ADVERTISEMENT

ADVERTISEMENT

സെർവന്‍റ്സ് ഓഫ് ഗോഡ് ഈസ്റ്റർ ആഘോഷം

തൃശൂർ: സെർവന്‍റ്സ് ഓഫ് ഗോഡിന്‍റെ ഈസ്റ്റർദിനാഘോഷം ജനറൽ ആശുപത്രിയിൽ മന്ത്രി കെ. രാജൻ ഉദ്ഘാടനം ചെയ്തു. ഡെപ്യൂട്ടി മേയർ എം.എൽ. റോസി അധ്യക്ഷത വഹിച്ചു.

കുര്യാക്കോസ് മോർ ക്ലിമിസ് മെത്രാപ്പോലീത്ത, തൃശൂർ അതിരൂപത സഹായമെത്രാൻ മാർ ടോണി നീലങ്കാവിൽ എന്നിവർ അനുഗ്രഹപ്രഭാഷണം നടത്തി. ജൂബിലി മിഷൻ മെഡിക്കൽ കോളജ് ഡയറക്ടർ ഫാ. റെന്നി മുണ്ടൻകുരിയൻ ഭക്ഷണ ആശീർവാദം നടത്തി. കോർപറേഷൻ കൗണ്‍സിലർ മേഴ്സി അജി, മെഡിക്കൽ കോളജ് എച്ച്ഡിഎസ് അംഗം ഷൈജു ബഷീർ, സെർവന്‍റ്സ് ഓഫ് ഗോഡ് പ്രസിഡന്‍റ് ജോസ് നിലയാറ്റിങ്കൽ, വൈസ് പ്രസിഡന്‍റ് പി.ഡി. വർഗീസ്, സെക്രട്ടറി എം.കെ. ജെയിംസ്, ജോയിന്‍റ് സെക്രട്ടറി കെ.വി. ആന്‍റണി, ടി.എൻ. ആനന്ദപ്രസാദ്, ഡോ. മിഥുൻ എന്നിവർ പ്രസംഗിച്ചു. നിർധനരോഗികൾക്കു വീൽചെയർ, കിടക്ക, വാക്കർ, കിറ്റ് തുടങ്ങിയവ വിതരണം ചെയ്തു.

ADVERTISEMENT

അഖിലേന്ത്യാ വോളിബോൾ ടൂർണമെന്‍റ് നാളെമുതൽ

കയ്പമംഗലം: മതിലകം സ്പോർട്‌സ് അക്കാദമി വേദിയൊരുക്കുന്ന രണ്ടാമത് അഖിലേന്ത്യാ വോളീ ബോൾ ടൂർണമെന്‍റ്് 25 മുതൽ മേയ് ഒന്നുവരെ മതിലകം സെന്‍റ് ജോസഫ്സ് ഹയർ സെക്കൻഡറി സ്കൂൾ ഗ്രൗണ്ടിൽ നടക്കുമെന്ന് സംഘാടകർ പത്രസമ്മേളനത്തിൽ അറിയിച്ചു. ഇന്ത്യയിലെ പ്രമുഖ പുരുഷ ടീമുകളായ കേരള പോലീസ്, ബിപിസിഎൽ കൊച്ചിൻ, ഇന്ത്യൻ ബാങ്ക് ചെന്നൈ, ഇൻകം‌ടാക്സ് ചെന്നൈ, ഇന്ത്യൻ എയർഫോഴ്സ് ഡെൽഹി, ഇന്ത്യൻ കസ്റ്റംസ് കൊച്ചി, വനിത ടീമുകളായ എം.എസ്. ഫൗണ്ടേഷൻ ചെന്നൈ, ഇന്ത്യൻ യൂണിവേഴ്സിറ്റീസ്, കെ എസ്ഇബി തിരുവനന്തപുരം, സിആർപിഎഫ് രാജസ്ഥാൻ, ബാങ്ക് ഓഫ് മഹാരാഷ്ട്ര, കാലിക്കട്ട് യൂണിവേഴ്സിറ്റി എന്നിവർ അണിനിരക്കും. 10000-ൽപരം വോളീബോൾ പ്രേമികൾക്കു കളികാണാനുള്ള വിശാലമായ ഫ്ലഡ്‌ലിറ്റ് സ്റ്റേഡിയ മാണ് ഒരുക്കിയിട്ടുള്ളത്. 25 ന് വൈകീട്ട് 5.30 ന് നടക്കുന്ന ഉദ്ഘാടനച്ചടങ്ങിൽ ജില്ല കളക്ടർ അർജുൻ പാണ്ഡ്യൻ, ഇ.ടി. ടൈസൺ എംഎൽഎ, ജനപ്രതിനിധികൾ, വോളിബോൾ താരങ്ങൾ തുടങ്ങിയവർ പങ്കെടുക്കും. 25 ന് രാവിലെ കുട്ടികൾക്കായി വോളിബോൾ ടൂർണമെന്‍റ് സംഘടിപ്പിച്ചിട്ടുണ്ട്. 12 ടീമുകൾ പങ്കെടുക്കും. 24 ന് വൈകീട്ട് മതിലകത്തെ നാലിടങ്ങളിൽ നിന്നുള്ള ദീപശിഖ റാലി വോളിബോൾ ഗ്രൗണ്ടിൽ എത്തിച്ചേരുമെന്നും സംഘാടകർ പത്ര‌സമ്മേളത്തിൽ പറഞ്ഞു. മതിലകം ഗ്രാമപഞ്ചായത്ത് പ്രസി ഡന്‍റ് സീനത്ത് ബഷീർ, വി.കെ. മുജീബ്റഹ്മാൻ, കെ.വൈ. അസീസ്, പി.എച്ച്. നിയാസ്, പി.എച്ച്. അമീർ തുടങ്ങിയവർ പത്രസമ്മേളനത്തിൽ പങ്കെടുത്തു.

ചെട്ടിക്കാട് ഊട്ടുതിരുനാൾ: ഒരുക്കങ്ങൾ ആരംഭിച്ചു

കൊടുങ്ങല്ലൂർ: ചെട്ടിക്കാട് വിശുദ്ധ അന്തോണീസിന്‍റെ തീർത്ഥാടന കേന്ദ്രത്തിൽ ഊട്ടുതിരുനാൾ ഒരുക്കങ്ങൾ ആരംഭിച്ചു. മേയ് 13നാണ് ഊട്ടുതിരുനാൾ. ഊട്ടുപന്തലിന്‍റെ കാൽനാട്ടുകർമം തീർഥാടന കേന്ദ്രം റെക്ടർ റവ. ഡോ ബെന്നി വാഴക്കൂട്ടത്തിൽ നിർവഹിച്ചു. ഒരേസമയം ആയിരങ്ങളെ ഉൾക്കൊള്ളാൻ കഴിയുന്ന വിശാലമായ പന്തലാണ് പള്ളിമുറ്റത്ത് ഒരുക്കുന്നത്. വിശുദ്ധ അന്തോണീസിന്‍റെ മൂന്നു തിരുശേഷിപ്പുകളായ അഴുകാത്ത നാവ്, കൈയുടെ അസ്ഥി, സഭാവസ്ത്രത്തിന്‍റെ ഒരു ഭാഗം എന്നിവ സൂക്ഷിച്ചിരിക്കുന്ന ഇന്ത്യയിലെ ഏകദേവാലയമായതിനാൽ തിരുശേഷിപ്പുകൾ വണങ്ങുന്നതിനും ഊട്ടുനേർച്ചയിൽ പങ്കെടുക്കുന്നതിനും ഇന്ത്യയിലെ വിവിധ സംസ്ഥാനങ്ങളിൽനിന്നുള്ള നാനാജാതി മതസ്ഥരായ തീർത്ഥാടകരുടെ വൻ പ്രവാഹമുണ്ടാകും.

ദേവാലയങ്ങളിൽ തിരുനാൾ

പഴൂക്കര സെന്‍റ് ജോസഫ് മാള: പഴൂക്കര സെന്‍റ് ജോസഫ് പള്ളിയിൽ വിശുദ്ധ യൗസേപ്പിതാവിന്‍റെ തിരുനാൾ നാളെമുതൽ മേയ് അഞ്ചുവരെ നടക്കും. തിരുനാളിന്‍റെ കൊടിയേറ്റം നാളെ വൈകീട്ട് അഞ്ചിന് ഫാ. ജോസ് അരിക്കാട്ട് നിർവഹിക്കും. തുടർന്നുള്ള ദിവസങ്ങളിൽ വൈകിട്ട് 5.30ന് ദിവ്യബലി, ലദീഞ്ഞ്, നൊവേന എന്നിവ നടക്കും. 27നു രാവിലെ 6.30ന് ദിവ്യബലി, ലദീഞ്ഞ്, നൊവേന, ഉച്ചതിരിഞ്ഞ് നാലിന് വിശുദ്ധന്‍റെ നാടുകാണൽ. 28, 29, 30 തീയതികളിൽ വൈകീട്ട് 5.30ന് ദിവ്യബലി, ലദീഞ്ഞ്, നൊവേന. ഇടവകദിനം ആഘോഷിക്കുന്ന മേയ് ഒന്നിന് വൈകീട്ട് അഞ്ചിന് ദിവ്യബലി, ലദീഞ്ഞ്, നൊവേന. തുടർന്ന് ദീപാലങ്കാര സ്വിച്ച് ഓൺ, ഇടവകദിനാഘോഷം, കലാപരിപാടികൾ. രണ്ടിന് വൈകീട്ട് 5.30നും മൂന്നിന് രാവിലെ 6.30നും ദിവ്യബലി, ലദീഞ്ഞ്, നൊവേന, പ്രധാന തിരുനാൾദിനമായ നാലിന് രാവിലെ 6 .30ന് ദിവ്യബലിയെത്തുടർന്ന് ഊട്ടുനേർച്ച വെഞ്ചരിപ്പ്, പത്തിന് ആഘോഷമായി ദിവ്യബലി. ഫാ. സിബു കള്ളാപറമ്പിൽ മുഖ്യകാർമികനാകും. ഫാ. ജോസഫ് പുത്തൻപുരയ്ക്കൽ സന്ദേശം നൽകും. വൈകീട്ട് നാലിനുള്ള ദിവ്യബലിയെതുടർന്ന് തിരുനാൾ പ്രദക്ഷിണം, ഗാനമേള. തിരുനാൾ പരിപാടികൾ വിശദീകരിച്ച പത്രസമ്മേളനത്തിൽ വികാരി ഫാ. ജെയ്സൺ കുടിയിരിക്കൽ, ട്രസ്റ്റി ജോമോൻ താഴുത്ത‌പ്പുറം, ജനറൽ കൺവീനർ സിജൻ ചക്കാലമറ്റത്ത്, സേവ്യർ കാരേ ക്കാട്ട്, വിനോദ്. വി. ജോർജ് എന്നിവർ പങ്കെടുത്തു. മാരാംകോട് സെന്‍റ് ജോസഫ് മാരാംകോട്: സെന്‍റ്് ജോസഫ് ദേവാലയത്തിൽ ഇടവകമധ്യസ്ഥനായ വിശുദ്ധ യൗസേപ്പിതാവിന്‍റെ ഊട്ടുതിരുനാളിനു രൂപത വികാരി ജനറാൾ മോൺ. ജോളി വടക്കൻ കൊടിയേറ്റി. തുടർന്നുള്ള ദിവസങ്ങളിൽ വൈകീട്ട് 5.30ന് ലദീഞ്ഞ്, നോവേന, വിശുദ്ധ കുർബാന. 29 ന് വൈകീട്ട് ലില്ലിപ്പൂ പ്രദക്ഷിണം വീടുകളിലേക്ക്. 30ന് 6.30ന് ലില്ലിപ്പൂ പ്രദക്ഷിണം ദേവാലയത്തിൽ എത്തിച്ചേ രും. പ്രസുദേന്തിവാഴ്ച, വിശുദ്ധകുർബാന, കൂടുതുറക്കൽ, കുരിശടിയിലേക്ക് പ്രദക്ഷിണം. തിരുനാൾദിനമായ ഒന്നിന് രാവിലെ 9.30 ന് ആഘോഷമായ തിരുനാൾ കുർബാനയ്ക്ക് ഫാ. വിനിൽ കുരിശുതറ മുഖ്യകാർമികത്വം വഹിക്കും. റവ. ഡോ. ലൂക്ക് തടത്തിൽ സന്ദേശം നല്കും. തുടർന്ന് പ്രദക്ഷിണം, ഊട്ടുനേർച്ച. വൈകിട്ട് 6.30ന് ഇടവകദിനാഘോഷം. മുരിക്കുങ്ങല്‍ സെന്‍റ് ജോസഫ്സ് കോടാലി: മുരിക്കുങ്ങല്‍ സെന്‍റ്് ജോസഫ് പള്ളിയില്‍ വിശുദ്ധ യൗസേപ്പിതാവിന്‍റെയും വിശു ദ്ധ സെബസ്ത്യാനോസിന്‍റെയും സംയുക്ത തിരുനാളിനു കൊടിയേറി. ഇരിങ്ങാലക്കുട രൂപത വികാരി ജനറാള്‍ മോണ്‍. ജോളി വടക്കന്‍ കൊടിയേറ്റം നിര്‍വഹിച്ചു. വികാരി ഫാ. ടോണി പാറേക്കാടന്‍ സഹകാര്‍മികത്വം വഹിച്ചു. കൈക്കാരന്മാരായ ഫിലിപ്പ് കോച്ചേക്കാടന്‍, ജോയ് പെരേപ്പാടന്‍, ജോയ് ആമ്പക്കാടന്‍, കണ്‍വീനര്‍ സാജന്‍ മുല്ലകുന്നേല്‍, ജോയിന്‍റ് കണ്‍വീനര്‍ ജെയിംസ് മൂലന്‍ എന്നിവര്‍ നേതൃത്വം നല്‍കി. 30, മേയ് ഒന്ന് തീയതികളിലാണു തിരുനാളാഘോഷം. ചിറങ്ങര സെന്‍റ് അൽഫോൻസ കൊരട്ടി: ചിറങ്ങര വിശുദ്ധ അൽഫോൻസ ദേവാലയത്തിൽ വിശുദ്ധ അൽഫോസാമ്മയുടെ തിരുനാൾ മേയ് മൂന്ന്, നാല് തീയതികളിൽ നടക്കും. രണ്ടിന് വൈകിട്ട് 5.30 ന് വികാരി ഫാ.സെബാസ്റ്റ്യൻ മാടശേരി തിരുനാൾ കൊടിയേറ്റ് നിർവഹിക്കും. തുടർന്ന് ഫാ. സ്റ്റെഫിൻ മൂലന്‍റെ കാർമികത്വത്തിൽ വിശുദ്ധ കുർബാന, നൊവേന, ലദീഞ്ഞ്. തുടർന്ന് ആലപ്പി റിഥം റിയൽ അവതരിപ്പിക്കുന്ന ഗാനമേള. മൂന്നിന് വൈകീട്ട് അഞ്ചിന് പ്രസുദേന്തി വാഴ്ച. തുടർന്ന് ഫാ. പോൾസൺ പെരേപ്പാടന്‍റെ കാർമികത്വത്തിൽ വിശുദ്ധ കുർബാന. ഫാ. എബിൻ കളപ്പുരക്കൽ തിരുനാൾ സന്ദേശം നൽകും. തുടർന്ന് പ്രദക്ഷിണം. നാലിന് വൈകിട്ട് അഞ്ചിന് ഫാ. പോൾ ചെറുപള്ളിയുടെ കാർമികത്വത്തിൽ ആഘോഷമായ തിരുനാൾ പാട്ടുകുർബാന. ഫാ. തോമസ് വൈക്കത്തുപറമ്പിൽ വചന സന്ദേശം നൽ കും. തുടർന്ന് പ്രദക്ഷിണം, വർണമഴ.

താഴെക്കാട് കുരിശുമുത്തപ്പന്‍റെ തിരുനാളിനു കൊടിയേറി

താഴെക്കാട്: സെന്‍റ് സെബാസ്റ്റ്യന്‍സ് മേജര്‍ ആര്‍ക്കി എപ്പിസ്‌കോപ്പല്‍ തീര്‍ഥാടന ദേവാലയത്തില്‍ വിശുദ്ധ കുരിശുമുത്തപ്പന്‍റെ വലിയ തിരുനാളിനു കൊടിയേറി. ഫാ. അഡ്വ. തോമസ് പുതുശേരി കൊടിയേറ്റം നിര്‍വഹിച്ചു. ആര്‍ച്ച്‌പ്രീസ്റ്റ് ഫാ. ആന്‍റണി മുക്കാട്ടുകരക്കാരന്‍, അസി. വികാരി ഫാ. ജോസഫ് തൊഴുത്തിങ്കല്‍, കൈക്കാരന്മാരായ പോളി തണ്ടിയേക്കല്‍, സെബാസ്റ്റ്യന്‍ പ്ലാശേരി, ജിജി ചാതേലി, ജോയ് കളവത്ത്, തിരുനാള്‍ ജനറല്‍ കണ്‍വീനര്‍ റീജോ പാറയില്‍ എന്നിവര്‍ സന്നിഹിത രായിരുന്നു. മേയ് ഒന്നിന് രാത്രി ഏഴിന് ദീപാലങ്കാരം സ്വിച്ച് ഓണ്‍. അമ്പ് തിരുനാള്‍ ദിവസമായ രണ്ടിന് രാവിലെ 6.30 ന് ദിവ്യബലി, ലദീഞ്ഞ്, നൊവേന, തിരുസ്വരൂപങ്ങള്‍ മദ്ബഹയില്‍ നിന്ന് എഴു ന്നള്ളിപ്പിനായി ഇറക്കും. തുടര്‍ന്ന് വീടുകളിലേക്ക് അമ്പ് എഴുന്നള്ളിപ്പ്‍. 5.30 ന് ദിവ്യബലിക്കു ശേഷം രൂപം വഹിച്ചുള്ള പള്ളിചുറ്റി പ്രദക്ഷിണം, രാത്രി 10.30 ന് വിവിധ യൂണിറ്റുകളിലെ അമ്പ് പ്രദക്ഷിണം പള്ളിയില്‍ എത്തിച്ചേരും. മൂന്നിന് രാവിലെ 10.30‌ന് ആഘോഷമായ തിരുനാള്‍ ദിവ്യബലിക്ക് ഫാ. ഷാജി തെക്കേക്കര മുഖ്യ കാര്‍മികത്വം വഹിക്കും. ഇരിങ്ങാലക്കുട രൂപത വികാരി ജനറാള്‍ മോണ്‍. ജോളി വടക്കന്‍ സന്ദേശം നല്‍കും. 3.30ന് നടക്കുന്ന ദിവ്യബലിക്കുശേഷം തിരുനാള്‍ പ്രദക്ഷിണം. വിശുദ്ധ ഗീവര്‍ഗീസിന്‍റെ തിരുനാള്‍ ദിനമായ നാലിന് രാവിലെ 10.30ന് നടക്കുന്ന ആഘോഷമായ തിരുനാള്‍ ദിവ്യബലിക്ക് ഫാ. സിന്‍റോ വടക്കുമ്പാടന്‍ കാര്‍മികത്വം വഹിക്കും. വൈകീട്ട് 4.30ന് ദിവ്യബലിക്കുശേഷം തിരുനാള്‍ പ്രദക്ഷിണം. അങ്ങാടി അമ്പ് ദിവസമായ അഞ്ചിന് രാത്രി 11.30ന് അമ്പു പ്രദക്ഷിണം പള്ളിയില്‍ സമാപിക്കും. തിരുനാളിന്‍റെ വിജയത്തിനായി ആര്‍ച്ച് പ്രീസ്റ്റ് ഫാ. ആന്‍റണി മുക്കാട്ടുകരക്കാരന്‍, അസി. വികാരി ഫാ. ജോസഫ് തൊഴുത്തിങ്കല്‍, കൈക്കാരന്‍മാരായ പോളി തണ്ടിയേക്കല്‍, ജിജി ചാതേലി, ജോയ് കളവത്ത്, സെബാസ്റ്റിയന്‍ പ്ലാശേരി, ജനറല്‍ കണ്‍വീനര്‍ റീജോ പാറയില്‍, പബ്ലിസിറ്റി കണ്‍വീനര്‍ ഷിജു കരേടന്‍ എന്നിവരുടെ നേതൃത്വത്തില്‍ വിപുലമായ കമ്മിറ്റിയാണു പ്രവര്‍ത്തിക്കുന്നത്.

ഇന്നോവ കാർ വൈദ്യുതിത്തൂണുകളും ട്രാൻസ്‌ഫോർമറും ഇടിച്ചുതകർത്തു

വഴിയമ്പലം: ദേശീയപാത 66 കയ്‌പമംഗലം അറവുശാല സെന്‍ററിൽ നിയന്ത്രണം‌വിട്ട ഇന്നോവ കാർ ഇലക്ട്രിക്കൽ പോസ്റ്റുകളും ട്രാൻസ്‌ഫോർമറും ഇടിച്ചു‌തകർത്തു. യാത്രക്കാർ പരിക്കേൽക്കാതെ രക്ഷപ്പെട്ടു. ഇന്നലെ പുലർച്ചെ അഞ്ചരയോടെയായിരുന്നു അപകടം. കൊടുങ്ങല്ലൂർ ഭാഗത്തുനിന്നും വന്നിരുന്ന കാർ നിയന്ത്രണംവിട്ട് രണ്ട് പോസ്റ്റിലും ട്രാൻസ്ഫോർമർ സ്ഥാപിച്ചിട്ടുള്ള പോസ്റ്റുകളിലും ഇടിച്ചശേഷം മുന്നോട്ടുനീങ്ങി മറ്റൊരു പോസ്റ്റ‌ിലുംകൂടി ഇടിച്ചാണു നിന്നത്. കൊല്ലം തെന്മല സ്വദേശി വിനോദും ബന്ധുവുമാണു കാറിലുണ്ടായിരുന്നത്. അപകടത്തെത്തുടർന്ന് അറവുശാല സെന്‍ററിൽ വൈ ദ്യുതി വിതരണം തടസപ്പെട്ടു. കെഎസ്ഇബി അധികൃതരെത്തി പ്രവൃത്തികൾ പൂർത്തിയാക്കി ഏറെ വൈകി വൈദ്യുതിവിതരണം പുന:സ്ഥാപിച്ചു.

ഫ്രാൻസിസ് മാർപാപ്പ അനുസ്മരണ ദിവ്യബലിയുമായി കോട്ടപ്പുറം രൂപത

കോട്ടപ്പുറം: ഫ്രാൻസിസ് പാപ്പയുടെ ആത്മശാന്തിക്കുവേണ്ടി കോട്ടപ്പുറം സെന്‍റ് മൈക്കിൾസ് കത്തീഡ്രലിൽ അനുസ്മരണ ദിവ്യബലി നടത്തി. കോട്ടപ്പുറം ബിഷപ് എമരിറ്റസ് ഡോ. ജോസഫ് കാരിക്കശേരിയുടെ മുഖ്യകാർമികത്വത്തിൽ നടന്ന ദിവ്യബലിയിൽ കോട്ടപ്പുറം രൂപതയിലെ എല്ലാ വൈദികരും സഹകാർമികരായി. രൂപതയിലെ വിവിധ ഇടവകകളിൽനിന്ന് സന്യസ്തരും നൂറുകണക്കിന് അല്മായവിശ്വാസികളും പങ്കുചേർന്നു. ബിഷപ് ഡോ. ജോസഫ് കാരിക്കശേരിയും വൈ ദികരും സന്യസ്തരും വിശ്വാസികളും ഫ്രാൻസിസ് പാപ്പായുടെ ചിത്രത്തിൽ പുഷ്പാർച്ചന നടത്തി.

മാര്‍പാപ്പയുടെ അനുഗ്രഹം ഏറ്റുവാങ്ങി സഹോദരങ്ങള്‍

ഇരിങ്ങാലക്കുട: ഫ്രാന്‍സിസ് മാര്‍പാപ്പ കവിളില്‍ മുത്തം നല്‍കിയപ്പോള്‍ ഫെര്‍ണാണ്ടോയുടെ പ്രായം രണ്ട്. ഇരിങ്ങാലക്കുട തെക്കേ അങ്ങാടി കോനിക്കര ബിജുവിന്‍റെയും സിമിയുടെയും മകനാണ് ഫെര്‍ണാണ്ടോ. 2018 മാര്‍ച്ച് ഏഴിനാണ് കുടുംബത്തോടൊപ്പം വത്തിക്കാനില്‍‌ പാപ്പായെ കാണാനും അനുഗ്രഹം വാങ്ങാനും ഭാഗ്യം ലഭിച്ചത്. ഇക്കഴിഞ്ഞ 21 ന് ഇരിങ്ങാലക്കുട സെന്‍റ് തോമസ് കത്തീഡ്ര ലില്‍ ഫെര്‍ണാണ്ടോയുടെ ആദ്യകുര്‍ ബാന സ്വീകരണമായിരുന്നു. അതിഥികൾക്കു നല്‍കിയത് മാര്‍പാപ്പ തന്നെ ആശ്ലേഷിക്കുന്ന ചിത്രമുള്ള കാര്‍ഡായിരുന്നു. ആദ്യകുര്‍ബാനസ്വീകരണം പള്ളിയില്‍ സമാപിച്ചശേഷമാണ് പാപ്പായുടെ വിയോഗവാര്‍ത്ത അറിഞ്ഞത്. ആദ്യകുര്‍ബാനസ്വീകരണത്തിന് അനുഗ്രഹപത്രവും മാര്‍പാപ്പയില്‍നിന്നു ലഭിച്ചിരുന്നു. ഇരിങ്ങാലക്കുട ക്രൈസ്റ്റ് വിദ്യാനികേതനിലെ അഞ്ചാം ക്ലാസ് വിദ്യാര്‍ഥിയാണ് ഫെര്‍ണാണ്ടോ. സഹോദരി ട്രെയ്‌സിലിനും ഫ്രാന്‍സീസ് പാപ്പായുടെ അനുഗ്രഹം ലഭിച്ചിരുന്നു, 2013 ൽ. ഇറ്റലിയിലെ ഇന്ത്യന്‍ എംബസിയില്‍ പ്രോട്ടോക്കോള്‍ ഓഫീസറാണ് ബിജു കോനിക്കര. മാര്‍പാപ്പയുടെ വിയോഗമറിഞ്ഞതോടെ അവധിയെല്ലാം വെട്ടിച്ചുരുക്കി ജോലിയില്‍ പ്രവേശിക്കുന്ന തിനായി ഇന്നു പുലര്‍ച്ചെ റോമിലേക്ക് യാത്രതിരിക്കും. ബിജുവിനൊപ്പം ഭാര്യ സിമിയും മക്കളായ ട്രെയ്‌സിലിനും ഫെര്‍ണാണ്ടോയും രണ്ടുവയസുകാരി ജുസെപ്പീനയും ഒപ്പമുണ്ട്. പാപ്പയുടെ സംസ്‌കാരചടങ്ങുകളില്‍ സാക്ഷിയാകാന്‍ കഴിയുമെന്ന പ്രതീക്ഷയിലാണ് ഇവര്‍.

ആനച്ചമയ പ്രദർശനം: മോഷണം ആക്രമണമായി; 70,000 രൂപ നഷ്ടം

വടക്കേക്കാട്: ആനച്ചമയ പ്രദർശനത്തിൽ മോഷണം. 70,000 രൂപയുടെ നഷ്ടം. ഞമനേങ്ങാട് ക്ഷേത്രോത്സവത്തോടനുബന്ധിച്ചുള്ള ആനച്ചമയ പ്രദർശനത്തിൽ നിന്ന് വെൺചാമരം, നെറ്റിപ്പട്ടത്തിൽ പതിച്ച സ്വർണനിറത്തിലുളള ഗോളം എന്നിവയാണ് മോഷണം പോയത്. ചക്കിത്തറ റോഡരികിൽ പന്തൽകെട്ടി വെച്ചിരുന്ന സംഘമിത്ര പൂരാഘോഷ കമ്മിയുടെ പ്രദർശനത്തിലാണ് മോഷണം നടന്നത്. എന്നാൽ ഉത്സവത്തിന്‍റെ ഭാഗമായി നടന്ന ഗാനമേളയ്ക്കിടെ ഉണ്ടായ തർക്കത്തെത്തുടർന്ന് ആനച്ചമയങ്ങൾ ചിലർ നശിപ്പിച്ചതാണെന്ന് പോലീസ് അറിയിച്ചു. ഗാനമേളയ്ക്കിടയിൽ ഇരുവിഭാഗങ്ങൾ തമ്മിൽ തർക്കം നടന്നതിന്‍റെ വൈരാഗ്യത്തെ തുടർന്ന് ചമയങ്ങൾ നശിപ്പിക്കുകയായിരുന്നു. വടക്കേക്കാട് പോലീസ് കേസെടുത്തു. ഏതാനും പേരെ കസ്റ്റഡിയിൽ എടുത്തു. ഗുരുവായൂർ എസിപി ടി.എസ്. സിനോജ് , വടക്കേക്കാട് എസ്എച്ച്ഒ അനിൽകുമാർ എന്നിവർ സ്ഥലത്തെത്തി അന്വേഷണം നടത്തി.

പള്ളി ഓഫീസിൽ കവർച്ച: പ്രതി പിടിയിൽ

ചാവക്കാട്: അഞ്ചങ്ങാടി ഉപ്പാപ്പ പളളി ഓഫിസിൽനിന്ന് 80,000 രൂപ മോഷ്ടിച്ച പ്രതി പിടിയിൽ. വയനാട് നെന്മേനി മലവയൽ മൂർക്കൻ വീട്ടിൽ ഷംശാദിനെ(39)യാണ് എസിപി ടി.എസ്. സിനോജിന്‍റെ നേതൃത്വത്തിൽ അറസ്റ്റ് ചെയ്തത്. ഇക്കഴിഞ്ഞ എട്ടിനു പുലർച്ചെയാണ് മോഷണം. അന്വേഷണത്തിന് എസ്എച്ച്ഒ വി.വി. വിമലിന്‍റെ നേതൃത്വത്തിലുളള പ്രത്യേക അന്വേഷണ സംഘത്തെ എസിപി നിയോഗിച്ചു. പ്രദേശത്തെ വിവിധ സിസിടിവികൾ പരിശോധിച്ച സംഘത്തിന് കവർച്ച നടത്തിയത് മുസ്‍ലിം പള്ളികൾ കേന്ദ്രീകരിച്ച് മാത്രം കവർച്ച നടത്തുന്ന ഷംശാദ് ആണെന്ന് വ്യക്തമായി. തുടർന്ന് നടത്തിയ അന്വേഷണത്തിൽ തമിഴ്നാട്ടിലെ ഏർവാടിയിൽ നിന്നു പിടികൂടി. മോഷണത്തിന് ജയിൽ ശിക്ഷ അനുഭവിച്ച പ്രതി നേരത്തെ പത്തു വർഷത്തോളം പ്രവാസിയായിരുന്നു. പിന്നീട് കുടുംബസംബന്ധമായ പ്രശ്നങ്ങൾ കാരണം നാട്ടിൽ തന്നെ നിൽക്കുകയായിരുന്നുവെന്ന് പോലീസ് പറഞ്ഞു. സബ് ഇൻസ്പെക്ടർമാരായ ശരത് സോമൻ, പി.എസ്. അനിൽകുമാർ, എഎസ്ഐ അൻവർ സാദത്ത്, സിവിൽ പോലീസ് ഓഫീസർമാരായ ഇ.കെ. ഹംദ്, അനീഷ്, രെജിത്ത് എന്നിവരും അന്വേഷണ സംഘത്തിലുണ്ടായിരുന്നു.

