പാ​ലി​ച്ചെ​ങ്കി​ലും ഈ ​മാ​സം വി​ദേ​ശ വ്യാ​പാ​ര​ങ്ങ​ൾ​ക്ക് അ​വ​സ​രം തെ​ളി​യു​മെ​ന്ന പ്ര​തീ​ക്ഷ​യി​ലാ​ണ് പ​ല​രും.

അ​ന്താ​രാ​ഷ്‌​ട്ര വി​പ​ണി​യി​ൽ കു​രു​മു​ള​കി​ന് വ​രും മാ​സ​ങ്ങ​ളി​ൽ ക്ഷാ​മം സം​ഭ​വി​ക്കു​മെ​ന്ന റി​പ്പോ​ർ​ട്ടു​ക​ൾ പു​റ​ത്തു​വ​രു​ന്നു​ണ്ട്. ആ​ഗോ​ള മു​ള​ക് ഉ​ത്പാ​ദ​ന​ത്തി​ൽ ഒ​ന്നാം സ്ഥാ​നം അ​ല​ങ്ക​രി​ക്കു​ന്ന വി​യ​റ്റ്നാ​മി​ൽ കു​രു​മു​ള​ക് സ്റ്റോ​ക്ക് കു​റ​ഞ്ഞു. അ​ടു​ത്ത സീ​സ​ണി​നു ഫെ​ബ്രു​വ​രി വ​രെ കാ​ത്തി​രി​ക്ക​ണം. പ്ര​തി​കൂ​ല കാ​ലാ​വ​സ്ഥ​യി​ൽ ബ്ര​സീ​ലി​ൽ ഉ​ത്പാ​ദ​ന​ത്തി​ൽ വ​ൻ ഇ​ടി​വ് സം​ഭ​വി​ച്ച​താ​യാ​ണ് വി​വ​രം. മ​റ്റ് രാ​ജ്യ​ങ്ങ​ളി​ലെ സ്ഥി​തി​യും പ​രി​ങ്ങ​ലി​ൽ. ഇ​തി​നി​ട​യി​ൽ ക്രി​സ്മ​സ്-​ന്യൂ​ഇ​യ​ർ വേ​ള​യി​ലെ ആ​വ​ശ്യ​ങ്ങ​ൾ മു​ന്നി​ൽ​ക്ക​ണ്ട് ഇ​റ​ക്കു​മ​തി രാ​ജ്യ​ങ്ങ​ൾ രാ​ജ്യാ​ന്ത​ര സു​ഗ​ന്ധ​വ്യ​ഞ്ജ​ന വി​പ​ണി​യി​ൽ ഇ​റ​ങ്ങാ​നു​ള്ള ഒ​രു​ക്ക​ത്തി​ലാ​ണ്. ഇ​ന്ത്യ​ൻ കു​രു​മു​ള​ക് വി​ല ട​ണ്ണി​ന് 8200 ഡോ​ള​ർ.


വൈ​കി ഏ​ലം വി​ള​വെ​ടു​പ്പ്

കാ​ലാ​വ​സ്ഥാ വ്യ​തി​യാ​ന​ത്തി​നി​ട​യി​ൽ ഏ​ലം വി​ള​വെ​ടു​പ്പ് വൈ​കു​ന്നു. ഈ ​മാ​സം വി​ള​വെ​ടു​പ്പ് ഊ​ർ​ജി​ത​മാ​കു​മെ​ന്ന പ്ര​തീ​ക്ഷ​ക​ൾ​ക്കും മ​ങ്ങ​ലേ​റ്റു. അ​തേ​സ​മ​യം സാ​ഹ​ച​ര്യം ഒ​ത്താ​ൽ ഒ​ക്‌​ടോ​ബ​റി​ൽ പു​തി​യ ഏ​ല​ക്ക വി​ള​വെ​ടു​പ്പ് ആ​രം​ഭി​ക്കു​മെ​ന്നാ​ണ് ക​ർ​ഷ​ക​രു​ടെ വി​ല​യി​രു​ത്ത​ൽ.

അ​ങ്ങ​നെ വ​ന്നാ​ൽ ഈ ​വ​ർ​ഷം മൂ​ന്നു റൗ​ണ്ട് വി​ള​വെ​ടു​പ്പി​നു മാ​ത്ര​മേ അ​വ​സ​രം ല​ഭി​ക്കൂ. സാ​ധാ​ര​ണ ആ​റ് റൗ​ണ്ട് വ​രെ ഡി​സം​ബ​ർ അ​വ​സാ​ന​ത്തി​ന് മു​ന്നേ പൂ​ർ​ത്തി​യാ​ക്കാ​റു​ണ്ട്. ക​ഴി​ഞ്ഞ സീ​സ​ണി​ൽ അ​ര​ല​ക്ഷം ട​ൺ ഉ​ത്പാ​ദി​പ്പി​ച്ചു. എ​ന്നാ​ൽ കാ​ലാ​വ​സ്ഥ മാ​റ്റം ക​ണ​ക്കി​ലെ​ടു​ത്താ​ൽ ഇ​ക്കു​റി ഉ​ത്പാ​ദ​നം അ​മ്പ​ത് ശ​ത​മാ​നംവ​രെ കു​റ​യാം.

