ഇ-ഓഫീസ് സംവിധാനത്തിന്റെ നിർവഹണച്ചുമതല എൻഐസിക്കാണ്. സെർവറിന്റെ തകരാർ പരിഹരിക്കേണ്ടത് എൻഐസിയുടെ ഉത്തരവാദിത്വമാണെന്നാണു സർക്കാർ നിലപാട്. സെക്രട്ടേറിയറ്റിലെ 44 വകുപ്പുകളിലായി 15,000-ത്തോളം ഫയലുകളാണ് ഒരു ദിവസം പല ഉദ്യോഗസ്ഥ തട്ടുകളിലായി പരിശോധിക്കുന്നത്. ഇവയെല്ലാം കഴിഞ്ഞ രണ്ടു ദിവസമായി മുടങ്ങിക്കിടക്കുകയാണ്.
ഇ-ഫയലിംഗ് സംവിധാനം തകരാറിലായതോടെ സെക്രട്ടേറിയറ്റ് ജീവനക്കാർ അവധി മൂഡിലായി. 99.9 ശതമാനം ഫയലുകളും ഇ- ഫയലായാണ് ഓഫീസുകളിൽ എത്തുന്നത്.
സെക്രട്ടേറിയറ്റിനെയും വിവിധ ഡയറക്ടറേറ്റുകളെയും തമ്മിൽ ബന്ധിപ്പിക്കുന്നതും കളക്ടറേറ്റുകളിൽനിന്നു സെക്രട്ടേറിയറ്റിൽ എത്തേണ്ടതുമായ ഫയലുകളും ഇ-ഓഫീസ് സംവിധാനത്തിലൂടെയാണു പരിഹരിക്കേണ്ടത്. ഇതോടെ ഇത്തരം ഫയലുകളുടെ നീക്കവും സ്തംഭനത്തിലായി.