എ​ൺ​പ​തി​ലും പാ​ട​ത്തു വി​ത്തു​വി​ത​ച്ച് റി​റ്റി​യ​മ്മ
പ​തി​നാ​റ് ഏ​ക്ക​ർ വി​സ്തൃ​തി​യു​ള്ള കു​മ​രം​ചി​റ പാ​ട​ത്തി​ന്‍റെ ചി​റ​യി​ലേ​ക്കു ചെ​ന്ന​പ്പോ​ൾ അ​താ അ​വി​ടെ പൊ​രി​വെ​യി​ല​ത്തും പാ​ട​ത്തേ​ക്കു ക​ണ്ണും ന​ട്ട് ഒ​രു ക​ന്യാ​സ്ത്രീ. പാ​ടം കാ​ണാ​ൻ എ​ത്തി​യ​താ​ണോ​യെ​ന്ന് ചോ​ദി​ക്കാ​നാ​ണ് അ​ടു​ത്തേ​ക്കു ചെ​ന്ന​ത്. പാ​ടം കാ​ണാ​ൻ വ​ന്ന​ത​ല്ല, കൃ​ഷി ചെ​യ്യാ​നും ചെ​യ്യി​ക്കാ​നും വ​ന്ന​താ​ണെ​ന്നു മ​റു​പ​ടി.

നെ​ൽ​കൃ​ഷി ചെ​യ്യാ​ൻ വ​യോ​ധി​ക​യാ​യ ഈ ​സ​ന്യാ​സി​നി​യോ? അ​ല്പം അ​ന്പ​ര​പ്പി​ൽ നി​ൽ​ക്കു​ന്പോ​ൾ, ആ​ളെ അ​ത്ര പി​ടി​കി​ട്ടി​യി​ട്ടി​ല്ലെ​ന്നു തോ​ന്നു​ന്ന​ല്ലോ എ​ന്ന മ​ട്ടി​ൽ സ​മീ​പ​ത്തെ ക​ർ​ഷ​ക​രു​ടെ പു​ഞ്ചി​രി. എ​ൺ​പ​ത്തി​യൊ​ന്നാം വ​യ​സി​ന്‍റെ നി​റ​വി​ലാ​ണ് പാ​ട​ത്തേ​ക്കു ക​ണ്ണും​ന​ട്ട് ഈ ​ക​ന്യാ​സ്ത്രീ​യ​മ്മ നി​ൽ​ക്കു​ന്ന​ത്. ഇ​തു സി​സ്റ്റ​ർ റി​റ്റി വി​ത്തു​വ​ട്ടി​ക്ക​ൽ എ​സ്എ​ബി​എ​സ്, കാ​ൽ നൂ​റ്റാ​ണ്ടി​ലേ​റെ​യാ​യി നെ​ൽ​കൃ​ഷി രം​ഗ​ത്തെ വേ​റി​ട്ട സാ​ന്നി​ധ്യം.

പ​ല​രും മു​റി​ക​ളി​ലൊ​തു​ങ്ങി​ക്കൂ​ടി പി​ന്നി​ടു​ന്ന വി​ശ്ര​മ​കാ​ല​ത്തും നെ​ൽ​പ്പാ​ട​ത്തു പൊ​ന്നു​വി​ള​യി​ക്കു​ന്ന ക​ർ​ഷ​ക​യ​മ്മ.
ഈ ​ക​ർ​ഷ​ക​യ​മ്മ​യു​ടെ ക​ഥ ആ​ർ​ക്കും ആ​വേ​ശം പ​ക​രും. ടീ​ച്ച​റ​മ്മ​യു​ടെ ജോ​ലി പൂ​ർ​ത്തി​യാ​ക്കി​യാ​ണ് സി​സ്റ്റ​ർ 55-ാം വ​യ​സി​ൽ വി​ര​മി​ച്ച ശേ​ഷം നെ​ൽ​കൃ​ഷി​യി​ലേ​ക്ക് ഇ​റ​ങ്ങി​യ​ത്. എ​ൽ​പി സ്കൂ​ൾ പ്ര​ഥ​മാ​ധ്യാ​പി​ക​യാ​യി​ട്ടാ​ണ് വി​ര​മി​ച്ച​ത്.