ദേവാലയങ്ങളിൽ തിരുനാൾ

വൈലത്തൂർ പള്ളി വടക്കേക്കാട്: വൈലത്തൂർ സെന്‍റ്് സിറിയക് ദേവാലയത്തിലെ സംയുക്ത തിരുനാളിന് കൊടിയേറി. വികാരി ഫാ. വർഗീസ് പാലത്തിങ്കൽ കൊടിയേറ്റം നിർവഹിച്ചു. ട്രസ്റ്റിമാരായ എ.പി. ഡേവീസ്, പി.ടി. സണ്ണി, ജനറൽ കൺവീനർ ജോസ് വടക്കൻ തുടങ്ങിയവർ നേതൃത്വം നൽകി. 27, 28, 29 തിയതികളിലാണ് തിരുനാൾ ആഘോഷിക്കുന്നത്. മുല്ലശേരി ബ്ലോക്ക് സെന്‍റർ കപ്പേള മുല്ലശേരി: വടക്കൻ പുതുക്കാട് പരിശുദ്ധ കർമലമാതാവിൻ പള്ളിയുടെ കീഴിലുള്ള മുല്ലശേരി ബ്ലോക്ക് സെന്‍ററിലുള്ള കപ്പേളയിലെ പരിശുദ്ധ വേളാങ്കണ്ണി മാതാവിന്‍റെ തിരുനാളിന് കൊടിയേറി. വികാരി ഫാ.ജോസ് എടക്കളത്തൂർ തിരുനാൾ ആഘോഷങ്ങൾക്ക് തുടക്കം കുറിച്ച് കൊടിയേറ്റം നിർവഹിച്ചു. കൈക്കാരൻ ടി.ജെ. ജോയ്, തിരുനാൾ ജനറൽ കൺവീനർ ടോജി ചാലയ്ക്കൽ എന്നിവർ ചടങ്ങുകൾക്കു നേതൃത്വം നൽകി. 26, 27 തീയതികളിലാണ് തിരുനാൾ. നാളെ രാത്രി ഏഴിന് ദീപാലങ്കാര സ്വിച്ച് ഓൺ കർമവും 26ന് കൂടുതുറക്കൽ ശൂശ്രൂഷയും നടക്കും. തിരുനാൾദിനമായ 27ന് കാലത്ത് 10.30 ന് തിരുനാൾ കുർബാനയ്ക്ക് ഫാ. ലിവിൻ കുരുതുകുളങ്ങര മുഖ്യകാർമികനാകും. വൈകീട്ട് 6.45ന് വള, തേര് എഴുന്നള്ളിപ്പ് ഇടവകപള്ളിയിൽനിന്ന് ആരംഭിച്ച് രാത്രി 8.15 ന് കുരിശുപള്ളിയിൽ സമാപിക്കുന്നു. രാത്രി 8.15 ന് ലദീഞ്ഞ്, നൊവേന, രൂപം എടുത്തുവയ്ക്കൽ, ഫാൻസി വെടിക്കെട്ട് ഉണ്ടായിരിക്കുന്നതാണ്. തുടർന്ന് രാത്രി 10 മണി വരെ ബാൻഡ്മേളവും ഉണ്ടാകും.

വടക്കാഞ്ചേരി അമൃത് ഭാരത് സ്റ്റേഷൻ നിർമാണം അന്തിമഘട്ടത്തിൽ

വടക്കാഞ്ചേരി: അമൃത് ഭാരത് സ്റ്റേഷൻ പട്ടികയിൽ ഉൾപ്പെട്ട വടക്കാഞ്ചേരി റെയിൽവേസ്റ്റേഷൻ ജൂലൈയിൽ നാടിന് സമർപ്പിക്കും. സംസ്ഥാനത്തെ മറ്റ് സ്റ്റേഷനുകളോടൊപ്പം പ്രധാനമന്ത്രി നരേന്ദ്രമോദിയാണ് ഉദ്ഘാടനം ചെയ്യുന്നത്. പ്രവൃത്തികൾ ഇഴയുന്നതായി ആരോപണമുയർന്ന സാഹചര്യത്തിൽ ദക്ഷിണ റെയിൽവേ ജനറൽ മാനേജർ ആർ.എൻ.സിംഗ് ‌കഴിഞ്ഞ മാസം 5ന് വടക്കാഞ്ചേരിയിൽ സന്ദർശനം നടത്തിയിരുന്നു. നിർമാണം പൂർ ത്തീകരിച്ച് ജനുവരിയിൽ ഉദ്ഘാടനം ചെയ്യുമെന്നായിരുന്നു പ്രഖ്യാപനം. സംസ്ഥാന പാതയോട് ചേർന്ന് കവാടമൊരുക്കുന്ന പ്രവർത്തനവും ആരംഭിച്ചിട്ടുണ്ട്.

മാരകായുധങ്ങൾ കൈവശം സൂക്ഷിച്ചതിന് യുവാവ് അറസ്റ്റിൽ

ഗുരുവായൂർ: മാരകായുധങ്ങൾ കൈവശം സൂക്ഷിച്ചതിന് യുവാവിനെ ഗുരുവായൂർ പോലീസ് അറസ്റ്റ് ചെയ്തു. ഗുരുവായൂർ നെന്മിനി കരുവാൻപടിയിൽ വാടകയ്ക്ക് താമസിക്കുന്ന കോലോത്തുപറമ്പ് ഷെഫീക്കി(33)നെയാണ് ഗുരുവായൂർ എസ്എച്ച്ഒ സി. പ്രേമാനന്ദ കൃഷ്ണനും സംഘവും അറസ്റ്റ് ചെയ്തത്. അഞ്ച് കത്തികൾ, കൈമഴു, ഇടിക്കട്ട തുടങ്ങിയവയാണ് വീട്ടിൽ സൂക്ഷിച്ചത്. ഷെഫീക്ക് വീടിനുള്ളിൽ മാരകായുധങ്ങൾ സൂക്ഷിച്ചുവെച്ചിട്ടുണ്ടെന്നുള്ള രഹസ്യ വിവരം ലഭിച്ചതിന്‍റെ അടിസ്ഥാനത്തിൽ നടത്തിയ പരിശോധനയിലാണ് ആയുധങ്ങൾ പിടിച്ചെടുത്തത്. അന്വേഷണ സംഘത്തിൽ ഗുരുവായൂർ പോലീസ് സ്റ്റേഷനിലെ സീനിയർ സിവിൽ പോലീസ് ഓഫീസർമാരായ കിഷോർ, ബിനുമോൻ, ലാൽ ബഹദൂർ സിവിൽ പോലീസ് ഓഫീസർമാരായ സന്തീഷ് കുമാർ, സിദ്ദിഖ് എന്നിവരും ഉണ്ടായിരുന്നു. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.

റാങ്ക് നേട്ടത്തിന്‍റെ പടവുകളിൽ അലക്സ് എബ്രഹാം

ചേർപ്പ്: സിവിൽ സർവീസ് പരീക്ഷയിൽ 165 ാം റാങ്ക് നേടി ചേർപ്പ് പെരുമ്പിള്ളിശേരി റിട്ട.എസ്ഐ പള്ളിപ്പറമ്പിൽ ജോസഫ് ജോയിസ്, ജിജി എന്നിവരുടെ മകനായ അലക്സ് എബ്രാഹിന് അഭിമാന നേട്ടം. 2021ൽ 299 -ാം റാങ്ക് നേടി ഇന്ത്യൻ പോസ്റ്റ് ആൻഡ് ടെലികമ്യൂണിക്കേഷൻസ് അക്കൗണ്ട്സ് ആൻഡ് ഫിനാൻസ് സർവീസിൽ ജോലി ലഭിച്ചിരുന്നു. 2023 ൽ ഇന്ത്യൻ റെയിൽവേ മാനേജ്മെന്‍റ്് സർവീസിൽ ജോലി ലഭിച്ചു. കുട്ടിക്കാലംമുതലുള്ള ആഗ്രഹമായിരുന്നു ഐപിഎസ് ലഭിക്കുക എന്നത്. ആ ലക്ഷ്യത്തിലേക്കുള്ള ചുവടുവയ്പായി തനിക്കു ലഭിച്ച റാങ്കിനെ കാണുന്നതായി അലക്സ് പറഞ്ഞു. സഹോദരി ഡോണ മെറിൻ ഗുജറാത്തിലെ ഐആർഎംഎ വിദ്യാർഥിനിയാണ്. ഖത്തറിൽ ജോലി നോക്കിയിട്ടുള്ള അലക്സ് അത് ഉപേക്ഷിച്ചാണ് സിവിൽ സർവീസ് എഴുതുന്നതിനായി തിരികെ നാട്ടിലെത്തിയത്. അതു നേട്ടത്തിന്‍റെ പടവുകളായി മാറുകയും ചെയ്തു.

മഴയിലും കാറ്റിലും കനത്ത നാശനഷ്ടം

സ്വന്തം ലേഖകൻ അയ്യന്തോൾ: കനത്ത മഴയിൽ ജില്ലാ ഭരണസിരാകേന്ദ്രമായ അയ്യന്തോളിൽ വ്യാപകനാശനഷ്ടം. നിരവധി മരങ്ങളും വൈദ്യുതി പോസ്റ്റുകളും തകർന്നുവീണു. കളക്ടറേറ്റ്, വിവിധ കോടതികൾ, പോലീസ് സ്റ്റേഷൻ, ജില്ലാ പഞ്ചായത്ത്, രജിസ്ട്രാർ ഓഫീസ്, വ്യാപാരസ്ഥാപനങ്ങൾ, വീടുകൾ, ഫ്ളാറ്റുകൾ എന്നിവിടങ്ങളിലെല്ലാം വൈദ്യുതിബന്ധം വിച്ഛേദിക്കപ്പെട്ടു. വെസ്റ്റ് പോലീസ് സ്റ്റേഷനുമുന്നിലെ മരങ്ങളും വൈദ്യുതി പോസ്റ്റുകളും മറിഞ്ഞുവീണ് മതിലിനു കേടുസംഭവിച്ചു. കെഎസ്ഇബിയുടെ അയ്യന്തോൾ പൂളിലെ 45ഓളം പോസ്റ്റുകൾ തകർന്നിട്ടുണ്ട്. ജില്ലാ പഞ്ചായത്ത് ഓഫീസിനുമുന്നിലുള്ള 11 കെവി ലൈൻ തകർന്നുവീണു. ഇവിടെയുണ്ടായിരുന്ന കൂറ്റൻമരം കടപുഴകിവീണതോടെയാണ് ലൈൻ തകർന്നത്. കളക്ടറേറ്റ് കോന്പൗണ്ടിലെ ഔഷധത്തോട്ടത്തിലെ വലിയ മരവും കടപുഴകിവീണു.പാർക്കിനുസമീപത്തെ നിരവധി മരങ്ങളും വീണു. ഇഎസ്ഐ ആശുപത്രിക്കുസമീപവും ഒളരി, എൽത്തുരുത്ത്, കണ്ണാപുരം, ചേറ്റുപുഴ മേഖലയിലും വ്യാപകമായി മരങ്ങൾ വീണു നാശനഷ്ടങ്ങളുണ്ടായി. ഓഫീസുകളുടെ പ്രവർത്തനങ്ങൾ വൈദ്യുതിബന്ധം നിലച്ചതോടെ താറുമാറായി. വൈദ്യുതിപോസ്റ്റുകൾ പുനഃസ്ഥാപിക്കാൻ സമയമെടുത്തേക്കും. ചിലയിടത്തെ വൈദ്യുതി പുനഃസ്ഥാപിച്ചിട്ടുണ്ട്. കിഴക്കുംപാട്ടുകരയിൽ കിഴക്കുംപാട്ടുകരയിലും വ്യാപകമായ നാശമുണ്ടായി. മരങ്ങൾ വീണ് പതിനഞ്ചിലധികം വൈദ്യുതി പോസ്റ്റുകൾ ഒടിഞ്ഞുവീണു. വൈദ്യുതിബന്ധം പൂർണമായും നിലച്ചു. ഗതാഗതവും തടസപ്പെട്ടു. മർത്തഭവൻ റോഡിൽ അയൽവാസിയുടെ വീടിന്‍റെ മുകളിലെ ട്രസ് മറ്റൊരു വീടിനു മുകളിലേക്കുവീണും അപകടം ഉണ്ടായി. വീട്ടിൽ കുടുങ്ങിയ കുടുംബാംഗങ്ങളെ ഡിവിഷൻ കൗണ്‍സിലർ ജോൺ ഡാനിയലിന്‍റെ നേതൃത്വത്തിലുള്ള സംഘവും ഫയർഫോഴ്സും ചേർന്നു രക്ഷപ്പെടുത്തി. മണലൂരിൽ കാഞ്ഞാണി: കനത്ത മഴയിലും കാറ്റിലും വിടിനു മുകളിൽ മരക്കൊമ്പ് ഒടിഞ്ഞ്‌വീണ് വിട്ടമ്മയ്ക്ക് പരിക്കേറ്റു. മണലൂർ മാമ്പുള്ളി കൂട്ടാല നാരായണന്‍റെ വിടിനു മുകളിലേക്കാണ് മരക്കൊമ്പ് വീണത്. മരക്കൊമ്പിന്‍റെ ശിഖരങ്ങൾ ജനൽവാതിലിലിടിച്ച് ഗ്ലാസ് തകർന്നു. ഈ സമയം വിടിനകത്ത് കസേരയിൽ ഇരിക്കുകയായിരുന്ന വിട്ടമ്മ ലളിതയുടെ തലയുടെ പിൻഭാഗത്ത് ചില്ല് തെറിച്ച് പരിക്കേറ്റു. വീടിനും വിറകു പുരയ്ക്കും ഭാഗികമായി കേടുപാടുകൾ സംഭവിക്കുകയും വാട്ടർ ടാങ്ക് തകരുകയും ചെയ്തു. മച്ചിങ്ങൽ ഷൈന്‍റെ വിടിന്‍റെ മുകളിലേക്കും മരക്കൊമ്പ് ഒടിഞ്ഞുവീണു. മച്ചിങ്ങൽ സതീശന്‍റെ പറമ്പിലെ തേക്കുമരം ഒടിഞ്ഞു വീണു. വാർഡ് അംഗം സിജു പച്ചാംമ്പുള്ളി നാശം നേരിട്ട പ്രദേശങ്ങൾ സന്ദർശിച്ചു.

ഭീകരാക്രമണത്തിന്‍റെ മുറിവുണക്കാൻ നാട് ഒന്നിക്കണം: ജോസഫ് ടാജറ്റ്

തൃശൂർ: കാഷ്മീരിലെ പഹൽഗാമിലുണ്ടായ ഭീകരാക്രമണം ഹൃദയഭേദകമാണെന്നും ആ മുറിവുണക്കാൻ നാട് ഒറ്റക്കെട്ടായിനിൽക്കണമെന്നും ഡിഡിസി പ്രസിഡന്‍റ് അഡ്വ. ജോസഫ് ടാജറ്റ്. ഭീകരാക്രമണത്തിൽ കൊല്ലപ്പെട്ടവർക്ക് ആദരാഞ്ജലികളർപ്പിച്ച് ജില്ലാ കോണ്‍ഗ്രസ് കമ്മിറ്റിയുടെ നേതൃത്വത്തിൽ തെക്കേഗോപുരനടയ്ക്കുമുന്നിൽ മെഴുകുതിരികത്തിച്ച് ഭീകരവിരുദ്ധപ്രതിജ്ഞ ചൊല്ലിക്കൊടുത്തു പ്രസംഗിക്കുകയായിരുന്നു അദ്ദേഹം. നേതാക്കളായ ഒ.അബ്ദുറഹ്‌മാൻകുട്ടി, പി.എ. മാധവൻ, എം.പി. വിൻസെന്‍റ്,അനിൽ അക്കര, ടി.വി. ചന്ദ്രമോഹൻ, എം.പി ജാക്സണ്‍ തുടങ്ങിയവർ പങ്കെടുത്തു.

പിണറായിഭരണം കോർപറേറ്റുകൾക്കും സന്പന്നർക്കുംവേണ്ടി: കെ.കെ. രമ

തൃശൂർ: സമൂഹത്തിന്‍റെ ഏറ്റവും അടിത്തട്ടിൽ കിടക്കുന്ന ആശാ വർക്കർമാരുടെ ന്യായമായ അവകാശങ്ങൾ അംഗീകരിച്ച് സമരം അവസാനിപ്പിക്കാൻ ആർജവമില്ലാത്ത പിണറായിസർക്കാർ രാജിവയ്ക്കണമെന്നു കെ.കെ. രമ എംഎൽഎ. ആശാ സമരത്തെ പിന്തുണച്ച് ജനകീയകൂട്ടായ്മ സംഘടിപ്പിച്ച പ്രകടനവും പൊതുസമ്മേളനവും ഉദ്ഘാടനം ചെയ്യുകയായിരുന്നു അവർ. കോർപറേറ്റുകൾക്കും സന്പന്നർക്കുംവേണ്ടിയാണ് പിണറായിഭരണം. കമ്യൂണിസ്റ്റ് പാർട്ടിയെന്ന് അവകാശപ്പെടുന്ന സിപിഎം എല്ലാവിധ കമ്യൂണിസ്റ്റ് മൂല്യങ്ങളും കൈയൊഴിഞ്ഞുവെന്നതിന്‍റെ തെളിവാണ് ഈ സമീപനം. അങ്കണവാടിക്കാർ, സകൂൾപാചകത്തൊഴിലാളികൾ തുടങ്ങിയവരോടും ഇതേ സമീപനമാണെന്നും രമ കുറ്റപ്പെടുത്തി. പ്രഫ. കുസുമം ജോസഫ് അധ്യക്ഷത വഹിച്ചു. സാറാ ജോസഫ്, വി.ടി. ബൽറാം, ആശാ വർക്കർ സുജ ആന്‍റണി, കെ. അരവിന്ദാക്ഷൻ, എം.പി. സുരേന്ദ്രൻ, സോയാ ജോസഫ്, പ്രമോദ് പുഴങ്കര, ഐ. ഗോപിനാഥ്, എം.വി. സുധീപ് തുടങ്ങിയവർ പ്രസംഗിച്ചു.

ഹൈക്കോടതി ഉത്തരവ്: ഗുരുവായൂർ ക്ഷേത്രനടപ്പുരയിലെ കൈയേറ്റം ഒഴിപ്പിച്ചുതുടങ്ങി

ഗുരുവായൂർ: ഹൈക്കോടതി ഇടപെടലിനെതുടർന്ന് ദേവസ്വത്തിന്‍റെ നേതൃത്വത്തിൽ ക്ഷേത്രനടപ്പുരയിലെ വ്യാപാരസ്ഥാപനങ്ങളുടെ കൈയേറ്റം ഒഴിപ്പിച്ചുതുടങ്ങി. ഇന്നലെ രാവിലെ ആറിനു കിഴക്കേനടപ്പുരയിൽനിന്നാണ് ഒഴിപ്പിക്കൽ തുടങ്ങിയത്. നാലു നടകളിലെയും നടപ്പുരകളിൽ ദേവസ്വം സ്ഥലത്തേക്കു തള്ളിനിൽക്കുന്നവയെല്ലാം നീക്കംചെയ്യും. ഭക്തർക്കു ബുദ്ധിമുട്ട് ഉണ്ടാകുന്ന രീതിയിൽ വ്യാപാരസ്ഥാപനങ്ങളിലെ കച്ചവടസാധനങ്ങൾ നിരത്തിയിരിക്കുന്നുവെന്ന ഗുരുവായൂർ സ്വദേശി മുരളീധരന്‍റെ പരാതിയിലാണ് അവ നീക്കംചെയ്യാൻ ഹൈക്കോടതി ഉത്തരവിട്ടത്. ഉത്തരവിന്‍റെ അടിസ്ഥാനത്തിൽ ദേവസ്വം സർവേ നടത്തിയിരുന്നു. കൈയേറ്റം നീക്കംചെയ്യണമെന്നു ദേവസ്വം വ്യാപാരികൾക്ക് അറിയിപ്പ് നൽകിയിരുന്നു. വ്യാപാരികൾ പൊളിച്ചുനീക്കാത്തവ ദേവസ്വം നീക്കംചെയ്ത് ലേലംചെയ്യും. ദേവസ്വത്തിനൊപ്പം നഗരസഭയും പോലീസും സഹകരിക്കണമെന്നും ഹൈക്കോടതി നിർദേശിച്ചിരുന്നു. ദേവസ്വത്തിലെ ആരോഗ്യവിഭാഗം, റവന്യൂ, സെക്യൂരിറ്റി തുടങ്ങിയ വകുപ്പുകൾ ഏകോപിച്ചാണ് കൈയേറ്റം ഒഴിപ്പിക്കുന്നത്. ദേവസ്വം അഡ്മിനിസ്ട്രേറ്റർ കെ.പി. വിനയൻ, തഹസിൽദാർ ടി.കെ. ഷാജി, എക്സിക്യൂട്ടീവ് എൻജിനീയർ എം.കെ. അശോക് കുമാർ, ചീഫ് സെക്യൂരിറ്റി ഓഫീസർ എസ്. സുബ്രമണി എന്നിവരുടെ മേൽനോട്ടത്തിലാണ് പ്രവൃത്തി നടക്കുന്നത്. ഇന്നു പടിഞ്ഞാറെ നടപ്പുര, തെക്കേഭാഗം എന്നിവിടങ്ങളിലെ കൈയേറ്റം പൊളിച്ചുനിക്കും.

സംഗീത ആൽബം പാപ്പാ പ്രകാശനംചെയ്ത ഓർമയിൽ പാടുംപാതിരി

തൃശൂർ: ഫ്രാൻസിസ് മാർപാപ്പ സംഗീത ആൽബം പ്രകാശനംചെയ്ത ഓർമയിൽ പാടുംപാതിരി റവ.ഡോ. പോൾ പൂവത്തിങ്കൽ സിഎംഐ. കഴിഞ്ഞ നവംബർ പതിനാലിനാണു പാപ്പായെ നേരിൽകാണാനും സർവേശ എന്ന തന്‍റെ ആൽബത്തിന്‍റെ കോപ്പി സമർപ്പിക്കാനും അവസരം ലഭിച്ചത്. രാവിലെ പത്തരയ്ക്കു പേപ്പൽ ഹാളിലേക്കു പ്രവേശിച്ച പാപ്പായെ കാണാൻ നൂറുകണക്കിന് ആളുകളാണു എത്തിയിരുന്നത്. ഊഴമെത്തിയതോടെ വയലിനിസ്റ്റ് മനോജ് ജോർജിനൊപ്പം ആൽബത്തിന്‍റെ കോപ്പി നൽകി. ഇത് എനിക്കാണോ എന്നു സന്തോഷത്തോടെ ചോദിച്ചാണ് അദ്ദേഹം അതു സ്വീകരിച്ചത്. ആൽബത്തിന്‍റെ പോസ്റ്ററിൽ കൈയൊപ്പുവേണമെന്ന ആഗ്രഹം അറിയിച്ചപ്പോൾ അദ്ദേഹം ഫാ. പോളിന്‍റെ കൈയിൽനിന്നു പേന വാങ്ങി ഒപ്പുവച്ചു. തുടർന്ന് ഇരുവരുടെയും ശിരസിൽ കൈവച്ച് പാപ്പാ അനുഗ്രഹിച്ചു. ദൈവം നേരിട്ടിറങ്ങിയ നിമിഷങ്ങളായിരുന്നു അതെന്നും പാവങ്ങളുടെ ഇടയനു ഹസ്തദാനം നൽകി പൂർണനിറവോടെയാണ് പേപ്പൽ ഹൗസിന്‍റെ പടിയിറങ്ങിയതെന്നും ഫാ. പോൾ ഓർമിക്കുന്നു.

മഴ, കാറ്റ് ; നഷ്ടം ഒന്നരക്കോടിയിലേറെ

തൃശൂർ: ജില്ലയിൽ ചൊവ്വാഴ്ച രാത്രിയിൽ പെയ്ത കനത്ത മഴയിലും കാറ്റിലും 1,66,77,000 രൂപയുടെ വ്യാപകനാശനഷ്ടമുണ്ടായതായി അധികൃതർ അറിയിച്ചു. നാശനഷ്ടങ്ങൾ സംഭവിച്ച പുല്ലഴിയിലെ വീടും വൈദ്യുതി പോസ്റ്റുകൾ വീണു നാശം സംഭവിച്ച ഒളരി കൊട്ടിൽ റോഡ് ഭാഗവും ജില്ലാ കളക്ടർ അർജുൻ പാണ്ഡ്യൻ സന്ദർശിച്ചു. കാറ്റിലും മഴയിലും മരങ്ങൾ കടപുഴകി വീണും മരച്ചില്ലകൾ ഒടിഞ്ഞുവീണുമാണു നാശനഷ്ടങ്ങളുണ്ടായത്. തൃശൂർ താലൂക്കിലാണ് കൂടുതൽ നാശം. ഒല്ലൂക്കര, അയ്യന്തോൾ, മരത്താക്കര, അരണാട്ടുകര, ഒല്ലൂർ എന്നിവിടങ്ങളിലും നാശനഷ്ടമുണ്ടായി. തൃശൂർ താലൂക്കിൽ ഒരു വീട് പൂർണമായും 47 വീടുകൾ ഭാഗികമായും തകർന്ന് 23 ലക്ഷം രൂപയുടെ നാശനഷ്ടമുണ്ടായി. ഒല്ലൂക്കര, അന്തിക്കാട്, വെള്ളാങ്കല്ലൂർ ബ്ലോക്കുകളിൽ 126 കർഷകരുടെ 5.97 ഹെക്ടർ കൃഷി നശിച്ചതിൽ 17.86 ലക്ഷം രൂപയുടെ നഷ്ടം സംഭവിച്ചു. തൃശൂർ, ഇരിങ്ങാലക്കുട കെഎസ്ഇബി സർക്കിളിൽമാത്രം 1,13,91,000 രൂപയുടെ നാശനഷ്ടമാണുണ്ടായത്. തൃശൂർ താലൂക്ക് തഹസിൽദാർ ടി. ജയശ്രീ, വില്ലേജ് ഓഫിസർ ഷീജ രാജ് തുടങ്ങിയ ഉദ്യോഗസ്ഥരും കളക്ടറോടൊപ്പം സ്ഥലങ്ങൾ സന്ദർശിച്ചു. തൂണിന്‍റെ കോൺക്രീറ്റ് അടർന്നു ചുഴലിക്കാറ്റിൽ തൃശൂർ കോർപറേഷനു സമീപത്തെ മുനിസിപ്പൽ ബിൽഡിംഗിനു മുകളിലെ മേൽക്കൂരയുടെ തൂണിന്‍റെ കോണ്‍ക്രീറ്റ് അടർന്നു താഴേക്കുവീഴാറായതു പരിഭ്രാന്തി പരത്തി. വൻഅപകടമാണ് തലനാരിഴയ്ക്ക് ഒഴിവായത്. മൂന്നാംനിലയിൽനിന്നു വീഴാറായ തൂണ് ഇന്നലെ ഉച്ചയോടെ കോർപറേഷൻ ജീവനക്കാരെത്തി താഴേക്ക് ഇറക്കിയാണ് അപകടസാധ്യത ഒഴിവാക്കിയത്. മഴപെയ്താൽ കുറുപ്പം റോഡ് "കുഴപ്പം റോഡ്' സ്വന്തം ലേഖകൻ തൃശൂർ: മാസങ്ങളോളം അടച്ചിട്ടുപണിത് നവീകരിച്ച കുറുപ്പം റോഡ് ഇപ്പോൾ കുഴപ്പം റോഡായി മാറി. ഒരു ചെറുമഴ പെയ്താൽമതി കുറുപ്പം റോഡ് കുഴപ്പം റോഡാകും. യാതൊരു ആസൂത്രണവുമില്ലാതെ പണിത റോഡിൽനിന്ന് മഴവെള്ളം നേരേ കുത്തിയൊലിച്ചിറങ്ങുന്നതു ഇരുവശങ്ങളിലുമുള്ള വ്യാപാരസ്ഥാപനങ്ങളിലേക്കാണ്. പണി നടക്കുന്പോൾതന്നെ വ്യാപാരികൾ ഇക്കാര്യത്തിലുള്ള തങ്ങളുടെ ആശങ്ക ബന്ധപ്പെട്ടവരെ അറിയിച്ചിരുന്നെങ്കിലും പരിഹാരമൊന്നും ഉണ്ടാക്കിയിരുന്നില്ല. കഴിഞ്ഞ രണ്ടുദിവസം പെയ്ത മഴയിൽ വെള്ളം കുത്തിയൊലിച്ചിറങ്ങിയപ്പോൾ കുറുപ്പം റോഡിലെ വ്യാപാരസ്ഥാപനങ്ങൾക്കു സംഭവിച്ച നഷ്ടം ചില്ലറയല്ല. കൊക്കാലെയിലെ ദിനേഷ് കുമാറിന്‍റെ സ്റ്റിച്ചിംഗ് കടയിലും പി.ജി. ബിന്ദുവിന്‍റെ ഡോർ ഷോപ്പിലും സമീപത്തെ കൂൾഡ്രിംഗ്സ് കടയിലും വെള്ളംകയറി നാശനഷ്ടങ്ങൾ ഉണ്ടായി. സ്റ്റിച്ചിംഗ് കടയിലെ തയ്യൽ മെഷീന്‍റെ മോട്ടോറുകൾ, കംപ്യൂട്ടർ, തുണിത്തരങ്ങൾ, സ്വിച്ച് ബോർഡുകൾ എന്നിവ നശിച്ചു. ഡോർ കടയിലെ വിവിധ തരത്തിലുള്ള ഡോറുകൾ, സീലിംഗ് ആക്സസറികൾ, ഇരുമ്പുകോണികൾ എന്നിവയും കൂൾഡ്രിംഗ്സ് കടയിലെ സാധനങ്ങളും വെള്ളക്കെട്ടിൽ മുങ്ങി. റോഡ് മുകളിലും കടകൾ താഴെയുമായി നിൽക്കുന്ന അവസ്ഥയാണ് കുറുപ്പം റോഡ് നവീകരണം കഴിഞ്ഞപ്പോൾ സംഭവിച്ചത്. സ്വരാജ് റൗണ്ടിൽനിന്ന് വെള്ളം കുറുപ്പം റോഡിലേക്ക് ഒഴുകിയിറങ്ങുന്നത് നേരേ കടകൾക്കുള്ളിലേക്കാണ് എത്തുന്നത്. വ്യാപാരസ്ഥാപനങ്ങൾക്കു മുന്നിൽ ഇഷ്ടിക വച്ച് ഉയർത്തേണ്ട അവസ്ഥയാണ് പലർക്കുമുള്ളത്. പരിഹാരം എന്തെന്ന് ആർക്കും പറയാനാകാത്ത സ്ഥിതി. വ്യാപാരികൾ കടുത്ത പ്രതിഷേധത്തിലുമാണ്. മൃഗശാലയിൽ വ്യാപകനാശം, സന്ദർശകർക്കു വിലക്ക് തൃശൂർ: ശക്തമായ മഴയിലും കാറ്റിലും മൃഗശാലയിലും വ്യാപകനാശനഷ്ടം. കൂറ്റൻമരങ്ങൾ കടപുഴകി വീണു. ഫെൻസിംഗുകളും മതിലുകളും തകർന്നു. മൃഗങ്ങൾ പരിക്കേൽക്കാതെ രക്ഷപ്പെട്ടതു തലനാരിഴയ്ക്ക്. സന്ദർശകർക്കു വിവിധ ഇടങ്ങളിൽ മൃഗശാലാ അധികൃതർ താത്കാലികനിരോധനം ഏർപ്പെടുത്തി. അവധിക്കാലമായതിനാൽ തിരക്കേറെയുണ്ടാകാറുള്ള മൃഗശാലയിൽ മരങ്ങൾ വീണതു രാത്രിയായതിനാൽ ഒഴിവായതു വൻ അപകടമാണ്. മ്ലാവിന്‍റെ കൂട്ടിലുള്ള ഭീമൻ പുളിമരം മതിൽ തകർത്ത് കൊല്ലങ്കോട് പാലസ് കോംപൗണ്ടിലേക്കാണ് കടപുഴകിയത്. ഹിപ്പൊപ്പൊട്ടാമസിന്‍റെ കുളം പൂർണമായും മരം വീണു മൂടിയ നിലയിലാണ്. രാത്രിയിൽതന്നെ മൃഗങ്ങളെ മറ്റു കൂടുകളിലേക്ക് നീക്കിയ അധികൃതർ തുടർനടപടികൾ സ്വീകരിച്ചിട്ടുണ്ട്. കുട്ടികളുടെ പാർക്കിലും കൊന്പുകൾ ഒടിഞ്ഞുവീണതിനാൽ പ്രവേശനം നിരോധിച്ചിട്ടുണ്ട്. മഴക്കാലത്തിനു മുന്നോടിയായി അപകടകരങ്ങളായ മരക്കൊന്പുകൾ നേരത്തേതന്നെ നീക്കം ചെയ്തിരുന്നതായും ഉടൻതന്നെ കൂടുകളിൽ വീണ മരങ്ങൾ നീക്കംചെയ്ത് സന്ദർശനം അനുവദിക്കുമെന്നും സൂപ്രണ്ട് ടി.വി. അനിൽകുമാർ പറഞ്ഞു.

ഓട്ടോയും ബസും കൂട്ടിയിടിച്ച് തൊഴിലാളി മരിച്ചു

പുത്തൂർ: കാലടിയിൽ ഓട്ടോറിക്ഷയും ബസും കൂട്ടിയിടിച്ച് ഇതര സംസ്ഥാന തൊഴിലാളി മരിച്ചു. ഓട്ടോ യാത്രക്കാരനായ ബീഹാർ സ്വദേശി പ്രമോദ്(50) ആണ് മരിച്ചത്. അപകടത്തിൽ ഓട്ടോറിക്ഷയുടെ മുൻഭാഗം പൂർണമായും തകർന്നു. പുത്തൂർ ഭാഗത്തുനിന്നും തൃശൂർ ഭാഗത്തേക്ക് വന്നിരുന്ന ഓട്ടോറിക്ഷയുടെ പിറകിൽ കാർ ഇടിച്ചതിനെ തുടർന്ന് നിയന്ത്രണം തെറ്റിയ ഓട്ടോറിക്ഷ എതിർ ദിശയിൽ വന്നിരുന്ന ബസിൽ ഇടിക്കുകയായിരുന്നു. പരിക്കേറ്റ തൊഴിലാളിയെ തൃശൂർ ജില്ല ആശുപത്രിയിൽ എത്തിച്ചുവെങ്കിലും മരണം സംഭവിക്കുകയായിരുന്നു. ഒല്ലൂർ പോലീസ് മേൽനടപടികൾ സ്വീകരിച്ചു.