ദീ​പാ​വ​ലി-​ന​വ​രാ​ത്രി ഡി​മാ​ന്‍റ് മു​ന്നി​ൽ​ക്ക​ണ്ട് ഉ​ത്ത​രേ​ന്ത്യ​ക്കാ​ർ വൈ​കാ​തെ ലേ​ല​ത്തി​ൽ പി​ടി​മു​റു​ക്കും. ശ​രാ​ശ​രി ഇ​ന​ങ്ങ​ൾ കി​ലോ 2200 രൂ​പ​യി​ലാ​ണ്. വി​ദേ​ശ​ത്ത് പ്രീ​യ​മേ​റി​യ വ​ലി​പ്പം കൂ​ടി​യ ഇ​ന​ങ്ങ​ൾ കി​ലോ 2700 രൂ​പ. ക്രി​സ്മ​സ്-​ന്യൂ ഇ​യ​ർ വേ​ള​യി​ലെ ആ​വ​ശ്യ​ങ്ങ​ൾ​ക്കാ​യി വി​ദേ​ശ​രാ​ജ്യ​ങ്ങ​ൾ ഇ​ന്ത്യ​ൻ ഏ​ല​ത്തി​ലേക്ക് ശ്ര​ദ്ധ​തി​രി​ച്ചു.

ജാ​തി​ക്ക​യി​ൽ നി​രാ​ശ

ഔ​ഷ​ധ-​ക​റി​മ​സാ​ല വ്യ​വ​സാ​യി​ക​ൾ വി​ദേ​ശ ജാ​തി​ക്ക് മു​ൻ​തൂ​ക്കം ന​ൽ​കി​യ​ത് നാ​ട​ൻ ഉ​ത്പ​ന്ന​ത്തി​ന് ഡി​മാ​ന്‍റ് കു​റ​ച്ചു. വി​ല​ക്ക​യ​റ്റം പ്ര​തീ​ക്ഷി​ച്ച് ച​ര​ക്ക് പി​ടി​ച്ച​വ​ർ ജാ​തി​ക്ക വി​റ്റു​മാ​റു​ന്നു​ണ്ട്. മ​ഴ​യു​ടെ വ​ര​വോ​ടെ അ​ന്ത​രീ​ക്ഷ താ​പ​നി​ല കു​റ​ഞ്ഞ​ത് ജാ​തി​ക്ക​യി​ൽ പൂ​പ്പ​ൽ ബാ​ധ​യ്ക്ക് ഇ​ട​യാ​ക്കി​യ​ത് വി​ല​ക്ക​യ​റ്റ​ത്തി​ന് ത​ട​സ​മാ​യി.

ഇ​ന്തോ​നേ​ഷ്യ​യി​ൽ​നി​ന്നും ശ്രീ​ല​ങ്ക​യി​ൽ​നി​ന്നും കു​റ​ഞ്ഞ വി​ല​യ്ക്ക് ച​ര​ക്ക് ല​ഭി​ക്കു​ന്ന​താ​ണ് വ്യ​വ​സാ​യി​ക​ളെ നാ​ട​ൻ ച​ര​ക്കി​ൽ​നി​ന്നും പി​ന്തി​രി​പ്പി​ക്കു​ന്ന​ത്. കാ​ലാ​വ​സ്ഥാ വ്യ​തി​യാ​നം മൂ​ലം മ​ധ്യ​കേ​ര​ള​ത്തി​ലും ഹൈ​റേ​ഞ്ചി​ലെ തോ​ട്ട​ങ്ങ​ളി​ലും കാ​യ മൂ​പ്പ് എ​ത്തും മു​ന്നേ കൊ​ഴി​ഞ്ഞ​ത് ക​ർ​ഷ​ക​ർ​ക്ക് സാ​മ്പ​ത്തി​ക ന​ഷ്ട​ത്തി​നും ഇ​ട​യാ​ക്കി. ഉ​ത്പാ​ദ​നം കു​റ​ഞ്ഞി​ട്ടും വി​ല ഉ​യ​രാ​ത്ത​ത് സ്റ്റോ​ക്കി​സ്റ്റു​ക​ളെ പി​രി​മു​റു​ക്ക​ത്തി​ലാ​ക്കി. ജാ​തി​ക്ക തൊ​ണ്ട​ൻ 190-240, ജാ​തി​പ്പ​രി​പ്പ് 400-440, ജാ​തി​പ​ത്രി 900-1350 രൂ​പ​യി​ലു​മാ​ണ്. വി​ദേ​ശ ഓ​ർ​ഡ​റു​ക​ൾ ല​ഭി​ച്ച ക​യ​റ്റു​മ​തി​ക്കാ​ർ മി​ക​ച്ച​യി​നം ജാ​തി​ക്ക സം​ഭ​രി​ക്കു​ന്നു​ണ്ട്. അ​റ​ബ് രാ​ജ്യ​ങ്ങ​ളാ​ണ് ജാ​തി​ക്ക​യി​ൽ താ​ത്പ​ര്യം കാ​ണി​ച്ച​ത്.

