കാതൽമേഖല 38.1 ശതമാനംഇടിഞ്ഞു
Saturday, May 30, 2020 12:14 AM IST
ന്യൂഡൽഹി: ഏപ്രിലിൽ കാതൽമേഖലാ വ്യവസായങ്ങളുടെ ഉത്പാദനം 38.1 ശതമാനം ഇടിഞ്ഞു. കോവിഡ് മൂലം പ്രഖ്യാപിച്ച സന്പൂർണ ലോക്ക് ഡൗണിലായിരുന്നു ഏപ്രിൽ. മാർച്ചിൽ 6.5 ശതമാനമായിരുന്നു ഇടിവ്. ഇത്രവലിയ തകർച്ച മുന്പുണ്ടായിട്ടില്ല.
പ്രധാന വ്യവസായങ്ങളിലെ ഇടിവ് ശതമാനത്തിൽ. ബ്രാക്കറ്റിൽ മാർച്ചിലെ ഇടിവ്. സ്റ്റീൽ 83.9(24.1), സിമന്റ് 86(25.1), ക്രൂഡ് ഓയിൽ 6.4(5.5), റിഫൈനറി ഉത്പന്നങ്ങൾ 24.2(0.5), വൈദ്യുതി 22.8(8.2), പ്രകൃതിവാതകം 19.9(15.1), രാസവളം 4.5(11.9), കൽക്കരി 15.5(4).