കോ​ഴി​ക്കോ​ട്: കു​തി​ര​വ​ട്ടം മ​ണ​ല്‍​ത്താ​ഴം റോ​ഡു​പ​ണി മാ​സ​ങ്ങ​ള്‍ ക​ഴി​ഞ്ഞി​ട്ടും പൂ​ര്‍​ത്തി​യാ​ക്കാ​ന്‍ ക​ഴി​യാ​ത്ത​ത് ഗു​രു​ത​ര മ​നു​ഷ്യാ​വ​കാ​ശ ലം​ഘ​ന​മാ​യ​തി​നാ​ല്‍ നി​ര്‍​മാ​ണ ജോ​ലി​ക​ള്‍ അ​ടി​യ​ന്ത​ര​മാ​യി പു​ന​രാ​രം​ഭി​ച്ച് നി​ര്‍​ദി​ഷ്ട സ​മ​യ​പ​രി​ധി നി​ശ്ച​യി​ച്ച് പൂ​ര്‍​ത്തി​യാ​ക്ക​ണ​മെ​ന്ന് മ​നു​ഷ്യാ​വ​കാ​ശ ക​മ്മീ​ഷ​ന്‍ ജു​ഡീ​ഷ​ല്‍ അം​ഗം കെ. ​ബൈ​ജു​നാ​ഥ്.

സ്വീ​ക​രി​ച്ച ന​ട​പ​ടി​ക​ള്‍ മൂ​ന്നാ​ഴ്ച​ക്ക​കം ന​ഗ​ര​സ​ഭാ സെ​ക്ര​ട്ട​റി സ​മ​ര്‍​പ്പി​ക്ക​ണ​മെ​ന്നും ക​മ്മീ​ഷ​ന്‍ ഉ​ത്ത​ര​വി​ല്‍ പ​റ​ഞ്ഞു. 26ന് ​കോ​ഴി​ക്കോ​ട് റ​സ്റ്റ് ഹൗ​സി​ല്‍ ന​ട​ക്കു​ന്ന സി​റ്റിം​ഗി​ല്‍ കേ​സ് പ​രി​ഗ​ണി​ക്കും. ദൃ​ശ്യ​മാ​ധ്യ​മ​വാ​ര്‍​ത്ത​യു​ടെ അ​ടി​സ്ഥാ​ന​ത്തി​ല്‍ ക​മ്മീ​ഷ​ന്‍ സ്വ​മേ​ധ​യാ ര​ജി​സ്റ്റ​ര്‍ ചെ​യ്ത കേ​സി​ലാ​ണ് ന​ട​പ​ടി.

വെ​ള്ള​ക്കെ​ട്ട് പ​രി​ഹ​രി​ക്കാ​ന്‍ വേ​ണ്ടി​യെ​ന്ന പേ​രി​ലാ​ണ് നി​ര്‍​മാ​ണ​ജോ​ലി​ക​ള്‍ ആ​രം​ഭി​ച്ച​തെ​ന്ന് നാ​ട്ടു​കാ​ര്‍ പ​റ​യു​ന്നു. വ​യോ​ധി​ക​രും കി​ട​പ്പു​രോ​ഗി​ക​ളു​മ​ട​ക്കം 150 പേ​രു​ടെ സ​ഞ്ചാ​ര​സ്വാ​ത​ന്ത്ര്യ​മാ​ണ് ഇ​തോ​ടെ ന​ഷ്ട​മാ​യ​ത്. മിം​സ് ആ​ശു​പ​ത്രി​ക്കും ലു​ലു മാ​ളി​നു​മി​ട​യി​ലു​ള്ള റോ​ഡി​ലാ​ണ് നി​ര്‍​മാ​ണം തു​ട​ങ്ങി​യ​ത്. ക​ഴി​ഞ്ഞ വ​ര്‍​ഷം ഡി​സം​ബ​റി​ല്‍ ആ​രം​ഭി​ച്ച നി​ര്‍​മാ​ണ​ത്തി​ല്‍ ഇ​തു​വ​രെ നി​ര്‍​മി​ച്ച​ത് ഓ​വു​ചാ​ല്‍ മാ​ത്ര​മാ​ണ്. 450 മീ​റ്റ​റോ​ളം പൊ​ളി​ച്ചി​ട്ട റോ​ഡി​ല്‍ ഉ​യ​ര​ത്തി​ലാ​ണ് ഓ​വു​ചാ​ല്‍ നി​ര്‍​മി​ച്ച​ത്. ഇ​തു​കാ​ര​ണം വാ​ഹ​ന​ങ്ങ​ള്‍ വീ​ടു​ക​ളി​ല്‍ ക​യ​റ്റാ​നാ​വു​ന്നി​ല്ല. അ​സു​ഖ​ബാ​ധി​ത​രെ എ​ടു​ത്തു​കൊ​ണ്ടാ​ണ് ആ​ശു​പ​ത്രി​യി​ല്‍ പോ​കു​ന്ന​ത്.