ന്യൂ​ഡ​ൽ​ഹി: സാ​ങ്കേ​തി​ക സ​ർ​വ​ക​ലാ​ശാ​ല​യി​ലും ഡി​ജി​റ്റ​ൽ സ​ർ​വ​ക​ലാ​ശാ​ല​ക​ളി​ലും സ്ഥി​രം വൈ​സ് ചാ​ൻ​സ​ല​ർ​മാ​രെ തെ​ര​ഞ്ഞെ​ടു​ക്കു​ന്ന​തി​നു​ള്ള സെ​ർ​ച്ച് ക​മ്മി​റ്റി അ​ധ്യ​ക്ഷ​നാ​യി വി​ര​മി​ച്ച സു​പ്രീം​കോ​ട​തി ജ​സ്റ്റീ​സ് സു​ധാ​ൻ​ശു ധൂ​ലി​യ​യെ നി​യ​മി​ച്ചു​കൊ​ണ്ട് സു​പ്രീം​കോ​ട​തി ഉ​ത്ത​ര​വി​ട്ടു.

ഗ​വ​ർ​ണ​റും സം​സ്ഥാ​ന സ​ർ​ക്കാ​രും സ​മ​ർ​പ്പി​ച്ച പ​ട്ടി​ക​യി​ൽ​നി​ന്നു ക​മ്മി​റ്റി​യി​ലേ​ക്ക് ര​ണ്ടു​പേ​രെ വീ​തം അ​ധ്യ​ക്ഷ​ന് തീ​രു​മാ​നി​ക്കാം. ര​ണ്ട് സ​ർ​വ​ക​ലാ​ശാ​ല​ക​ൾ​ക്കും വേ​ണ്ടി പ്ര​ത്യേ​ക സെ​ർ​ച്ച് ക​മ്മി​റ്റി വേ​ണ​മോ എ​ന്ന​ത് ചെ​യ​ർ​പേ​ഴ്സ​ന്‍റെ വി​വേ​ച​നാ​ധി​കാ​ര​ത്തി​ൽ​പ്പെ​ട്ട​താ​ണ്.

ര​ണ്ടാ​ഴ്ച​യ്ക്ക​കം ക​മ്മി​റ്റി​ക​ൾ രൂ​പീ​ക​രി​ക്ക​ണ​മെ​ന്നും ജ​സ്റ്റീ​സു​മാ​രാ​യ ജെ.​ബി. പ​ർ​ദി​വാ​ല, കെ.​വി. വി​ശ്വ​നാ​ഥ​ൻ എ​ന്നി​വ​രു​ടെ ബെ​ഞ്ച് നി​ർ​ദേ​ശി​ച്ചു. ഒ​രു സി​റ്റിം​ഗി​ന് മൂ​ന്ന് ല​ക്ഷം രൂ​പ​യാ​ണ് അ​ധ്യ​ക്ഷ​ന്‍റെ പ്ര​തി​ഫ​ലം.


വി​സി നി​യ​മ​ന​ത്തി​നാ​യി സം​സ്ഥാ​ന സ​ർ​ക്കാ​ർ യോ​ഗ്യ​ത​ക​ൾ ഉ​ൾ​പ്പെ​ടു​ത്തി​യ പ​ത്രപ​ര​സ്യം ന​ൽ​ക​ണം. അ​ത് പ​രി​ശോ​ധി​ച്ച് വി​സി നി​യ​മ​ന​ത്തി​നു​ള്ള ന​ട​പ​ടി സെ​ർ​ച്ച് ക​മ്മിറ്റി ചെ​യ്യ​ണം. തു​ട​ർ​ന്ന് വി​സി സ്ഥാ​ന​ത്തേ​ക്ക് മൂ​ന്ന് പേ​രു​ൾ​പ്പെ​ടു​ന്ന പാ​ന​ലി​നെ നി​ർ​ദേ​ശി​ക്കാം. ഈ ​പാ​ന​ലി​ൽ​നി​ന്ന് മു​ൻ​ഗ​ണ​നാ ക്ര​മ​ത്തി​ൽ സം​സ്ഥാ​ന മു​ഖ്യ​മ​ന്ത്രി നി​ർ​ദേ​ശി​ക്കു​ന്ന പേ​രു​കൂ​ടി ക​ണ​ക്കി​ലെ​ടു​ത്ത് വൈ​സ് ചാ​ൻ​സ​ല​റെ ഗ​വ​ർ​ണ​ർ​ക്ക് നി​യ​മി​ക്കാം.

പേ​രു​ക​ളു​ടെ കാ​ര്യ​ത്തി​ൽ ര​മ്യ​ത​യി​ലെ​ത്തി​യി​ല്ലെ​ങ്കി​ൽ കോ​ട​തി​യെ അ​റി​യി​ക്കാ​മെ​ന്നും ബെ​ഞ്ച് വ്യ​ക്ത​മാ​ക്കി. വി​ഷ​യ​ത്തി​ൽ ഇ​രു​കൂ​ട്ട​രും സ​മ​വാ​യ​ത്തി​ലെ​ത്താ​ത്ത സാ​ഹ​ച​ര്യ​ത്തി​ലാ​യി​രു​ന്നു കോ​ട​തി ന​ട​പ​ടി.