ഇ​പ്പോ​ൾ നെ​ൽ​കൃ​ഷി​യി​ൽ കാ​ൽ​നൂ​റ്റാ​ണ്ട് പി​ന്നി​ടു​ക​യാ​ണ് കു​ട്ട​നാ​ടി​ന്‍റെ ക​ർ​ഷ​ക​യ​മ്മ. ദി​വ്യ​കാ​രു​ണ്യ ആ​രാ​ധ​നാ സ​ന്യാ​സി​നി സ​മൂ​ഹ​ത്തി​ലെ കു​ട്ട​നാ​ട് മു​ട്ടാ​ർ പ​ത്താം പീ​യൂ​സ് മ​ഠ​ത്തി​ലെ അം​ഗ​മാ​ണ് സി​സ്റ്റ​ർ.

കൈ​ന​ടി എ.​ജെ. ജോ​ൺ മെ​മ്മോ​റി​യ​ൽ എ​ൽ.​പി.​സ്കൂ​ൾ പ്ര​ഥ​മാ​ധ്യാ​പി​ക​യാ​യി 1998ൽ ​വി​ര​മി​ക്കു​മ്പോ​ൾ പ്രാ​ർ​ഥ​ന​യും വാ​യ​ന​യും മ​ഠ​ത്തി​ലെ ജോ​ലി​ക​ളു​മാ​യി സി​സ്റ്റ​ർ റി​റ്റി ഇ​നി​യു​ള്ള കാ​ലം ചെ​ല​വ​ഴി​ക്കു​മെ​ന്നാ​ണ് പ​ല​രും ക​രു​തി​യ​ത്. എ​ന്നാ​ൽ, ഇ​പ്പ​റ​ഞ്ഞ​തി​നൊ​പ്പം മ​റ്റൊ​രു വേ​ഷം​കൂ​ടി എ​ടു​ത്ത​ണി​ഞ്ഞു, ത​നി കു​ട്ട​നാ​ട​ൻ നെ​ൽ​ക​ർ​ഷ​ക.

ആ ​പ്ര​ള​യ​വും ക​ട​ന്ന്

കു​ട്ട​നാ​ട്ടി​ലെ പു​ളി​ങ്കു​ന്ന്- പു​ന്ന​ക്കു​ന്ന​ത്തു​ശേ​രി വി​ത്തു​വ​ട്ടി​ക്ക​ൽ വീ​ട്ടി​ൽ വി.​സി. ഫി​ലി​പ്പി​ന്‍റെ​യും മ​റി​യാ​മ്മ​യു​ടെ​യും മ​ക​ൾ​ക്കു കൃ​ഷി ര​ക്ത​ത്തി​ൽ അ​ലി​ഞ്ഞ​താ​യി​രു​ന്നു. പ്ലാ​ന്‍റ​റാ​യി​രു​ന്ന പി​താ​വ്. കൈ​ന​ടി​യി​ൽ അ​ധ്യാ​പി​ക ആ​യി​രു​ന്ന​പ്പോ​ഴും മ​ഠ​ത്തി​ന്‍റെ മൂ​ന്ന് ഏ​ക്ക​ർ നി​ലം കൃ​ഷി ചെ​യ്യാ​ൻ നേ​തൃ​ത്വം ന​ൽ​കി​യി​രു​ന്ന​ത് സി​സ്റ്റ​ർ റി​റ്റി ആ​യി​രു​ന്നു.