റോഡ് മറികടക്കുന്നതിനിടയിൽ ബൈക്കിടിച്ച് സൈക്കിൾ യാത്രികൻ മരിച്ചു

ചേർപ്പ്: റോഡ് മുറികടക്കുന്നതിനിടയിൽ ബൈക്ക് ഇടിച്ച് സൈക്കിൾ യാത്രികൻ മരിച്ചു. ചേർപ്പ് പാലം ബസ് സ്റ്റോപ്പിനു സമീപം കിഴക്കേ പട്ടത്ത് ശങ്കരനാരായണൻ(72) ആണ് മരിച്ചത്. കഴിഞ്ഞ 18 നായിരുന്നു അപകടം. തുടർന്ന് തൃശൂരിലെ സ്വകാര്യ ആശുപത്രിയിൽ ചികിത്സയിലായിരുന്നു. സംസ്കാരം പിന്നീട്. ഭാര്യ: വത്സല. മക്കൾ: സുമിത്ത്, സുനിത. മരുമകൻ: അച്ചുതാനന്ദൻ.

ടോൾപിരിവ് നിർത്തിവയ്ക്കുന്ന ഉത്തരവിൽ അന്തിമതീരുമാനം 28ന്

തൃശൂർ: ചാലക്കുടി-അങ്കമാലി ദേശീയപാതയിലെ ഗതാഗതക്കുരുക്കിന് ഒരാഴ്ചക്കുള്ളിൽ പരിഹാരം കാണുമെന്നു ജില്ലാ കളക്ടർ അർജുൻ പാണ്ഡ്യൻ വിളിച്ചുചേർത്ത യോഗത്തിൽ ദേശീയപാത അഥോറിറ്റി. അതേസമയം കുരുക്കു സംബന്ധിച്ചു പരിശോധന നടത്തി 28നു റിപ്പോർട്ട് സമർപ്പിക്കാൻ പൊലീസ്, ആർടിഒ, ചാലക്കുടി തഹസിൽദാർ എന്നിവർക്കു ജില്ലാ കളക്ടർ നിർദേശം നല്കി. റിപ്പോർട്ടിന്‍റെ അടിസ്ഥാനത്തിൽ ടോൾ പിരിവ് നിർത്തിവയ്ക്കുന്ന ഉത്തരവു സംബന്ധിച്ച് അന്തിമതീരുമാനമെടുക്കുമെന്നും കളക്ടർ അറിയിച്ചു. ഗതാഗതക്കുരുക്ക് രൂക്ഷമായ മേഖലകളിൽ ട്രാഫിക് വാർഡൻമാരെ നിയമിക്കണമെന്നു പോലീസിനും ദേശീയപാത അഥോറിറ്റിക്കും നിർദേശം നല്കി. ഗതാഗതം വഴിതിരിച്ചുവിടുന്ന സ്ഥലങ്ങളിൽ സൈൻ ബോർഡുകൾ ഇല്ല. രാത്രിയിലും കാണാനാകുന്ന ലൈറ്റിംഗ് സംവിധാനം വേണം. കൃത്യമായ ഇടവേളകളിൽ സർവീസ് റോഡുകളുടെ അറ്റകുറ്റപ്പണികൾ പൂർത്തീകരിക്കണം. ദേശീയപാതയിൽനിന്ന് സർവീസ് റോഡിലേക്കു വഴിതിരിച്ചുവിടുന്ന സ്ഥലങ്ങളിലെ തടസങ്ങൾ നീക്കണമെന്നും നിര്‌ദേശിച്ചു. ഗതാഗതം വഴിതിരിച്ചുവിടുന്നതിനെക്കുറിച്ച് തീരുമാനമെടുക്കുവാൻ പോലീസിനും ആർടിഒയ്ക്കും നിർദേശം നൽകി. ഗതാഗതസംവിധാനത്തെക്കുറിച്ച് എല്ലാ ആഴ്ചയിലും ചാലക്കുടി ഡിവൈഎസ്പിയുടെ നേതൃത്വത്തിൽ അവലോകനം നടത്തും. ഗതാഗതം തിരിച്ചുവിടുന്ന സ്ഥലങ്ങളിൽ വിവിധ ഭാഷകളിലുള്ള ബോർഡുകൾ സ്ഥാപിക്കും. മുരിങ്ങൂർ, ചിറങ്ങര മേഖലകളിൽ ബസ് സ്റ്റോപ്പ് ജനങ്ങൾക്കു ബുദ്ധിമുട്ടുണ്ടാക്കാത്ത തരത്തിൽ താത്കാലികമായി മാറ്റിസ്ഥാപിക്കണമെന്ന് ആവശ്യമുയർന്നു. ഇക്കാര്യം പരിശോധിച്ചു നടപടി സ്വീകരിക്കാമെന്ന് ആർടിഒ അറിയിച്ചു. സർവീസ് റോഡുകളിലെ കാനകളിൽ തടസമുള്ളതിനാൽ ചെറിയ മഴയ്ക്കുപോലും വലിയ വെള്ളക്കെട്ട് ഉണ്ടാകുന്നതായി റൂറൽ എസ്പി ബി. കൃഷ്ണദാസ് അറിയിച്ചു. കഴിഞ്ഞ ദിവസങ്ങളിലെ മഴയത്തു മണിക്കൂറുകൾനീണ്ട ഗതാഗതക്കുരുക്കാണ് ദേശീയപാതയിൽ ഉണ്ടായതെന്നും ചൂണ്ടിക്കാട്ടി. നിലവിൽ നിർമാണം നടക്കുന്ന സ്ഥലങ്ങളിൽ ക്രാഷ് ബാരിയറുകൾ സ്ഥാപിച്ചിട്ടില്ലെന്നും റൂറൽ എസ്പി അറിയിച്ചു. ഇക്കാര്യത്തിൽ ഉടൻ പരിഹാരം കാണാൻ കളക്ടർ ദേശീയപാത അഥോറിറ്റിയോടു പറഞ്ഞു. ജില്ലാ കളക്ടറുടെ ചേംബറിൽ ചേർന്ന യോഗത്തിൽ ഡെപ്യൂട്ടി കളക്ടർ സി.എസ്. സ്മിതറാണി, തഹസിൽദാർമാർ, പോലീസ് ഉദ്യേഗസ്ഥർ, മറ്റു വകുപ്പ് ഉദ്യോഗസ്ഥർ, ദേശീയപാത അഥോറിറ്റി പ്രതിനിധികൾ തുടങ്ങിയവർ പങ്കെടുത്തു.

ഹെപ്പറ്റൈറ്റിസ് പടരുന്നു, ജാഗ്രത വേണം: ഡിഎംഒ

സ്വന്തം ലേഖകൻ തൃശൂർ: ജില്ലയിൽ പലയിടത്തും ഹെപ്പറ്റൈറ്റിസ് റിപ്പോർട്ട് ചെയ്ത സാഹചര്യത്തിൽ പൊതുജനങ്ങൾ ജാഗ്രത പുലർത്തണമെന്നു ജില്ലാ മെഡിക്കൽ ഓഫീസർ ഡോ. ടി.പി. ശ്രീദേവി അറിയിച്ചു. ലക്ഷണങ്ങൾ: കരളിനെ ബാധിക്കുന്ന വൈറസ് രോഗമാണ് വൈറൽ ഹെപ്പറ്റൈറ്റിസ്. മലിനമായ ആഹാരവും കുടിവെള്ളവുംവഴി പകരുന്ന വൈറൽ ഹെപ്പറ്റൈറ്റിസിന്‍റെ എ, ഇ വിഭാഗങ്ങളാണ് കൂടുതൽ കണ്ടുവരുന്നത്. ഹെപ്പറ്റൈറ്റിസ് രോഗാണുക്കൾ ശരീരത്തിലെത്തി രോഗലക്ഷണങ്ങൾ പ്രത്യക്ഷപ്പെടാൻ 15 മുതൽ 60 ദിവസംവരെയെടുക്കും. ശരീരവേദനയോടുകൂടിയ പനി, തലവേദന, ക്ഷീണം, ഓക്കാനം, ഛർദ്ദി തുടങ്ങിയവയാണ് പ്രാരംഭരോഗലക്ഷണങ്ങൾ. പിന്നീട് മൂത്രത്തിനും കണ്ണിനും മറ്റു ശരീരഭാഗങ്ങളിലും മഞ്ഞനിറം പ്രത്യക്ഷപ്പെടും. രോഗപ്രതിരോധനടപടികളും ശ്രദ്ധിക്കേണ്ട കാര്യങ്ങളും: lആഹാരം കഴിക്കുന്നതിനുമുന്പും മലവിസർജനത്തിനുശേഷവും കൈകൾ സോപ്പ് ഉപയോഗിച്ച് കഴുകുക. lകൈയിലെ നഖം വൃത്തിയായി വെട്ടി സൂക്ഷിക്കുക. lമലമൂത്രവിസർജനം കക്കൂസിൽമാത്രം. തുറസായ സ്ഥലത്തു ചെയ്യാതിരിക്കുക. lകുഞ്ഞുങ്ങളുടെ വിസർജ്യങ്ങൾ സുരക്ഷിതമായി നീക്കംചെയ്യുക. lവീടിന്‍റെ പരിസരത്തു ചപ്പുചവറുകൾ കുന്നുകൂടാതെ ശ്രദ്ധിക്കുക. lകന്നുകാലിത്തൊഴുത്തുകൾ വീട്ടിൽനിന്ന് അകലെയായിരിക്കാൻ ശ്രദ്ധിക്കുക. lആഹാരസാധനങ്ങളും കുടിവെള്ളവും അടച്ചുസൂക്ഷിക്കുക. lപഴകിയതും മലിനമായതുമായ ആഹാരം കഴിക്കാതിരിക്കുക. lപഴവർഗങ്ങളും പച്ചക്കറികളും നല്ലവണ്ണം കഴുകിയതിനുശേഷംമാത്രം ഉപയോഗിക്കുക. lതിളപ്പിച്ചാറ്റിയ വെള്ളംമാത്രം കുടിക്കുവാൻ ഉപയോഗിക്കുക. lകിണറിനു ചുറ്റുമതിൽ കെട്ടുക. ഇടയ്ക്കിടെ കിണർവെള്ളം ക്ലോറിനേറ്റ് ചെയ്യുക. lകുടിവെള്ള പന്പിംഗ് സ്റ്റേഷനുകളിൽ ക്ലോറിനേഷനും ശുദ്ധീകരണപ്രവർത്തനങ്ങളും ഉറപ്പുവരുത്തുക.

പുല്ലഴി കോൾപ്പടവ്: സംഭരണം വൈകുന്നു; ആറു ലോഡ് ബാക്കി

സ്വന്തം ലേഖകൻ തൃശൂർ: പുല്ലഴി കോൾപ്പടവിലെ നെല്ലുസംഭരണത്തിൽ അനിശ്ചിതത്വം തുടരുന്നു. കർഷകരിൽനിന്ന് പരമാവധി വിലക്കുറവിൽ നെല്ലു സംഭരിക്കാനുള്ള നീക്കമാണ് മില്ലുടമകളുടെ അസോസിയേഷൻ നടത്തുന്നതെന്നും പതിരിന്‍റെ പേരിൽ ക്വിന്‍റലിന് അഞ്ചുമുതൽ പത്തുശതമാനംവരെ കിഴിവ് ആവശ്യപ്പെടുകയാണെന്നും കർഷകർ പറഞ്ഞു. ഉത്പാദനക്കുറവിനൊപ്പം കിഴിവും നൽകാൻ കഴിയില്ല. അഞ്ചു മില്ലുടമകൾ എത്തിയെങ്കിലും ആറു ലോഡ് നെല്ല് ഇപ്പോഴും ഗോഡൗണിൽ കെട്ടിക്കിടക്കുകയാണ്. 750 ഏക്കറിലെ 450 കർഷകരാണ് ഇക്കുറി കൃഷിയിറക്കിയത്. പാലക്കാട്, ആലപ്പുഴ ഭാഗങ്ങളിൽനിന്ന് യന്ത്രങ്ങളെത്തിച്ച് നെല്ലും പതിരും വേർതിരിച്ചപ്പോൾ ഈർപ്പത്തിന്‍റെ പേരിലാണ് നെല്ലെടുപ്പ് വൈകിപ്പിച്ചത്. 16 ശതമാനംവരെ ഈർപ്പമുണ്ടെന്നു ചൂണ്ടിക്കാട്ടി ക്വിന്‍റലിനു മൂന്നും നാലും കിലോ വെട്ടിക്കുറച്ചു. സപ്ലൈകോയിൽ രജിസ്റ്റർ ചെയ്തശേഷം സംഭരണത്തിനു കന്പനികളെ ഏല്പിച്ചതെന്നും അവരുടെ മാനദണ്ഡപ്രകാരമാണു നീങ്ങിയതെന്നും കോൾകർഷകർ പറഞ്ഞു. ഇന്നുമുതൽ നെല്ലുസംഭരണ രസീത് (പിആർഎസ്) നൽകുമെന്ന് അറിയിച്ചിട്ടുണ്ട്. അങ്ങനെയെങ്കിൽ 30 ദിവസത്തിനുള്ളിൽ വായ്പയായി പണം ലഭിക്കും. ഇനിയും വൈകിയാൽ കർഷകർ വൻകടക്കെണിയിലാകും. കൊയ്ത്ത്, ടില്ലർ എന്നിവയുടെ ചെലവിനൊപ്പം കോൾപ്പടവിനു മോട്ടോർ കൂലിയും നൽകുന്പോൾ വൻനഷ്ടമാണ്. മിക്ക കർഷകരും പലിശരഹിതവായ്പയെടുത്താണു കൃഷി ആരംഭിച്ചതെങ്കിലും അടവു മുടങ്ങിയാൽ പലിശ നൽകേണ്ടിവരും. കഴിഞ്ഞ സാന്പത്തികവർഷം ചൂടുകൂടിയതിനെതുടർന്നുണ്ടായ കൃഷിനാശത്തിനു വിള ഇൻഷ്വറൻസും കേന്ദ്ര സർക്കാരിന്‍റെ ഇൻഷ്വറൻസും ലഭിച്ചിട്ടില്ല. കൃഷി വെള്ളത്തൽ മുങ്ങിയിട്ടും നാമമാത്രമായ വിത്താണു കൃഷിവകുപ്പ് നൽകിയത്. ഇക്കുറിയും ഇൻഷ്വറൻസിന് അപേക്ഷിച്ചിട്ടുണ്ട്.

ഫ്രാൻസിസ് പാപ്പാ വെഞ്ചരിച്ച തിരുഹൃദയരൂപവുമായി എരുമപ്പെട്ടി പള്ളി

എരുമപ്പെട്ടി: ഫ്രാൻസിസ് മാർപാപ്പയോടുള്ള സ്നേഹവിധേയത്വത്തിൽ എരുമപ്പെട്ടി തിരുഹൃദയ പള്ളിയും വിശ്വാസികളും. തങ്ങളുടെ ഇടവകയിൽ സ്ഥാപിച്ചിട്ടുള്ള അനുഗ്രഹദായകമായ തിരുഹൃദയ രൂപം വെഞ്ചരിച്ചതു ഫ്രാൻസിസ് മാർപാപ്പയാണെന്നതാണ് ഈ ഹൃദയ ഐക്യത്തിനു നിദാനം. ഫ്രാൻസിസ് പാപ്പ വെഞ്ചരിച്ച ഇന്ത്യയിലെ ഏറ്റവും വലിയ തിരുഹൃദയരൂപമാണിത്. എട്ടടി ഉയരമുണ്ട്. 2024 ഒക്ടോബർ ഒന്പതിനാണ് തൃശൂർ അതിരൂപതാധ്യക്ഷൻ മാർ ആൻഡ്രൂസ് താഴത്തിന്‍റെയും ഇടവക വികാരി ഫാ. ജോഷി ആളൂരിന്‍റെയും മറ്റ് ഇടവകപ്രതിനിധികളുടെയും സാന്നിധ്യത്തിൽ വത്തിക്കാനിൽവച്ച് മാർപാപ്പ തിരുസ്വരൂപം വെഞ്ചരിച്ചത്. നവംബർ ഒന്നിനു മാസാദ്യവെള്ളിയാഴ്ച അനേകം വാഹനങ്ങളുടെ അകന്പടിയോടെ നെടുന്പാശേരിയിൽനിന്നും തൃശൂർ അതിരൂപത ആസ്ഥാനത്ത് എത്തിച്ചു. 2025 ജനുവരി മൂന്നിന് മറ്റൊരു മാസാദ്യവെള്ളിയാഴ്ചയാണ് ആഘോഷമായി ആർച്ച്ബിഷപ് മാർ ആൻഡ്രൂസ് താഴത്തിന്‍റെ മുഖ്യകാർമികത്വത്തിൽ തിരുസ്വരൂപപ്രതിഷ്ഠ നടത്തിയത്. ഇന്ന് അനേകർ ഈ തിരുസ്വരൂപത്തിനുമുന്പിൽ കൂപ്പുകരങ്ങളോടെ ഓടിയണയുന്നുണ്ട്.

ഒളിമങ്ങാത്ത ഓർമകളിലൂടെ...

മധുരസ്മരണകളുമായി വരാക്കര സൗത്ത് ഇടവക വരാക്കര: ഫ്രാൻസിസ് മാർപാപ്പ ആശീർവദിച്ച വരാക്കര സൗത്ത് ഇടവകമധ്യസ്ഥനായ പരിശുദ്ധ ഉണ്ണീശോയുടെ പൂർണകായരൂപം ഇൻഫന്‍റ് ജീസസ് പള്ളി അൾത്താരയിൽ പ്രതിഷ്ഠിച്ച ഓർമകളുമായി ഇടവകാംഗങ്ങൾ. വരാക്കര സൗത്ത് ഇടവകദേവാലയം പുതുക്കിപ്പണിയുന്ന കാലത്താണ് മാർപാപ്പ ആശീർവദിച്ച തിരുസ്വരൂപം റോമിൽനിന്നു കേരളത്തിലെത്തിച്ചത്. പോൾ ആറാമൻ പാപ്പായുടെ പേരിലുള്ള റോമിലെ പാവ്ലോ സെസ്തോ പബ്ലിക് ഓഡിറ്റോറിയത്തിൽ നടന്ന പൊതുസമ്മേളനത്തിലാണ് ഫ്രാൻസിസ് പാപ്പാ തിരുസ്വരൂപം ആശീർവദിച്ചത്. സാധാരണ ബുധനാഴ്ചകളിൽ മാർപാപ്പ പൊതുജനത്തെ അഭിസംബോധന ചെയ്യാറുള്ളത് സെന്‍റ് പീറ്റേഴ്സ് ബസിലിക്ക ചത്വരത്തിലാണ്. 2015 ഫെബ്രുവരി നാലിനു മഴയെത്തുടർന്നാണു ചടങ്ങുകൾ ഓഡിറ്റോറിയത്തിലേക്കു മാറ്റിയത്. റോമിൽ താമസിച്ചിരുന്ന ഇടവകാംഗം മഞ്ഞളി ജോഷിയും കുടുംബവും നൽകിയ പ്രത്യേക നിവേദനം പരിഗണിച്ചാണു തിരുസ്വരൂപം ആശീർവദിക്കാൻ അനുമതി ലഭിച്ചത്. വത്തിക്കാനിൽ ജോലിചെയ്യുന്ന ഒളരിക്കര സ്വദേശിനിയായ സിസ്റ്റർ നിത്യയുടെ നിർദേശപ്രകാരം വുഡ്പൾപ്പിൽ റോമിൽ നിർമിച്ച പ്രാഗിലെ ഉണ്ണീശോയുടെ തിരുസ്വരൂപം വത്തിക്കാനിലെത്തിച്ചു. തുടർന്ന് ഔദ്യോഗികനടപടികളിലൂടെ മാർപാപ്പയുടെ ആശീർവാദത്തിന് അവസരം ലഭിക്കുകയായിരുന്നു. വിമാനമാർഗം നെടുന്പാശേരിയിലെത്തിച്ച തിരുസ്വരൂപം തൃശൂർ ആർച്ച്ബിഷപ് ഹൗസിൽ സ്വീകരിച്ചു. മെത്രാപ്പോലീത്ത മാർ ആൻഡ്രൂസ് താഴത്ത് തിരുസ്വരൂപത്തിനുമുന്പിൽ പ്രാർഥിച്ചശേഷം വികാരിയായിരുന്ന ഫാ. ജോമോൻ മുരിങ്ങാത്തേരിക്ക് ഇടവകദേവാലയത്തിലേക്കു കൊണ്ടുപോകാൻ അനുമതി നൽകി. തുടർന്ന് വിവിധ ദേവാലയങ്ങളിൽ വിശ്വാസികളുടെ പ്രാർഥനാസ്തുതികൾ ഏറ്റുവാങ്ങി നിർമാണത്തിലിരുന്ന വരാക്കര സൗത്ത് ഇടവകയിലെത്തിച്ചു. അന്നത്തെ വികാരി ജനറാളായിരുന്ന മോണ്‍. ജോർജ് എടക്കളത്തൂർ തിരുസ്വരൂപം പള്ളിയിൽ പ്രത്യേകം തയാറാക്കിയ രൂപക്കൂട്ടിൽ സ്ഥാപിച്ചു. തൃശൂർ അതിരൂപത അനുസ്മരണദിനം 25ന് തൃശൂർ: ദിവംഗതനായ ഫ്രാൻസിസ് മാർപാപ്പയ്ക്ക് സ്നേഹാദരങ്ങൾ അർപ്പിച്ച് തൃശൂർ അതിരൂപതയുടെ ആഭിമുഖ്യത്തിൽ 25ന് അനുസ്മരണദിനമായി ആചരിക്കും. വൈകീട്ട് നാലിനു പുത്തൻപള്ളി ബസിലിക്ക ദേവാലയത്തിൽ ബിഷപ്പുമാരുടെ കാർമികത്വത്തിൽ അനുസ്മരണദിവ്യബലി അർപ്പിക്കും. അഞ്ചിന് ബസിലിക്കയിൽനിന്ന് ആരംഭിക്കുന്ന അനുസ്മരണ റാലി നഗരംചുറ്റി സെന്‍റ് തോമസ് കോളജിൽ സമാപിക്കും. തുടർന്നുനടക്കുന്ന അനുസ്മരണസമ്മേളനത്തിൽ വിവിധ മതമേലധ്യക്ഷന്മാർ, ജനപ്രതിനിധികൾ, സാമൂഹ്യ സാംസ്കാരികരംഗത്തെ പ്രമുഖർ തുടങ്ങിയവർ പങ്കെടുക്കും. പാപ്പയുടെ ഭൗതികദേഹം സംസ്കരിക്കുന്ന 26ന് എല്ലാ ഇടവക ദേവാലയങ്ങളിലും പ്രത്യേക അനുസ്മരണചടങ്ങുകൾ സംഘടിപ്പിക്കും. നൊന്പരമായി ആ ചിത്രം ഇരിങ്ങാലക്കുട: ഒരുപാടു പ്രാർഥിച്ചു, ഇനി എനിക്കുവേണ്ടി സ്വർഗത്തിൽ ഫ്രാൻസിസ് പാപ്പാ പ്രാർഥിക്കും: താൻ വരച്ച ഫ്രാൻസിസ് മാർപാപ്പയുടെ ചിത്രം അദ്ദേഹത്തിനു സമ്മാനിക്കുന്ന ഫോട്ടോ കൈകളിലെടുത്ത് ഇരിങ്ങാലക്കുട പൊറത്തിശേരി അഭയഭവൻ അന്തേവാസി ജയൻ വേദനയോടെ പറഞ്ഞു. ഒരുനാൾ ഞാൻ ഫ്രാൻസിസ് പാപ്പായുടെ ചിത്രം വരച്ചു. പിന്നീട് ഈ ചിത്രം പരിശുദ്ധപിതാവിന്‍റെ കരങ്ങളിൽ എത്തി. ഏറെ ഭാഗ്യമായാണ് ഞാനിതിനെ കാണുന്നത്. മാർപാപ്പ അസുഖബാധിതനായതറിഞ്ഞ നിമിഷംമുതൽ ഒരുപാട് പ്രാർഥിച്ചു. ഇനി എനിക്കുവേണ്ടി ഫ്രാൻസിസ് പാപ്പാ സ്വർഗത്തിൽ പ്രാർഥിക്കുമെന്നു ജയൻ പറഞ്ഞു. ജന്മനാ കൈകാലുകൾക്കു സ്വാധീനമില്ലാത്ത, നിവർന്നിരിക്കാൻപോലും സാധിക്കാത്ത വ്യക്തിയാണ് ജയൻ. 2014 മേയ് 21നാണ് സെന്‍റ് പീറ്റേഴ്സ് ബസിലിക്കയിൽ വച്ച് ഇരിങ്ങാലക്കുട രൂപത മെത്രാൻ മാർ പോളി കണ്ണൂക്കാടൻ ഫ്രാൻസിസ് പാപ്പായ്ക്കു ജയൻ വരച്ച ചിത്രം കൈമാറിയത്. ചിത്രം സമ്മാനിച്ചുകൊണ്ട് ചിത്രകാരനെ മാർപാപ്പയ്ക്കു പരിചയപ്പെടുത്തി. ചിത്രവും ചിത്രത്തിലൂടെ ജയനെയും കണ്ട പാപ്പാ പറഞ്ഞു: വൗ... വണ്ടർഫുൾ. അദ്ദേഹത്തോട് എന്‍റെ നന്ദി അറിയിക്കണം. എന്‍റെ പ്രാർഥനകൾ ഉണ്ടാകും. കുറിച്ചിത്താനം ഉഴവൂർ കരോട്ടുകുമരംപറന്പത്ത് സോമസുന്ദരൻ പിള്ളയുടെയും കമലാക്ഷിയമ്മയുടെയും ഇളയ മകനാണ് ജയൻ. 31 വർഷംമുന്പ് 1994 ജനുവരി മൂന്നിനാണു ജയനെന്ന 32 കാരനെ കൂട്ടുകാരൻ രമേശ് പൊറത്തിശേരി അഭയഭവനിലെത്തിച്ചത്.

ലഹരിവിരുദ്ധ ക്യാമ്പുകൾക്ക് ട്രെയിനർമാരെ സജ്ജമാക്കി കയ്പമംഗലം

വെമ്പല്ലൂർ: കയ്പമംഗലം മണ്ഡലത്തിലെ എല്ലാ വാർഡുകളിലും ലഹരിവിരുദ്ധ കാമ്പയിൻ സംഘടിപ്പിക്കുന്നതിന്‍റെ ഭാഗമായി മണ്ഡലത്തിലെ വോളന്‍റിയർമാർക്കും സന്നദ്ധ‌പ്രവർത്തകർക്കും അതാത് വാർഡുകളിൽ ബോധവത്കരണ പരിപാടികൾക്കു നേതൃത്വം നൽകുന്നതിനു പരിശീലനം നൽകി. വെമ്പല്ലൂർ എംഇഎസ് അസ് മാബി കോളജിൽ നടന്ന വോള ന്‍റിയർ പരിശീലനപരിപാടി ഇ.ടി. ടൈസൺ എംഎൽഎ ഉദ്ഘാടനം ചെയ്തു. ശ്രീനാരായണപുരം ഗ്രാമപഞ്ചായത്ത് പ്രസിഡന്‍റ് എം. എസ്. മോഹനൻ അധ്യക്ഷത വഹിച്ചു. ലഹരിവിരുദ്ധസമിതി ജനറൽ കൺവീനർ ടി.എസ്. സജീവൻ മാസ്റ്റർ ക്ലാസുകൾക്കു നേതൃത്വം നൽകി. എടവിലങ്ങ് ഗ്രാമപഞ്ചായത്ത് പ്രസിഡന്‍റ് നിഷ അജിതൻ, അസ്മാബി കോളജ് പ്രിൻസിപ്പൽ ഡോ. റീന മുഹമ്മദ്, എംഇഎസ് ബോർഡ് മെമ്പർ പി.എം. ഷൈൻ, കെ.എം. അബ്ദുൽ ജമാൽ, ഡോ. കെ.പി. സുമേധൻ, പി.ആർ. ശ്രീധരൻ മാസ്റ്റർ, നസീർ മാസ്റ്റർ തുടങ്ങിയവർ പ്രസംഗിച്ചു.

അസോസിയേറ്റ് ഓഫ് കാർമൽ സമ്മർ ക്യാമ്പ്

ചാലക്കുടി: അസോസിയേറ്റ്സ് ഓഫ് കാർമലിന്‍റെ നേതൃത്വത്തിൽ ചാലക്കുടി വിദ്യാഭ്യാസ ഉപജില്ലയിലെ വിദ്യാർഥികളെ പങ്കെടുപ്പിച്ച് നടത്തുന്ന ത്രിദിന സമ്മർ ക്യാമ്പ് "പ്രത്യാശ 2025' നഗരസഭ ചെ‌യർമാൻ ഷിബു വാലപ്പൻ ഉദ്ഘാടനം ചെയ്തു. അസോസിയേറ്റ്സ് ഓഫ് കാർമലിന്‍റെ ധനശേഖരണ പദ്ധതിയുടെ അവതാരിക പ്രകാശനം ചെയ്തു. കാർമൽ സ്കൂൾ മാനേജർ ഫാ. അനൂപ് പുതുശേരി അധ്യക്ഷത വഹിച്ചു. ചാലക്കുടി റേഞ്ച് എക് സൈസ് ഇൻസ്‌പെക്ടർ സി.യു. ഹരീഷ് മുഖ്യാതിഥിയായിരുന്നു. മുനിസിപ്പാലിറ്റിയുടെ ലഹരി വിരു ദ്ധ പ്രോജക്ടായ "നന്മലഹരി'യുടെ ഭാഗമായി ലഹരിവിരുദ്ധ പ്രതിജ്ഞ അദ്ദേഹം കുട്ടികൾക്കു ചൊല്ലിക്കൊടുത്തു. കാർമൽ അക്കാദമി പ്രിൻസിപ്പൽ ഫാ. യേശുദാസ് ചുങ്കത്ത് സ്‌കോളർഷിപ്പ് വിതരണം നിർവഹിച്ചു. അസോസിയേറ്റ്സ് ഓഫ് കാർമൽ ധനശേഖരണപദ്ധതിയുടെ ആദ്യ സംഭാവന കാർമൽ സ്കൂൾ പ്രിൻസിപ്പൽ ഫാ. ജോസ് താണിക്കൽ ഏറ്റുവാങ്ങി. അസോസിയേറ്റ്സ് ഓഫ് കാർമൽ പ്രസിഡന്‍റ്്‌ എം.ജെ. ജോബി സ്വാഗതവും സെക്രട്ടറി രസീത ജോയ്സൺ നന്ദിയും പറഞ്ഞു. സിഎംഐ സഭയിലെ ബ്രദർമാരായ ഐവിൻ, ഡാനി, ക്രിസ്റ്റോ എന്നിവരാണു ക്യാമ്പ് നയിക്കുന്നത്.

