ജെം ആന്‍ഡ് ജ്വല്ലറി ഡൊമസ്റ്റിക് കൗണ്‍സില്‍ ദേശീയ സമ്മേളനം ജൂലൈ ഏഴിന് : Deepika.com Business News |

Click here for detailed news of all items

ജെം ആന്‍ഡ് ജ്വല്ലറി ഡൊമസ്റ്റിക് കൗണ്‍സില്‍ ദേശീയ സമ്മേളനം ജൂലൈ ഏഴിന്

Sunday, June 30, 2024 1:08 AM IST

കൊച്ചി: ഇന്ത്യ ജെം ആന്‍ഡ് ജ്വല്ലറി ഡൊമസ്റ്റിക് കൗണ്‍സിലിന്‍റെ നേതൃത്വത്തിലുള്ള ദേശീയ സമ്മേളനം ജൂലൈ ഏഴിന് അങ്കമാലി അഡ്‌ലക്‌സ് ഇന്‍റര്‍നാഷണല്‍ കണ്‍വന്‍ഷന്‍ സെന്‍ററില്‍ നടക്കും.

ഓള്‍ കേരള ഗോള്‍ഡ് ആന്‍ഡ് സില്‍വര്‍ മര്‍ച്ചന്‍റ്സ് അസോസിയേഷന്‍ സംസ്ഥാന കമ്മിറ്റിയുടെ നേതൃത്വത്തില്‍ ആറുമുതൽ എട്ടുവരെ അങ്കമാലി അഡ്‌ലക്‌സ് ഇന്‍റര്‍നാഷണല്‍ കണ്‍വന്‍ഷന്‍ സെന്‍ററില്‍ നടക്കുന്ന കേരള ഇന്‍റര്‍നാഷണല്‍ ജ്വല്ലറി ഫെയറിനോടനുബന്ധിച്ചാണ് ഏഴിന് ദേശീയ സമ്മേളനം.

10,000 ജ്വല്ലറി ഉടമകള്‍ പ്രതിനിധികളായി പങ്കെടുക്കും. കേരളത്തില്‍നിന്ന് 5,000 സ്വര്‍ണവ്യാപാരികളാണു പങ്കെടുക്കുന്നത്. കേന്ദ്ര-സംസ്ഥാന മന്ത്രിമാരും ഉന്നത ഉദ്യോഗസ്ഥരും സ്വര്‍ണവ്യാപാര മേഖലയിലെ പ്രമുഖരും സമ്മേളനത്തിനെത്തും.

ഇന്ത്യന്‍ സ്വര്‍ണാഭരണ വ്യാപാരമേഖലയുടെ ചരിത്രത്തില്‍ ആദ്യമായാണ് ദേശീയ സമ്മേളനം നടക്കുന്നതെന്ന് ഓള്‍ ഇന്ത്യ ജെം ആന്‍ഡ് ജ്വല്ലറി ഡൊമസ്റ്റിക് കൗണ്‍സില്‍ ദേശീയ ഡയറക്ടര്‍ അഡ്വ. എസ്. അബ്ദുല്‍ നാസര്‍ പറഞ്ഞു.

സ്വര്‍ണാഭരണ പ്രദര്‍ശനത്തില്‍ 200 നിർമാതാക്കള്‍ 400 സ്റ്റാളുകളിലായി പുതിയ ഫാഷനുകൾ അവതരിപ്പിക്കും. ഡയമണ്ട് ആഭരണങ്ങളുടെയും മെഷിനറികളുടെയും പ്രത്യേക പവലിയനുമുണ്ടാകും.

ഓള്‍ ഇന്ത്യ ജെം ആന്‍ഡ് ജ്വല്ലറി ഡൊമസ്റ്റിക് കൗണ്‍സില്‍ സോണല്‍ കമ്മിറ്റി അംഗം ബി. പ്രേമാനന്ദ്, യുണൈറ്റഡ് എക്‌സിബിഷന്‍ പ്രോജക്ട് ഹെഡ് വി.കെ. മനോജ്, ഡയറക്ടര്‍ സത്യസായി എന്നിവരും പത്രസമ്മേളനത്തില്‍ പങ്കെടുത്തു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.