രാ​ജ്യ​ത്ത് ഉ​ത്സ​വ സീ​സ​ണി​ന് തു​ട​ക്കം കു​റി​ച്ച​ത് ത​ക്ക​മാ​ക്കി ഇ​ന്തോ​നേ​ഷ്യ പാം ​ഓ​യി​ൽ വി​ല ഉ​യ​ർ​ത്തി ആ​ദ്യ വെ​ടി മു​ഴ​ക്കി. മു​ന്നി​ലു​ള്ള മൂ​ന്നു മാ​സ​ക്കാ​ല​യ​ള​വി​ൽ വ​ൻ ഓ​ർ​ഡ​റു​ക​ൾ എ​ത്തു​മെ​ന്ന ക​ണ​ക്കു കൂ​ട്ട​ലി​ലാ​യി​രു​ന്നു ജ​ക്കാ​ർ​ത്ത​യി​ലെ ക​യ​റ്റു​മ​തിക്കാ​ർ. ഇ​ന്തോ​നേ​ഷ്യ​യു​ടെ നീ​ക്കം ത​ക​ർ​ക്കാ​ൻ ഇ​റ​ക്കു​മ​തി ഡ്യു​ട്ടി വ​ർ​ധി​പ്പി​ക്കു​ന്ന കാ​ര്യം ആ​ലോ​ചി​ക്കു​മെ​ന്ന വാ​ണി​ജ്യ​മ​ന്ത്രാ​ല​യ​ത്തി​ന്‍റെ മു​ന്ന​റി​യി​പ്പ് ക​യ​റ്റു​മ​തി സ​മൂ​ഹ​ത്തെ സ​മ്മ​ർ​ദ​ത്തി​ലാ​ക്കി.

വി​പ​ണി പി​ടി​ച്ച് വെ​ളി​ച്ചെ​ണ്ണ

വെ​ളി​ച്ചെ​ണ്ണ വി​പ​ണി ചൂ​ടു​പി​ടി​ക്കു​ന്നു. അ​യ​ൽ സം​സ്ഥാ​ന​ത്തു​നി​ന്നും വ​ൻ​തോ​തി​ൽ എ​ണ്ണ കേ​ര​ള​ത്തി​ൽ വി​ൽ​പ്പ​ന​യ്ക്ക് എ​ത്തു​ന്നു​ണ്ട്. ഓ​ണ വി​പ​ണി ചൂ​ഷ​ണം ചെ​യ്യാ​ൻ ത​മി​ഴ്നാ​ട് ലോ​ബി വി​ല ഉ​യ​ർ​ത്തി.

കൊ​ച്ചി​യി​ൽ എ​ണ്ണ 16,500ൽ ​നി​ന്നും 16,800 രൂ​പ​യാ​യി. എ​ന്നാ​ൽ വ്യ​വ​സാ​യി​ക​ൾ കൊ​പ്ര​യ്ക്ക് 100 രൂ​പ മാ​ത്രം ഉ​യ​ർ​ത്തി 10,500 രൂ​പ​യാ​ക്കി. പാം ​ഓ​യി​ൽ ഇ​റ​ക്കു​മ​തി ലോ​ബി ആ​ഭ്യ​ന്ത​ര വി​ല ഉ​യ​ർ​ത്തി, വാ​രാ​ന്ത്യം പാം ​ഓ​യി​ൽ 9700 രൂ​പ​യി​ലാ​ണ്.

ആ​ഭ​ര​ണ വി​പ​ണി​ക​ളി​ൽ സ്വ​ർ​ണ​വി​ല ക​യ​റി ഇ​റ​ങ്ങി. പ​വ​ൻ 53,560 രൂ​പ​യി​ൽ​നി​ന്നും 53,720 ലേ​യ്ക്ക് ക​യ​റി​യെ​ങ്കി​ലും പി​ന്നീ​ട് നി​ര​ക്ക് പ​ഴ​യ നി​ല​വാ​ര​ത്തി​ലേ​ക്ക് താ​ഴ്ന്നു. സ്വ​ർ​ണ വി​ല ഗ്രാ​മി​ന് 6695 രൂ​പ.