ക​ടു​വാഭീ​ഷ​ണി​യി​ൽ ളാ​ഹ എ​സ്റ്റേ​റ്റ്
Saturday, June 29, 2024 4:11 AM IST
പെ​രു​നാ​ട്: ക​ടു​വ​യു​ടെ സാ​ന്നി​ധ്യം തി​രി​ച്ച​റി​ഞ്ഞ​തോ​ടെ ഭീ​തി​യി​ലാ​ണ് ളാ​ഹ എ​സ്റ്റേ​റ്റ്. എ​സ്റ്റേ​റ്റി​നോ​ടു ചേ​ർ​ന്ന പെ​രു​മ​ൺ കോ​ള​നി നി​വാ​സി​ക​ളാ​ണ് ഏ​റെ ആ​ശ​ങ്ക​യി​ലാ​യ​ത്. അ​ഞ്ച് കു​ടും​ബ​ങ്ങ​ളി​ലാ​യി 20 ആ​ളു​ക​ളാ​ണ് ല​യ​ത്തി​ലു​ള്ള​ത്. ഇ​വ​രു​ടെ ക​ൺ​മു​ന്പി​ലാ​ണ് ക​ഴി​ഞ്ഞ​ദി​വ​സം രാ​ത്രി ക​ടു​വ എ​ത്തി​യ​ത്.

പ​ശു​ക്കു​ട്ടി​യെ കൊ​ന്ന ക​ടു​വ അ​തി​നെ എ​ടു​ത്തു​കൊ​ണ്ടു​പോ​കു​ക​യും ചെ​യ്തു. വ്യാ​ഴാ​ഴ്ച പു​ല​ർ​ച്ചെ എ​സ്റ്റേ​റ്റി​ലെ ടാ​പ്പിം​ഗ് തൊ​ഴി​ലാ​ളി ശോ​ഭ​ന പു​തു​ക്ക​ട ഭാ​ഗ​ത്ത് ക​ടു​വ​യെ നേ​രി​ൽ ക​ണ്ട​തോ​ടെ ഭീ​തി ഇ​ര​ട്ടി​ച്ചു.

ക​ടു​വ​യെ നി​രീ​ക്ഷി​ക്കാ​നാ​യി വ​നം​വ​കു​പ്പ് കാ​മ​റ സ്ഥാ​പി​ച്ചെ​ങ്കി​ലും ഇ​തി​ൽ ഒ​ന്നും പ​തി​ഞ്ഞി​ട്ടി​ല്ല. കാ​ൽ​പാ​ദ​ങ്ങ​ളു​ടെ അ​ട​യാ​ള​ങ്ങ​ളും ല​ഭി​ക്കാ​ത്ത​തി​നാ​ൽ സ്ഥി​രീ​ക​ര​ണം ന​ൽ​കാ​നാ​കു​ന്നി​ല്ലെ​ന്നാ​ണ് വ​ന​പാ​ല​ക​ർ പ​റ​യു​ന്ന​ത്. എ​ന്നാ​ൽ പ്ര​ദേ​ശ​വാ​സി​ക​ളു​ടെ ഭീ​തി വ​ർ​ധി​ച്ചി​രി​ക്കു​ക​യാ​ണ്. കൂ​ട് സ്ഥാ​പി​ച്ച് ക​ടു​വ​യെ പി​ടി​കൂ​ട​ണ​മെ​ന്നാ​വ​ശ്യ​മാ​ണ് പ്ര​ദേ​ശ​വാ​സി​ക​ൾ​ക്കു​ള്ള​ത്.

ളാ​ഹ എ​സ്റ്റേ​റ്റി​ൽ നി​ര​വ​ധി ടാ​പ്പിം​ഗ് തൊ​ഴി​ലാ​ളി​ക​ളാ​ണ് രാ​വി​ലെ ജോ​ലി​ക്കെ​ത്തു​ന്ന​ത്. പു​ല​ർ​ച്ചെ​യാ​ണ് ഇ​വ​രെ​ല്ലാ​വ​രും എ​ത്തു​ന്ന​ത്. സ്ത്രീ​ക​ള​ട​ക്കം ജോ​ലി​യെ​ടു​ക്കു​ന്ന സ്ഥ​ല​മാ​ണി​ത്. ശ​ബ​രി​മ​ല പാ​ത​യോ​ടു ചേ​ർ​ന്ന പ്ര​ദേ​ശം കൂ​ടി​യാ​ണ്. സ​മീ​പ പ്ര​ദേ​ശ​ങ്ങ​ളെ​ല്ലാം ജ​ന​വാ​സ മേ​ഖ​ല​ക​ളു​മാ​ണ്.

കോ​ള​നി​യോ​ടു ചേ​ർ​ന്ന പ്ര​ദേ​ശ​ത്ത് പ​ശു​ക്ക​ളെ മേ​യാ​ൻ വി​ടു​ന്നു​ണ്ട്. ഇ​വ​യെ പി​ടി​കൂ​ടാ​നാ​യി പ്ര​ദേ​ശ​ത്തു ക​ടു​വ ത​ങ്ങാ​നു​ള്ള സാ​ധ്യ​ത​യും ഉ​ള്ള​താ​യി പ​റ​യു​ന്നു. എ​സ്റ്റേ​റ്റി​നോ​ടു ചേ​ർ​ന്ന പ്ര​ദേ​ശ​ങ്ങ​ൾ കാ​ടു​പി​ടി​ച്ചു കി​ട​ക്കു​ക​യു​മാ​ണ്.

കാ​ട് തെ​ളി​ക്കാ​നു​ള്ള നി​ർ​ദേ​ശം വ​ന​പാ​ല​ക​രും പ​ഞ്ചാ​യ​ത്തും ന​ൽ​കി​യി​ട്ടു​ണ്ട്.

Copyright @ 2022 , Rashtra Deepika Ltd.