കൊ​തു​കു​വ​ള​ർ​ത്ത​ൽ കേ​ന്ദ്രമായി കു​ട്ടി​ക​ളു​ടെയും സ്ത്രീ​ക​ളു​ടെയും ആ​ശു​പ​ത്രിയുടെ മുൻവശം
Sunday, June 30, 2024 7:14 AM IST
പാ​ല​ക്കാ​ട്: ചെ​ളി​വെ​ള്ള​വും ഓ​ട​യി​ൽനി​ന്നു​ള്ള മ​ലി​ന​ജ​ല​വും റോ​ഡി​ലെ കു​ഴി​യി​ൽ കെ​ട്ടിനി​ന്ന് കൊ​തു​കു​ശ​ല്യം വ​ർ​ധിക്കു​ന്ന​താ​യി പ​രാ​തി. ജി​ല്ലാ​ശു​പ​ത്രി​യു​ടെ പിറ​കി​ലു​ള്ള സ്ത്രീ​ക​ളു​ടെയും കു​ട്ടി​ക​ളു​ടെ​യും ആ​ശു​പ​ത്രി​ക്കു​ മുന്നി​ലാ​ണ് ഈ ​വെ​ള്ള​ക്കെ​ട്ട്.

ജി​ല്ലാ​ശു​പ​ത്രി​ക്കു പു​റ​കി​ൽ നി​ർ​മാ​ണ​പ്ര​വ​ർ​ത്ത​ന​ങ്ങ​ൾ ന​ട​ക്കു​ന്ന​തി​നാ​ൽ ജെ​സി​ബി​യും ടി​പ്പ​റും ക​ട​ന്ന് പോ​യി​ക്കൊ​ണ്ടി​രി​ക്കു​ന്ന​തി​നാ​ൽ ഓ​ട​ക്കു മു​ക​ളി​ലെ സ്ലാ​ബു​ക​ൾ ത​ക​ർ​ന്ന് ഓ​ട​യി​ൽ കി​ട​ക്കു​ന്ന​തി​നാ​ൽ മ​ലി​ന​ജ​ലം ഓ​ട​യി​ൽനി​ന്നും റോ​ഡി​ലേ​ക്കാ​ണ് ഒ​ഴു​കു​ന്ന​ത്. ചി​ല​പ്പോ​ൾ ക​ക്കൂ​സ് മാ​ലി​ന്യ​മ​ട​ക്കം ഓ​ട​യി​ൽ കി​ട​ക്കു​ന്ന​തു കാ​ണാ​മെ​ന്ന് ഈ ​വ​ഴി​യി​ലൂ​ടെ പോ​കു​ന്ന സ്ഥി​രം യാ​ത്ര​ക്കാ​ർ പ​റ​യു​ന്നു.

പ്ര​സ​വി​ച്ചു കി​ട​ക്കു​ന്ന യു​വ​തി​ക​ളെ​യും കു​ഞ്ഞി​നെയും കൊ​തു​കു​ക​ൾ പ​ട്ടാ​പ്പ​ക​ൽ പോ​ലും ആ​ക്ര​മി​ക്കു​ക​യാ​ണെ​ന്ന് പ​റ​യു​ന്നു. ജില്ലാ ആശുപത്രിയിലെ ആ​ശു​പ​ത്രി​യി​ലെ മ​ലി​നജ​ലം പു​റ​ത്തേ​ക്കൊ​ഴു​കു​ന്ന​ത് പ​ക​ർ​ച്ച​വ്യാ​ധി പ​ട​രു​മെ​ന്ന ഭീ​തി​യി​ലാ​ണ് പ്ര​ദേ​ശ​വാ​സി​ക​ൾ. വീ​ട്ടി​ൽ ത​ന്നെ മ​ലി​ന​ജ​ലം നി​റ​ക്കാ​നു​ള്ള കു​ഴി നി​ർ​മി​ക്കാ​നു​ള്ള നി​ർ​ദേ​ശം ന​ൽ​കു​ന്ന പ​തി​വ് പ​ഞ്ചാ​യ​ത്തു​ക​ൾ ന​ട​പ്പി​ലാ​ക്കു​ന്നു​ണ്ടെ​ങ്കി​ലും ന​ഗ​ര​സ​ഭ​യി​ലെ ആ​രോ​ഗ്യ​വ​കു​പ്പ് ഇ​ത് ക​ണ്ടി​ല്ലെ​ന്ന് ന​ടി​ക്കു​ന്ന​ത് പ്ര​തി​ഷേ​ധാ​ർ​ഹ​മാ​ണെ​ന്നും നാ​ട്ടു​കാ​ർ പ​റ​ഞ്ഞു.

Copyright @ 2022 , Rashtra Deepika Ltd.