വി​ര​മി​ച്ച് മു​ട്ടാ​റ്റി​ലെ മ​ഠ​ത്തി​ലേ​ക്ക് എ​ത്തു​മ്പോ​ൾ പ​തി​നാ​റ് ഏ​ക്ക​ർ പു​ഞ്ച​നി​ല​വും അ​ഞ്ച് ഏ​ക്ക​റോ​ളം പു​ര​യി​ട​വും നോ​ക്കി ന​ട​ത്താ​നു​ള്ള ഭാ​ഗ്യ​മാ​ണ് കാ​ത്തി​രു​ന്ന​ത്. ഏ​താ​നും മാ​സ​ങ്ങ​ൾ ഒ​ഴി​ച്ചാ​ൽ ക​ഴി​ഞ്ഞ 26 വ​ർ​ഷ​വും സി​സ്റ്റ​ർ മു​ട്ടാ​ർ മ​ഠ​ത്തി​ലാ​യി​രു​ന്നു. കു​ട്ട​നാ​ട്ടി​ലെ ഏ​റ്റ​വും താ​ഴ്ന്ന പ്ര​ദേ​ശ​ങ്ങ​ളി​ലൊ​ന്നാ​ണ് മു​ട്ടാ​ർ.

മ​ണി​മ​ല​യാ​റി​ന്‍റെ കു​ത്തൊ​ഴു​ക്കി​നെ അ​തി​ജീ​വി​ച്ചു കൃ​ഷി ചെ​യ്യേ​ണ്ട ഇ​ടം. അ​മി​ത​ലാ​ഭം കി​ട്ടി​യി​ല്ലെ​ങ്കി​ലും ഇ​വി​ടെ ഒ​രി​ക്ക​ൽ​പ്പോ​ലും നെ​ൽ​കൃ​ഷി ന​ഷ്ടം വ​ന്നി​ട്ടി​ല്ലെ​ന്നാ​ണ് സി​സ്റ്റ​റി​ന്‍റെ സാ​ക്ഷ്യം. 2018ലെ ​പ്ര​ള​യ​ത്തി​നു ശേ​ഷം ന​ട​ത്തി​യ നെ​ൽ​കൃ​ഷി​യു​ടെ ബം​ബ​ർ വി​ള​വ് അ​തി​നു മു​മ്പോ ശേ​ഷ​മോ ല​ഭി​ച്ചി​ട്ടി​ല്ലെ​ന്നും സി​സ്റ്റ​ർ ഓ​ർ​മി​ക്കു​ന്നു.

നി​ലം ഒ​രു​ക്കു​ന്ന​തു മു​ത​ൽ വി​ള​വെ​ടു​ത്തു നെ​ല്ല് തൂ​ക്കി വ​ണ്ടി​യി​ൽ ക​യ​റ്റും വ​രെ കു​മ​രം​ചി​റ പാ​ട​ത്തി​ന്‍റെ ചി​റ​യി​ലും വ​ര​മ്പു​ക​ളി​ലും മ​ഴ​യാ​യാ​ലും വെ​യി​ലാ​യാ​ലും സി​സ്റ്റ​ർ റി​റ്റി​യു​ടെ സാ​ന്നി​ധ്യം ഉ​ണ്ടാ​കു​മെ​ന്നു പ​റ​യു​ന്ന​ത് സു​പ്പീ​രി​യ​റാ​യ സി​സ്റ്റ​ർ മേ​രി​ലി​റ്റ് ക​റു​ക​പ്പ​റ​മ്പി​ൽ. കൈ​യും കാ​ലും വേ​ഷ​വു​മൊ​ക്കെ ചെ​ളി​പു​ര​ളി​ല്ലേ​യെ​ന്ന് ചോ​ദി​ക്കു​ന്ന​വ​രോ​ട് "വാ​ർ​ധ​ക്യം വ​രെ ജോ​ലി ചെ​യ്യു​ക' എ​ന്ന പ്ര​ഭാ​ഷ​ക​വ​ച​നം മ​റു​പ​ടി ന​ൽ​കും.

