വിനോദ് നായര്‍ പോര്‍ട്ട്‌ലാന്‍ഡില്‍ അന്തരിച്ചു
മൊയ്തീന്‍ പുത്തന്‍‌ചിറ
Friday, November 22, 2024 11:37 AM IST
ആല്‍ബനി (ന്യൂയോര്‍ക്ക്): നിസ്ക്കയൂനയില്‍ താമസക്കാരായ പരേതനായ കൃഷ്ണന്‍ നായരുടേയും ശാന്തമ്മ നായരുടേയും മകന്‍ വിനോദ് നായര്‍(വിനി 41) പോര്‍ട്ട്‌ലാന്‍ഡില്‍ (ഒറിഗോണ്‍) അന്തരിച്ചു.
ജോലി സംബന്ധമായി പോർട്ട്‌ലാന്‍ഡിലായിരുന്നു താമസം. 2001ൽ സ്കെനക്റ്റഡി ഹൈസ്‌കൂളിൽ നിന്ന് ബിരുദം നേടിയ വിനോദ് 2005ൽ റെൻസെലേർ പോളിടെക്നിക് ഇൻസ്റ്റിറ്റ്യൂട്ടില്‍ നിന്ന് ബിസിനസ് ആൻഡ് മാനേജ്‌മെന്‍റിൽ ബിഎസ് കരസ്ഥമാക്കി.
പിന്നീട് എൻവെെയു സ്റ്റേണിൽ നിന്ന് ധനകാര്യത്തിൽ എംബിഎയും കരസ്ഥമാക്കി. നെസ്‌ലെ വാട്ടേഴ്‌സ്, ആമസോൺ, നെെക്ക് മുതലായ പ്രശസ്ത സ്ഥാപനങ്ങളില്‍ ജോലി ചെയ്തിട്ടുണ്ട്.
പിതാവ് പരേതനായ കൃഷ്ണന്‍ നായര്‍ പത്തനം‌തിട്ട കുമ്പഴ സ്വദേശിയും മാതാവ് ശാന്തമ്മ നായര്‍ പത്തനം‌തിട്ട പറക്കോട് സ്വദേശിനിയുമാണ്. ദീര്‍ഘനാളായി ആല്‍ബനിയുടെ അടുത്ത പ്രദേശമായ നിസ്ക്കയൂനയില്‍ സ്ഥിരതാമസക്കാരാണ്. സഹോദരി: ലീന നായര്‍. സഹോദരീ ഭര്‍ത്താവ്: കെന്‍ ജോണ്‍സ്
പൊതുദര്‍ശനം വെള്ളിയാഴ്ച (നവംബര്‍ 22) വൈകുന്നേരം നാലു മുതല്‍ എട്ടു വരെ ന്യൂ കോമര്‍ ക്രിമേഷന്‍സ് & ഫ്യൂണറല്‍ ഹോമില്‍ (New Comer Cremations & Funerals, 181 Troy-Schenectady Road, Watervliet, NY 12189).
അന്ത്യകര്‍മങ്ങളും സംസ്കാരവും ശനിയാഴ്ച രാവിലെ ഒന്പത് മുതല്‍ 12 വരെ ന്യൂ കോമര്‍ ക്രിമേഷന്‍സ് & ഫ്യൂണറല്‍ ഹോമില്‍ (New Comer Cremations & Funerals, 181 Troy-Schenectady Road, Watervliet, NY 12189).