ബിഹാറിൽ അഞ്ചു മണ്ഡലങ്ങൾ ഇന്നു ബൂത്തിലേക്ക് ബിഹാറിൽ മുസാഫർപുർ, മധുബനി, സീതാമർഹി, സാരൺ, ഹാജിപുർ മണ്ഡലങ്ങളിൽ ഇന്നു വോട്ടെടുപ്പ് നടക്കും. 2019ൽ എൻഡിഎ വിജയിച്ച മണ്ഡലങ്ങളാണിവ. സാരണിൽ ലാലു പ്രസാദ് യാദവിന്‍റെ മകൾ രോഹിണി ആചാര്യയും ബിജെപിയിലെ രാജീവ് പ്രതാപ് റൂഡിയും മത്സരിക്കുന്നു. മുസാഫർപുരിൽ ബിജെപിയുടെ സിറ്റിംഗ് എംപി അജയ് നിഷാദ് കോൺഗ്രസ് ടിക്കറ്റിൽ മത്സരിക്കുന്നു.
തെക്കൻ ബംഗാളിലെ ഏഴു മണ്ഡലങ്ങളിൽ ഇന്നു വോട്ടെടുപ്പ് തെക്കൻ ബംഗാളിലെ ഹൗറ, ഹൂഗ്ലി, സെറാംപുർ, ബാരക്പുർ, ബൻഗാവ്, ഉലുബെറിയ, ആരംബാഗ് എന്നീ മണ്ഡലങ്ങളിൽ ഇന്നു വോട്ടെടുപ്പ് നടക്കും. തൃണമൂൽ കോൺഗ്രസും ബിജെപിയും തമ്മിൽ ഇഞ്ചോട‌ിഞ്ചു പോരാട്ടമാണ് അരങ്ങേറുന്നത്.
ഒഡീഷയിൽ അഞ്ചു ലോക്സഭാ മണ്ഡലങ്ങളിലും 35 നിയമസഭാ മണ്ഡലങ്ങളിലും വോട്ടെടുപ്പ് ഒഡീഷയിലെ അസ്ക, കാന്ധമഹൽ, ബാർഗഡ്, ബോലംഗീർ, സുന്ദർഗഡ് ലോക്സഭാ മണ്ഡലങ്ങളിൽ ഇന്നു വോട്ടെടുപ്പ് നടക്കും. ഇതു കൂടാതെ 35 നിയമസഭാ മണ്ഡലങ്ങളും ഇന്നു വിധിയെഴുതും. മുഖ്യമന്ത്രി നവീൻ പട്നായിക് മത്സരിക്കുന്ന ഹിൻജിലി, കാന്താബഞ്ചി നിയമസഭാ മണ്ഡലങ്ങളിലും ഇന്നാണു വോട്ടെടുപ്പ്. അസ്ക ലോക്സഭാ മണ്ഡലത്തിലാണ് ഹിൻജിലി. ബോലംഗീർ ലോക്സഭാ മണ്ഡലത്തിന്‍റെ ഭാഗമാണ് കാന്താബഞ്ചി.
ജാർഖണ്ഡിൽ ഛത്ര, കൊദേർമ, ഹസാരിബാഗ് മണ്ഡലങ്ങളിലാണ് ഇന്നു വോട്ടെടുപ്പ് നടക്കുക. ഇതുകൂടാകെ ഗാണ്ഡെ നിയമസഭാ മണ്ഡലത്തിൽ ഉപതെരഞ്ഞെടുപ്പും നടക്കും. ജയിലിലായ മുൻ മുഖ്യമന്ത്രി ഹേമന്ത് സോറിന്‍റെ ഭാര്യ കല്പന സോറനാണ് ഗാണ്ഡെയിലെ ജെഎംഎം സ്ഥാനാർഥി. ജമ്മു കാഷ്മീരിലെ ഒരു മണ്ഡലത്തിലും ലഡാക്കിലും ഇന്നാണു വോട്ടെടുപ്പ്.