റിയാദ്: നാല് പേർ കൂടി കൊവിഡ് 19 വൈറസ് ബാധയേറ്റ് ഇന്നലെ മരണപ്പെട്ടതോടെ സൗദി അറേബ്യയിൽ ഇതുവരെ 25 പേരുടെ മരണം സ്ഥിരീകരിച്ചതായി ആരോഗ്യ മന്ത്രാലയ വക്താവ് ഡോ. മൗഹമ്മെദ് അൽ അബ്ദുൽ ആലി വാർത്താ സമ്മേളനത്തിൽ അറിയിച്ചു. പുതുതായി 154 പേർക്ക് കൂടി രോഗം സ്ഥിരീകരിച്ചു. ഇതുവരെ രാജ്യത്ത് കൊറോണ ബാധിതരുടെ എണ്ണം 2039 ആയി. വിദേശത്തു നിന്നെത്തിയ മൂന്നുപേരാണ് പുതിയ ലിസ്റ്റിലുള്ളത്.
മദീന (34), ജിദ്ദ (30), മക്ക (21), തബൂക് (17), റിയാദ് (13), ബുറൈദ (09), ഖത്തീഫ് (06), ഹൊഫൂഫ് (04), ഖോബാർ (03), അൽറാസ് (03), നജ്റാൻ (03), മഹായിൽ, ദഹ്റാൻ, ഖഫ്ജി എന്നിവിടങ്ങളിൽ രണ്ടു വീതം, ദമ്മാം, ഖമീസ്, രാസ്തനൂറാ, വജിഹ്, ളിബാ എന്നിവിടങ്ങളിൽ ഓരോന്ന് വീതവുമാണ് പ്രവിശ്യ തിരിച്ചുള്ള രോഗബാധയുടെ കണക്ക്. 23 പേർ കൂടെ സുഖം പ്രാപിച്ചതോടെ മൊത്തം 351 പേർ രാജ്യത്ത് രോഗമുക്തി നേടി.
റിപ്പോർട്ട്: ഷക്കീബ് കൊളക്കാടൻ