മുടങ്ങിയ വിധവ - അവിവാഹിത പെൻഷൻ നഗരസഭാ ഫണ്ടിൽനിന്നു നൽകും

ചാലക്കുടി: ജനുവരി മാസത്തെ പെൻഷൻ നഷ്ടപ്പെട്ട, വിധവ, അവിവാഹിത പെൻഷൻ ഗുണഭോക്താക്കൾക്ക് നഗരസഭയുടെ തനതു ഫണ്ടിൽ നിന്നുള്ള തുക ഉപയോഗിച്ച് പെൻഷൻ തുക സമാശ്വാസ ഫണ്ടായി നൽകാൻ നഗരസഭ ഐകകണ്ഠേ്യന തീരുമാനിച്ചു. നഗരസഭയുടെ തനത് ഫണ്ട് ഈ ആവശ്യത്തിന് ഉപയോഗിക്കുന്നതിന് സർക്കാരിന്‍റെ അനുവാദംതേടാനും കൗൺസിൽ തീരുമാനിച്ചു. ഗുണഭോക്താക്കളുടെ തടഞ്ഞുവച്ചിട്ടുള്ള ജനുവരി മാസത്തെ പെൻഷൻ തുക, ഏതെങ്കിലും ഘട്ടത്തിൽ സർക്കാർ അനുവദിക്കുന്ന പക്ഷം, ഈ തുക നഗരസഭ ഫണ്ടിലേക്ക് നൽകണമെന്നും കൗൺസിൽ ആവശ്യപ്പെട്ടു. സർട്ടിഫിക്കറ്റുകൾ സമയപരിധിക്കുള്ളിൽ എൻട്രി ചെയ്യുന്നതിൽ വീഴ്ചവരുത്തിയ ജീവനക്കാരനോട് വിശദീകരണം ആവശ്യപ്പെടാനും കൗൺസിൽ തീരുമാനിച്ചു. നഗരസഭയുടെ വീഴ്ചയാണ് ഇതിനു കാരണമെന്ന് പ്രതിപക്ഷ നേതാവ് സി.എസ്. സുരേഷ് ആരോപിച്ചു. വീഴ്ച ഉണ്ടായിട്ടുണ്ടെങ്കിൽ പരിശോധിക്കുമെന്നും ആവശ്യമായ നടപടി സ്വീകരിക്കുമെന്നും ചെയർമാൻ ഷിബു വാല‌പ്പൻ കൗൺസിലിനെ അറിയിച്ചു. ഗുണഭോക്താക്കൾക്ക് കൗൺസിലർമാർ ഓണറേറിയത്തിൽ നിന്നും തുക നൽകണമെന്നും തങ്ങൾ ഇതിന് തയാറാണെന്നും പ്രതിപക്ഷ നേതാവ് പറഞ്ഞു. എന്നാൽ ഓണറേറിയത്തിൽനിന്നും തുക നൽകുന്നതിനു താല്പര്യമുള്ളവർക്ക് നൽകുന്നതിൽ തടസമില്ലെന്നും അത് കൗൺസിൽ തീരുമാനിക്കേണ്ട കാര്യമല്ലെന്നും ചെയർമാൻ അറിയിച്ചു. പടിഞ്ഞാറേ ചാലക്കുടി ഐആർഎം എൽപി സ്കൂൾ നഗരസഭയ്ക്ക് വിട്ടുനൽകിയ സർക്കാർ ഉത്തരവ് കൗൺസിലിനെ അറിയിച്ചു. സ്കൂളിന്‍റെ സ്ഥലം ഉൾപ്പടെയുള്ള വസ്തുക്കൾ നഗരസഭയുടെ ആസ്തിയിൽ ചേർക്കാനും ആവശ്യമായ അധ്യാപകർ ഉൾപ്പെടെയുള്ളവരുടെ നിയമന നടപടികൾ നടത്താനും തീരുമാനിച്ചു. പോട്ട പനമ്പിള്ളി കോളജിനു സമീപമുള്ള ഐനിക്കുന്ന് മണ്ണ് ഇടിഞ്ഞ് അപകടം ഉണ്ടാകാനുള്ള സാധ്യത ഉണ്ടെന്നും അടിയന്തരമായി മണ്ണ്തിട്ട കട്ടുചെയ്ത് അപകടം ഒഴിവാക്കാനും കൗൺസിൽ തീരുമാനിച്ചു. ചെയർമാൻ ഷിബു വാലപ്പൻ അധ്യക്ഷത വഹിച്ചു. ഫ്രാൻസിസ് മാർപാപ്പയുടെ വിയോഗത്തിൽ നഗരസഭയുടെ അനുശോചനം ചാലക്കുടി: ആഗോളസഭയുടെ തലവനും മാനവലോകത്തിന്‍റെ ആത്മീയ നേതാവുമായ ഫ്രാൻസിസ് പാപ്പായുടെ ദേഹവിയോഗത്തിൽ നഗരസഭ കൗൺസിൽ അനുശോചിച്ചു. പാവങ്ങളുടേയും പാർശ്വവത്കരിക്കപ്പെട്ടവരുടേയും പ്രവാചകനായ വിശ്വഗുരുവാണ് ഫ്രാൻസിസ് പാപ്പായെന്നും അവസാന ശ്വാസത്തിനു തൊട്ടുമുന്പുപോലും പ്രത്യാശയുടെ സന്ദേശമാണ് പാപ്പാ ലോകത്തിനു നൽകിയതെന്നും ചെയർമാൻ ഷിബു വാലപ്പൻ അവതരിപ്പിച്ച അനുശോചന പ്രമേയത്തിൽ പറഞ്ഞു. യുഡിഎഫ് ലീഡർ ബിജു ചിറയത്ത്, എൽഡിഎഫ് ലീഡർ സി.എസ്. സുരേഷ്, കൗൺസിലർമാ‌രായ റോസി ലാസർ, വി.ജെ. ജോജി എന്നിവർ പ്രസംഗിച്ചു.

പ്രധാനപാത പൊളിക്കുന്നതിനുമുമ്പ് മുന്നൊരുക്കംവേണം: വ്യാപാരികൾ

കൊരട്ടി: ഗതാഗതക്കുരുക്ക് രൂക്ഷമായ സാഹചര്യത്തിൽ മുരിങ്ങൂരിലെയും ചിറങ്ങരയിലെയും അടിപ്പാത നിർമാണം പൂർത്തിയാക്കിയശേഷം മാത്രമേ കൊരട്ടി ജംഗ്ഷനിലെ പ്രധാനപാത പൊളിക്കാവൂയെന്നും അല്ലാത്തപക്ഷം നാട് അതിരൂക്ഷമായ ഗതാഗത സ്തംഭനത്തിനു സാക്ഷ്യം വഹിക്കേണ്ടി വരുമെന്ന് കൊരട്ടി മർച്ചന്‍റ്സ് അസോസിയേഷൻ അഭിപ്രായപ്പെട്ടു. അഞ്ചര കിലോമീറ്ററിനുള്ളിൽ മുരിങ്ങൂർ, കൊരട്ടി, ചിറങ്ങര എന്നിവിടങ്ങളിൽ ഒരേസമയം അടിപ്പാത/മേൽപ്പാത നിർമിക്കുമ്പോൾ സ്വാഭാവികമായി പൊതുജനങ്ങൾക്ക് ഉണ്ടായേക്കാവുന്ന ദുരിതങ്ങൾ മുന്നിൽ കാണുന്നതിലും അവ ലഘൂകരിക്കാൻ വേണ്ട ക്രമീകരണങ്ങൾ ഏർപ്പെടുത്തുന്നതിലും ഹൈവേ അധികൃതർക്കും കരാർ കമ്പനിക്കും വീഴ്ചകൾ സംഭവിച്ചതായി അസോസിയേഷൻ കുറ്റപ്പെടുത്തി. ചെറിയ വണ്ടികളെപ്പോലും അതിജീവിക്കാനാകാതെ ദിനംപ്രതി ഡ്രെയ്നേജ് സ്ലാബുകൾ തകരുന്ന സാഹചര്യത്തിൽ ഗുണനിലവാരത്തിൽ വിട്ടുവീഴ്ചയില്ലാതെ, ഡ്രോയിംഗിൽ വ്യക്തമാക്കിയിട്ടുള്ള രീതിയിൽ നിർമാണ‌പ്രവൃത്തികൾ യാഥാർഥ്യമാക്കാൻ ജില്ലാകളക്ടറുടെ ഇടപെടൽ അനിവാര്യമാണെന്നും യോഗം അഭിപ്രായപ്പെട്ടു. മുരിങ്ങൂർ മുതൽ ചിറങ്ങര‌വരെ വർഷങ്ങളായി കച്ചവടം നടത്തുന്നവർക്ക് പറയാനുള്ളത് സങ്കടങ്ങളും ദുരിതങ്ങളും മാത്രമാണെന്നും ഉപജീവനത്തിനായി നടത്തുന്ന ചെറുകിട സ്ഥാപനങ്ങൾ‌പോലും അടച്ചുപൂട്ടൽ ഭീഷണി നേരിടുകയാണെന്നും യോഗം വിലയിരുത്തി. മുരിങ്ങൂർ മുതൽ പൊങ്ങം വരെ പൂർണമായി സർവീസ് റോഡുകൾ നിർമിക്കണമെന്നും യോഗത്തിൽ ആവശ്യമുയർന്നു. യുണിറ്റ് പ്രസിഡന്‍റ് ബെന്നി ജോസഫ് അധ്യക്ഷത വഹിച്ചു. ജനറൽ സെക്രട്ടറി പി.വി. ഫ്രാൻസിസ്, വർഗീസ് പൈനാടത്ത്, സി.എസ്. ജയേന്ദ്രൻ, എം.ഡി. പോൾ, ടി.ഒ. ഡേവിസ്, വി.പി. ജോർജ് എന്നിവർ പ്രസംഗിച്ചു. ഇതുസംബന്ധിച്ച് ജില്ലാ കളക്ടർ അർജുൻ പാണ്ഡ്യൻ, ബെന്നി ബഹനാൻ എംപി, സനീഷ്കുമാർ ജോസഫ് എംഎൽഎ, എൻഎച്ച്എഐ പ്രോജക്ട് ഡയറക്ടർ അൻസിൽ ഹസൻ എന്നിവർക്ക് അസോസിയേഷൻ നിവേദനം നൽകി. മഴ: മരത്തിന്‍റെ ശിഖിരങ്ങൾ ഒടിഞ്ഞുവീണ് വൈദ്യുതിലൈനുകൾ പൊട്ടി കൊരട്ടി: ഇന്നലെ വൈകീട്ട് പെയ്ത മഴയിൽ കൊരട്ടിയുടെ കിഴക്കൻ മേഖലകളിൽ മരങ്ങൾവീണ് വൈദ്യുതിക്കമ്പികൾ പൊട്ടിവീണു. മാവ്, കവുങ്ങ്, തേക്ക് എന്നിവയുടെ ശിഖിരങ്ങൾ ഒടിഞ്ഞുവീണ് എട്ടിടങ്ങളിൽ കമ്പി പൊട്ടിവീണു. വൈദ്യുതി‌ക്കാലുകൾക്കു കേടുപാടുകൾ സംഭവിച്ചിട്ടില്ല. വൈദ്യുതിവിതരണം തടസപ്പെട്ട ഇടങ്ങളിൽ പുന:സ്ഥാപിക്കാനുള്ള കെഎസ്ഇബി ജീവനക്കാരുടെ ശ്രമം രാത്രി വൈകിയും തുടരുകയാണ്.

കൊരട്ടിയിൽ വെള്ളക്കെട്ട് രൂക്ഷം

കൊരട്ടി: ഇന്നലെ വൈകീട്ട് ആറോടെ കൊരട്ടി സിഗ്നൽ ജംഗ്ഷനിൽപെയ്ത മഴയിൽ രൂപപ്പെട്ട വെള്ളക്കെട്ടിന്‍റെ നേർ‌ചിത്രമാണിത്. ചെറിയ മഴയിൽപ്പോലും ദേഗീയപാതയിൽനിന്നു നാലുകെട്ട് റോഡിലേക്കുള്ള കവാടത്തിൽ ഇതാണ് സ്ഥിതിയെങ്കിൽ ഒരു മണിക്കൂർ മഴ നീണ്ടുനിന്നാൽ സ്ഥിതി എന്തായിരിക്കുമെന്ന ചോദ്യം അവശേഷിക്കുകയാണ്. ദേശീയപാത വികസനത്തി ന്‍റെ ഭാഗമായി പാതയുടെ ഇരുഭാഗങ്ങളിലും കാനകളുടെ നിർമാണം ആരംഭിച്ച ഘട്ടം മുതൽ ജനം ചോദിച്ചത് മഴവെള്ളം എങ്ങനെ കാനയിലെത്തുമെന്നും കാനയിലെത്തുന്ന വെള്ളം എവിടേയ്ക്ക് ഒഴുക്കിവിടുമെന്നും ആയിരുന്നു. കാനകളുടെ നിർമാണം അശാസ്ത്രീയമാണെന്ന് പൊതുസമൂഹവും മാധ്യമങ്ങളും ആവർത്തിക്കുമ്പോഴും നിർമാണ കമ്പനിയുടെയും നാഷണൽ ഹൈവേ അഥോറിറ്റിയുടെയും അധികൃതർക്ക് കൃത്യമായ ഉത്തരം ഇല്ലായിരുന്നു. മഴക്കാലത്ത് കോനൂർ, സർക്കാർ പ്രസ്, കിൻഫ്ര, ഇൻഫോപാർക്ക് അടക്കമുള്ള കിഴക്കൻ മേഖലകളിൽനിന്ന് കുത്തിയൊഴുകിയാണ് മഴവെള്ളം ജംഗ്ഷനിലെത്തുക. പുതുതായി നിർമിച്ച കാനയുടെ സ്ലാബിലെ ചെറിയ സുഷിരങ്ങളിലൂടെ വേണം ജംഗ്ഷനിലെ പെയ്തു‌വെള്ളം കാനയിലെത്താൻ. ഇതു പ്രായോഗികമല്ലെന്ന് മാത്രമല്ല വാട്ടർ ലെവൽ നോക്കാതെയാണ് കാനനിർമാണം നടത്തിയിരിക്കുന്നത്. കാലാവസ്ഥയ്ക്കും മൺസൂൺ കാലത്തെ നാട്ടിലെ മഴക്കും അനുയോജ്യമായ വിധത്തിലല്ല കാനരൂപകല്പന ചെയ്തിരിക്കുന്നതെന്ന് തുടക്കത്തിൽത്തന്നെ ആരോപണം ഉയർന്നിരുന്നു. വിഷയം നാഷണൽ ഹൈവേ അഥോറിറ്റിയുടെയും നിർമാണ കമ്പനിയുടെയും ശ്രദ്ധയിൽപ്പെടുത്തിയിട്ടും അർഹമായ പരിഗണന നൽകിയിരുന്നില്ല. നിലവിൽ പുരോഗമിക്കുന്ന ദേശീയപാത വികസന പ്രക്രിയയിൽ ജനപ്രതിനിധികളും രാഷ്ട്രീയ നേതൃത്വങ്ങളും ഉദ്യാേഗസ്ഥവൃന്ദവും ഫലപ്രദമായി ഇടപെടുന്നില്ലെന്ന ഗുരുതരമായ ആരോപണമാണ് ജനങ്ങൾ ഉന്നയിക്കുന്നത്.

ഓണറേറിയം ലഭിച്ചില്ല; സിഡിപിഒ ഓഫീസിനു മുന്പില്‍ അങ്കണവാടി പ്രവര്‍ത്തകരുടെ പ്രതിഷേധം

വെള്ളാങ്കല്ലൂര്‍: ഓണറേറിയം ലഭിക്കാത്തതില്‍ വെള്ളാങ്കല്ലൂര്‍ ബ്ലോ ക്ക് ശിശുവികസന വികസന പദ്ധതിക്കു കീഴിലെ അങ്കണവാടി വര്‍ക്കര്‍മാര്‍ പ്രതിഷേധിച്ചു. ഇന്നലെ ഓഫീസില്‍ വച്ചിരുന്ന പ്രോജക്ട് യോഗത്തിന് എത്തിയവരാണു പ്രതിഷേധിച്ചത്. പോലീസെത്തി പ്രതിഷേധക്കാരെ അനുനയിപ്പിക്കാന്‍ ശ്രമിച്ചെങ്കിലും പ്രശ്നപരിഹാരം കാണാതെ പ്രതിഷേധം അവസാനിപ്പിക്കില്ലെന്ന് ജീവനക്കാര്‍ പറഞ്ഞു. തുടര്‍ന്ന് ജില്ലാ പ്രോഗ്രാം ഓഫീസര്‍ എ.പി. സുബൈദ എത്തി ഇരിങ്ങാലക്കുട പോലീസിന്‍റെ സാന്നിധ്യത്തില്‍ ജീവനക്കാരും അധികൃതരുമായി ചര്‍ച്ച നടത്തി. രണ്ടു ദിവസത്തിനകം പ്രശ്നം പരിഹരിക്കുമെന്ന് ഉറപ്പുനല്‍കിയ ശേഷമാണ് പ്രതിഷേധം അവസാനിപ്പിച്ചതെന്ന് ജീവനക്കാര്‍ പറഞ്ഞു. ചര്‍ച്ചയില്‍ ബ്ലോക്ക് പഞ്ചായത്ത് പ്രസിഡന്‍റ്് സുധ ദിലീപ്, വൈസ് പ്രസിഡന്‍റ്് ഉണ്ണികൃഷ് ണന്‍ കുറ്റിപ്പറമ്പില്‍, ക്ഷേമകാര്യ സ്ഥിരംസമിതി അധ്യക്ഷന്‍ സുരേഷ് അമ്മനത്ത്, ജീവനക്കാര്‍ക്കുവേണ്ടി എം.എ. ഷൈലജ, പി. എസ്. പ്രസന്ന, സി.ജി. പ്രമീള തുടങ്ങിയവര്‍ പങ്കെടുത്തു.

നാട്യശാസ്ത്രത്തിന് യുനെസ്‌കോ അംഗീകാരം; ആഹ്ലാദംപ്രകടിപ്പിച്ച് യുവനര്‍ത്തകരും നടീനടന്മാരും

ഇരിങ്ങാലക്കുട: ഭാരതീയ അഭിനയ പദ്ധതിയായ നാട്യശാസ്ത്രം യുനെസ്‌കോയുടെ മെമ്മറി ഓഫ് വേള്‍ഡ് രജിസ്റ്ററില്‍ ഉള്‍പ്പെടുത്തിയതില്‍ ആഹ്ലാദം പ്രകടിപ്പിച്ച് യുവനര്‍ത്തകരും നടീനടന്മാരും. നടനകൈരളിയില്‍ നടക്കുന്ന 124ാമത് നവരസ സാധനശില്പശാലയില്‍ ഇന്ത്യയുടെ നാനാഭാഗത്തുനിന്ന് എത്തിയിട്ടുള്ളവരാണിവര്‍. ഗുരു വേണുജിയുടെ നേതൃത്വത്തില്‍ നാട്യശാസ്ത്രത്തിലധിഷ്ഠിതമായി നടക്കുന്ന അഭിനയ പരിശീലന കളരിയാണ് നവരസ സാധന ശില്പശാല. പതിനെട്ടാം നൂറ്റാണ്ടു മുതല്‍ കൊടുങ്ങല്ലൂര്‍ കോവിലകത്തു നിലവില്‍ വന്ന സ്വരവായു എന്ന അഭിനയ പരിശീലന സമ്പ്രദായത്തില്‍നിന്ന് പ്രചോദനമുള്‍ക്കൊണ്ട് 2005ലാണ് നവരസ സാധനയ്ക്ക് രൂപം നല്‍കിയത്. നാഷണല്‍ സ്‌കൂള്‍ ഓഫ് ഡ്രാമയിലും സിങ്കപ്പൂരിലെ ഇന്‍റര്‍ കള്‍ച്ചറല്‍ തീയറ്റര്‍ ഇന്‍സ്റ്റിറ്റ്യൂട്ടിലും നടനകൈരളിയിലുമായി മൂവായിരത്തോളംപേരെ നവരസ സാധന അഭ്യസിപ്പിച്ചിട്ടുണ്ട്. കപിലാ വേണു, മീരാ ശ്രീനാരായണന്‍, കനി കുസൃതി, റിമാ കല്ലിങ്കല്‍, നവ്യനായര്‍ എന്നിവര്‍ക്ക് പുറമെ ആദില്‍ ഹുസൈന്‍, സന്ധ്യ മൃദുല്‍, ഇഷ തല്‍വാര്‍ എന്നിവരൊക്കെ പരിശീലനം നേടിയിട്ടുണ്ട്.

ഗംഗ ഗോപിക്ക് 786-ാം റാങ്ക്; സെന്‍റ് ജോസഫ്‌സിന് അഭിമാനം

ഇരിങ്ങാലക്കുട: സിവില്‍ സര്‍വീസ് പരീക്ഷയില്‍ ഗംഗ ഗോപി 786 ാം റാങ്ക് നേടിയപ്പോള്‍ ഇരിങ്ങാലക്കുട സെന്‍റ് ജോസഫ്‌സ് കോളജിനും എന്‍സിസി യൂണിറ്റിനും അഭിമാന നിമിഷം. മൂത്രത്തിക്കര കോടിയത്ത് ഗോപിയുടെയും ജയയുടെയും മകളായ ഗംഗ 2017-19 കാലഘട്ടത്തിൽ സെന്‍റ് ജോസഫ്‌സ് കോളജിലെ വിദ്യാര്‍ഥിയായിരുന്നു. പഠനകാലത്ത് എന്‍സിസി യൂണിറ്റിലെ സജീവപ്രവര്‍ത്തനം കാഴ്ചവച്ച ഗംഗ, പ്രളയകാലത്തെ സേവനപ്രവര്‍ത്തനങ്ങള്‍, മലക്കപ്പാറ ആദിവാസി ഊരുകളിലെ ക്ഷേമപ്രവര്‍ത്തനങ്ങള്‍ തുടങ്ങി നിരവധി ഇടപെടലുകള്‍ നടത്തി. നല്ലൊരു എഴുത്തുകാരിയും കോളജ് മാഗസിന്‍ എഡിറ്ററുമായിരുന്നു. സഹോദരി: ഗായത്രി ഗോപി.

ഫുട്ബോൾ ആവേശവുമായി ഗുരുവായൂർ സൂപ്പർലീഗിന് തുടക്കം

ഗുരുവായൂർ: ലഹരിക്കെതിരേ ഫുട്ബോൾ ആവേശവുമായി ഗുരുവായൂർ സ്പോർട്സ് അക്കാദമിയുടെ നേതൃത്വത്തിൽ ഗുരുവായൂർ സൂപ്പർലീഗിന് തുടക്കമായി. ശ്രീകൃഷ്ണ സ്കൂൾ മൈതാനത്ത് ഐഎസ്എൽ മാതൃകയിലാണ് മത്സരങ്ങൾ നടക്കുന്നത്. എ.സി. മൊയ്തീൻ എംഎൽഎ ഉദ്ഘാടനംചെയ്തു. സംഘാടകസമിതി ചെയർമാൻ ജി.കെ. പ്രകാശൻ അധ്യക്ഷനായി. ‌നഗരസഭ ചെയർമാൻ എം. കൃഷ്ണദാസ്, ദേവസ്വം ചെയർമാൻ ഡോ.വി.കെ. വിജയൻ, സംവിധായകൻ പി.ടി. കുഞ്ഞുമുഹമ്മദ് എന്നിവർ മുഖ്യാതിഥികളായി. തൃശൂർ സ്പോർട്സ് അക്കാദമി പ്രസിഡന്‍റ് കെ.ആർ. സാംബശിവൻ, ജിഎസ്എ സെക്രട്ടറി സി. സുമേഷ്, ഡോ.എ. ഹരിനാരായണൻ എന്നിവർ പ്രസംഗിച്ചു. രാത്രി ഏഴുമുതൽ 10 വരെ മൂന്നുമത്സരങ്ങളാണ്. ‌മെയ് ഒന്നിനാണ് ഫൈനൽ. വിജയികളാകുന്ന നാല് ടീമുകൾക്ക് രണ്ടുലക്ഷം രൂപയുടെ കാഷ്പ്രൈസ് നൽകും.

കോണ്‌ഗ്രസ് നേതാക്കള്‌ക്കെതിരായ കേസ് കോടതി തള്ളി

വടക്കാഞ്ചേരി: മുണ്ടത്തിക്കോട് കുടുംബശ്രീ സിഡിഎസ് തെരഞ്ഞെടുപ്പുമായി ബന്ധപ്പെട്ട രാഷ്ട്രീയവിവാദത്തിൽ, നഗരസഭ പ്രതിപക്ഷനേതാവ് കെ. അജിത്കുമാർ, മുണ്ടത്തിക്കോട് മണ്ഡലം പ്രസിഡന്‍റ് എൻ.ആർ. രാധാകൃഷ്ണൻ എന്നിവർക്കെതിരേ നൽകിയ കേസ് തൃശൂർ എസ്‌സിഎസ്ടി സ്പെഷൽ കോടതി തള്ളി. ഇതോടെ ഏഴുവർഷംനീണ്ട പോരാട്ടത്തിന് വിരാമമായി. കുടുംബശ്രീ സിഡിഎസ് ചെയർപേഴ്സൺ ധന്യ മുരളിയെ സിപിഎം പ്രവർത്തകർ തടഞ്ഞുവച്ച് ശാരീരികമായി ഉപദ്രവിച്ചെന്നറിഞ്ഞ് സ്ഥലത്തെത്തിയ അജിത്കുമാറും രാധാകൃഷ്ണനും പോലീസുമായി സംസാരിക്കുകയും പരിക്കേറ്റ ധന്യയെ മെഡിക്കൽ കോളജിൽ പ്രവേശിപ്പിക്കുകയുംചെയ്തു. എന്നാൽ മൂന്ന് കുടുംബശ്രീ അംഗങ്ങള്‌ അജിത്കുമാറും രാധാകൃഷ്ണനും മർദിച്ചെന്നും ജാതിപ്പേരുവിളിച്ച് ആക്ഷേപിച്ചെന്നുംകാണിച്ച് പരാതി നല്‌കുകയും പോലീസ് കേസ് രജിസ്റ്റർ ചെയ്യുകയുമായിരുന്നു. ഇതിനുപിന്നില്‌ സിപിഎമ്മാണെന്ന് ആരോപണമുയര്‌ന്നിരുന്നു. കേസ് തള്ളിയ കോടതിവിധി സിപിഎമ്മിനുള്ള ശക്തമായ തിരിച്ചടിയാണെന്ന് കെ. അജിത്കുമാർ പ്രതികരിച്ചു.

കൗണ്‍സിൽ യോഗം ബഹിഷ്കരിച്ച് യുഡിഎഫ്, ബിജെപി കൗണ്‍സിലർമാർ

തൃശൂർ: കോർപറേഷൻ അടിയന്തര കൗണ്‍സിൽ യോഗം ബഹിഷ്കരിച്ച് യുഡിഫ്, ബിജെപി കൗണ്‍സിലർമാർ. ഫ്രാൻസിസ് മാർപാപ്പയുടെ വിയോഗത്തെതുടർന്ന് ലോകമെന്പാടും ദുഃഖാചരണം നടക്കുന്പോൾ യോഗം ഒഴിവാക്കണമെന്ന് ആവശ്യപ്പെട്ട് ഇരുകൂട്ടരും സെക്രട്ടറിക്കു കത്ത് നൽകിയിരുന്നു. അതു മുഖവിലയ്ക്കെടുക്കാതെ യോഗംചേർന്ന സാഹചര്യത്തിലാണ് ഇരുപാർട്ടികളും യോഗം ബഹിഷ്കരിക്കാൻ തീരുമാനിച്ചത്. ഭരണമുന്നണി കൗണ്‍സിലർമാർമാത്രം പങ്കെടുത്താണ് യോഗം ചേർന്നത്. മാർപാപ്പയ്ക്ക് അനുശോചനവുമായി അദ്ദേഹത്തിന്‍റെ ഛായാചിത്രവും കൈകളിലേന്തിയാണ് എൽഡിഎഫ് കൗണ്‍സിലർമാർ യോഗത്തിനെത്തിയത്. മേയർ എം.കെ. വർഗീസ് അനുസ്മരണപ്രഭാഷണം നടത്തി. കത്തു നൽകിയിട്ടും കൗണ്‍സിലർമാർ മുന്നറിയിപ്പുനൽകിയിട്ടും യോഗം ചേർന്ന നടപടി മാർപാപ്പയെ അവഹേളിച്ചതിനു തുല്യമാണെന്നുംസമൂഹത്തോടുള്ള വെല്ലുവിളിയാണെന്നും പ്രതിപക്ഷനേതാവ് രാജൻ ജെ. പല്ലനും ബിജെപി പാർലമെന്‍ററി പാർട്ടി നേതാവ് വിനോദ് പൊള്ളാഞ്ചേരിയും കുറ്റപ്പെടുത്തി. കൗണ്‍സിൽ യോഗം നടക്കുന്പോൾ പുറത്ത് മാർപാപ്പയുടെ ഛായചിത്രത്തിനുമുൻപിൽ തിരി തെളിയിച്ചാണ് യുഡിഎഫ് കൗണ്‍സിലർമാർ ഇരുന്നത്. നേരത്തെ കോർപറേഷൻ ഓഫീസ് അങ്കണത്തിൽ ഫ്രാൻസിസ് പാപ്പായ്ക്ക് അനുശോചനം അറിയിച്ചുനടത്തിയ പുഷ്പാർച്ചനയിലും യുഡിഎഫ്, ബിജെപി കൗണ്‍സിലർമാർ പങ്കെടുത്തിരുന്നില്ല. ഇക്കാര്യം അിയിച്ചിരുന്നില്ലെന്നും യുഡിഎഫ്, ബിജെപി കൗണ്‍സിലർമാർ പറഞ്ഞു.

ബിജെപി കൗണ്‍സിലറെ സസ്പെന്‌ഡ് ചെയ്തു

കുന്നംകുളം: നഗരസഭ കൗണ്‍സില്‍ നടക്കുന്നതിനിടെ അജന്‌ഡ വലിച്ചുകീറുകയും കപ്പും സോസറും എറിഞ്ഞുടച്ച് സംഘർഷാ ന്തരീക്ഷം സൃഷ്ടിക്കുകയുംചെയ്ത ബിജെപി നഗരസഭാകക്ഷിനേതാവ് കെ.കെ. മുരളിയെ നഗരസഭ ചെയര്‍പേഴ്സണ്‍ സസ്പെന്‌ഡ് ചെയ്തു. അടുത്ത ഒരു കൗണ്‍സിലില്‍നിന്നാണ് സസ്പെന്‌ഡ് ചെയ്തത്. കെ.കെ. മുരളി നടത്തിയ അതിക്രമം സംബന്ധിച്ചു നഗരസഭാ സെക്രട്ടറിക്ക് ചെയര്‍പേഴ്സണ്‍ കത്തുനല്‍കി. പോലീസില്‌ പരാതിയുംനല്‍കി. ഇന്നലെനടന്ന കൗണ്‍സിലില്‍ ആശാവര്‍ക്കര്‍മാരെ സംബന്ധിച്ചുള്ള പ്രമേയം ചര്‍ച്ചചെയ്യുന്നതിനിടെയാണ് കെ.കെ. മുരളി പ്രകോപിതനായത്. ഭരണപക്ഷത്തെ പി.എം. സുരേഷ് ആശാവര്‍ക്കര്‍മാരെ അനുകൂലിച്ച് അവതരിപ്പിച്ച പ്രമേയം കക്ഷിഭേദമെന്യേ കൗണ്‍സില്‍ അംഗീകരിച്ചു. എന്നാല്‍ കെ.കെ. മുരളി അവതരിപ്പിച്ച പ്രമേയത്തില്‍ ആശാവര്‍ക്കര്‍മാരുടെ വേതനം വര്‍ധിപ്പിക്കണം എന്നത് ഓണറേറിയം എന്നാക്കണമെന്നും എന്നാലെ പ്രമേയം അംഗീകരിക്കുകയുള്ളൂവെന്നും ചെയര്‍പേഴ്സണ്‍ അറിയിച്ചതോടെയാണ് ബിജെപി അംഗങ്ങള്‍ പ്രകോപിതരായി കൗണ്‍സില്‍ഹാളില്‍ ഭീകരാന്തരീക്ഷം സൃഷ്ടിച്ചത്. തുടര്‍ന്ന് കൗണ്‍സില്‍ അജന്‌ഡ വലിച്ചുകീറുകയും മേശമേല്‍ ഇരുന്ന കപ്പും സോസറും കെ.കെ. മുരളി എറിഞ്ഞുടക്കുകയുംചെയ്തു. ഇതോടെ കൗണ്‍സില്‍ ഹാളില്‍ ഭീകരാന്തരീക്ഷമായി. ചെയര്‍പേഴ്സണ്‍ യോഗം പിരിച്ചുവിട്ടു. തുടര്‍ന്ന് ചെയര്‍പേഴ്സന്‍റെ ചേംബറിനുമുന്നില്‍ ബിജെപി മുദ്രാവാക്യംവിളിച്ച് വഴിമുടക്കി ഒരുമണിക്കൂറോളം ഓഫീസ് പ്രവര്‍ത്തനം തടസപ്പെടുത്തി. വരാന്തയിലെ ചെടിച്ചട്ടികളും ഇവര്‍ നശിപ്പിച്ചു. ജനാധിപത്യത്തിനും സ്ത്രീകള്‍ക്കുംനേരെ അതിക്രമമാണ് കെ.കെ. മുരളിയും അനുയായികളും നടത്തിയതെന്നും ഇതിനു നേതൃത്വംനല്‍കിയതിനാണ് കെ.കെ. മുരളിയെ കൗണ്‍സിലില്‍നിന്ന് സസ്പെന്‌ഡ് ചെയ്തതെന്നും ചെയര്‍പേഴ്സണ്‍ സീത രവീന്ദ്രന്‍ അറിയിച്ചു.

