വടക്കഞ്ചേരി: പന്നിയങ്കര ടോൾപ്ലാസയിൽ പ്രദേശവാസികൾക്കും സ്കൂൾ വാഹനങ്ങൾക്കും ഏർപ്പെടുത്തിയിരുന്ന സൗജന്യ യാത്രാപ്രവേശനം നാളെമുതൽ നിർത്തലാക്കുന്നതിനെതിരേ കേരള കോൺഗ്രസ്- എം പ്രവർത്തകർ ടോൾപ്ലാസയിലേക്ക് മാർച്ച് നടത്തി.
ടോൾപ്ലാസക്കു മുന്നിൽ മാർച്ച് പോലീസ് തടഞ്ഞു. തുടർന്ന് ടോൾപ്ലാസയിൽ നടത്തിയ ധർണ കേരള കോൺഗ്രസ്- എം ജില്ലാ പ്രസിഡന്‍റ് അഡ്വ. കെ. കുശലകുമാർ ഉദ്ഘാടനം ചെയ്തു.
നിയോജക മണ്ഡലം പ്രസിഡന്‍റ് സണ്ണി നടയത്ത് അധ്യക്ഷത വഹിച്ചു. ടോൾ പിരിക്കാനുള്ള തീരുമാനം പുനപരിശോധിക്കണമെന്നും ജനങ്ങളെ വെല്ലുവിളിച്ച് ടോൾ പിരിച്ചാൽ ശക്തമായ സമരം സംഘടിപ്പിക്കുമെന്നും പ്രമേയം അവതരിപ്പിച്ച് ജില്ലാ സെക്രട്ടറി തോമസ് ജോൺ കാരുവള്ളി പറഞ്ഞു. ആവശ്യങ്ങളടങ്ങിയ നിവേദനം ടോൾകമ്പനി അധികൃതർക്കു നൽകി. ജില്ലാ സെക്രട്ടറിമാരായ ജോസ് വടക്കേക്കര, ബേബി നെല്ലിക്കുഴി, തുടങ്ങിയവർ പ്രസംഗിച്ചു.
സംസ്ഥാന സ്റ്റിയറിംഗ് കമ്മിറ്റി മെംബർ എ. ശശിധരൻ, സംസ്ഥാന കമ്മിറ്റി മെംബർമാരായ ജോസഫ് മറ്റത്തിൽ, ബിജു പുലിക്കുന്നേൽ, പി. കെ. കൃഷ്ണൻ, കൃഷ്ണ മോഹൻ, സാജൻ, ജില്ലാ വൈസ് പ്രസിഡന്‍റ് അഡ്വ. ടൈറ്റസ് ജോസഫ്, പ്രേമ കൃഷ്ണകുമാർ, എ. ഇബ്രാഹിം, ജെയിംസ് പടമാടൻ, ടെന്നി തുറുവേലിൽ, റെജി പൊടിമറ്റത്തിൽ, സീൻ ചെറുനിലം,സയോ, സുനിൽ ദാസ്, രാധാകൃഷ്ണൻ, ജോയ് കുന്നത്തേടത്ത്, വിൽസൺ കണ്ണാടൻ, ജോഷ്വാ രാജു, ജോൺ മണക്കളം, ജോസ് പട്ടിക്കാട്, ജോസ് മുതുകാട്ടിൽ തുടങ്ങിയവർ നേതൃത്വം നൽകി. മഴയെ അവഗണിച്ചും നിരവധി പ്രവർത്തകർ ടോൾകൊള്ളക്കെതിരേ പ്രതിഷേധിക്കാനെത്തിയിരുന്നു.