ശ്മ​ശാ​ന​ഭൂ​മി​യി​ൽ അ​ര​നൂ​റ്റാ​ണ്ട് ബേ​ബി​ചേ​ച്ചി ഇ​വി​ടെ ഹാ​പ്പി​യാ​ണ്
മൃ​ത​ദേ​ഹ​ങ്ങ​ളു​മാ​യി കൂ​ട്ടു​ണ്ടാ​ക്കി​യ​വ​ൾ. കു​ഴി​യെ​ടു​ത്തും കു​ഴി​മൂ​ടി​യും മൃ​ത​ദേ​ഹ​ങ്ങ​ൾ​ക്കു കൂ​ട്ടി​രു​ന്നും ആ​യി​ര​ങ്ങ​ളു​ടെ ഹൃ​ദ​യ​ത്തി​ൽ ഇ​ടം​നേ​ടി​യ വ​നി​ത. സെ​മി​ത്തേ​രി​യി​ൽ കു​ഴി​വെ​ട്ട് ജോ​ലി ചെ​യ്യു​ന്ന മ​ല​യാ​ളി വ​നി​ത എ​ന്ന അ​പൂ​ർ​വ​ത​യി​ൽ അ​ര​നൂ​റ്റാ​ണ്ട് പി​ന്നി​ട്ട് ബേ​ബി​ച്ചേ​ച്ചി.

മൃ​ത​ദേ​ഹ​മെ​ന്നും സെ​മി​ത്തേ​രി​യെ​ന്നും ശ​വ​ക്കോ​ട്ട​യെ​ന്നു​മൊ​ക്കെ കേ​ട്ടാ​ൽ കാ​ര്യ​മൊ​ന്നു​മി​ല്ലെ​ങ്കി​ലും ഇ​ത്തി​രി പേ​ടി​യു​ള്ള​വ​രാ​ണ് ചി​ല​രെ​ങ്കി​ലും. സെ​മി​ത്തേ​രി​യി​ലേ​ക്കു ത​നി​യെ പോ​കാ​ൻ പേ​ടി​യു​ള്ള​വ​രും ഇ​ല്ലാ​തി​ല്ല.

എ​ങ്കി​ൽ നി​ങ്ങ​ളെ പ​ള്ളി​പ്പു​റം മ​ഞ്ഞു​മാ​താ ബ​സി​ലി​ക്ക​യി​ലേ​ക്കു ക്ഷ​ണി​ക്കു​ന്നു. ടി​പ്പു​വി​ന്‍റെ പ​ട​യോ​ട്ട​ക്കാ​ല​ത്ത് അ​ദ്ഭു​ത​ക​ര​മാ​യ രീ​തി​യി​ൽ സം​ര​ക്ഷി​ക്ക​പ്പെ​ട്ട, പെ​രി​യാ​ർ തീ​ര​ത്തെ പൗ​രാ​ണി​ക പ​ള്ളി.

കേ​ര​ള​ത്തി​ലെ ഏ​റ്റ​വും പു​രാ​ത​ന വി​ദേ​ശ നി​ർ​മി​തി​യെ​ന്ന വി​ശേ​ഷ​ണ​മു​ള്ള പ​ള്ളി​പ്പു​റം കോ​ട്ട​യ്ക്കു സ​മീ​പ​ത്തെ സെ​മി​ത്തേ​രി​യി​ലേ​ക്കു പോ​യാ​ലോ?. അ​വി​ടെ നി​ങ്ങ​ളെ കാ​ത്ത് കൈ​യി​ലൊ​രു തൂ​ന്പ​യു​മാ​യി ഒ​രു വീ​ട്ട​മ്മ നി​ൽ​പ്പു​ണ്ട്. ഇ​തു നാ​ട്ടു​കാ​രു​ടെ പ്രി​യ​പ്പെ​ട്ട ബേ​ബി​ച്ചേ​ച്ചി എ​ന്ന മ​റി​യം. വ​യ​സ് 67.

ജോ​ലി എ​ന്താ​ണെ​ന്ന​റി​ഞ്ഞാ​ൽ പ​രി​ച​യ​മി​ല്ലാ​ത്ത​വ​ർ അ​മ്പ​ര​ക്കും, ചി​ല​ർ​ക്ക് ഒ​രു ഞെ​ട്ട​ൽ തോ​ന്നി​യേ​ക്കാം. ക​ഴി​ഞ്ഞ അ​ര​നൂ​റ്റാ​ണ്ടാ​യി ഈ ​സെ​മി​ത്തേ​രി​യി​ൽ ബേ​ബി​ച്ചേ​ച്ചി​യു​ടെ സാ​ന്നി​ധ്യ​മി​ല്ലാ​തെ, ക​ര​സ്പ​ർ​ശ​മി​ല്ലാ​തെ ഒ​രു മൃ​ത​ദേ​ഹ​വും മ​ൺ​മ​റ​ഞ്ഞി​ട്ടി​ല്ല. മൃ​ത​സം​സ്കാ​ര​ത്തി​നു കു​ഴി​വെ​ട്ടി ഒ​രു​ക്കു​ന്ന​തും മൃ​ത​ദേ​ഹം കു​ഴി​യി​ൽ വ​ച്ചു മൂ​ടു​ന്ന​തും ബേ​ബി​ച്ചേ​ച്ചി​യാ​ണ്.