പാ​ട​ത്തെ പ​ട​യോ​ട്ടം

സ്വ​ന്ത​മാ​യി മോ​ട്ട​റും ത​റ​യു​മു​ള്ള മു​ട്ടാ​ർ കു​മ​രം​ചി​റ പാ​ട​ശേ​ഖ​രം കൃ​ഷി ചെ​യ്തു വി​ള​വെ​ടു​ക്കു​ന്ന​ത് ഇ​ന്നും ഈ ​എ​ൺ​പ​ത്തൊ​ന്നു​കാ​രി​യു​ടെ നേ​തൃ​ത്വ​ത്തി​ലാ​ണ്. കൃ​ഷി​ഭ​വ​നി​ലും പു​ഞ്ച സ്പെ​ഷ​ൽ ഓ​ഫീ​സി​ലും പാ​ഡി ഓ​ഫി​സി​ലും ഇ​ല​ക്‌​ട്രി​സി​റ്റി ഓ​ഫീ​സി​ലും എ​ന്നു വേ​ണ്ട എ​വി​ടെ എ​ത്തി​യാ​ലും ബ​ഹു​മാ​ന​ത്തോ​ടെ​യു​ള്ള ഇ​ട​പെ​ട​ലാ​ണ് കി​ട്ടി​യി​ട്ടു​ള്ള​തെ​ന്നു സി​സ്റ്റ​ർ പ​റ​യു​ന്നു.

പ​ല വ​ർ​ഷ​ങ്ങ​ളി​ലും മു​ട്ടാ​ർ പ​ഞ്ചാ​യ​ത്തി​ന്‍റെ മി​ക​ച്ച ക​ർ​ഷ​ക​യ്ക്കു​ള്ള അ​വാ​ർ​ഡു​ക​ൾ സി​സ്റ്റ​റെ തേ​ടി​യെ​ത്തി​യി​ട്ടു​ണ്ട്. നെ​ൽ​കൃ​ഷി​യി​ൽ മാ​ത്ര​മ​ല്ല ശ്ര​ദ്ധ. ഏ​ക​ദേ​ശം അ​ഞ്ചേ​ക്ക​ർ പു​ര​യി​ട​ത്തി​ന്‍റെ പ​ല ഭാ​ഗ​ത്തും വെ​ണ്ട, പ​യ​ർ, പാ​വ​ൽ എ​ന്നി​വ കൃ​ഷി ചെ​യ്യു​ന്നു. മ​ണി​മ​ല​യാ​ർ ക​ര​ക​വി​യു​ന്പോ​ൾ ക​ര​കൃ​ഷി വെ​ള്ളം ക​യ​റി ന​ശി​ക്കാ​റു​ണ്ട്. എ​ന്നു ക​രു​തി ഒ​രി​ക്ക​ൽ പോ​ലും പു​ര​യി​ടം വെ​റു​തേ​യി​ടി​ല്ല. മ​നം​ക​വ​രു​ന്ന ഒ​രു പൂ​ന്തോ​ട്ട​വും ഇ​വി​ടെ കാ​ണാം.

കൃ​ഷി​യാ​ണോ അ​ധ്യാ​പ​ന​മാ​ണോ കൂ​ടു​ത​ലി​ഷ്ട​മെ​ന്നു ചോ​ദി​ച്ചാ​ൽ സി​സ്റ്റ​ർ പ​റ​യും, ര​ണ്ടും വ​ള​ർ​ത്ത​ലാ​ണ്. വേ​ണ്ട പ​രി​ച​ര​ണ​വും വി​ത്തും വ​ള​വും ന​ൽ​കി​യു​ള്ള വ​ള​ർ​ത്ത​ലാ​ണ് വി​ദ്യാ​ഭ്യാ​സ​വും കൃ​ഷി​യും. അ​തി​ന്‍റെ ഫ​ലം ത​ല​മു​റ​യു​ടെ വ​ള​ർ​ച്ച​യും നാ​ടി​ന്‍റെ ഭ​ക്ഷ്യ​സു​ര​ക്ഷ​യു​മാ​ണ്. ര​ണ്ടും ദൈ​വ​നി​യോ​ഗം. ക​ർ​ഷ​ക​ർ നേ​രി​ടു​ന്ന വി​വി​ധ ദു​രി​ത​ങ്ങ​ളി​ൽ വേ​ദ​നി​ക്കു​ന്ന ഒ​രു മ​ന​സും ഈ ​ക​ർ​ഷ​ക​യ​മ്മ​യ്ക്കു​ണ്ട്.

ആ​ന്‍റ​ണി ആ​റി​ൽ​ചി​റ ച​മ്പ​ക്കു​ളം
Copyright @ 2018 , Rashtra Deepika Ltd.