ദേവാലയങ്ങളില്‌ തിരുനാളിനു കൊടിയേറി

വില്ലടം സെന്‍റ് തോമസ് ദേവാലയം ഇടവകമധ്യസ്ഥനായ വിശുദ്ധ തോമാശ്ലീഹായുടെയും വിശുദ്ധ സെബസ്ത്യാനോസിന്‍റെയും തിരുനാൾ 25, 26, 27, 28 തീയതികളിൽ കൊണ്ടാടും. തിരുനാൾകൊടിയേറ്റം ഫാ. നോബി അമ്പൂക്കൻ നിർവഹിച്ചു. വികാരി ഫാ. ഫ്രജോ വാഴപ്പിള്ളി, തിരുനാൾ കൺവീനർ ഷാജു തൈക്കാടൻ, കൈക്കാരന്മാരായ ഷിന്‍റോ റാഫേൽ ചൂണ്ടൽ, ജീവൻ ജോയ് കൊമ്പൻ, ജോസഫ് തൈക്കാടൻ, ജെയ്സൺ ചൂണ്ടൽ എന്നിവർ നേതൃത്വം നൽകി. പതിയാരം സെന്‍റ് ജോസഫ്സ് ദേവാലയം ഇടവകമധ്യസ്ഥനായ വിശുദ്ധ യൗസേപ്പിതാവിന്‍റെയും പരിശുദ്ധ കന്യകാമറിയത്തിന്‍റെയും വിശുദ്ധ സെബസ്ത്യാനോസിന്‍റെയും സംയുക്ത തിരുനാളിന് കൊടികയറി. 30, മേയ് ഒന്ന് തീയതികളിലാണ് തിരുനാൾ. എരുമപ്പെട്ടി തിരുഹൃദയ ഫൊറോന പള്ളി വികാരി ഫാ. ജോഷി ആളൂർ കൊടികയറ്റം നിർവഹിച്ചു. നവനാൾദിനങ്ങളിൽ വൈകീട്ട് ലദീഞ്ഞ്, നൊവേന, പ്രസുദേന്തി വാഴ്ച, വിശുദ്ധ കുർബാന തുടങ്ങിയ തിരുക്കർമങ്ങൾ ഉണ്ടായിരിക്കും. തിരുനാൾ ആഘോഷത്തിന് വികാരി ഫാ. ലിയോ പുത്തൂർ, ആഘോഷ കമ്മിറ്റി ജനറൽ കൺവീനർ അന്തിക്കാട് മാത്യു ജോൺസൺ, കൈക്കാരൻമാരായ അന്തിക്കാട് ഫ്രാൻസിസ് വിൽസൻ, ആളൂർ ഔസേപ്പ് ലേവി, ചിറയത്ത് സണ്ണി ആൻസൻ തുടങ്ങിയവർ നേതൃത്വം നൽകും.

അശാസ്ത്രീയ റോഡ് കോൺക്രീറ്റിംഗ് വ്യാപാരികളെ കഷ്ടത്തിലാക്കി: രാജൻ പല്ലൻ

തൃശൂർ: മഴയിൽ കുറുപ്പം റോഡിലെ വ്യാപാരസ്ഥാപനങ്ങളിലേക്ക് വെള്ളം കയറാനിടയാക്കിയത് അശാസ്ത്രീയ റോഡ് കോൺക്രീറ്റിംഗാണെന്ന് കോർപറേഷൻ പ്രതിപക്ഷനേതാവ് രാജൻ പല്ലൻ. റോഡ് ഉയർത്തിയുള്ള കോൺക്രീറ്റിംഗ് കടകളിലേക്ക് വെള്ളം കയറാനിടയാക്കുമെന്നും ഒഴുകിപ്പോകാൻ സൗകര്യമേർപ്പെടുത്തണമെന്നും പണ്ടേ പറഞ്ഞപ്പോൾ മേയർ മുഖവിലയ്ക്കെടുത്തില്ല. കളിയാക്കുകയാണുണ്ടായത്. പത്തുകോടി മുടക്കിയുള്ള അശാസ്ത്രീയ റോഡ് നിർമാണം കാരണം വ്യാപാരികളാണ് കഷ്ടത അനുഭവിക്കേണ്ടിവരുന്നതെന്നും രാജൻ പല്ലൻ പറഞ്ഞു.

കനത്ത മഴ, കാറ്റ്, മിന്നൽ; മരങ്ങൾ വീണ് നാശനഷ്ടം

തൃശൂർ: നഗരത്തിൽ ഇന്നലെ രാത്രിയിൽ അപ്രതീക്ഷിതമായി ഉണ്ടായ കനത്ത മഴയിലും കാറ്റിലും നാശനഷ്ടങ്ങൾ. ശക്തമായ മിന്നലും അനുഭവപ്പെട്ടു. നായ്ക്കനാലില്‍ ട്രാന്‍സ്‌ഫോര്‍മര്‍ പൊട്ടിത്തെറിച്ചു. വൈദ്യുതിബന്ധം താറുമാറായി. സ്വരാജ് റൗണ്ടിലും സമീപറോഡുകളിലും മരങ്ങള്‍ വീണതിനെതുടര്‍ന്ന് ഗതാഗതം സ്തംഭിച്ചു. പാലസ് റോഡിൽ മോഡൽ ബോയ്സ് സ്കൂളിനുസമീപം മരക്കൊന്പ് വാഹനങ്ങൾക്കു മുകളിലേക്ക് ഒടിഞ്ഞുവീണ് ഒരു കാറിനും ആറു ബൈക്കുകൾക്കും കേടുപാടുകൾ പറ്റി. ബിനി ടൂറിസ്റ്റ് ഹോമിനു സമീപം മരം റോഡിലേക്കുവീണ് ഡിവൈഡറുകള്‍ തെറിച്ചുപോയി. മാരാര്‍ റോഡില്‍ എനാര്‍ക്ക് അപ്പാര്‍ട്ട്‌മെന്‍റിനുസമീപം മരം വീണതിനെതുടര്‍ന്ന് ഗതാഗതം തടസപ്പെട്ടു. ശക്തമായ മഴയില്‍ വെള്ളക്കെട്ട് രൂക്ഷമായി. ഇക്കണ്ടവാര്യർ റോഡിൽ റോഡിലെ ട്രാഫിക് റൗണ്ടിനുസമീപം വലിയ മരം കടപുഴകിവീണ് വൻഗതാഗതക്കുരുക്ക്. കനത്ത വെള്ളക്കെട്ടും രൂപപ്പെട്ടു. അയ്യന്തോൾ സിവിൽ സ്റ്റേഷനുസമീപം മരങ്ങൾ റോഡിലേക്ക് ഒടിഞ്ഞുവീണു. റൗണ്ടിൽ സപ്ന, ബിനി സ്റ്റോപ്പ് എന്നിവിടങ്ങളിലും പാലസ് റോഡിലും നിർത്തിയിട്ടിരുന്ന ഇരുചക്ര വാഹനങ്ങൾ ശക്തമായ കാറ്റിൽ മറിഞ്ഞുവീണു. പലർക്കും ഹെൽമറ്റുകൾ നഷ്ടപ്പെട്ടു. ശങ്കരയ്യ റോഡിൽ കൂറ്റൻ ഫ്ലക്സ് ബോർഡ് നിലംപതിച്ചു. കുറുപ്പം റോഡിലെ വ്യാപാരസ്ഥാപനങ്ങളിൽ വെള്ളം കയറി. കിഴക്കുംപാട്ടുകര സന്തോഷ് റോഡിൽ മരങ്ങൾ വീണു. ഒല്ലൂക്കര ക്ഷേത്രത്തിനു മുന്നിലെ ആൽമരം കടപുഴകി വീണു. ചേറ്റുപുഴ ഗ്രാമീണവായനശാലയിലെ തെങ്ങ് റോഡിനുകുറുകെ വീണ് ഗതാഗതം തടസപ്പെട്ടു. ചിയ്യാരം, കൂർക്കഞ്ചേരി, മണ്ണുത്തി എന്നിവിടങ്ങളിലും മരങ്ങൾ വീണ് നാശനഷ്ടങ്ങൾ ഉണ്ടായിട്ടുണ്ട്. തളിക്കുളം: കനത്ത മഴയോടൊപ്പം വീശിയടിച്ച കാറ്റിൽ മരം വൈദ്യുതി കമ്പിക്ക് മുകളിലൂടെ ഒടിഞ്ഞുവീണ് വാഹനഗതാഗതം തടസപ്പെട്ടു. തളിക്കുളം പുലാമ്പുഴ റോഡിലെ ഗതാഗതമാണ് മണിക്കൂറോളംനിലച്ചത്. ഇന്നലെ പുലർച്ചെ വീശിയടിച്ച കാറ്റിൽ തളിക്കുളം പുന്നച്ചോടിൽ കിഴക്കേ ടിപ്പുസുൽത്താൻ റോഡിൽനിന്ന് പുലാമ്പുഴ റോഡിലേക്ക് കടക്കുന്ന ഭാഗത്താണ് സമീപമുള്ള വീടിനുമുറ്റത്തെ കൂറ്റൻമാവ് ഒടിഞ്ഞ് റോഡിലേക്കുവീണത്. നടക്കാൻപോലും പപറ്റാത്ത അവസ്ഥയായി. പുഴയോരത്ത് താമസിക്കുന്നവർ പുതിയ ഹൈവേയുടെ ബൈപ്പാസ് വഴിയാണ് വാഹനങ്ങൾ കൊണ്ടുപോയത്. രാവിലെ വളരെവൈകിയാണ് മരം വെട്ടിമാറ്റി ഗതാഗതം പുനഃസ്ഥാപിച്ചത്. വൈദ്യുതിയും നിലച്ചു. മേഖലയിലുണ്ടായ കാറ്റിൽ പലയിടത്തും മരക്കൊമ്പുകൾ ഒടിഞ്ഞ് റോഡിലേയ്ക്കുവീണു.

കമന്‍ററി ബോക്സിലെ ശബ്ദരാജാവ് മതിലകത്ത്

കയ്പമംഗലം: കമന്‍ററി ബോക്സിലെ ശബ്ദരാജാവ് മതിലകത്ത്. അഖിലേന്ത്യാ വോളിബോൾ ടൂർണമെന്‍റിൽ മുഖ്യാതിഥിയായി കമന്‍ററി പറയാൻ 25ന് എത്തുന്നത് ഷൈജു ദാമോദരനാണ്. മതിലകം സ്പോർട്സ് അക്കാദമിയുടെ ആഭിമുഖ്യത്തിൽ മതിലകം സെന്‍റ്് ജോസഫ്സ് ഹൈസ്കൂൾ ഫ്ലഡ്‌ലിറ്റ് സ്റ്റേഡിയത്തിലാണ് അഖിലേന്ത്യാ വോളിബോൾ ടൂർണമെന്‍റ് 25 മുതൽ മേയ് ഒന്നുവരെ സംഘടിപ്പിച്ചിട്ടുള്ളത്. അഖിലേന്ത്യാ തലത്തിലുള്ള പ്രമുഖരായിട്ടുള്ള ടീമുകൾ പങ്കെടുക്കും.

വിശുദ്ധ മറിയം ത്രേസ്യയുടെ തിരുനാൾ: സ്വാഗതസംഘം ഓഫീസ് തുറന്നു

മാള: വിശുദ്ധ മറിയം ത്രേസ്യ - ധന്യൻ ഫാ. ജോസഫ് വിതയത്തിൽ തീർഥാടന കേന്ദ്രത്തിൽ ജൂൺ എട്ടിന് നടക്കുന്ന വിശുദ്ധ മറിയം ത്രേസ്യയുടെ തിരുനാളിന്‍റെ സ്വാഗതസംഘം ഓഫീസ് തുറന്നു. ഹോളി ഫാമിലി സന്യാസിനിസമൂഹത്തിന്‍റെ ജനറൽ കൗൺസിലർ സിസ്റ്റർ ആൻസി ആന്‍റോ ഉദ്ഘാടനം നിർവഹിച്ചു. തീർഥാടനകേന്ദ്രം റെക്ടർ ഫാ. ജോൺ കവലക്കാട്ട് സന്ദേശം നൽകി. വിശുദ്ധ മറിയം ത്രേസ്യയുടെ മരണത്തിന്‍റെ നൂറാം വാർഷികത്തിന് മുന്നോടിയായി നടത്തുന്ന കൃപാഭിഷേകം ബൈബിൾ കൺവൻഷന്‍റെ സ്വാഗതസംഘം ഓഫീസും ഇതോടൊപ്പം പ്രവർത്തനമാരംഭിച്ചു. മേയ് 21 മുതൽ 25 വരെയാണ് ഫാ. ഡൊമിനിക് വാളന്മനാൽ നേതൃത്വം നൽകുന്ന കൺവൻഷൻ നടക്കുന്നത്. ദിവസവും വൈകീട്ട് നാലുമുതൽ രാത്രി 9.30 വരെയാണ് കൺവൻഷൻ നടക്കുന്നത്. തിരുനാളിന്‍റെ ഒരുക്കങ്ങൾ ഇതിനകം ആരംഭിച്ചുകഴിഞ്ഞു. മേയ് 29ന് തിരുനാളിനു ഒരുക്കമായി ദീപശിഖപ്രയാണം. മേയ് 30ന് പദയാത്രയും കൊടിയേറ്റവും. തുടർന്ന് നവനാൾദിനങ്ങൾക്കുശേഷം ജൂൺ എട്ടിന് പ്രധാന തിരുനാളും ജൂൺ 15ന് എട്ടാമിടവും നടക്കും.

"വികസിത കേരളം' കൺവൻഷൻ

കൊടുങ്ങല്ലൂർ: മേയ് പത്തുവരെ കേരളത്തിലെ ബിജെപിയുടെ 30 സംഘടനാ മണ്ഡലത്തിലും വികസിത കേരളം കൺവൻഷൻ നടത്തുന്നതിന്‍റെ ഭാഗമായി തൃശൂർ സൗത്ത് ജില്ലാ കമ്മിറ്റി സംഘടിപ്പിച്ച " വികസിത കേരളം' ആല ഗുരുദേവ കൺവൻഷൻ സെന്‍ററിൽ നടന്നു. ബിജെപി സംസ്ഥാന പ്രസിഡന്‍റ് രാജീവ് ചന്ദ്രശേഖർ ഉദ്ഘാടനം ചെയ്തു. കഴിഞ്ഞ പതിനൊന്ന് വർഷം കൊണ്ട് രാജ്യത്തുടനീളം നടന്ന മോദി സർക്കാരിന്‍റെ വികസനം അതിശക്തമാണെന്നും ആ വികസന പദ്ധതികൾക്ക് മുഖം തിരിഞ്ഞ് നിൽക്കുന്ന സംസ്ഥാന സർക്കാരിന്‍റെ ജനവിരുദ്ധതയ്ക്കെതിരെയാണ് ബിജെപിയുടെ ഇനി വരാൻ പോകുന്ന മാസ്റ്റർപ്ലാൻ പദ്ധതിയെന്നും എല്ലാ വിഭാഗം ജനങ്ങൾക്കും മോദി സർക്കാരിന്‍റെ ക്ഷേമ പദ്ധതികളും വികസന പദ്ധതികളും എത്തിക്കുവാൻ സംസ്ഥാനസർക്കാർ തയ്യാറാവണമെന്നുമാണ് വികസന കേരളത്തിലൂടെ ബിജെപി ചൂണ്ടിക്കാണിക്കുന്നതെന്ന് രാജീവ് ചന്ദ്രശേഖരൻ ചൂണ്ടിക്കാട്ടി. കൺവൻഷനിൽ തൃശൂർ സൗത്ത് ജില്ലാ പ്രസിഡന്‍റ് എ.ആർ. ശ്രീകുമാർ അധ്യക്ഷത വഹിച്ചു. സംസ്ഥാന ജനറൽ സെക്രട്ടറി എം.ടി. രമേഷ്, സംസ്ഥാന സെക്രട്ടറി അഡ്വ. എസ്. സുരേഷ്, കെ.പി. ജോർജ്, കെ.പി. ഉണ്ണികൃഷ്ണൻ, കൃപേഷ് ചെമ്മണ്ട, മുൻ ജില്ലാ പ്രസിഡന്‍റ് അഡ്വ. കെ.കെ. അനീഷ് കുമാർ, സംസ്ഥാന സെക്രട്ടറി എ.നാഗേഷ്, ഷാജുമോൻ വട്ടേക്കാട്ട്, അനൂപ് ആന്‍റണി, ഉണ്ണികൃഷ്ണൻ, അഡ്വ. ബി. ഗോപാലകൃഷ്ണൻ, കെ.പി. സുരേഷ്, സന്തോഷ് ചെറാക്കുളം എന്നിവർ പ്രസംഗിച്ചു.

അലവി സെന്‍റർ -കനകമല റോഡ് നിർമാണം ആരംഭിച്ചു

ചാലക്കുടി: വർഷങ്ങളായി ഗതാഗതയോഗ്യമല്ലാതെ തകർന്ന് കിടന്നിരുന്ന അലവി സെന്‍റർ - കനകമല റോഡിന്‍റെ നിർമാണ പ്രവർത്തനങ്ങൾക്ക് തുടക്കമായി. പ്രധാനമന്ത്രി ഗ്രാമീണ സഡക് യോജന പദ്ധതിയിൽ ഉൾപ്പെടുത്തി 3.41 കോടി രൂപ ചെലവിലാണ് 3 .67 കിലോമീറ്റർ ദൂരത്തിൽ ഈ റോഡിന്‍റെ നിർമാണ പ്രവർത്തനങ്ങൾ നടത്തുന്നത്. ചാലക്കുടി നഗരസഭയിലും കൊടകര പഞ്ചായത്തിലുമായ ഈ റോഡ് കനകമല തീർത്ഥാടന കേന്ദ്രത്തിലേക്കുള്ള പ്രധാന മാർഗമാണ്. വർഷങ്ങളായി റോഡ് തകർന്ന് കിടന്നത് മൂലം യാത്രക്കാർ ഏറെ ബുദ്ധിമുട്ട് നേരിട്ടിരുന്നു. ബെന്നി ബഹന്നാൻ എംപിയുടേയും സനീഷ് കുമാർ ജോസഫ് എംഎൽഎയുടേയും ശ്രമഫലമായി റോഡ് പിഎം ജിഎസ്‌വൈ പദ്ധതിയിൽ ഉൾപ്പെടുത്തുകയും പ്രവർത്തിക്കായ് 3.41 കോടി രൂപ അനുവദിക്കുകയും ചെയ്തിരുന്നു. സംസ്ഥാനത്ത് ആദ്യമായി നടപ്പിലാക്കി വരുന്ന ഏറ്റവും പുതിയ സാങ്കേതികവിദ്യ ഉപയോഗിച്ചാണ് ഈ റോഡിന്‍റെ നിർമാണം നടത്തുന്നത്. ഈ റോഡിന്‍റെ തുടർച്ചയായി രണ്ടാംഘട്ടം ജെടിഎസ് പേരാമ്പ്ര റോഡ് നിർമാണത്തിനും 2.78 കോടി രൂപയുടെ പ്രവൃത്തിക്ക് അംഗീകാരം ലഭിച്ചിട്ടുണ്ട്. റോഡ് നിർമാണ പ്രവൃത്തി വിലയിരുത്താൻ ചെയർമാൻ ഷിബു വാലപ്പൻ, വാർഡ് കൗൺസിലർമാരായ ജോയ് ചാമവളപ്പിൽ, സൗമ്യ വിനേഷ്, വികസനകാര്യ ചെയർമാൻ ബിജു ചിറയത്ത്, മുൻ ചെയർമാൻമാരായ വി.ഒ. പൈലപ്പൻ, ആലീസ് ഷിബു, എന്നിവരും പൊതുപ്രവർത്തകരും സ്ഥലത്തെത്തിയിരുന്നു. നിർമാണ പ്രവർത്തനങ്ങൾ നടക്കുന്ന സാഹചര്യത്തിൽ ഈ റോഡിലൂടെയുള്ള വാഹന ഗതാഗതം നിരോധിച്ചു.

വേളൂക്കര അംബേദ്കര്‍ ഗ്രാമത്തില്‍ കമ്യൂണിറ്റി ഹാളിന്‍റെ നിര്‍മാണ പ്രവര്‍ത്തനങ്ങള്‍ക്ക് തുടക്കം

ഇരിങ്ങാലക്കുട: വേളൂക്കര ഗ്രാമപ്പഞ്ചായത്തിലെ അംബേദ്കര്‍ ഗ്രാമത്തില്‍ കമ്യൂണിറ്റി ഹാളിന്‍റെ നിര്‍മാണോദ്ഘാടനം മന്ത്രി ആര്‍. ബിന്ദു നിര്‍വഹിച്ചു. ഗ്രാമപ്പഞ്ചായത്ത് പ്രസിഡന്‍റ്് കെ.എസ്. ധനീഷ് അധ്യക്ഷത വഹിച്ചു. ജില്ലാ പഞ്ചായത്ത് വൈസ് പ്രസിഡന്‍റ്് ലതാ ചന്ദ്രന്‍ മുഖ്യാതിഥിയായി. ഇരിങ്ങാലക്കുട എംഎല്‍എയുടെ ആസ്തി വികസന ഫണ്ടില്‍ നിന്നും 50 ലക്ഷം രൂപ ചിലവഴിച്ചാണ് അംബേദ്കര്‍ ഗ്രാമത്തിലെ ടി.വി. ഹാള്‍ പരിസരത്ത് കമ്മ്യൂണിറ്റി ഹാള്‍ കെട്ടിടം നിര്‍മിക്കുന്നത്. ബ്ലോക്ക് പഞ്ചായത്ത് അംഗം വിജയലക്ഷ്മി വിനയചന്ദ്രന്‍, വേളൂക്കര ഗ്രാമപ്പഞ്ചായത്ത് ക്ഷേമകാര്യ സ്റ്റാന്‍ഡിംഗ് കമ്മിറ്റി ചെയര്‍പേഴ്‌സണ്‍ ഷീജ ഉണ്ണികൃഷ്ണന്‍, ഗ്രാമപ്പഞ്ചായത്ത് അംഗങ്ങളായ ടി.എസ്. സുനിത, പി.ജെ. സതീഷ്, രഞ്ജിത ഉണ്ണികൃഷ്ണന്‍, പി.വി. മാത്യു തുടങ്ങിയവര്‍ ചടങ്ങില്‍ പങ്കെടുത്തു.

നിർധനകുടുംബത്തിനു സെന്‍റ് വിൻസെന്‍റ്് ഡി പോൾ സംഘടനയുടെ നേതൃത്വത്തിൽ ഭവനമൊരുങ്ങുന്നു

കൊരട്ടി: സാമ്പത്തിക പരാധീനതകൾ മൂലം ജീവിതം വഴിമുട്ടിയ കുടുംബത്തിന് കൊരട്ടി സെന്‍റ് മേരീസ് ഫൊറോന പള്ളിയുടെ കീഴിൽ പ്രവർത്തിക്കുന്ന സെന്‍റ്് വിൻസെന്‍റ്് ഡി പോൾ സംഘടനയുടെ കരുതലിൽ അടച്ചുറപ്പുള്ള ഭവനമൊരുങ്ങുന്നു. വീടുനിർമാണത്തിനായി തറ പ്പണി പൂർത്തിയാക്കി പത്തുവർഷം പിന്നിട്ടിട്ടും തുടർനിർമാണം നിലച്ചിരുന്നു. ഭർത്താവിന്‍റെ മരണത്തിനു ശേഷം കുട്ടികളുടെ പഠനവും ദൈനംദിന കുടുംബചെലവുകളും മൂലം സാമ്പത്തിക പ്രതിസന്ധി തളർത്തിയതാണ് കാരണം. തുടർന്ന് സുമനസുകളിൽ നിന്ന് സമാഹരിച്ച് 600 ചതുരശ്ര അടി വിസ്തീർണത്തിലുള്ള ഭവനം നിർമിച്ചു നൽകാനുള്ള സന്നദ്ധത സെന്‍റ്് വിൻസെന്‍റ് ഡി പോൾ സംഘടന ഏറ്റെടുക്കുകയായിരുന്നു. സംഘടനയുടെ ഗോൾഡൻ ജൂബിലിയോടനുബന്ധിച്ച് നിർമിക്കുന്ന വീട് മൂന്നു മാസത്തിനുള്ളിൽ പൂർത്തിയാക്കുമെന്ന് ഭാരവാഹികൾ പറഞ്ഞു. ഫൊറോന വികാരി ഫാ.ജോൺസൺ കക്കാട്ട് കട്ടിളവയ്പിന്‍റെ വെഞ്ചരിപ്പ് കർമം നിർവഹിച്ചു. സംഘടന പ്രസിഡന്‍റ്് പോളച്ചൻ പനഞ്ചിക്കൽ, ദേവസ്യ പുള്ളോന്തറ, ജനതാ പൗലോസ്, ബെന്നി പാഴായി, ജോസ് വടക്കുംപുറം, പോൾ വട്ടത്തറ, പിയൂസ് പാലാട്ടി, സെന്‍റ് വിൻസെന്‍റ് ഫാമിലി യൂണിറ്റ് പ്രസിഡന്‍റ് ബിജോയ് വടക്കുംപുറം എന്നിവർ സന്നിഹിതരായിരുന്നു.

ഫ്രാന്‍സിസ് മാര്‍പാപ്പയുടെ വിയോഗം; മൗനപ്രാര്‍ഥനാപ്രയാണം നടത്തി

ഇരിങ്ങാലക്കുട: പരിശുദ്ധ പിതാവ് ഫ്രാന്‍സിസ് മാര്‍പാപ്പയുടെ വിയോഗത്തില്‍ ഇരിങ്ങാലക്കുടയില്‍ മൗനപ്രാര്‍ഥന പ്രയാണംനടത്തി. നിത്യാരാധന കേന്ദ്രത്തില്‍ നടന്ന ദിവ്യബലിക്കു ബിഷപ് മാര്‍ കണ്ണൂക്കാടന്‍ മുഖ്യകാര്‍മികത്വംവഹിച്ചു. ദിവ്യബലിക്കു ശേഷം ആരംഭിച്ച മൗനപ്രാര്‍ഥന പ്രയാണം ചന്തക്കുന്ന് ജംഗ്ഷന്‍ ചുറ്റി സെന്‍റ്് തോമസ് കത്തീഡ്രലില്‍ എത്തിചേര്‍ന്നു. വൈദീകരും സന്യസ്തരും വിശ്വാസികളുമടക്കം നൂറുകണക്കിനു പേര്‍ പങ്കെടുത്തു. കത്തീഡ്രല്‍ അങ്കണത്തില്‍ പ്രത്യേകം സജ്ജമാക്കിയ വേദിയില്‍ ഫ്രാന്‍സീസ് പാപ്പായുടെ ഛായാ ചിത്രത്തിനു മുന്നില്‍ പുഷ്പാര്‍ച്ചന നട ത്തി. ബിഷപ് മാര്‍ പോളി കണ്ണൂക്കാടന്‍, രൂപത വികാരി ജനറാള്‍മാരായ മോണ്‍. ജോസ് മാളിയേക്കല്‍, മോണ്‍. വില്‍സണ്‍ ഈരത്തറ, കത്തീഡ്രല്‍ വികാരി റവ.ഡോ. ലാസര്‍ കുറ്റിക്കാടന്‍, ബിഷപ് സെക്രട്ടറി ഫാ. ജോര്‍ജി തേലപ്പിള്ളി, അസിസ്റ്റന്‍റ്് വികാരിമാരായ ഫാ. ഓസ്റ്റിന്‍ പാറയ്ക്കല്‍, ഫാ. ബെല്‍ഫിന്‍ കോപ്പുള്ളി, ഫാ. ആന്‍റണി നമ്പളം, മുന്‍ വികാരി ജനറാള്‍ ഫാ. ആന്‍റോ തച്ചില്‍, ചാന്‍സലര്‍ ഫാ. കിരണ്‍ തട്ട്ള, വൈസ് ചാന്‍സലര്‍ ഫാ. അനീഷ് പല്ലിശേരി, നിത്യാരാധനാകേന്ദ്രം വൈസ് റെക്ടര്‍ ഫാ. സീമോന്‍ കാഞ്ഞിത്തറ, കത്തീഡ്രല്‍ ട്രസ്റ്റിമാരായ തിമോസ് പാറേക്കാടന്‍, സി.എം. പോള്‍ ചാമപറമ്പില്‍, ബാബു ജോസ് പുത്തനങ്ങാടി, ജോമോന്‍ തട്ടില്‍ മണ്ടി ഡേവി, കുടുംബസമ്മേളന കേന്ദ്രസമിതി പ്രസിഡന്‍റ്് ജോമി ചേറ്റുപുഴക്കാരന്‍ എന്നിവര്‍ നേതൃത്വം നല്‍കി.

വിശുദ്ധ മറിയം ത്രേസ്യയുടെ തിരുനാൾ കൊടിയേറി

മാള: പുത്തൻചിറ സെന്‍റ് മേരീസ് ഫൊറോന പള്ളിയിൽ വിശുദ്ധ മറിയം ത്രേസ്യയുടെ ജനനതിരുനാളിനും ധന്യൻ ജോസഫ് വിതയത്തിലിന്‍റെ അനുസ്മരണത്തിനും കൊടിയേറി. മേലഡൂർ ഉണ്ണിമിശിഹാ പള്ളി വികാരി ഫാ. ജോസ് പാലാട്ടി കൊടിയേറ്റം നിർവഹിച്ചു. തുടർന്നുള്ള ദിവസങ്ങളിൽ വൈകീട്ട് 6.30ന് പ്രസുദേന്തിവാഴ്ച, ദിവ്യബലി, ലദീഞ്ഞ്, നൊവേന, പ്രദക്ഷിണം എന്നിവ നടക്കും. 25ന് വൈകിട്ട് 5.30ന് പ്രസുദേന്തിവാഴ്ച, നൊവേന, പ്രദക്ഷിണം, നേർച്ചഭക്ഷണം. ഇരിങ്ങാലക്കുട രൂപത ബിഷപ് മാർ പോളി കണ്ണൂക്കാടൻ കാർമികനാകും. തുടർന്ന് നാടകം പഞ്ചക്ഷത. തിരുനാൾദിനമായ 26ന് രാവിലെ 6.30ന് ദിവ്യബലി, 7.30ന് നേർച്ച ഭക്ഷണ വെഞ്ചിരിപ്പ്, വിതരണം. 9.30ന് ഉള്ള ദിവ്യബലിയെതുടർന്ന് പ്രദക്ഷിണം. ഉച്ചയ്ക്ക് 12. 30നും വൈകീട്ട് 3.30 നും 6.30നും ദിവ്യബലി.

ഭിന്നശേഷിസൗഹൃദ സംസ്ഥാനമാക്കി കേരളത്തെ മാറ്റുക ലക്ഷ്യം: മന്ത്രി

ഇരിങ്ങാലക്കുട: ഭിന്നശേഷി സൗഹൃദ സംസ്ഥാനമാക്കി കേരളത്തെ മാറ്റുക എന്ന ലക്ഷ്യത്തോടെ നിരവധി പ്രവര്‍ത്തനങ്ങളാണ് സര്‍ക്കാര്‍ നടത്തുന്നതെന്ന് മന്ത്രി ആര്‍. ബിന്ദു പറഞ്ഞു. ഇരിങ്ങാലക്കുട നഗരസഭ, പടിയൂര്‍, കാറളം, കാട്ടൂര്‍, പൂമംഗലം എന്നീ ഗ്രാമപ്പഞ്ചായത്തുകളിലെ ഭിന്നശേഷിക്കാര്‍ക്ക് ഏകീകൃത തിരിച്ചറിയല്‍ കാര്‍ഡ് നല്‍കുന്നതിനുള്ള മെഡിക്കല്‍ ബോര്‍ഡ് ക്യാമ്പ് ഉദ്ഘാടനം ചെയ്ത് സംസാരിക്കുകയായിരുന്നു മന്ത്രി. സംസ്ഥാനത്തെ മുഴുവന്‍ ഭിന്നശേഷിക്കാര്‍ക്കും സമ്പൂര്‍ണ തിരിച്ചറിയല്‍ കാര്‍ഡ് നല്‍കാനായാണ് ഇത്തരം ക്യാമ്പുകള്‍ സാമൂഹിക നീതി വകുപ്പ് സംഘടിപ്പിക്കുന്നതെന്ന് മന്ത്രി പറഞ്ഞു. ഇത്തരം ക്യാമ്പുകളിലൂടെ ഡോക്ടര്‍മാരുടെ സേവനം ഒറ്റക്കുടക്കീഴില്‍ ലഭ്യമാകുന്നത് ഭിന്നശേഷി വിഭാഗക്കാര്‍ക്ക് സഹായകരമാകുമെന്നും മന്ത്രി ഡോ. ആര്‍. ബിന്ദു പറഞ്ഞു. ഇരിങ്ങാലക്കുട മണ്ഡലത്തിലെ അഞ്ചാമത്തെ ക്യാമ്പാണ് ഇത്. ഇരിങ്ങാലക്കുട സെന്‍റ്് ജോസഫ് കോളജ് ഓഡിറ്റോറിയത്തില്‍ നടന്ന പരിപാടിയില്‍ നഗരസഭ ചെയര്‍പേഴ്‌സണ്‍ മേരിക്കുട്ടി ജോയ് അധ്യക്ഷത വഹിച്ചു. ഇരിങ്ങാലക്കുട ബ്ലോക്ക് പഞ്ചായത്ത് പ്രസിഡന്‍റ്് ലളിതാബാലന്‍ വിശിഷ്ടാതിഥിയായി. കേരള സാമൂഹിക സുരക്ഷാ മിഷന്‍ റീജണല്‍ ഡയറക്ടര്‍ ഡോ. പി.സി. സൗമ്യ, കാട്ടൂര്‍ ഗ്രാമപ്പഞ്ചായത്ത് പ്രസിഡന്‍റ് ടി.വി. ലത, വികസനകാര്യ സ്റ്റാന്‍ഡിംഗ് കമ്മിറ്റി ചെയര്‍പേഴ്‌സണ്‍ ഫെനി എബിന്‍ വെള്ളാനിക്കാരന്‍, കേരള സാമൂഹ്യ സുരക്ഷാ മിഷന്‍ ജില്ലാ കോ ഓര്‍ഡിനേറ്റര്‍ കെ.പി. സജീവ് തുടങ്ങിയവര്‍ പങ്കെടുത്തു.

