കോ​ഴി​ക്കോ​ട്: ജി​ല്ല​യി​ല്‍ ക​ന​ത്ത മ​ഴ​യി​ല്‍ താ​ഴ്ന്ന പ്ര​ദേ​ശ​ങ്ങ​ള്‍ വെ​ള്ള​ത്തി​ലാ​യി. പു​ഴ​ക​ളി​ലും തോ​ടു​ക​ളി​ലും ജ​ല​വി​താ​നം ഉ​യ​ര്‍​ന്നു. ക​ക്ക​യം ഡാ​മി​ലെ ജ​ല​നി​ര​പ്പ് ഉ​യ​രു​ക​യാ​ണ്. മ​ഴ​യെ തു​ട​ര്‍​ന്ന് വീ​ടു​ക​ളി​ല്‍ വെ​ള്ളം ക​യ​റി​യും മ​ര​ങ്ങ​ള്‍ ക​ട​പു​ഴ​കി വീ​ണും വ്യാ​പ​ക നാ​ശ​ന​ഷ്ട​മു​ണ്ടാ​യി. ജി​ല്ല​യി​ല്‍ പു​തി​യ മൂ​ന്നു ദു​രി​താ​ശ്വാ​സ ക്യാ​മ്പു​ക​ള്‍ കൂ​ടി തു​റ​ന്നി​ട്ടു​ണ്ട്.

പൂ​നൂ​ര്‍ പു​ഴ​യി​ല്‍ ജ​ല​നി​ര​പ്പ് ഉ​യ​ര്‍​ന്ന​തോ​ടെ ക​ണ്ണാ​ടി​ക്ക​ല്‍ ഭാ​ഗം വെ​ള്ള​ത്തി​ലാ​യി. ക​ക്കോ​ടി- ക​ണ്ണാ​ടി​ക്ക​ല്‍ റോ​ഡി​ല്‍ വെ​ള്ളം വ​ന്‍​തോ​തി​ല്‍ ഉ​യ​ര്‍​ന്നു. ക​ര്‍​ണാ​ട​ക​ത്തി​ലെ ഷി​രൂ​രി​ല്‍ മ​ണ്ണി​ടി​ച്ചി​ലി​ല്‍ ലോ​റി​ക്കൊ​പ്പം കാ​ണാ​താ​യ അ​ര്‍​ജു​ന്‍റെ ക​ണ്ണാ​ടി​ക്ക​ലെ വീ​ട്ടി​ലേ​ക്കു​ള്ള റോ​ഡ് പൂ​ര്‍​ണ​മാ​യും വെ​ള്ള​ത്തി​ലാ​യി​രു​ന്നു.

റോ​ഡി​ലെ വെ​ള്ള​ത്തി​ലൂ​ടെ ന​ട​ന്നാ​ണ് ജി​ല്ലാ ക​ള​ക്ട​റും എം​എ​ല്‍​എ​മാ​രു​മ​ട​ക്ക​മു​ള്ള​വ​ര്‍ അ​ര്‍​ജു​ന്‍റെ വീ​ട്ടി​ലെ​ത്തി​യ​ത്. പൂ​നൂ​ര്‍ പു​ഴ​യി​ല്‍ വെ​ള്ളം ഉ​യ​ര്‍​ന്ന​തി​നെ​ത്തു​ട​ര്‍​ന്ന് കു​ന്ന​മം​ഗ​ലം ഗ്രാ​മ​പ​ഞ്ചാ​യ​ത്ത് ഒ​ന്നാം വാ​ര്‍​ഡി​ല്‍ പെ​ടു​ന്ന വി​വി​ധ പ്ര​ദേ​ശ​ങ്ങ​ളി​ല്‍ വെ​ള്ളം ക​യ​റി. 150- ഓ​ളം കു​ടും​ബ​ങ്ങ​ളാ​ണ് ദു​രി​ത​ത്തി​ലാ​യ​ത്.

മു​ക്കം അ​ഗ​സ്റ്റ‍്യ​ന്‍​മു​ഴി​യി​ല്‍ ക​ന​ത്ത മ​ഴ​യി​ല്‍ റോ​ഡ് വി​ണ്ടു​കീ​റി. ന​വീ​ക​ര​ണം ന​ട​ക്കു​ന്ന അ​ഗ​സ്റ്റ‍്യ​ന്‍​മു​ഴി - കൈ​ത​പ്പൊ​യി​ല്‍ റോ​ഡി​ലെ അ​ഗ​സ്റ്റ‍്യ​ന്‍​മു​ഴി പാ​ല​ത്തി​ന് സ​മീ​പ​മാ​ണ് റോ​ഡ് വി​ണ്ടു കീ​റി​യ​ത്. ആ​ദ്യ​ഘ​ട്ട ടാ​റിം​ഗ് പൂ​ര്‍​ത്തീ​ക​രി​ച്ച റോ​ഡാ​ണ് മു​പ്പ​ത് മീ​റ്റ​റോ​ളം ദൂ​രം വി​ണ്ടു​കീ​റി​യ​ത്.

ഫോട്ടോ : കോ​ര​ങ്ങാ​ട് ല​ക്ഷം​വീ​ട് കു​മാ​ര​ന്‍റെ വീ​ട്ടു​മു​റ്റ​ത്തെ കി​ണ​ർ ഇ​ടി​ഞ്ഞു​താ​ഴ്ന്ന നി​ല​യി​ൽ.