മൂന്ന് കാന്പസുകൾ ഇപ്പോൾ സൈം മൂന്ന് കാമ്പസുകളുമായി വേറിട്ടു നിൽക്കുന്നു. 600 വിദ്യാർഥികളാണ് ഈ കാന്പസുകളിൽ പഠിക്കുന്നത്. ബംഗളൂരു കാന്പസിൽ 300 വിദ്യാർഥികളും (പിജിഡിഎമ്മിന് 240, പിജിഡിഎം-ബിഎയ്ക്ക് 60), കൊച്ചി, ചെന്നൈ കാന്പസുകളിൽ 150 വീതം വിദ്യാർഥികളും പഠിക്കുന്നു. ഓരോ വർഷവും ശക്തമായ പ്ലേസ്മെന്റ് റെക്കോർഡോടെയാണു സ്ഥാപനത്തിന്റെ മുന്നേറ്റം. സൈമിന്റെ 4000ത്തോളം വരുന്ന പൂർവവിദ്യാർഥികൾ നിലവിൽ വിവിധ ബിസിനസ് സ്ഥാപനങ്ങളുടെയും വ്യവസായ സംരംഭങ്ങളുടെയും വിവിധ മേഖലകളിൽ മാനേജർ, സംരംഭക പദവികൾ വഹിക്കുന്നു.
സ്കൂൾ വിദ്യാഭ്യാസ മേഖലയിലേക്കും ഈ വർഷം സൈം മറ്റൊരു സമുന്നത നേട്ടംകൂടി കൈവരിച്ചു. കോട്ടയം ഏറ്റുമാനൂരിനടുത്ത് പള്ളിക്കുന്നിൽ സൈം ഇന്റർനാഷണൽ സ്കൂൾ (എക്സ്ഐഎസ്) സ്ഥാപിച്ചുകൊണ്ട് സ്കൂൾ വിദ്യാഭ്യാസരംഗത്തേക്കും സ്ഥാപനം ചുവടുവച്ചുകഴിഞ്ഞു. 2024 ജൂൺ മൂന്നിന് സ്കൂളിൽ പ്രഥമ പ്രീ-പ്രൈമറി, പ്രൈമറി ക്ലാസുകളുടെ ബാച്ച് ആരംഭിച്ചു.
സംരംഭക, മാനേജ്മെന്റ് മേഖലയിൽ കഴിവുറ്റതും ഊർജസ്വലരുമായ യുവതലമുറയെ വാർത്തെടുക്കാനുള്ള പ്രതിബദ്ധതയുമായി മൂന്നു പതിറ്റാണ്ടിലേറെയായി രാഷ്ട്രനിർമാണ പ്രക്രിയയിൽ ഭാഗഭാഗിത്വം വഹിക്കുന്ന സൈമിനു മുന്നിൽ ഇനിയും ലക്ഷ്യങ്ങളേറെയുണ്ട്.
പ്രതിബദ്ധതയും ദീർഘവീക്ഷണവും കഠിനാധ്വാനവുമുണ്ടെങ്കിൽ ചെറിയ തുടക്കങ്ങൾ അസാധാരണമായ നേട്ടങ്ങളിലേക്ക് നയിക്കുമെന്ന് സൈമിന്റെ വിജയഗാഥ ഓർമിപ്പിക്കുന്നു.