മണ്ണംപേട്ടയില്‍ ബസും സ്‌കൂട്ടറുകളും കൂട്ടിയിടിച്ചു: അമ്മയ്ക്കും മകള്‍ക്കും പരിക്ക്

മണ്ണംപേട്ട: നിയന്ത്രണംവിട്ടുമറിഞ്ഞ സ്‌കൂട്ടറില്‍ ബസ് കയറി അപകടം. സ്‌കൂട്ടര്‍ യാത്രക്കാരന്‍ പരിക്കേല്‍ക്കാതെ രക്ഷപ്പെട്ടു. സ്‌കൂട്ടര്‍ വരുന്നതുകണ്ട് വെട്ടിക്കാന്‍ശ്രമിച്ച ബസ് മറ്റൊരു സ്‌കൂട്ടറില്‍ ഇടിച്ച് അമ്മയ്ക്കും മകള്‍ക്കും നിസാരപരിക്കേറ്റു. ഇന്നലെ രാവിലെ 11 മണിയോടെയായിരുന്നു അപകടം. തൃശൂര്‍ ഭാഗത്തേയ്ക്കുപോയിരുന്ന സ്വകാര്യ ബസിനടിയിലേക്ക് സ്‌കൂട്ടര്‍ നിയന്ത്രണംവിട്ട് മറിയുകയായിരുന്നു. ബസിന്‍റെ ചക്രങ്ങള്‍ സ്‌കൂട്ടറിലൂടെ കയറിയിറങ്ങി. സ്‌കൂട്ടറില്‍നിന്നു യാത്രക്കാരന്‍ പാതയോരത്തെ കാനയിലേയ്ക്ക് തെറിച്ചുവീണെങ്കിലും പരിക്കേല്‍ക്കാതെ രക്ഷപ്പെട്ടു. സ്‌കൂട്ടര്‍ വരുന്നതുകണ്ട് ബസ് വെട്ടിക്കാന്‍ ശ്രമിക്കുന്നതിനിടെ മുന്നില്‍പോയ മറ്റൊരു സ്‌കൂട്ടറില്‍ ഇടിക്കുകയായിരുന്നു. പരിക്കേറ്റ സ്‌കൂട്ടര്‍ യാത്രികരായ അമ്മയെയും മകളെയും 108 ആംബുലന്‍സ് പ്രവര്‍ത്തകര്‍ ജില്ലാ ആശുപത്രിയില്‍ പ്രവേശിപ്പിച്ചു. ചെങ്ങാലൂര്‍ സ്വദേശി പെല്ലിശേരിവീട്ടില്‍ ജോളി, മകള്‍ എബീന എന്നിവര്‍ക്കാണ് പരിക്കേറ്റത്. നാട്ടുകാരാണ് രക്ഷാപ്രവര്‍ത്തനംനടത്തിയത്.

ദർശനത്തിനെത്തിയ യുവാവിനെ സുരക്ഷാ ജീവനക്കാര്‌ കെെയേറ്റംചെയ്തു

ഗുരുവായൂർ: ക്ഷേത്രത്തിൽ ബന്ധുവിന്‍റെ വിവാഹത്തിൽ പങ്കെടുക്കാനെത്തിയ യുവാവിനെയും അച്ഛനെയും ക്ഷേത്രം സെക്യൂരിറ്റി ജീവനക്കാർ െ കെയേറ്റംചെയ്യുന്ന വീഡിയോ പ്രചരിക്കുന്നു. ഇന്നലെ പുലർച്ചെ അഞ്ചിന് നടന്ന വിവാഹത്തിൽ പങ്കെടുക്കാനെത്തിയതാണ് കൊല്ലം സ്വദേശികളായ അമലും അച്ഛനും ബന്ധുക്കളും. വിവാഹശേഷം ഏഴോടെ ദർശനംനടത്തുന്നതിനുള്ള വരിയിൽ കയറിയതാണ് പ്രശ്നങ്ങൾക്കുകാരണം. ദർശനത്തിനുള്ള വരി അന്വേഷിച്ചുനടന്ന അമൽ മേൽപ്പുത്തൂർ ഓഡിറ്റോറിയത്തിലെ വരിയിലേക്ക് കയറിയതോടെ സെക്യൂരിറ്റി ജീവനക്കാർ െകെയേറ്റം ചെയ്യുകയായിരുന്നു വെന്ന് പറയുന്നു. വരിയിൽ കയറിയതിൽ തെറ്റ് സംഭവിച്ചിട്ടുണ്ടെങ്കിൽ ഇത്തരത്തിലാണോ ചെയ്യേണ്ടത് എന്നാണ് യുവാവിന്‍റെ പക്ഷം. ഇതോടെ ഇവർ ദർശനംനടത്താതെ മടങ്ങി. സമൂഹമാധ്യമങ്ങളിൽ പ്രചരിക്കുന്ന വീഡിയോവിൽ ദേവസ്വം സുരക്ഷാജീവനക്കാർക്കെതിരേ രൂക്ഷവിമർശനമാണ് ഉയരുന്നത്.

മുന്നൊരുക്കം നടത്തിയില്ല, വിവാഹ പാർട്ടിക്കാർ ബുദ്ധിമുട്ടി

ഗുരുവായൂർ: ക്ഷേത്രത്തിൽ ഇന്നലെ 177 വിവാഹങ്ങൾനടന്നു. ദേവസ്വം മുന്നൊരുക്കങ്ങൾ ചെയ്യാത്തതിനാൽ വിവാഹ പാർട്ടിക്കാർ ബുദ്ധിമുട്ടി. പുലർച്ചെ അഞ്ചുമുതൽ ആരംഭിച്ച വിവാഹങ്ങൾ അവസാനിച്ചത് ഉച്ചയ്ക്കാണ്. നാല് മണ്ഡപങ്ങളിലുമായി നടക്കുന്ന വിവാഹത്തിന് ടോക്കൺ നൽകുന്ന മേൽപ്പുത്തൂർ ഓഡിറ്റോറിയത്തിനു തെക്കുഭാഗത്ത് ക്രമീകരണങ്ങൾ ഇല്ലാത്തതിനാൽ വിവാഹ പാർട്ടിക്കാർക്ക് ഇവിടെ തിരക്ക് കൂട്ടേണ്ടിവന്നു. രാവിലെ 10 മുതൽ 11വരെ യായിരുന്നു ഏറ്റവും തിരക്ക്. മുൻപ് വിവാഹത്തിരക്കുള്ള ദിവസങ്ങളിൽ മേൽപ്പത്തൂർ ഓഡിറ്റോറിയത്തിനുസമീപം ഷാമിയാന കെട്ടി ദേവസ്വം ജീവനക്കാർ സമയമക്രമം അനുസരിച്ച് ടോക്കൺ നൽകി മണ്ഡപത്തിലേക്ക് കടത്തിവിടുമായിരുന്നു. നടപ്പുരയിൽ വൺവെ സംവിധാനവും ഏർപ്പെടുത്തുമായിരുന്നു. ഇന്നലെ ഈ സംവിധാനങ്ങൾ ഉണ്ടായില്ല. നടപ്പുരയിൽ ദർശനത്തിനെത്തിയവരും വിവാഹ പാർട്ടിക്കാരും നിറഞ്ഞു. ദേവസ്വം സുരക്ഷാവിഭാഗം ഉദ്യോഗസ്ഥർ മാത്രമാണ് നിയന്ത്രിക്കാനുണ്ടായത്.

ലഹരിക്കെതിരേ എൻഎസ്എസ് പ്രതിജ്ഞയെടുത്തു

തൃശൂർ: എൻഎസ്എസ് പൂങ്കുന്നം ഈസ്റ്റ് കരയോഗം ലഹരിവിരുദ്ധപ്രതിജ്ഞയെടുത്തു. ലഹരിയുടെ കൈപ്പിടിയിലേക്കു കുട്ടികളെ എറിഞ്ഞുകൊടുക്കുകയില്ലെന്നു വീട്ടമ്മമാരും വനിതകളും ഉൾപ്പെടെ കരയോഗം വാർഷികപൊതുയോഗത്തിൽ പ്രതിജ്ഞയെടുത്തു. താലൂക്ക് യൂണിയൻ പ്രസിഡന്‍റ് എ. സുരേശൻ ഉദ്ഘാടനം ചെയ്തു. പ്രസിഡന്‍റ് വി. സുരേന്ദ്രൻ അധ്യക്ഷനായി. സെക്രട്ടറി കെ. കൃഷ്ണകുമാർ റിപ്പോർട്ട് അവതരിപ്പിച്ചു. താലൂക്ക് യൂണിയൻ ഇൻസ്പെക്ടർ എം.വി. ദേവൻ, ബ്രിഗേഡിയർ രവി നായർ, കെ. രവീന്ദ്രനാഥൻ, പി. ശശിധരൻ, ദേവി ഗോപിനാഥ്, എം.ടി. ഗോപിനാഥൻ സംസാരിച്ചു. ഭാരവാഹികളായി വി. സുരേന്ദ്രൻ-പ്രസിഡന്‍റ്, പി. ശശിധരൻ-വൈസ് പ്രസിഡന്‍റ്, കെ. കൃഷ്ണകുമാർ- സെക്രട്ടറി, ദേവി ഗോപിനാഥ് -ജോയിന്‍റ് സെക്രട്ടറി, എ. അനിൽകുമാർ-ട്രഷറർ എന്നിവരെയും വനിതാസമാജം പ്രസിഡന്‍റായി ഡോ.പി. ഗീത, വൈസ് പ്രസിഡന്‍റായി പി. അനിത, സെക്രട്ടറിയായി അംബിക ഭരതൻ, ജോയിന്‍റ് സെക്രട്ടറിയായി ഗീത നന്ദകുമാർ എന്നിവരെയും തെരഞ്ഞെടുത്തു.

മസ്ജിദിന്‍റെ ഭണ്ഡാരംപൊളിച്ച് മോഷണം

പാവറട്ടി: പുതുമനശേരി ജുമാമസ്ജിദിന്‍റെ കോമ്പൗണ്ടില്‌ ഓഫീസിന് സമീപത്ത് സ്ഥിതിചെയ്യുന്ന ഭണ്ഡാരത്തിന്‍റെ പൂട്ടുപൊളിച്ച് മോഷണം നടന്നതായി പരാതി. ഇന്നലെ രാവിലെ മദ്രസ അധ്യാപകരാണ് ഭണ്ഡാരത്തിന്‍റെ പൂട്ടുപൊളിച്ച നിലയിൽ ആദ്യംകണ്ടത്. മഹല്ല് ഭാരവാഹികൾ ഉടൻ പാവറട്ടി പോലിസിനെ വിവരം അറിയിക്കുകയായിരുന്നു. ഭണ്ഡാരത്തിന്‍റെ രണ്ട് പൂട്ടുപൊളിച്ചാണ് മോഷണം നടത്തിയിട്ടുള്ളത്. ഏകദേശം 10,000 രൂപയോളം നഷ്ടപ്പെട്ടതായി കണക്കാക്കുന്നുവെന്ന മഹല്ല് ഭാരവാഹികൾ അറിയിച്ചു. പാവറട്ടി സിഐ ആന്‍റണി ജോസഫ് നെറ്റോയുടെ നേതൃത്വത്തിലുള്ള പോലീസ് സംഘം അന്വേഷണം ആരംഭിച്ചു.

കൊമ്പൻ കരുവന്തല ഗണപതി ചെരിഞ്ഞു

വെങ്കിടങ്ങ്: ഏനാമാവ് കരുവന്തല ഭഗവതിക്ഷേത്രത്തിലെ കൊമ്പൻ കരുവന്തല ഗണപതി ചെരിഞ്ഞു. ഇന്നലെ രാവിലെയായിരുന്നു അന്ത്യം. ഇരുപത്തിയാറ് വയസ് പ്രായമുള്ള കൊമ്പൻ ഗണപതി ഉദരസംബന്ധമായ അസുഖവും വിറയലും മൂലം ചികിത്സയിലായിരുന്നു. കഴിഞ്ഞ 13 വർഷമായി കരുവന്തല ഭഗവതി ക്ഷേത്രത്തിലെ ഉത്സവങ്ങളിൽ നിറസാന്നിധ്യമായിരുന്നു ഗണപതി. 2012ൽ ഒറ്റപ്പാലത്തു നിന്നാണ് ആനയെ കൊണ്ടുവന്നത്. കഴിഞ്ഞ വിഷുവിനോട് അനുബന്ധിച്ചുള്ള ഉത്സവങ്ങളിൽ പങ്കെടുത്തിരുന്നു. സോഷ്യൽ ഫോറസ്റ്ററി തൃശൂർ ഡിവിഷൻ ഉദ്യോഗസ്ഥർ സ്ഥലത്തെത്തി. റേഞ്ച് ഫോറസ്റ്റ് ഓഫീസർ വിജി പി.വർഗീസിന്‍റെ നേതൃത്വത്തിൽ മേൽനടപടികൾ സ്വീകരിച്ചു. പോസ്റ്റ്മോർട്ടത്തിനുശേഷം മലയാറ്റൂരിൽ ആനയുടെ സംസ്കാരം നടത്തും. ധാരാളം ആരാധകരുള്ള കരുവന്തല ഗണപതിയെ അവസാനമായി കാണാൻ നിരവധി ആനപ്രേമികളാണെത്തിയത്.

അമലയിൽ ലോക കരൾദിനാചരണം

തൃശൂർ: അമല മെഡിക്കൽ കോളജ് ഗ്യാസ്ട്രോ വിഭാഗം നടത്തിയ ലോക കരൾദിനാചരണത്തിന്‍റെയും സൗജന്യ മെഡിക്കൽ ക്യാന്പിന്‍റെയും ഉദ്ഘാടനം ഡയറക്ടർ ഫാ. ജൂലിയസ് അറയ്ക്കൽ നിർവഹിച്ചു. ജോയിന്‍റ് ഡയറക്ടർമാരായ ഫാ. ഡെൽജോ പുത്തൂർ, ഫാ. ആന്‍റണി പെരിഞ്ചേരി, ഗ്യാസ്ട്രോ മേധാവി ഡോ. സോജൻ ജോർജ്, പ്രഫസർ ഡോ. റോബർട്ട് പനയ്ക്കൽ, ഡോ. രജനി ആന്‍റണി, ഡോ. ജോമോൻ, ഡോ. വിനീഷ് എന്നിവർ പങ്കെടുത്തു. ദിനാചരണത്തിന്‍റെ ഭാഗമായി ബോധവത്കരണ ക്ലാസ്, ഫ്ലാഷ് മോബ് എന്നിവയും നടത്തി.

ടിക്കറ്റ് വിൽപ്പനയിലൂടെ തുക സമാഹരിച്ചു: വീടിന്‍റെ താക്കോൽദാനം നടത്തി

അന്തിക്കാട്: കാർഷികവികസന കർഷകക്ഷേമവകുപ്പിന്‍റെ ആഭിമുഖ്യത്തിൽ 2019-20 വർഷത്തെ വൈഗ ടിക്കറ്റ് വിൽപ്പനയിലുടെ സമാഹരിച്ച തുക വിനിയോഗിച്ച് നിർമിച്ചുനൽകിയ വീടിന്‍റെ താക്കോൽദാനം നടത്തി. അന്തിക്കാട് ഗ്രാമപഞ്ചായത്തും കാർഷികക്ഷേമവകുപ്പും സംയുക്തമായി പടിയം കണക്കന്ത്ര മല്ലികയ്ക്ക് നിർമിച്ചുനൽകിയ വീടിന്‍റെ താക്കോൽദാനമാണ് വി.എസ്. സുനിൽകുമാർ നിർവഹിച്ചത്. അന്തിക്കാട് ഗ്രാമപഞ്ചായത്ത് പ്രസിഡന്‍റ് ജീന നന്ദൻ അധ്യക്ഷതവഹിച്ചു. കൃഷി ഓഫീസർ കെ.എസ്. ശ്വേത, അന്തിക്കാട് ബ്ലോക്ക് പഞ്ചായത്ത് പ്രസിഡന്‍റ് കെ.കെ. ശശിധരൻ, അന്തിക്കാട് ഗ്രാമപഞ്ചായത്ത് വൈസ് പ്രസിഡന്‍റ് പി.എസ്. സുജിത്ത്, ബ്ലോക്ക് പഞ്ചായത്ത് മെംബർ സി.കെ. കൃഷ്ണണകുമാർ, കൃഷി ഡെപ്യുട്ടി ഡയറക്ടർ ഹാരിസ്, വികസന സ്റ്റാൻഡിംഗ് ചെയർപേഴ്സൺ മേനക മധു എന്നിവർ പ്രസംഗിച്ചു.

ലൂര്‍ദ് കത്തീഡ്രല്‍ ഇടവക അനുശോചിച്ചു

തൃശൂർ: ഫ്രാൻസിസ് മാർപാപ്പയുടെ നിര്യാണത്തിൽ ലൂർദ് കത്തീഡ്രൽ ഇടവക അനുശോചിച്ചു. അതിരൂപത സഹായമെത്രാൻ മാർ ടോണി നീലങ്കാവിൽ അനുശോചനമർപ്പിച്ചു പ്രസംഗിച്ചു. സൗമ്യമായ ഇടപെടലുകളിലൂടെ ലോകജനതയുടെ ഹൃദയം കവർന്ന പാപ്പയായിരുന്നു ഫ്രാൻസിസ് പാപ്പയെന്ന് അദ്ദേഹം പറഞ്ഞു. ‌കത്തീഡ്രൽ വികാരി ഫാ. ജോസ് വല്ലൂരാൻ, സഹവികാരിമാരായ ഫാ. പ്രിജോവ് വടക്കേത്തല, ഫാ. ജീസ്മോൻ ചെമ്മണ്ണൂർ എന്നിവർ സന്നിഹിതരായി. നടത്തുകൈക്കാരൻ ലൂവി കണ്ണാത്ത്, കൈക്കാരൻമാരായ തോമസ് കോനിക്കര, ജോസ് ചിറ്റാട്ടുകര, ജോജു മഞ്ഞില എന്നിവർ നേതൃത്വം നൽകി. ആദരാഞ്ജലികളുമായി സിഎൽസി തൃശൂർ: ആഗോള കത്തോലിക്കാസഭയുടെ തലവൻ ഫ്രാൻസിസ് മാർപാപ്പയ്ക്ക് ആദരാഞ്ജലികളുമായി സിഎൽസി. മാനവികതയും വിശ്വദർശനവും ക്രൈസ്തവപ്രവർത്തനങ്ങളിൽ കാണിച്ചുകൊടുത്ത പാപ്പയെയാണ് ലോകത്തിനു നഷ്ടമായതെന്ന് അതിരൂപത സീനിയർ സിഎൽസി പത്രക്കുറിപ്പിൽ പറഞ്ഞു. ഇന്നു വൈകീട്ട് 5.30 നു സിഎൽസി പ്രവർത്തകർ മാർപാപ്പയ്ക്ക് ആദരാഞ്ജലികൾ അർപ്പിക്കുവാൻ പാസ്റ്ററൽ സെന്‍ററിൽ ഒരുമിച്ചുകൂടി പ്രാർഥന നടത്തും. യോഗത്തിൽ അതിരൂപത പ്രമോട്ടർ ഫാ. ഫ്രജോ വാഴപ്പിള്ളി, സീനിയർ പ്രസിഡന്‍റ് വിനേഷ് കോളങ്ങാടൻ, യൂത്ത് പ്രസിഡന്‍റ് ജെറിൻ ജോസ് എന്നിവർ അനുസ്മരണപ്രഭാഷണം നടത്തും.

പച്ചക്കറി നിറഞ്ഞുവിളഞ്ഞു, ഗാർഡൻഫ്രഷ് വെജി ഷോപ്പ് തുറന്ന് വിയ്യൂർ ജയിൽ

സ്വന്തം ലേഖകൻ വിയ്യൂർ: പച്ചക്കറി വിളവ് നൂറുമേനി കവിഞ്ഞതോടെ പച്ചക്കറി വിറ്റഴിക്കാൻ വിയ്യൂർ സെൻട്രൽ ജയിൽ ഗാർഡൻഫ്രഷ് വെജി ഷോപ്പ് തുറന്നു. ചീരയും പടവലങ്ങയും കോവയ്ക്കയും ചുരയ്ക്കയും വള്ളിപ്പയറുമൊക്കെ ജയിൽ കോന്പൗണ്ടിൽ തഴച്ചുവളർന്നതോടെ ഇവ വിറ്റഴിക്കാൻ സ്പെഷൽ കൗണ്ടർതന്നെ തുറക്കേണ്ട സ്ഥിതിയാവുകയായിരുന്നു. സെൻട്രൽ ജയിൽ കവാടത്തിനരികെയുള്ള ഫ്രീഡം പാർക്കിൽ കെട്ടുവള്ളം മാതൃകയിലൊരുക്കിയ വില്പനകൗണ്ടറിൽ 27-ാം തീയതിവരെ പച്ചക്കറിവില്പനവാരം നടക്കും. ചക്കയും ഇടിച്ചക്കയും മാങ്ങയും പപ്പായയും വാഴക്കൂന്പൂം വാഴപ്പിണ്ടിയും മുരിങ്ങയിലയും ചെങ്കദളിയുമൊക്കെ ഇവിടെ വില്പനയ്ക്കുണ്ട്. ഈർക്കിൽചൂലും വാഴയിലയും വാഹനങ്ങൾ ക്ലീൻ ചെയ്യാനുള്ള കോട്ടണ്‍ വേസ്റ്റ് എന്നിവയും ഇവിടെ മിതമായ നിരക്കിൽ ലഭിക്കും. കൃഷി വിജ്ഞാൻകേന്ദ്രയുടെ 12 തരം പച്ചക്കറിവിത്തുകൾ പായ്ക്കറ്റിനു 10 രൂപ നിരക്കിലും ലഭ്യമാണ്.

ചെപ്പാറയിൽ തങ്ങളുടെ സ്ഥലം കൈയേറാൻ പഞ്ചായത്തിന്‍റെ ശ്രമമെന്നു കുടുംബം

തൃശൂർ: പൂമല ചെപ്പാറ ടൂറിസ്റ്റ് കേന്ദ്രത്തിനോടടുത്തുള്ള വടക്കേടത്ത് ചിറയിൽ ജോസഫിന്‍റെ ഒരേക്കർ കൃഷിഭൂമി തട്ടിയെടുക്കാൻ ശ്രമിക്കുന്നതായി പരാതി. തെക്കുംകര പഞ്ചായത്ത് പ്രസിഡന്‍റ് അടക്കമുള്ളവർ വ്യാജരേഖ ഉണ്ടാക്കി വനഭൂമിയിൽപ്പെട്ട ഈ സ്ഥലം പഞ്ചായത്ത് ആസ്തിരജിസ്റ്ററിൽ എഴുതിച്ചെർത്തെന്നു ജോസഫ് പത്രസമ്മേളനത്തിൽ പറഞ്ഞു. പട്ടയത്തിന് അപേക്ഷ നൽകിയപ്രകാരം 1993 ൽ ഉടമസ്ഥാവകാശം സംബന്ധിച്ച് എല്ലാ നിയമനടപടിയും പൂർത്തിയായി ജോയിന്‍റ് വെരിഫിക്കേഷൻ സർട്ടിഫിക്കറ്റും ജോസഫിനു ലഭിച്ചതാണ്. സർവേ ഓഫീസിൽനിന്നും പട്ടയവുമായി ബന്ധപ്പെട്ടു ഡിജിറ്റൽ സർവേ പൂർത്തിയായ ഫയൽ പഞ്ചായത്ത് പ്രസിഡന്‍റ് നശിപ്പിച്ചുകളഞ്ഞെന്നും ജോസഫ് പറയുന്നു. അവിടെ നടത്തിവന്നിരുന്ന കൃഷിപ്പണി തടയുകയും തെക്കുംകര വില്ലേജ് ഓഫീസർ സ്റ്റോപ്പ് മെമ്മോ നൽകുകയും ചെയ്തിരുന്നു. ഇതിനെതിരേ ഹൈക്കോടതിയെ സമീപിക്കുകയും തനിക്ക് അവിടെ കൃഷിചെയ്യാൻ അനുവാദം ലഭിക്കുകയും ചെയ്തിട്ടുണ്ട്. എന്നാൽ, ഓർഡർ ഉണ്ടായിട്ടും ഉദ്യോഗസ്ഥർ ഭീഷണിപ്പെടുത്തുകയും സ്ഥലത്തിന്‍റെ അതിര് വേലികെട്ടി തിരിക്കാൻ തുടങ്ങിയതു തടയുകയും ചെയ്തു. രേഖകൾ കാണിച്ചപ്പോൾ ഉദ്യോഗസ്ഥർ തിരിച്ചുപോവുകയും പിന്നീട് ഗുണ്ടകൾ വന്ന് വധഭീഷണി മുഴക്കുകയും പണിസാധനങ്ങൾ നശിപ്പിക്കുകയും ചെയ്തുവെന്നു ജോസഫ് പറഞ്ഞു. സ്ഥലം കൈക്കലാക്കാൻവേണ്ടി കുടുംബത്തിനുനേരേ കൈയേറ്റവും നടന്നു. സംഭവത്തിൽ പോലീസ് ഇട്ട എഫ്ഐആർ പോലും പാർട്ടിസ്വാധീനത്താൽ ഇല്ലാതാക്കി സ്ഥലം കൈക്കലാക്കാനാണ് ശ്രമം നടത്തുന്നതെന്നാണ് കുടുംബത്തിന്‍റെ ആരോപണം. സംഭവത്തിൽ ജില്ലാ കളക്ടറോ ബന്ധപ്പെട്ട അധികാരികളോ കൃത്യമായി അന്വേഷണം നടത്തി നീതി ലഭ്യമാക്കണമെന്നു ജോസഫ്, ഭാര്യ മോളി ജോസഫ്, മകൻ ജോബി ജോസഫ് എന്നിവർ പത്രസമ്മേളനത്തിൽ ആവശ്യപ്പെട്ടു.

പാലിയേക്കരയിലെ ടോൾപിരിവ് നിർത്തിവയ്ക്കണം: സിപിഐ

തൃശൂർ: യാത്രക്കാർക്കു ദുരിതവും യാത്രാക്കുരുക്കും സ്ഥിരമായ സാഹചര്യത്തിൽ ദേശീയപാത 544ൽ പാലിയേക്കരയിലെ ടോൾപിരിവ് നിർത്തിവയ്ക്കാൻ ജില്ലാ ഭരണകൂടം അടിയന്തരനടപടി സ്വീകരിക്കണമെന്നു സിപിഐ ജില്ലാ കൗണ്‍സിൽ ആവശ്യപ്പെട്ടു. മണ്ണുത്തി - അങ്കമാലി റോഡിൽ ആന്പല്ലൂർ, പേരാന്പ്ര, മുരിങ്ങൂർ, കൊരട്ടി, ചിറങ്ങര എന്നിവിടങ്ങളിൽ രൂക്ഷമായ ഗതാഗതക്കുരുക്കാണ് ഉണ്ടാകുന്നത്. ബദൽയാത്രാസൗകര്യമൊരുക്കാതെ അടിപ്പാതകൾ നിർമിക്കുന്നതിന്‍റെ പേരിൽ ദേശീയപാത അടച്ചുകെട്ടി. സർവീസ് റോഡുകൾ തകർന്നനിലയിലാണ്. മണിക്കൂറുകളോളമാണു ദേശീയപാതയിൽ ഗതാഗതക്കുരുക്ക്. ഈ സാഹചര്യത്തിൽ പാലിയേക്കരയിലെ ടോൾപിരിവ് നിർത്തിവയ്ക്കാൻ ജില്ലാ ഭരണകൂടം കഴിഞ്ഞ 16നു പുറപ്പെടുവിച്ച ഉത്തരവ് കർശനമായി നടപ്പാക്കണമെന്നും ആവശ്യപ്പെട്ടു. ജില്ലാ എക്സിക്യൂട്ടിവ് അംഗം വി.എസ്. പ്രിൻസ് അധ്യക്ഷത വഹിച്ചു. ജില്ലാ സെക്രട്ടറി കെ.കെ. വത്സരാജ് റിപ്പോർട്ട് അവതരിപ്പിച്ചു. ദേശീയ എക്സിക്യൂട്ടീവ് അംഗം കെ.പി. രാജേന്ദ്രൻ, മന്ത്രി കെ. രാജൻ, രാജാജി മാത്യു തോമസ്, പി. ബാലചന്ദ്രൻ എംഎൽഎ, അഡ്വ. ടി.ആർ. രമേഷ്കുമാർ എന്നിവർ പ്രസംഗിച്ചു.

വലിയ ഇടയനെക്കുറിച്ചുള്ള ദീപ്തസ്മരണകളോടെ ...

