ജെ​യ്സ​ൺ കി​ഴ​ക്ക​യി​ൽ

ഡ​ബ്ലി​ൻ: അ​യ​ർ​ല​ൻ​ഡി​ൽ​നി​ന്നു കൊ​ച്ചി​യി​ലേ​ക്ക് നേ​രി​ട്ടു​ള്ള വി​മാ​ന​സ​ർ​വീ​സി​ന് ക​ള​മൊ​രു​ങ്ങു​ന്നു. അ​യ​ർ​ല​ൻ​ഡ് ത​ല​സ്ഥാ​ന​മാ​യ ഡ​ബ്ലി​നി​ൽ​നി​ന്നു നെ​ടു​മ്പാ​ശേ​രി​യി​ലേ​ക്ക് നേ​രി​ട്ടു​ള്ള പു​തി​യ സ​ർ​വീ​സി​നു​ള്ള ച​ർ​ച്ച​ക​ളാ​ണ് പു​രോ​ഗ​മി​ക്കു​ന്ന​ത്.

അ​യ​ർ​ല​ൻഡിലെ ആ​ദ്യ മ​ല​യാ​ളി മേ​യ​ർ ബേ​ബി പെ​രേ​പ്പാ​ട​നാ​ണ് ഈ ​നീ​ക്ക​ത്തി​നു പി​ന്നി​ൽ. അ​യ​ർ​ല​ൻഡിലെ അ​ര​ല​ക്ഷ​ത്തി​ലേ​റെ മ​ല​യാ​ളി​ക​ളു​ടെ ചി​ര​കാ​ല​സ്വ​പ്ന​മാ​ണ് നേ​രി​ട്ടു​ള്ള വി​മാ​ന​സ​ർ​വീ​സെ​ന്ന് ഭ​ര​ണ​ക​ക്ഷി​യാ​യ ഫി​ന​ഗേ​ൽ പാ​ർ​ട്ടി നേ​താ​വു​കൂ​ടി​യാ​യ മേ​യ​ർ ചൂ​ണ്ടി​ക്കാ​ട്ടി.

ഇ​തു​സം​ബ​ന്ധി​ച്ച് ബേ​ബി പെ​രേ​പ്പാ​ട​ൻ സി​യാ​ൽ എം​ഡി എ​സ്. സു​ഹാ​സു​മാ​യും അ​യ​ർ​ല​ൻ​ഡ് എ​യ​ർപോ​ർ​ട്ട് അ​ഥോ​റി​റ്റി ഏ​വി​യേ​ഷ​ൻ ബി​സി​ന​സ് ഡെ​വ​ല​പ്മെ​ന്‍റ് വൈ​സ് പ്ര​സി​ഡ​ന്‍റ് ഓ​വി​ൻ മി​ക്ഗ്ലോ​ക്ലി​നു​മാ​യും ച​ർ​ച്ച​ക​ൾ ന​ട​ത്തി.

എ​യ​ർ ഇ​ന്ത്യ, ഐ​റി​ഷ് വി​മാ​ന ക​മ്പ​നി​യാ​യ എ​യ​ർ​ലിം​ഗ​സ് എ​ന്നി​വ​രു​മാ​യും ച​ർ​ച്ച​ക​ൾ ന​ട​ത്തി​വ​രി​ക​യാ​ണെ​ന്ന് ബേ​ബി പെ​രേ​പ്പാ​ട​ൻ പ​റ​ഞ്ഞു. ഇ​ന്ത്യ​യി​ലെ ഐ​റി​ഷ് അം​ബാ​സഡ​ർ കെ​വി​ൻ കെ​ല്ലി നേ​രി​ട്ടു​ള്ള വി​മാ​ന സ​ർ​വീ​സു​മാ​യി ബ​ന്ധ​പ്പെ​ട്ട ശി​പാ​ർ​ശ ഡ​ബ്ലി​ൻ എ​യ​ർ​പോ​ർ​ട്ട് അ​ഥോ​റി​റ്റി​ക്കു കൈ​മാ​റി​യി​ട്ടു​ണ്ട്.


കൊ​ച്ചി​യി​ൽ​നി​ന്നു മാ​ത്രം ശ​രാ​ശ​രി പ്ര​തി​ദി​നം 118 പേ​ർ ഡ​ബ്ലി​നി​ലേ​ക്ക് യാ​ത്ര ചെ​യ്യു​ന്നു​ണ്ട്. അ​യ​ർ​ല​ൻഡിൽ​നി​ന്നു നി​ത്യേ​ന ശ​രാ​ശ​രി 250ലേ​റെ​പ്പേ​രാ​ണ് കേ​ര​ള​ത്തി​ലെ​ത്താ​ൻ വി​വി​ധ വി​മാ​ന​ത്താ​വ​ള​ങ്ങ​ൾ വ​ഴി ഭീ​മ​മാ​യ നി​ര​ക്ക് ന​ൽ​കി യാ​ത്ര ചെ​യ്യു​ന്നത്.

14 മു​ത​ൽ 18 മ​ണി​ക്കൂ​ർ വ​രെ​യാ​ണ് ഇ​പ്പോ​ൾ യാ​ത്രാ​സ​മ​യം. നേ​രി​ട്ടു​ള്ള സ​ർ​വീ​സ് വ​ന്നാ​ൽ ഒ​മ്പ​തു മു​ത​ൽ 10 മ​ണി​ക്കൂ​ർ​കൊ​ണ്ട് കേ​ര​ള​ത്തി​ലെ​ത്താ​നാ​വും. നി​ര​ക്കി​ലും കു​റ​വു​ണ്ടാ​കും.​തു​ട​ക്ക​ത്തി​ൽ ആ​ഴ്ച​യി​ൽ മൂ​ന്ന്‌ സ​ർ​വീ​സ് എ​ന്ന നി​ർ​ദേ​ശ​മാ​ണ് മു​ന്നോ​ട്ടു വ​ച്ചി​ട്ടു​ള്ള​തെ​ന്നും അ​ദ്ദേ​ഹം പ​റ​ഞ്ഞു.