യുനെസ്കോ വിടുകയാണെന്ന് അമേരിക്ക
Wednesday, July 23, 2025 1:14 AM IST
യുണൈറ്റഡ് നേഷൻസ്: ഐക്യരാഷ്‌ട്ര സഭയുടെ കൾച്ചറൽ ഏജൻസി യുനെസ്കോയിൽനിന്നു പിന്മാറുകയാണെന്ന് ട്രംപ് ഭരണകൂടം പ്രഖ്യാപിച്ചു.
രണ്ടു വർഷം മുന്പാണ് അമേരിക്ക യുനെസ്കോയിൽ വീണ്ടും ചേർന്നത്. ട്രംപ് ആദ്യം പ്രസിഡന്‍റായ 2018 കാലത്ത് അമേരിക്ക യുനെസ്കോയിൽനിന്നു പിന്മാറിയിരുന്നു.
അഞ്ചു വർഷത്തിനുശേഷം 2023ൽ ജോ ബൈഡന്‍റെ കാലത്താണ് വീണ്ടും യുനെസ്കോയുമായി സഹകരിച്ചുതുടങ്ങിയത്. ഇസ്രയേൽവിരുദ്ധ നിലപാടാണ് യുനെസ്കോയുടേത് എന്നാണ് അമേരിക്കയുടെ ആരോപണം. യുനെസ്കോയുടെ വാർഷിക ബജറ്റിന്‍റെ 22 ശതമാനം അമേരിക്കയാണു നല്കിയിരുന്നത്. അമേരിക്ക വിട്ടുപോയ സമയത്ത് യുനെസ്കോ സാന്പത്തികഞെരുക്കത്തിലായിരുന്നു.