എക്കാലത്തും ക്രിസ്തുവിന്‍റെ ഹൃദയത്തോടു ചേർന്നുനിന്നയാൾ എക്കാലത്തും ക്രിസ്തുവിന്‍റെ ഹൃദയത്തോടു ചേർന്നുനിന്നയാളായിരുന്നു ഫ്രാൻസിസ് മാർപാപ്പയെന്നു സിബിസിഐ പ്രസിഡന്‍റും തൃശൂർ അതിരൂപത മെത്രാപ്പോലീത്തയുമായ മാർ ആൻഡ്രൂസ് താഴത്ത്. പത്രോസിന്‍റ 266-ാം പിൻഗാമിയായ അദ്ദേഹം ചരിത്രത്തിലെ ജോണ്‍പോൾ രണ്ടാമൻ മാർപാപ്പയെപ്പോലെ ജനകീയനായിരുന്നു. എല്ലാവർക്കും ഇഷ്ടപ്പെട്ട, എല്ലാവരുടെയും പാപ്പയായിരുന്നു. നൻമയ്ക്കും നീതിക്കും കാരുണ്യത്തിനുംവേണ്ടി ജ്വലിച്ച ഹൃദയമായിരുന്നു അദ്ദേഹത്തിന്‍റേത്. അർജന്‍റീനയിൽനിന്നുള്ള ആദ്യത്തെ പാപ്പയെന്ന നിലയിൽ പാവപ്പെട്ടവന്‍റെ വേദന കണ്ടറിഞ്ഞ് അവർക്കൊപ്പം നിലകൊണ്ടു. ലോകത്തെ മുഴുവൻ സ്നേഹംകൊണ്ടു കീഴടക്കാനായി. പുരോഗമനപരമായ ചിന്തകളും നിലപാടുകളും സ്വീകരിച്ചപ്പോഴും സഭയുടെ അടിസ്ഥാനപ്രമാണങ്ങളിൽ പാപ്പ അടിയുറച്ചുനിന്നു. ലളിതമായ ജീവിതം നയിച്ചു. തന്‍റെ സംസ്കാരവും ലളിതമാക്കണമെന്നു മരണപത്രത്തിൽ പറഞ്ഞിരുന്നു. സത്യം സ്നേഹത്തോടുകൂടി തുറന്നുപറയാനും എല്ലാവർക്കുംവേണ്ടി ജീവിക്കാനും പാപ്പസ്ഥാനം അദ്ദേഹം ഉപയോഗിച്ചു. സിബിസിഐ പ്രസിഡന്‍റ് എന്ന നിലയിൽ മാർപാപ്പയെ ഇന്ത്യയിലേക്കു ക്ഷണിച്ചിരുന്നു. ഈ വിവരം പ്രധാനമന്ത്രി നരേന്ദ്ര മോദിയോടും സംസാരിച്ചിരുന്നു. അദ്ദേഹവും പാപ്പയെ ഇന്ത്യയിലേക്കു ക്ഷണിച്ചു. ഇന്ത്യയിലെത്താൻ ആഗ്രഹമുണ്ടായിട്ടും പാപ്പയ്ക്ക് സാധിക്കാതെപോയി. അദ്ദേഹത്തിന്‍റെ നല്ല മാതൃകകളും ആഹ്വാനങ്ങളും ലോകം ഒരിക്കലും മറക്കില്ല. അദ്ദേഹത്തിന്‍റെ ദേഹവിയോഗത്തിൽ ദുഃഖിതരായ എല്ലാവർക്കുംവേണ്ടി അനുശോചനം രേഖപ്പെടുത്തുന്നു. പാപ്പയ്ക്കു ദൈവം തന്‍റെ വലതുഭാഗത്തു നിത്യസമ്മാനം നൽകട്ടെയെന്നു പ്രാർഥിക്കുന്നു. ഭാരത കത്തോലിക്ക മെത്രാൻ സമിതിയുടെ പേരിലുള്ള അനുശോചനം രേഖപ്പെടുത്തുന്നു. മാർ ആൻഡ്രൂസ് താഴത്ത് (തൃശൂർ ആർച്ച്ബിഷപ്) വിശ്വമാനവികതയുടെ മനഃസാക്ഷിശബ്ദം സർവജനവിഭാഗങ്ങൾക്കും സമാരാധ്യനായി 12 വർഷക്കാലം സാർവത്രിക കത്തോലിക്കാ‌സഭയെ നയിച്ച പരിശുദ്ധ പിതാവ് ഫ്രാൻസിസ് മാർപാപ്പയുടെ വിയോഗം സഭയ്ക്കും ലോകത്തിനും കനത്ത നഷ്ടമാണെ ന്ന് കെസിബിസി വൈസ് പ്രസിഡന്‍റും ഇരിങ്ങാലക്കുട ബിഷപ്പുമായ മാർ പോളി കണ്ണൂക്കാടൻ പറഞ്ഞു. ജാതി, മതഭേദമെന്യേ പാവപ്പെട്ടവർക്കും നിരാലംബർക്കും അഭയാർഥികൾക്കും പാർശ്വവത്കരിക്കപ്പെട്ടവർക്കുംവേണ്ടി നിരന്തരം അദ്ദേഹം ശബ്ദമുയർത്തി. സാമൂഹിക, രാഷ്ട്രീയ, പാരിസ്ഥിതിക, രാജ്യാന്തരതലങ്ങളിൽ നീതിയുടെയും സമാധാനത്തിന്‍റെയും സഹവർത്തിത്വത്തിന്‍റെയും സുവിശേഷാധിഷ്ഠിതമായ സഭയുടെ മുഖവും ശബ്ദവുമായിരുന്നു ഫ്രാൻസിസ് പാപ്പ. സുവിശേഷമൂല്യങ്ങളെ വിശ്വസ്തതയോടും ധീരതയോടുംകൂടി ജീവിതത്തിൽ പകർത്തിയ അദ്ദേഹം വിശ്വമാനവികതയുടെയും മതമൈത്രിയുടെയും അതിരുകളില്ലാത്ത കാരുണ്യത്തിന്‍റെയും പ്രതീകമായി ലോകത്തിനുമുന്നിൽ നിലകൊണ്ടു. യുദ്ധവും സംഘർഷവും അക്രമവും രക്തച്ചൊരിച്ചിലും മനുഷ്യൻ മനുഷ്യനോടുചെയ്യുന്ന കടുത്ത അപരാധമാണെന്നു നമ്മെ ഓർമിപ്പിച്ചു. മരിക്കുന്നതിനു മണിക്കൂറുകൾക്കുമുന്പുപോലും ഗാസയിലും യുക്രെയ്നിലും യെമനിലും സംഘർഷങ്ങളിൽ ഇരകളായവർക്കുവേണ്ടി ശബ്ദമുയർത്തി; സമാധാനത്തിനുവേണ്ടി രാഷ്ട്രനേതാക്കളോട് അഭ്യർഥിച്ചു. ചിന്തയിലും വാക്കിലും പ്രവൃത്തിയിലും നമ്മുടെ കാലഘട്ടത്തിന്‍റെ മനഃസാക്ഷിയായി ജീവിച്ചു നിത്യതയിലേക്കു വിടവാങ്ങിയ ഫ്രാൻസിസ് പാപ്പയുടെ വിയോഗത്തിൽ അഗാധമായ ദുഃഖം രേഖപ്പെടുത്തുന്നു. മാർ പോളി കണ്ണൂക്കാടൻ (ഇരിങ്ങാലക്കുട രൂപത മെത്രാൻ) എല്ലാ മനുഷ്യർക്കും സ്വീകാര്യനായ നേതാവ് ലോകം ആദരിച്ച, വീണ്ടും വീണ്ടും കേൾക്കാൻ കൊതിക്കുന്ന ആ ശബ്ദവും നിഷ്കളങ്കത വിരിയുന്ന മായാത്ത പുഞ്ചിരിയും നിലച്ചതിന്‍റെ ദുഃഖത്തിലാണ് നാം. നീണ്ട 88 വർഷങ്ങൾ ജനഹൃദയങ്ങളെ തൊട്ടും സ്നേഹിച്ചും ഫ്രാൻസിസ് പാപ്പ കടന്നുപോയി. അംഗീകരിക്കാൻ ഒട്ടും എളുപ്പമല്ലാത്ത വിരഹവാർത്ത..! ആഗോള കത്തോലിക്കാസഭയുടെ പരമാധികാരിയായിരുന്നെങ്കിലും എല്ലാ മനുഷ്യരുടെയും സ്വീകാര്യനായ നേതാവുതന്നെയായിരുന്നു ഫ്രാൻസിസ് മാർപാപ്പ. സ്ത്രീയെന്നോ പുരുഷനെന്നോ വ്യത്യാസമില്ലാതെ, ഏതു രാഷ്ട്രക്കാരായാലും ഏതു മതസ്ഥരായാലും എല്ലാവരെയും മനുഷ്യരായിക്കണ്ട്, എല്ലാ മനുഷ്യരെയും ബഹുമാനിക്കണം, എല്ലാവരെയും സ്നേഹിക്കണം എന്ന സന്ദേശം നൽകി മനുഷ്യനന്മയ്ക്കായി ജീവിച്ച അതുല്യചരിത്രപുരുഷൻ. പാവപ്പെട്ടവരുടെയും പാർശ്വവത്കരിക്കപ്പെട്ടവരുടെയും സന്തതസഹചാരി. ഹൃദയംനിറയെ പ്രകൃതിസ്നേഹം. ഇന്നത്തെ കാലഘട്ടത്തിനു ദൈവം നൽകിയ കരുത്തുറ്റ വരദാനമായിരുന്നു ഫ്രാൻസിസ് മാർപാപ്പ. 56 വർഷത്തെ പൗരോഹിത്യജീവിതം ആടിന്‍റെ ഗന്ധമുള്ള ഇടയനാകുന്നതിന്‍റെ ജീവിക്കുന്ന മാതൃകയായിരുന്നു. പാപ്പ മുന്നോട്ടുവച്ച സന്ദേശങ്ങൾ കാലദേശങ്ങൾക്കപ്പുറത്തേക്കു പ്രതിധ്വനിക്കുമെന്നുറപ്പാണ്. ഈ നിറദീപം അണയാതെ ജനമനസിൽ ജ്വലിച്ചുതന്നെ നിൽക്കും. മാർ പീറ്റർ കൊച്ചുപുരയ്ക്കൽ (പാലക്കാട് രൂപത മെത്രാൻ) പ്രവാസികളുടെ മുന്നണിപ്പോരാളി പ്രവാസികളിൽനിന്നുള്ള ആദ്യത്തെ മാർപാപ്പയായ ഫ്രാൻസിസ് പാപ്പ സഭാചരിത്രത്തിൽ അറിയപ്പെടാൻ പോകുന്നത് പ്രവാസിയായ പാപ്പ എന്നായിരിക്കും. തന്‍റെ പൗരോഹിത്യമോ, ഈശോസഭാ പ്രൊവിൻഷ്യൽ, മെത്രാൻ, കർദിനാൾശുശ്രൂഷകളോ മാർപാപ്പസ്ഥാനംപോലുമോ അദ്ദേഹത്തെ ഒരിക്കലും തന്‍റെ ക്രിസ്തുഭാവത്തിൽനിന്നു വ്യതിചലിപ്പിച്ചിട്ടില്ല. മറിച്ച്, അവയിലൂടെയെല്ലാം അദ്ദേഹം ക്രിസ്തുവിന്‍റെ വികാരിയായി, ക്രിസ്തുവിന്‍റെ അനുകന്പാർദ്രസ്നേഹത്തിന്‍റെ യഥാർഥപ്രതിനിധിയും സാന്നിധ്യവുമായി ജീവിക്കുകയായിരുന്നു. പദവികളിൽ അദ്ദേഹത്തിന്‍റെ മനസുടക്കിയില്ല. അവയെ അതിലംഘിച്ചുകൊണ്ട് പ്രത്യാശയുടെ പ്രയാണം അദ്ദേഹം തുടർന്നുകൊണ്ടേയിരുന്നു. ഈ ജൂബിലിവർഷത്തിൽ പ്രത്യാശയുടെ തീർത്ഥാടകരാകാൻ നമ്മെ ആഹ്വാനംചെയ്ത അദ്ദേഹം നമുക്കുമുന്പേ ആ തീർത്ഥാടനം വിജയകരമായി പൂർത്തിയാക്കി പിതാവിന്‍റെ സന്നിധിയിലേക്കു കടന്നുപോകുകയാണ്. ഇറ്റലിയിൽനിന്നു പ്രവാസികളായി അർജന്‍റീനയിൽ എത്തിയ ദന്പതികളുടെ മകൻ എന്നനിലയിൽ അദ്ദേഹം സ്വയം പ്രവാസിയായി തന്നെത്തന്നെ കണ്ടു. ഈ ലോകത്തിൽ എല്ലാവരാലും അവഗണിക്കപ്പെട്ട പ്രവാസികളോട് അദ്ദേഹത്തിന് അനുകന്പ തോന്നി. അവരോടു താദാത്മ്യപ്പെട്ടു. അവരുടെ അവകാശങ്ങൾക്കുവേണ്ടി പൊതുസമൂഹത്തിലും സഭയിലും സ്വരമുയർത്തി. പ്രവാസികളുടെ അവകാശങ്ങൾക്കുവേണ്ടി നിലകൊണ്ട മുന്നണിപ്പോരാളിയായി ലോകചരിത്രം എക്കാലവും അദ്ദേഹത്തെ അടയാളപ്പെടുത്തും. മാർ ടോണി നീലങ്കാവിൽ (തൃശൂർ അതിരൂപത സഹായ മെത്രാൻ) പാർശ്വവത്കരിക്കപ്പെട്ട മനുഷ്യരുടെ ശബ്ദം ആഗോള കത്തോലിക്കാസഭയ്ക്കും ലോകത്തിനു മുഴുവനും വലിയ നഷ്ടമാണ് സമാധാനദൂതനായ പാപ്പയുടെ വിടവാങ്ങൽ. നിലപാടുകൾ‌കൊണ്ടും ജീവിതംകൊണ്ടും ലോകം ശ്രദ്ധിച്ച പാപ്പയാണ്. വിശ്വാസം, കരുണ, നന്മ, എളിമ എന്നിവയാൽ ലോകത്തെ മുഴുവൻ സ്പർശിച്ച പാപ്പയുടെ ജീവിതം ലോകത്തിനു വലിയ മാതൃകയായിരുന്നു. നീതി, സമാധാനം, പരിസ്ഥിതിസംരക്ഷണം, ദരിദ്രരുടെ അവകാശങ്ങൾ തുടങ്ങിയ വിഷയങ്ങളിൽ അദ്ദേഹത്തിന്‍റെ സ്വരം ശക്തമായിരുന്നു. നിലപാടുകൾകൊണ്ട് സഭയുടെ സാമൂഹികദർശനങ്ങൾക്കുതന്നെ പുതിയ മാനം നൽകാൻ പാപ്പയ്ക്കു കഴിഞ്ഞു. പാർശ്വവത്കരിക്കപ്പെട്ട മനുഷ്യരുടെ ശബ്ദമായിരുന്നു പാപ്പ. ജീവിതം ദൈവത്തിനും സഭയ്ക്കും ലോകത്തിന്‍റെ നന്മയ്ക്കുമായി സമർപ്പിച്ച പരിശുദ്ധ പിതാവിന് ആദരാ ഞ്ജലി. ഡോ. അംബ്രോസ് പുത്തൻവീട്ടിൽ (കോട്ടപ്പുറം രൂപത ബിഷപ്) ക്രൈസ്തവധാർമികത ഉയർത്തിപ്പിടിച്ച നേതാവ് തൃശൂർ: പരിശുദ്ധ ഫ്രാൻസിസ് മാർപാപ്പയുടെ വിയോഗത്തിൽ പൗരസ്ത്യ കൽദായ സുറിയാനി സഭ മെത്രാപ്പൊലീത്ത മാർ ഔഗിൻ കുര്യാക്കോസ് അനുശോചിച്ചു. ജീവിതത്തിലുടനീളം ക്രൈസ്തവധാർമികതയ്ക്കുവേണ്ടി നിലകൊണ്ട സഭാനേതാവായിരുന്നു അദ്ദേഹം. എളിമയുടെയും കാരുണ്യത്തിന്‍റെയും സ്നേഹത്തിന്‍റെയും ചൂട് നേരിട്ടറിയാനും വത്തിക്കാനിലെ അതിഥിമന്ദിരത്തിൽ പാപ്പയെ നേരിട്ടുകാണാനും കൊട്ടാരത്തിൽ ഔദ്യോഗികമായി സന്ദർശിക്കാനും കഴിഞ്ഞു. 2015 മുതൽ നാലുവട്ടം അദ്ദേഹത്തെ നേരിൽ കണ്ടു. ക്രിസ്തുവിന്‍റെ വലംഭാഗേ തന്‍റെ ആത്മാവിനു നിത്യശാന്തി നേരുന്നെന്നും പൗരസ്ത്യ കൽദായ സുറിയാനി സഭയുടെ പൂച്ചെണ്ടുകൾ സമർപ്പിക്കുന്നെന്നും മാർ ഔഗിൻ കുര്യാക്കോസ് പറഞ്ഞു. മാർ ഔഗിൻ കുര്യാക്കോസ് മെത്രാപ്പോലീത്ത പാർശ്വവത്കരിക്കപ്പെട്ടവരുടെയും കുടിയേറ്റക്കാരുടെയും മാർപാപ്പ കാലംചെയ്ത പരിശുദ്ധ പിതാവ് ഫ്രാൻസിസ് മാർപാപ്പ പാർശ്വവത്കരിക്കപ്പെട്ടവരുടെയും കുടിയേറ്റക്കാരുടെയും മാർപാപ്പയിരുന്നു. ലോക സമാധാനത്തിനും കാരുണ്യത്തിനും നീതിക്കും വേണ്ടി അവസാന നിമിഷംവരെ വാദിച്ച, നിലകൊണ്ട ധാർമിക ശബ്ദം. സുവിശേഷമൂല്യങ്ങളോടും വിശ്വസ്തതയോടും ധീരതയോടും സാർവത്രികസ്നേഹത്തോടുംകൂടി പ്രതികരിച്ച ഉത്തമക്രിസ് തുശിഷ്യൻ. 12 വർഷക്കാലം കത്തോലിക്ക സഭയെ സ്നേഹത്തോടും കാരുണ്യത്തോടുംകൂടി ധീരമായിനയിച്ച ലോകമനസാക്ഷിയായി നിലകൊണ്ട പരി ശുദ്ധപിതാവിന് സ്നേഹ പ്രണാമം. മാർ പോൾ ആലപ്പാട്ട് (രാമനാഥപുരം രൂപത മെത്രാൻ)

പാലത്തിനടിയിൽ വയോധികനെ മരിച്ചനിലയിൽ കണ്ടെത്തി

എരുമപ്പെട്ടി: പഴവൂർ പാലത്തിനടിയിൽ എരുമപ്പെട്ടി സ്വദേശിയെ തൂങ്ങി മരിച്ചനിലയിൽ കണ്ടെത്തി. കുന്നത്തേരി തേരിൽവീട്ടിൽ ശിവദാസൻ(69) ആണ് മരിച്ചത്. ഇന്നലെ ഉച്ചകഴിഞ്ഞ് നാലോടെയാണ് സംഭവം. ശിവദാസനെ രാവിലെ മുതൽ കാണാനില്ലായിരുന്നു. തുടർന്ന് ബന്ധുക്കളും നാട്ടുകാരും തെരിച്ചിൽ നടത്തുകയായിരുന്നു. ഇതിനിടയിൽ വാർഡ് മെമ്പർ ഇയാളുടെ ഫോണിലേക്ക് വിളിച്ചപ്പോൾ പഴവൂർ പാലത്തിനടുത്തുണ്ടെന്ന് അറിയിച്ചു. ബന്ധുക്കളും നാട്ടുകാരും വന്ന് നോക്കിയപ്പോൾ സമീപമുള്ള പാലത്തിന്‍റെ കൈവരിയിൽ ഷാളിൽ തൂങ്ങിയ നിലയിൽ നില്ക്കുന്നതാണ് കണ്ടത്. ഉടൻ തന്നെ ജീവനുണ്ടാകുമെന്ന് കരുതി ഇയാളെ പാലത്തിന് മുകളിലേക്ക് വലിച്ചു കയറ്റി തൃശൂർ മെഡിക്കൽ കോളജ് ആശുപത്രിയിൽ എത്തിച്ചുവെങ്കിലും മരണം സംഭവിച്ചിരുന്നു. എരുമപ്പെട്ടി പോലീസ് സ്ഥലത്തെത്തി മേൽനടപടികൾ സ്വീകരിച്ചു.

ഡ്രൈവർ കുഴഞ്ഞുവീണു മരിച്ചു

എരുമപ്പെട്ടി: തയ്യൂർ സ്വദേശിയായ ബസ് ഡ്രൈവർ കുഴഞ്ഞുവീണു മരിച്ചു. പട്ടിയാത്ത് വീട്ടിൽ വിജയന്‍റെ മകൻ ജിത്തു എന്ന് വിളിക്കുന്ന വിവേക്(29) ആണ് മരിച്ചത്. മസ്തിഷ്കാഘാതം ആണ് മരണകാരണമെന്ന് കരുതുന്നു. കുന്നംകുളം-തൃശൂർ മെഡിക്കൽ കോളജ് വഴി പോകുന്ന എംകെകെ ബസിലെ ഡ്രൈവറാണ് ജിത്തു. ഇന്നലെ രാവിലെ ഗുരുവായൂരിൽ നിന്ന് ബസ് ഓടിച്ച് തൃശൂരിൽ എത്തിയപ്പോൾ ശക്തമായ തലവേദന അനുഭവപ്പെടുകയും ബ്ലഡ് പ്രഷർ കുറഞ്ഞതിനെ തുടർന്ന് ജില്ലാ ആശുപത്രിയിൽ പ്രവേശിപ്പിക്കുകയും ചെയ്തെങ്കിലും മരണം സംഭവിക്കുകയായിരുന്നു. അവിവാഹിതനാണ്. മാതാവ്: ഷീജ, സഹോദരി: വർഷ.

ഭക്ഷ്യവിഷബാധയേറ്റ് മൂന്നു വയസുകാരി മരിച്ചു

ആമ്പല്ലൂര്‍: വെണ്ടോരില്‍ മൂന്നുവയസുകാരി മരിച്ചത് ഭക്ഷ്യവിഷ ബാധയെ തുടര്‍ന്നാണെന്ന് ആരോപണം. വെണ്ടോര്‍ അളഗപ്പ ഗ്രൗണ്ടിനു സമീപം കല്ലൂക്കാരന്‍ ഹെന്‍ട്രിയുടെ മകള്‍ ഒലിവിയ ആണ് മരിച്ചത്. ശനിയാഴ്ച വിദേശത്തുനിന്ന് നെടുമ്പാശേരിയിലെത്തിയ ഹെന്‍ട്രിയെ കൊണ്ടുവരാന്‍ പോയതാണ് ഒലിവിയ ഉള്‍പ്പെടെയുള്ള കുടുംബാംഗങ്ങള്‍. വീട്ടിലേക്ക് മടങ്ങുന്നതിനിടെ ഹെന്‍ട്രിയും ഭാര്യയും അമ്മയും ഒലിവിയയും അങ്കമാലിയിലെ ഹോട്ടലില്‍ നിന്ന് ഭക്ഷണം കഴിച്ചിരുന്നു. വീട്ടിലെത്തിയതോടെ ഇവര്‍ക്ക് ശാരീരിക അസ്വസ്ഥതകള്‍ ഉണ്ടായി. ഒലിവിയക്ക് കൂടുതല്‍ ബുദ്ധിമുട്ടുകള്‍ അനുഭവപ്പെട്ടിരുന്നു. ഇതോടെ ഒല്ലൂരിലെ സ്വകാര്യ ആശുപത്രിയില്‍ ചികിത്സതേടി. ഒലിവിയക്ക് ഇഞ്ചക്ഷന്‍ കൊടുത്ത് ഇവര്‍ വീട്ടിലേക്ക് മടങ്ങി. വീട്ടിലെത്തിയും അവശയായതുകൊണ്ട് ഇവര്‍ കൊടകരയിലെ സ്വകാര്യ ആശുപത്രിയില്‍ ചികിത്സ തേടിയിരുന്നു. തിങ്കളാഴ്ച പുലര്‍ച്ചെ കുട്ടിയുടെ ആരോഗ്യസ്ഥിതി പിന്നെയും വഷളായി. ഇതോടെ വെണ്ടോരിലെ സ്വകാര്യ ആശുപത്രിയിലും തുടര്‍ന്ന് പുതുക്കാട് താലൂക്ക് ആശുപത്രിയിലും പ്രവേശിപ്പിച്ചെങ്കിലും മരണം സംഭവിച്ചു. പുതുക്കാട് പോലീസ് ഇന്‍ക്വസ്റ്റ് നടത്തി. സംഭവത്തില്‍ പോലീസും ആരോഗ്യവകുപ്പും അന്വേഷണം ആരംഭിച്ചു.

ആറുമാസം പ്രായമുള്ള കുഞ്ഞിന് ചികിത്സാസഹായം തേടുന്നു

പുന്നംപറമ്പ്: ആറുമാസം പ്രായമുള്ള കുഞ്ഞിന് ചികിത്സാസഹായം തേടുന്നു. തെക്കുംകര പഞ്ചായത്ത് 12-ാം വാർഡ് പുന്നംപറമ്പ് കോളനി സ്വദേശി വയലാലെവീട്ടിൽ ഗോപി - പ്രവീണ ദമ്പതികളുടെ ഏക മകളായ ദൈവിക കരൾ സംബന്ധമായ അസുഖത്തെ തുടർന്ന് എറണാകുളം അമൃത ആശുപത്രിയിൽ ചികിത്സയിലാണ്. ഏകദേശം 35 ലക്ഷത്തോളം രൂപ അടിയന്തിരമായിചികിത്സാചിലവിനായി വേണ്ടിവരും. ഇത്രയും ഭീമമായ തുക സ്വരൂപിക്കുവാൻ ഓട്ടോ ഡ്രൈവറായ ഗോപിയുടെ കുടുംബത്തിന് മാത്രമായി കഴിയില്ല. ദൈവികയുടെചികിത്സാ സംബന്ധമായ പണം കണ്ടെത്തുന്നതിന് തെക്കുംകര പഞ്ചായത്ത് പ്രസിഡന്‍റ്് ടി.വി. സുനിൽകുമാറിന്‍റെ നേതൃത്വത്തിൽ ദൈവിക് ചികിത്സാസഹായസമിതി രൂപീകരിച്ച് പ്രവർത്തനം ആരംഭിച്ചിട്ടുണ്ട്. ഈ കുരുന്നു ജീവൻ രക്ഷിക്കുന്നതിന് സുമനസുകൾ പരമാവധി സാമ്പത്തികമായ സഹായം നൽകണമെന്ന് സമി തി ഭാരവാഹികൾ പറഞ്ഞു. സഹായം നൽകുന്നതിന് അക്കൗണ്ട് നന്പർ: 40710101057865, ഐഎഫ് എസ്ഇ കോഡ്: KLGB 0040710, കേരള ഗ്രാമീൺ ബാങ്ക്, ശാഖ, മണലിത്തറ ബ്രാഞ്ച്.

ഈസ്റ്റർ പ്രത്യാശയുടെ ഉണർവ്: മാർ ടോണി നീലങ്കാവിൽ

മുളങ്കുന്നത്തുകാവ്: വിനയത്തിന്‍റെ മാതൃക കാട്ടിത്തന്ന പുണ്യപുരുഷന്‍റെ ഓർമകൾ അയവിറക്കുന്ന ദിനമായും മരണത്തിനു മുകളിലുള്ള ജീവന്‍റെ വിജയവും നിരാശയ്ക്കു മുകളിലുള്ള പ്രത്യാശയുടെ ഉണർവുമാണെന്ന് അതിരൂപത സഹായമെത്രാൻ മാർ ടോണി നീലങ്കാവിൽ. വർഷങ്ങളായി ഗവ. മെഡിക്കൽ കോളജ് ആശുപത്രിയിൽ ചികിത്സയിൽ കഴിയുന്ന രോഗികൾക്കും കൂട്ടിരിപ്പുകാർക്കും വേണ്ടി സന്നദ്ധ സേവനങ്ങൾ നടത്തുന്ന കരുണയുടെ ദൂതൻമാർ ഒരുക്കിയ ഈസ്റ്റർ ദിന വിരുന്നിൽ മുഖ്യ പ്രഭാഷണം നടത്തുകയായിരുന്നു അദ്ദേഹം. ഒല്ലൂർ ഫൊറോന പള്ളി വികാരി ഫാ. വർഗീസ് കുത്തൂർ, ഫാ. ജോസഫ് വൈക്കാടൻ, ഫാ. വിൻസെന്‍റ് കണിമംഗലത്തുകാരൻ, കരുണയുടെ ദൂതൻ ദേവസി ചിറ്റിലപ്പള്ളി ബെന്നി ആലപ്പാട്ട്, ജിന്‍റോ എന്നിവർ സന്നിഹിതരായി.

ദേവാലയങ്ങളിൽ തിരുനാളിന് കൊടിയേറി

ലാലൂർ സെന്‍റ് ജോർജ് പള്ളി വിശുദ്ധ ഗീവർഗീസ് സഹദായുടെ തിരുനാൾ കൊടിയേറ്റം അരണാട്ടുകര പള്ളി വികാരി ഫാ. ജോസ് ചാലക്കൽ നിർവഹിച്ചു. എല്ലാദിവസവും വൈകീട്ട് ആറിന് ആഘോഷമായ പാട്ടുകുർബാന, ലദീഞ്ഞ്, നൊവേന. 26നു വൈകീട്ട് 5.30ന് ഇടവകയിലെ ജോർജ്, വർഗീസ് നാമധാരികളുടെ സംഗമം. ആറിനു ആഘോഷമായ പാട്ടുകുർബാന, ലദീഞ്ഞ്, നൊവേന, രൂപക്കൂട് തുറക്കൽ. 27നു രാവിലെ പത്തിന് ആഘോഷമായ തിരുനാൾ പാട്ടുകുർബാന. പള്ളിക്കുന്ന് പള്ളി വികാരി ഫാ. ജോർജ് എടക്കളത്തൂർ മുഖ്യകാർമികനാകും. ഫാ. ജിയോ എടക്കളത്തൂർ സിഎംഐ സന്ദേശം നൽകും. തുടർന്നു പ്രദക്ഷിണം, നേർച്ചസദ്യ ആശിർവാദം. 28നു മരിച്ചവർക്കുള്ള വിശുദ്ധ കുർബാന. കുറുമാൽ സെന്‍റ് ജോർജ് ദേവാലയം തിരുനാളിന് കൊടിയേറി. 26,27, 28 തീയതികളിലാണ് ഇടവക മധ്യസ്ഥനായ വിശുദ്ധ ഗീവർഗീസിന്‍റെയും വിശുദ്ധ സെബാസ്ത്യാനോസിന്‍റെയും തിരുനാൾ ആഘോഷിക്കുന്നത്. തിരുനാള്‌ സപ്ലിമെന്‍റ് പ്രകാശനം തിരുനാൾ കമ്മിറ്റി കൺവീനർ ഫ്രാൻസോ ഫ്രാൻസിസിന്‍റെ സാന്നിധ്യത്തിൽ പബ്ലിസിറ്റി കൺവീനർ പീയൂസ് പാണേങ്ങാട്ട്, സാൻ ദാമിയാനോ കപ്പൂച്ചിൻ ആശ്രമം സുപ്പീരിയർ ഫാ. ഡേവിഡ് പേരാമംഗലത്തിനും ഫാ. ബിജു പനംകുളത്തിനും കൈമാറി പ്രകാശനംചെയ്തു. തുടർന്ന് ഇടവക വികാരി റവ.ഡോ. സേവ്യർ ക്രിസ്റ്റി പള്ളിക്കുന്നത്ത് കൊടിയേറ്റ് നിർവഹിച്ചു. കൈകാരന്മാരായ കെ.പി. ഷാജു, സി.ജെ. ബിൻസൻ എന്നിവർ നേതൃത്വംനൽകി. പേരകം സെന്‍റ് മേരീസ് ദേവാലയം വിശുദ്ധ സെബസ്ത്യനോസിന്‍റെയും വിശുദ്ധ തോമാശ്ലീഹയുടേയും സംയുക്ത തിരുനാളിന് കൊടികയറി. വികാരി ഫാ. വിൽസൻ കണ്ണനായ്ക്കൽ കൊടിയേറ്റം നിർവഹിച്ചു. കൈക്കാരൻമാരായ സി.ആർ. സണ്ണി, സി.ഒ. സെബാസ്റ്റ്യൻ, എൻ.ഡി. വിനോയ്, ജന. കൺവീനർ സി.ആർ. ജോസഫ്, സി.എ. ജോസ്, ലീന ഷാജു, ആന്‍റോ തോമസ്, എന്നിവർ നേതൃത്വംനൽകി. 25, 26, 27, 28 തിയതികളിലാണ് തിരുനാൾ. ബ്രഹ്മകുളം സെന്‍റ് തോമസ് ദേവാലയം തിരുനാളിന് കൊടിയേറി. വികാരി ഫാ. ഡേവിസ് പനകുളം കൊടികയറ്റം നിർവഹിച്ചു. തിരുനാൾ കമ്മിറ്റി ജനറൽ കൺവീനർ റോബിൻ വാഴപ്പിള്ളി, കൈക്കാരൻമാരായ യേശുദാസ്, സിജോ, ജോയ്, എ.എൻ. ജോർജ് എന്നിവർ നേതൃത്വംനൽകി. പബ്ലിസിറ്റി കമറ്റിയുടെ നേത്യത്തിലുള്ള തിരുന്നാൾ സപ്ലിമെന്‍റ് പ്രകാശനവുംനടന്നു. 25,26,27,28 തീയതികളിലാണ് തിരുനാളാഘോഷം. വെള്ളിയാഴച കൂടുതുറക്കൽ ശുശ്രൂഷയോടെ തുടങ്ങുന്ന ചടങ്ങ്, ഗാനമേളകൾ മെഗാ ബാൻഡ്, ഞായറാഴ്ച തിരുനാൾ പ്രദക്ഷിണം, കെസിവൈഎമ്മിന്‍റെ നേതൃത്വത്തിൽ തേര് ഘോഷയാത്രാ, വർണമഴ. തയ്യൂർ നിത്യസഹായമാതാ ദേവാലയം ഊട്ടുതിരുനാളിന് കൊടിയേറി. ഈസ്റ്റർ തിരുക്കർമങ്ങളെ തുടർന്ന് തിരുനാൾ സപ്ലിമെന്‍റ് പ്രകാശനവും ഊട്ടുതിരുനാളിന്‍റെ കൊടിയേറ്റവും വികാരി ഫാ. ഗ്രിജോ വിൻസെന്‍റ് മുരിങ്ങത്തേരി നിർവഹിച്ചു. 25,26,27,28 തിയതികളിലാണ് വിശുദ്ധ അന്തോണീസിന്‍റെയും വിശുദ്ധ സെബാസ്ത്യാനോസിന്‍റെയും നിത്യാസഹായമായതാവിന്‍റെയും സംയുക്ത തിരുനാൾ. കൈക്കാരന്മാരായ ഷാജു അറങ്ങാശേരി, ഫ്രാൻസിസ് പേരാമംഗലം, സോബിൻ ഗോപുരം, തിരുനാൾ ജനറൽ കൺവീനർ ആന്‍റു അറങ്ങാശേരി, സപ്ലിമെന്‍റ് കൺവീനർ അജിത് പേരാമംഗലം എന്നിവർ നേതൃത്വംനൽകി. മങ്ങാട് സെന്‍റ് ജോർജ് ദേവാലയം വിശുദ്ധ ഗീർവർഗീസിന്‍റെയും വിശുദ്ധ സെബസ്ത്യാനോസിന്‍റെയും 107-ാമത് സംയുക്ത ഊട്ടുതിരുനാളിനു കൊടികയറി. പുലർച്ചെനടന്ന ഈസ്റ്റർ കുർബാനയ്ക്കുശേഷം വികാരി ഫാ. ഫ്രാൻസിസ് കൂത്തൂർ കൊടിയേറ്റ് നിർവഹിച്ചു. തിരുനാൾ കൺവീനർ ഡെന്നി ഡേവിസ്, ജോ. കൺവീനർ ബൈജു പുലിക്കോട്ടിൽ, യൂണിറ്റ് കൈക്കാരൻമാരായ വർഗീസ് നീലങ്കാവിൽ, ഫ്രാൻസിസ് ചൊവ്വല്ലൂർ, ഔസേപ്പ് മണ്ടുംപാൽ എന്നിവർ ചടങ്ങുകൾക്ക് നേതൃത്വംനൽകി. പാറന്നൂർ സെന്‍റ് ജോസഫ് ഇടവക ദേവാലയം വിശുദ്ധ യൗസേപ്പിതാവിന്‍റെയും വിശുദ്ധ ‌സെബാസ്ത്യാനോസിന്‍റെയും സംയുക്ത തിരുനാളിന് കോടിയേറി. തിരുനാൾ കൊടിയേറ്റം വികാരി ഫാ. മനോജ് താണിക്കൽ നിർവഹിച്ചു. തിരുനാളിനോടനുബന്ധിച്ചുള്ള സപ്ലിമെന്‍റിന്‍റെ പ്രകാശനവുംനടത്തി. 26,27,28 തീയതികളിലാണ് തിരുനാൾ. കൈക്കാരന്മാരായ വി.ടി. ബാബു, ജിന്‍റോ തരകൻ, ജനറൽ കൺവീനർ ടി.ഡി. ഡെൽവിൻ, പബ്ലിസിറ്റി കൺവീനർ പി.വി. റാഫി എന്നിവർ നേതൃത്വംനൽകി. കുമ്പളങ്ങാട് പള്ളി വിശുദ്ധ യൂദാതദ്ദേവൂസിന്‍റെ ദേവാലയത്തിലെ ഇടവക മധ്യസ്ഥനായ വിശുദ്ധ യൂദാതദ്ദേവൂസിന്‍റെയും വിശുദ്ധ സെബസ്ത്യാനോസിന്‍റെയും പരിശുദ്ധ കന്യകാമറിയത്തിന്‍റെയും സംയുക്ത തിരുനാളിനു ഇടവക വികാരി ഫാ. സിജോ പുത്തൂർ കൊടിയേറ്റി. തുടർന്ന് ദിവ്യബലി, നൊവേന, ലദീഞ്ഞ് എന്നി തിരുകർമങ്ങളും നടന്നു. ചടങ്ങുകൾക്ക് തിരുനാൾ കമ്മിറ്റി ജനറൽ കൺവീനർ സിജോ പുത്തൂർ, കൈക്കാരൻമാരായ വിത്സൻ പാണേങ്ങാടൻ, കുരിയാക്കോസ് തലക്കോട്ടൂർ, ബിജു ചിറയത്ത് എന്നിവർ നേതൃത്വംനൽകി. 25, 26, 27,28 എന്നി തിയതികളിലാണ് തിരുനാൾ ആഘോഷം. മുക്കാട്ടുകര സെന്‍റ് ജോർജസ് ദേവാലയം വിശുദ്ധസെബസ്ത്യാനോസിന്‍റെയും വിശുദ്ധ ഗീവർഗീസ് സഹദായയുടെയും പരിശുദ്ധ കന്യകാ മറിയത്തിന്‍റെയും തിരുനാൾ കൊടികയറി. വികാരി ഫാ. പോൾ പിണ്ടിയാന്‌ മുഖ്യകാർമികത്വം വഹിച്ചു. തിരുക്കർമങ്ങളിൽ അസി.വികാരി ഫാ. ഫ്രാൻസിസ് പുത്തൂക്കര, തിരുനാൾ കണ്‍വീനർ റോബിൻ പോൾ, കൈക്കാരൻമാരായ വിൻസെന്‍റ് കവലക്കാട്ട്, സി.സി. സാജൻ, ജോണ്‍സണ്‍ പാലയ്ക്കൻ, ഡാനി ഡേവിസ്, ഇടവക പിആർഒ നിധിൻ ജോസ് തുടങ്ങിയവർ നേതൃത്വം നൽകി. 26,27,28 തീയതികളിലാണ് തിരുനാൾ.

