മില്‍മ പാൽ ലിറ്ററിന് ഒരു രൂപ അധികം നല്‍കും
Wednesday, March 29, 2023 12:43 AM IST
കൊച്ചി: മില്‍മ എറണാകുളം മേഖലാ യൂണിയന്‍റെ ഹെല്‍പ് ടു ഫാര്‍മേഴ്‌സ് പദ്ധതിയുടെ ഭാഗമായി ക്ഷീര സംഘങ്ങളില്‍നിന്നു സംഭരിക്കുന്ന പാലിന് ലിറ്ററിന് ഒരു രൂപ വീതം അധികം നല്‍കും.
ഈസ്റ്റര്‍, വിഷു, റംസാന്‍ പ്രമാണിച്ച് ഏപ്രില്‍ ഒന്നു മുതല്‍ മേയ് 15 വരെയാണ് ഈ പ്രോത്സാഹനവില നല്‍കുന്നതെന്ന് മേഖലാ യൂണിയന്‍ ചെയര്‍മാന്‍ എം.ടി.ജയന്‍ അറിയിച്ചു.
എറണാകുളം, തൃശൂര്‍, ഇടുക്കി കോട്ടയം ജില്ലകളിലെ ആയിരത്തിലധികം ക്ഷീരസംഘങ്ങളിലെ കർഷകർക്കു പദ്ധതിയുടെ പ്രയോജനം ലഭിക്കും. പദ്ധതിയിലൂടെ പ്രതിദിനം 3.5 ലക്ഷം രൂപ പാല്‍വിലയില്‍ അധികമായി വിതരണം ചെയ്യും. 20 ഓളം കര്‍ഷക സഹായപദ്ധതികളും യൂണിയന്‍ സംഘങ്ങള്‍ വഴി നടപ്പിലാക്കുന്നുണ്ടെന്നും ചെയര്‍മാന്‍ പറഞ്ഞു.