ഇരിങ്ങാലക്കുട കനാല്‍ ബേസ് പ്രദേശത്ത് അംബേദ്കര്‍ ഗ്രാമവികസന പദ്ധതി

ഇരിങ്ങാലക്കുട: ഇരിങ്ങാലക്കുട നഗരസഭ വാര്‍ഡ് 20ലെ കനാല്‍ ബേസ് പ്രദേശത്ത് അംബേദ്കര്‍ ഗ്രാമവികസന പദ്ധതിയില്‍ ഉള്‍പ്പെടുത്തി ഒരുകോടി രൂപയുടെ വികസന പ്രവര്‍ത്തനങ്ങള്‍ നടപ്പിലാക്കുന്നു. പട്ടികജാതി വികസന വകുപ്പിന്‍റെ നേതൃത്വത്തില്‍ പട്ടികജാതി നഗറുകളുടെ സമഗ്ര വികസനത്തിനായിട്ടാണ് പദ്ധതി. ഇരിങ്ങാലക്കുട കനാല്‍ ബേയ്‌സ് നഗറില്‍ 46 വീടുകളുടെ പുനരുദ്ധാരണം, റോഡ് റീ ടാറിംഗ്, ഡോള്‍സ് ലൈബ്രറിയുടെ നവീകരണം, അങ്കണവാടി ചുറ്റുമതില്‍ കെട്ടല്‍, കാന നവീകരണം, കുടിവെള്ള പദ്ധതി പുനരുദ്ധാരണം, കനാല്‍ സ്തംഭം മോടി പിടിപ്പിക്കല്‍ തുടങ്ങിയവയാണ് നടപ്പിലാക്കുന്നത്. സംസ്ഥാന നിര്‍മിതി കേന്ദ്രത്തിനാണ് നിര്‍മാണ ചുമതല. നിര്‍മാണ പ്രവര്‍ത്തനങ്ങളുടെ ഉദ്ഘാടനം മന്ത്രി ആര്‍. ബിന്ദു നിര്‍വഹിച്ചു. കനാല്‍ ബേസിലുള്ള ഫ്ലാറ്റ് അങ്കണത്തില്‍ നടന്ന നിര്‍മാണോദ്ഘാടന ചടങ്ങില്‍ നഗരസഭാ ചെയര്‍പേഴ്‌സണ്‍ മേരിക്കുട്ടി ജോയ് അധ്യക്ഷത വഹിച്ചു. വൈസ് ചെയര്‍മാന്‍ ബൈജു കുറ്റിക്കാടന്‍, വാര്‍ഡ് കൗണ്‍സിലര്‍ അഡ്വ. കെ.ആര്‍. വിജയ, പട്ടികജാതി വികസന ഓഫീസര്‍ പി.യു. ചൈത്ര എന്നിവര്‍ സംസാരിച്ചു.

കൃഷിയുപേക്ഷിക്കാന്‍ കൊണ്ടാഴിയിലെ കർഷകർ

പഴയന്നൂര്‌: വെള്ളക്കെട്ടുമൂലം കൃഷിയുപേക്ഷിക്കാനുള്ള തീരുമാനവുമായി കൊണ്ടാഴിയിലെ കർഷകർ. മായന്നൂർ കലംകണ്ടത്തൂർ പാടശേഖരത്തിലെ നെൽക്കർഷകരാണ് രണ്ടാംവിള നെൽക്കൃഷി കൊയ്തെടുക്കാനാകാതെ പ്രതിസന്ധിയിലായത്. നെൽപ്പാടങ്ങളിലെ വെള്ളം ഒഴിഞ്ഞുപോകാത്തതാണ് ഇവരെ ദുരിതക്കയത്തിലാക്കിയത്. കൊയ്ത്തുയന്ത്രങ്ങൾ ചെളിയിൽ താഴുന്നതുമൂലം കൊയ്ത്ത് സാധ്യമല്ലാത്ത അവസ്ഥയിലാണ്. കൈകൊണ്ട് നെല്ല് കൊയ്തെടുക്കുന്നതിന് തൊഴിലാളികളെ ലഭിക്കാതെ വന്നതും പ്രതിസന്ധിക്ക് ആഴംകൂട്ടി. 40 ഏക്കറോളംവരുന്ന പാടശേഖരത്തിലെ നിരവധികർഷകരാണ് കൊയ്ത്തുമുടങ്ങിയതുമൂലം തീരാസങ്കടത്തിലായത്. വിവിധ പാടങ്ങളിലെ നെൽക്കതിരുകളെല്ലാം നാശമായിക്കഴിഞ്ഞു. ഇനി കൃഷിയിലേക്കില്ലെന്ന ഉറച്ച നിലപാടിലാണ് കർഷകർ. കൊണ്ടാഴി ഗ്രാമപഞ്ചായത്ത് പ്രസിഡന്‍റ് കെ. ശശിധരൻ, ഗ്രാമപഞ്ചായത്ത് അംഗം ഇ.കെ. മനോജ്, കൃഷി ഓഫീസർ ശ്രീലക്ഷ്മി തുടങ്ങിയവർ പാടശേഖരത്തിലെ സ്ഥിതിഗതികൾ വിലയിരുത്തി. പാടശേഖരൻസമിതിയിലെ കർഷകരായ ടി. വാസുദേവൻ, കെ. സന്തോഷ്, കർഷകസമിതി പ്രസിഡന്‍റ് പി.എം. രാജീവ്, കെ. രാമൻകുട്ടി, വി. ഗോപാലകൃഷ്ണൻ തുടങ്ങിയവർ സന്നിഹിതരായിരുന്നു.

ലഹരി വിരുദ്ധ മനുഷ്യചങ്ങല തീർത്തു

മൂന്നുപീടിക: കയ്പമംഗലം ബീച്ച് കമ്യൂണിറ്റി സെന്‍റർ ലൈബ്രറിയുടെ ആഭിമുഖ്യത്തിൽ ലഹരി വിരുദ്ധ മനുഷ്യച്ചങ്ങല തീർത്തു. ലഹരി വിരുദ്ധ ക്യാമ്പയിൻ ഇ.ടി. ടൈസൺ എംഎൽഎ ഉദ്ഘാടനം ചെയ്തു. കയ്പമംഗലം പഞ്ചായത്ത് പ്രസിഡന്‍റ് ശോഭന രവി അധ്യക്ഷത വഹിച്ചു. യോഗത്തിൽ കയ്പമംഗലം എസ്ഐ സജീഷ് ലഹരി വിരുദ്ധ പ്രതിജ്ഞ ചൊല്ലി കൊടുത്തു. പെരിഞ്ഞനം പഞ്ചായത്ത് പ്രസിഡന്‍റ് വിനീത മോഹൻദാസ്, ബ്ലോക്ക് മെമ്പർമാരായ ആർ.കെ. ബേബി, കെ.എ. കരീം, ലൈബ്രറി പ്രസിഡന്‍റ്് സജീവൻ പള്ളായി, ലൈബ്രറി കൗൺസിൽ സംസ്ഥാന കമ്മറ്റിയംഗം ദേവി പ്രസാദ്, വാർഡ്മെമ്പർ സുകന്യ, മുഫ്ത്തിക്കർ, ടി.എസ്. പ്രദീപ്, ലൈബ്രറി സെക്രട്ടറി വത്സരാജ് എന്നിവർ പ്രസംഗിച്ചു. കയ്പമംഗലം പെരിഞ്ഞനം എന്നീ പഞ്ചായത്തുകളിലെ തീരദേശവാസികൾ അണിനിരന്നാണ് മനുഷ്യച്ചങ്ങല തീർത്തത്. കിഡ്സ് ഫേവർ ബാലവേദി കുട്ടികൾ ഫ്ലാഷ് മോബും, മാണിക്ക ചെമ്പഴുക്ക എന്ന ലഹരി വിരുദ്ധനാടകവും അവതരിപ്പിച്ചു.

പട്ടിക വിഭാഗ ഫണ്ട് വെട്ടിക്കുറച്ച നടപടി പ്രതിഷേധാര്‍ഹം: കെപിഎംഎസ്

മുരിയാട്: സംസ്ഥാന സര്‍ക്കാര്‍ പട്ടികജാതിപട്ടികവര്‍ഗ വിഭാഗങ്ങളുടെ ക്ഷേമവികസന പ്രവര്‍ത്തനങ്ങള്‍ക്കായി നീക്കിവച്ച 610 കോടി രൂപ ചിലവഴിക്കാതെ വെട്ടിക്കുറച്ച നടപടി പ്രതിഷേധാര്‍ഹമാണെന്നും, ഈ നടപടി സംസ്ഥാന സര്‍ക്കാര്‍ അടിയന്തിരമായി പിന്‍വലിക്കണമെന്നും കെപിഎംഎസ്് സംസ്ഥാന ട്രഷറര്‍ അഡ്വ. എ. സനീഷ്കുമാര്‍ പറഞ്ഞു. കെപിഎംഎസ്് മുരിയാട് യൂണിയന്‍ വാര്‍ഷിക സമ്മേളനം അശ്വതി ആര്‍ക്കേഡ് ഹാളില്‍ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. പട്ടികജാതി വിഭാഗത്തിന്‍റെ 500 കോടിയും, പട്ടികവര്‍ഗ വിഭാഗത്തിന്‍റെ 110 കോടി രൂപയുമാണ് സര്‍ക്കാര്‍ വെട്ടിക്കുറച്ചത്. വികസനത്തിന്‍റെ പേരില്‍ പെരുമ്പറ മുഴക്കുന്ന സര്‍ക്കാരിന്‍റെ വികൃതമായ മുഖമാണ് അനാവരണം ചെയ്യുന്നതെന്നും അദ്ദേഹം കൂട്ടി ചേര്‍ത്തു. യൂണിയന്‍ പ്രസിഡന്‍റ് കെ.കെ. സന്തോഷ് അധ്യക്ഷത വഹിച്ചു. സംസ്ഥാന നേതാക്കളായ ശശി കൊരട്ടി, ഷാജു ഏത്താപ്പിള്ളി, യൂണിയന്‍ സെക്രട്ടറി പി.കെ. കുട്ടന്‍, വി.സി. അനീഷ്, സജീവനി ശശി, ഷീബ സുരേഷ് തുടങ്ങിയവര്‍ സംസാരിച്ചു. ഭാരവാഹികളായി കെ.കെ. സന്തോഷ് - പ്രസിഡന്‍റ്, പി.കെ. കുട്ടന്‍ -സെക്രട്ടറി, വിനോദ് കുറുമാലി -ട്രഷറര്‍, കെ.സി. അയ്യപ്പന്‍, എം.സി. സിജോ -വൈസ് പ്രസിഡന്‍റ്, പി.വി. പ്രതീഷ്, മണികണ്ഠന്‍ -അസിസ്റ്റന്‍റ് സെക്രട്ടറി, കെ.സി. സുധീര്‍ -പഞ്ചമി കോ ഓര്‍ഡിനേറ്റര്‍, അശ്വതി സുബിന്‍ -മീഡിയ കോ ഓര്‍ഡിനേറ്റര്‍ എന്നിവര്‍ ഉള്‍പ്പടെ പതിനഞ്ച് അംഗ കമ്മിറ്റിയെ സമ്മേളനം തെരഞ്ഞെടുത്തു.

എന്നു തീരും ഈ ദുരിതം?

ചാലക്കുടി: ഗവ. ആശുപത്രി ജംഗ്ഷനിൽ നിന്നും ചേനത്ത്നാട് ഭാഗത്തേക്ക് പോകുന്ന റോഡ് ഇനിയും സഞ്ചാരയോഗ്യമാക്കിയില്ല. വർഷങ്ങളായി റോഡ് കണ്ടും കുഴിയുമായി മാറിയിട്ട്. 17-18 വാർഡുകളിൽ കൂടിയാണ് ഈ റോഡ് കടന്നുപോകുന്നത്. റോഡ്പണിക്കു വേണ്ടി രണ്ട് വാർഡുകളിലെ ഫണ്ടുകൾ മാറ്റിവയ്ക്കത്തതാണ് റോഡ് പണി നടത്താൻ കഴിയാത്തത്. വളരെ പ്രയാസപെട്ടാണ് ഇതുവഴി വാഹനങ്ങൾ കടന്നുപോക്കുന്നത്. കലാഭവൻ മണിയുടെ സ്മൃതി കൂടീരവും പാഡിയും സന്ദർശിക്കാൻ സംസ്ഥാനത്തിന്‍റെ വിവിധ ഭാഗങ്ങളിൽ നിന്നും എത്തുന്നവരും സെന്‍റ് ജെയിംസ് മെഡിക്കൽ അക്കാദമിയിലേക്ക് പോകുന്ന വിദ്യാർഥികളും നാട്ടുകാരും റോഡിന്‍റെ ശോചനീയവസ്ഥ മൂലം ബുദ്ധിമുട്ടുകയാണ്. നാട്ടുകാർ റോഡ് പണിക്കു വേണ്ടി മുറവിളികൂട്ടിയിട്ടും അധികൃതർ കണ്ടില്ലെന്ന് നടിക്കുകയാണ്. മഴക്കാലമായാൽ റോഡിന്‍റെ അവസ്ഥ കൂടുതൽ പരിതാപകരമാകും. മഴ കാലത്തിന് മുൻപെ റോഡ് ഗതാഗതയോഗ്യമാക്കണമെന്ന് നാട്ടുകാർ ആവശ്യപ്പെട്ടു.

കൂടല്‍മാണിക്യം ഉത്സവം ; "വര്‍ധിക്കുന്ന തിരക്ക് കണക്കിലെടുത്ത് ക്രമീകരണങ്ങളിലും ജാഗ്രത വേണം'

ഇരിങ്ങാലക്കുട: പത്ത് ദിവസങ്ങളിലായി നടക്കുന്ന കൂടല്‍മാണിക്യം ഉത്സവത്തിന് വര്‍ധിച്ച് വരുന്ന ഭക്തജനത്തിരക്ക് കണക്കിലെടുത്ത് ക്രമീകരണങ്ങളിലും സംവിധാനങ്ങളിലും ജാഗ്രത പുലര്‍ത്തണമെന്ന് തിരുവുത്സവ അവലോകനയോഗം. പോലീസും ഫയര്‍ഫോഴ്‌സും ആരോഗ്യ വകുപ്പും ഇക്കാര്യത്തില്‍ കൂടുതല്‍ ശ്രദ്ധ പതിപ്പിക്കേണ്ടതുണ്ടെന്ന് യോഗത്തില്‍ അധ്യക്ഷത വഹിച്ച മന്ത്രി ആര്‍. ബിന്ദു ആവശ്യപ്പെട്ടു. മൂന്ന് ഷിഫ്റ്റുകളിലായി 24 മണിക്കൂര്‍ സേവനം ഉറപ്പാക്കുമെന്നും പരിസരത്തെ റോഡുകളുടെ അറ്റകുറ്റപ്പണികള്‍ ഉത്സവത്തിന് മുമ്പ് തന്നെ പൂര്‍ത്തീകരിക്കുമെന്നും നഗരസഭ ആരോഗ്യ വിഭാഗം ഉദ്യോഗസ്ഥന്‍ രാജേഷ് യോഗത്തില്‍ അറിയിച്ചു. ഉത്സവത്തിന് എഴുന്നള്ളിക്കുന്ന ആനകളുടെ ലിസ്റ്റും ഹെല്‍ത്ത് കാര്‍ഡുകളും നേരത്തെ ലഭ്യമാക്കണമെന്ന് യോഗത്തില്‍ വെറ്ററിനറി ഡോക്ടര്‍മാര്‍ ആവശ്യപ്പെട്ടു. ആവശ്യത്തിന് പോലീസ് സേനയെ വിന്യസിക്കുമെന്നും കൂടുതല്‍ വോളന്‍റിയര്‍മാരെ സജ്ജമാക്കണമെന്നും ഡിവൈഎസ്പി കെ.ജി. സുരേഷ് ആവശ്യപ്പെട്ടു. ഒരു യൂണിറ്റ് പ്രവര്‍ത്തന സജ്ജമായി ഉണ്ടാകുമെന്ന് അഗ്‌നിശമനാ വിഭാഗം ഉദ്യോഗസ്ഥന്‍ അറിയിച്ചു. ഉത്സവവുമായി ബന്ധപ്പെട്ട പന്തല്‍ പണികളില്‍ ശ്രദ്ധിക്കേണ്ടതുണ്ടെന്നും വൈദ്യുതി മുടങ്ങുന്ന സാഹചര്യം ഒഴിവാക്കുമെന്നും കെഎസ്ഇബി അധികൃതരും അറിയിച്ചു. കിഴക്കേനടയില്‍ ഉള്ള ആനപ്പടി ഉത്സവത്തിന് മുമ്പ് അഞ്ച് മീറ്റര്‍ ഉയരത്തിലും അഞ്ച് മീറ്റര്‍ വീതിയിലും പൊളിച്ച് നീക്കുമെന്ന് ദേവസ്വം അധികൃതര്‍ അറിയിച്ചു. ഉത്സവ ദിനങ്ങളില്‍ ക്ഷേത്രത്തിലും പരിസരങ്ങളിലും കുടിവെള്ളം മുടങ്ങുന്ന സാഹചര്യം ഉണ്ടായിട്ടില്ലെന്നും ഈ വര്‍ഷവും വീഴ്ചകള്‍ വരാതെ ശ്രദ്ധിക്കുമെന്നും വാട്ടര്‍ അതോറിറ്റി ഉദ്യോഗസ്ഥന്‍ അറിയിച്ചു. പ്രധാന കേന്ദ്രത്തില്‍ തന്നെ ആംബുലന്‍സ്, വീല്‍ചെയര്‍ എന്നിവ സഹിതം ഫസ്റ്റ് എയ്ഡ് കേന്ദ്രം ഒരുക്കാനുള്ള നടപടികള്‍ സ്വീകരിക്കുമെന്ന് ആരോഗ്യ വിഭാഗവും അറിയിച്ചു. യോഗത്തില്‍ ചെയര്‍മാന്‍ അഡ്വ സി.കെ. ഗോപി, ഭരണ സമിതി അംഗങ്ങള്‍, വിവിധ വകുപ്പ് ഉദ്യോഗസ്ഥര്‍ തുടങ്ങിയവര്‍ പങ്കെടുത്തു.

മതസൗഹാര്‍ദവും മാനവികതയും നാടിന്‍റെ മുഖമുദ്ര: ബിഷപ്

ഇരിങ്ങാലക്കുട: മതസൗഹാര്‍ദവും മാനവികതയും നമ്മുടെ നാടിന്‍റെ മുഖമുദ്രയാണന്നും പരസ്പരം സഹവര്‍ത്തിത്വത്തിലൂടെ ഒന്നിച്ച് മുന്നേറണമെന്നും ബിഷപ് മാര്‍ പോളി കണ്ണൂക്കാടന്‍. ഇരിങ്ങാലക്കുട ജൂണിയര്‍ ചേംബര്‍ ഇന്‍റര്‍നാഷണല്‍ ജെസിഐ ഇരിങ്ങാലക്കുട സംഘടിപ്പിച്ച മാനവ സമന്വയം 2025 ഉദ്ഘാടനം ചെയ്തു സംസാരിക്കുകയായിരുന്നു ബിഷപ്. സിന്തറ്റിക് ലഹരികളുടെ മാരക വിപത്തിൽനിന്ന് സമൂഹത്തെ രക്ഷിക്കേണ്ട ഉത്തരവാദിത്വം എല്ലാവര്‍ക്കും ഉണ്ടന്നും അത് ഏറ്റെടുക്കാനും ബിഷപ് ആഹ്വാനം ചെയ്തു. ജെസിഐ പ്രസിഡന്‍റ് ഡിബിന്‍ അമ്പൂക്കന്‍ അധ്യക്ഷത വഹിച്ചു. ഠാണാ ജുമാ മസ്ജിദ് ഇമാം കബീര്‍ മൗലവി, കൂടല്‍മാണിക്യം ദേവസ്വം ചെയര്‍മാന്‍ അഡ്വ.സി.കെ. ഗോപി എന്നിവര്‍ മത സൗഹാര്‍ദ സന്ദേശങ്ങള്‍ നല്‍കി. ക്രൈസ്റ്റ് എന്‍ജിനിയറിംഗ് കോളജ് എക്‌സിക്യൂട്ടിവ് ഡയറക്ടര്‍ ഫാ.ജോണ്‍ പാല്യേക്കര, ജെസിഐ സോണ്‍ പ്രസിഡന്‍റ് മെജോ ജോണ്‍സണ്‍ എന്നിവര്‍ മുഖ്യാതിഥികളായിരുന്നു. ജെസിഐ സെക്രട്ടറി ഷിജു കണ്ടംകുളത്തി, ട്രഷറര്‍ സോണി സേവ്യര്‍, പ്രോഗ്രാം ഡയറക്ടര്‍മാരായ സി.സി. ബിജു, ഡയസ് ജോസഫ്, മുന്‍ പ്രസിഡന്‍റുമാരായ ലിയോ പോള്‍, ടെല്‍സണ്‍ കോട്ടോളി, പി.ജെ. ജീസണ്‍ എന്നിവര്‍ പ്രസംഗിച്ചു.

കടൽഭിത്തി നിർമാണത്തിലെ തർക്കം: എംഎൽഎ യോഗംവിളിച്ചു

പുന്നയൂര്‍ക്കുളം: പഞ്ചായത്തിലെ കടല്‍ഭിത്തി നിര്‍മാണവുമായി ബന്ധപ്പെട്ട് തീരവാസികളുടെ ആ ശങ്കയും അഭിപ്രായഭിന്നതയും പരിഹരിക്കുന്നതിന് എന്‍.കെ. അക്ബർ എംഎൽഎയുടെ അധ്യക്ഷതയില്‍ രാഷ്ട്രീയകക്ഷി നേതാക്കളുടെയും ജനപ്രതിനിധികളുടെയും യോഗംചേര്‍ന്നു. അരക്കിലോമീറ്റര്‍ ദൂരത്തിലാണു കടല്‍ഭിത്തി നിര്‍മിക്കുന്നത് . കടല്‍ക്ഷോഭ ഭീഷണി നേരിടുന്ന പ്രദേശങ്ങള്‍ പ്രത്യേകമായി നിരീക്ഷിച്ചതിന്‍റെ അടിസ്ഥാനത്തിലാണ് ഈ‌പ്രദേശം ആദ്യഘട്ടത്തില്‍ ഉള്‍പ്പെടുത്തിയിട്ടുള്ളതെന്നും എംഎല്‍എ അറിയിച്ചു. മറ്റുള്ള പ്രദേശത്തുകൂടി കടല്‍ഭിത്തി നിര്‍മിക്കാന്‍ ആവശ്യമായ നടപടികള്‍ ഉണ്ടാകണമെന്ന് രാഷ്ട്രീയപാര്‍ട്ടി പ്രതിനിധികളും ജനപ്രതിനിധികളും യോഗത്തില്‍ ആവശ്യപ്പെട്ടു. ആദ്യഘട്ടം എന്ന നിലയിലാണ് 500 മീറ്റര്‍ പ്രദേശത്ത് കടല്‍ഭിത്തി നിര്‍മിക്കുന്നതെന്നും കടലാക്രമണ ഭീഷണിനേരിടുന്ന ബാക്കിയുള്ള പ്രദേശത്തുകൂടി കടല്‍ഭിത്തി നിര്‍മിക്കുന്നതിനു പദ്ധതി തയാറാക്കി സര്‍ക്കാരിലേക്കു സമര്‍പ്പിക്കുമെന്നും എംഎല്‍എ യോഗത്തെ അറിയിച്ചു. മറ്റ് പ്രദേശത്തുകൂടി കടല്‍ഭിത്തി നിര്‍മിക്കാത്തതിനെത്തുടർന്ന് എതിർപ്പുമായി തീരവാസികളും നാട്ടുകാരും യുഡിഎഫും രണ്ടുതവണ കരിങ്കല്ലുമായി എത്തിയ ലോറി തടഞ്ഞിരുന്നു. ആശങ്കയ്ക്കു പരിഹാരം കാണാതെയാണ് എംഎൽഎയുടെ യോഗം പിരിഞ്ഞതെന്ന് യുഡിഎഫും തീരവാസികളും ആരോപിച്ചു. കടൽക്ഷോഭം നേരിടുന്നവരെ യോഗത്തിലേക്ക് വിളിച്ചില്ലെന്നും ആരോപിച്ചു. പഞ്ചായത്തിൽ മൂന്നുകിലോമീറ്റർ ദൂരത്തിൽ കടൽത്തീരമുണ്ട്. 500 മീറ്ററിൽ ദൂരത്തിൽമാത്രം ഭിത്തി നിർമിച്ചാൽ സമീപതീരങ്ങളിൽ കടൽക്ഷോഭം രൂക്ഷമാകുമെന്ന് നാട്ടുകാർ പറയുന്നു. പഞ്ചായത്ത് പ്രസിഡന്‍റ് ജാസ്മിന്‍ ഷഹീര്‍, എ.ഡി. ധനീപ്, എന്‍.ആര്‍. ഗഫൂര്‍, എ.എം. അലാവുദീന്‍,എ.കെ. മൊയ്തുണ്ണി, കെ.എച്ച്. ആബിദ്, ബുഷറ നൗഷാദ്, ഷാനിബ മൊയ്തുണ്ണി, പി.എസ്. അലി, മൂസ ആലത്തയില്‍, ഇറിഗേഷന്‍ വകുപ്പ് അസി.എക്സി എൻജിനീയർ സീത തുടങ്ങിയവർ ചർച്ചയിൽ പങ്കെടുത്തു.

സ്വർണമാല മോഷ്ടിച്ച ജീവനക്കാരൻ അറസ്റ്റിൽ

കയ്പമംഗലം: കയ്പമംഗലത്ത് യൂസ്ഡ് ബൈക്ക് ഷോ റൂം നടത്തുന്നയാളുടെ മകന്‍റെ കഴുത്തിലെ സ്വർണമാല മോഷ്ടിച്ച ജീവനക്കാരൻ അറസ്റ്റിൽ. അറവുശാല സെന്‍ററിൽ യൂസ്ഡ് ബൈക്ക് ഷോറൂം നടത്തുന്ന വടക്കേതലക്കൽ വീട്ടിൽ ഷാനിന്‍റെ മകന്‍റെ കഴുത്തിൽകിടന്നിരുന്ന സ്വർണമാല മോഷ്ടിച്ച കേസിൽ ജീവനക്കാരനായ കുറുമ്പിലാവ് കോട്ടംകോലിയാൻ വീട്ടിൽ വിപിനെ (22) യാണു പോലീസ് ഇൻസ്പെക്ടർ കെ.ആർ. ബിജുവിന്‍റെ നേതൃത്വത്തിലുള്ള പോലീസ് സംഘം അറസ്റ്റ് ചെയ്തത്. ഇക്കഴിഞ്ഞ 19ന് രാവിലെ പതിനൊന്നരയോടെയാണ് ഷാനിന്‍റെ മകന്‍റെ കഴുത്തിൽ കിടന്ന ഏകദേശം ഒരു പവനിലധികം തൂക്കം വരുന്ന സ്വർണമാല മോഷണം പോയത്. ഷാൻ നല്‍കിയ പരാതിയുടെ അടിസ്ഥാനത്തിൽ കയ്പംമംഗലം പോലീസ് ഇൻസ് പെക്ടർ കെ. ആർ. ബിജുവിന്‍റെ നേതൃത്വത്തിലുള്ള സംഘം സ്ഥലത്തെത്തി അന്വേഷിച്ചതിൽ സ്ഥാപനത്തിലെ ജീവനക്കാരനായ വിപിന്‍റെ പെരുമാറ്റത്തിൽ സംശയം തോന്നുകയായിരുന്നു. ഇതേത്തുടർന്ന് സ്റ്റേഷനിലേക്ക് കൂട്ടിക്കൊണ്ടുവന്ന് ചോദ്യം ചെയ്യുകയും വിപിന്‍റെ മൊബൈൽ ഫോൺ പരിശോധിച്ചതിൽ വിപിൻ ഗൂഗിളിൽ ഇന്നത്തെ സ്വർണവില സർച്ച് ചെയ്തിട്ടുള്ളതായി കാണുകയും തുടർന്ന് ചോദ്യം ചെയ്തതിൽ വിപിൻ മാല എടുത്തതായി സമ്മതിക്കുകയും മോഷ്ടിച്ച സ്വർണമാല വിപിന്‍റെ ഹെൽമറ്റിനുള്ളിൽ ഒളിപ്പിച്ച നിലയിൽ കണ്ടെത്തുകയുമായിരുന്നു. അന്വേഷണ സംഘത്തിൽ ഇൻസ്പെക്ടറെ കൂടാതെ സബ് ഇൻസ്പെക്ടർമാരായ അഭിലാഷ്, വിൻസന്‍റ്്, ഹരിഹരൻ, എഎസ് ഐ അൻവറുദീൻ, സീനിയർ സിവിൽ പോലീസ് ഓഫീസർമാരായ സുനിൽകുമാർ, ഗിരീഷ്, സൂരജ്, അനന്തു‌മോൻ എന്നിവരും ഉണ്ടായി.

ADVERTISEMENT

ADVERTISEMENT

ADVERTISEMENT

ADVERTISEMENT

ADVERTISEMENT

ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

ADVERTISEMENT

More from other section

ADVERTISEMENT

LATEST NEWS

ADVERTISEMENT

ADVERTISEMENT

Quick Links

About Us Deepika E-Paper E-Shopping Karshakan Rashtradeepika Movies Tech @ Deepika

Business Deepika Viral Tax Letters University News Auto Spot Cartoon Scope

Matrimonial Special News Special Feature Calendar Samskarikam Career Deepika English Edition

Deepika Charity Health Sthreedhanam Responses Daily Quiz Youth Special Court Notice

Kuttikalude Deepika Deepika News Videos Out of Range US News Gulf News Student Reporter Classifieds

Children's Digest Today's Story Religion Book Review Sunday Deepika Send your greetings Online Advertising

Rashtra Deepika LTD

Chairman - Dr. Francis Cleetus MD - Michael Vettickatt Chief Editor - George Kudilil

Tel: +91 481 2566706 ,2566707,2566708

Privacy policy Terms and conditions for online payment

Copyright © 2025 , RDL. All rights reserved To access reprinting rights, please contact [email protected]