അ​ധി​കം പേ​രൊ​ന്നും ചെ​യ്യാ​ൻ സ​ന്ന​ദ്ധ​മാ​വി​ല്ലാ​ത്ത ജോ​ലി​യി​ൽ അ​ര​നൂ​റ്റാ​ണ്ട് തി​ക​ച്ചി​രി​ക്കു​ക​യാ​ണ് ബേ​ബി​ച്ചേ​ച്ചി.17-ാം വ​യ​സി​ൽ വി​ശ​പ്പ​ക​റ്റാ​ൻ കു​ഴി​വെ​ട്ടു​കാ​രി​യു​ടെ വേ​ഷം കെ​ട്ടി ഇ​റ​ങ്ങി​യ​താ​ണ് ബേ​ബി​ച്ചേ​ച്ചി. 67-ാം വ​യ​സി​ലും കൈ​യി​ൽ തൂ​ന്പ​യു​മാ​യി അ​വ​രു​ണ്ട്.

ഇ​ത്ര​യും ദീ​ർ​ഘ​കാ​ലം ഈ ​ജോ​ലി ചെ​യ്ത പു​രു​ഷ​ൻ​മാ​ർ പോ​ലും നാ​ട്ടി​ൽ അ​ധി​കം കാ​ണി​ല്ല എ​ന്ന​തോ​ർ​ക്കു​ന്പോ​ഴാ​ണ് ബേ​ബി​ച്ചേ​ച്ചി തെ​ര​ഞ്ഞെ​ടു​ത്ത വേ​റി​ട്ട വ​ഴി​യു​ടെ മ​ഹ​ത്വം വ്യ​ക്ത​മാ​കു​ന്ന​ത്. ആ​ദ്യ കാ​ല​ത്ത് ജീ​വി​ത​മാ​ർ​ഗ​മാ​യി​രു​ന്നെ​ങ്കി​ൽ ഇ​ന്ന് ഇ​തൊ​രു ശു​ശ്രൂ​ഷ​യാ​യി​ട്ടാ​ണ് അ​വ​ർ ചെ​യ്യു​ന്ന​ത്.

പ​ള്ളി​പ്പു​റം മേ​ഖ​ല​യി​ലെ​ത്തി ബേ​ബി എ​ന്ന് അ​ന്വേ​ഷി​ച്ചാ​ൽ ആ​രും ആ ​വീ​ട്ടി​ലേ​ക്കു​ള്ള വ​ഴി കാ​ട്ടി​ത്ത​രും. പ്രി​യ​പ്പെ​ട്ട​വ​രു​ടെ മൃ​ത​സം​സ്കാ​ര ശു​ശ്രൂ​ഷ​യി​ൽ സ​ഹാ​യി​യാ​യി മാ​റി​യ​തു വ​ഴി ആ​യി​ര​ക്ക​ണ​ക്കി​നു കു​ടും​ബ​ങ്ങ​ളു​മാ​യി ആ​ത്മ​ബ​ന്ധം​കൂ​ടി ഈ ​അ​മ്മ​യ്ക്കു​ണ്ട്.

വി​ശ​പ്പി​ലാ​ണ് തു​ട​ക്കം

1975ൽ ​പ​തി​നേ​ഴാം വ​യ​സി​ൽ കു​ഴി​വെ​ട്ടാ​ൻ ഇ​റ​ങ്ങു​ന്ന​തു വീ​ട്ടി​ലെ ദാ​രി​ദ്ര്യം ക​ണ​ക്കി​ലെ​ടു​ത്താ​യി​രു​ന്നു. മാ​തൃ​സ​ഹോ​ദ​ര​ൻ ഔ​സേ​ഫ് ആ​യി​രു​ന്നു പ​ള്ളി​പ്പു​റം പ​ള്ളി​യി​ലെ കു​ഴി​വെ​ട്ട് നി​ർ​വ​ഹി​ച്ചി​രു​ന്ന​ത്.

അ​ദ്ദേ​ഹ​ത്തി​ന്‍റെ മ​ര​ണ ശേ​ഷം ബേ​ബി​ച്ചേ​ച്ചി​യു​ടെ അ​മ്മ കു​ടും​ബം പു​ല​ർ​ത്താ​ൻ ആ ​ജോ​ലി ഏ​റ്റെ​ടു​ത്തു. ആ​റു പ​തി​റ്റാ​ണ്ടു​ക​ൾ​ക്ക് അ​പ്പു​റ​ത്ത് ഈ ​ജോ​ലി​ക്കാ​യി ഇ​റ​ങ്ങി​യ ആ​ദ്യ വ​നി​ത ഒ​രു​പ​ക്ഷേ, ബേ​ബി​ചേ​ച്ചി​യു​ടെ അ​മ്മ മ​റി​യം ആ​യി​രി​ക്കും.

എ​ന്നാ​ൽ, അ​മ്മ​യു​ടെ അ​നാ​രോ​ഗ്യം ഈ ​ജോ​ലി​യി​ൽ ഏ​റെ​ക്കാ​ലം തു​ട​രാ​ൻ അ​വ​രെ അ​നു​വ​ദി​ച്ചി​ല്ല. അ​തോ​ടെ അ​ന്പ​തു വ​ർ​ഷ​ങ്ങ​ൾ​ക്കു മു​മ്പ് അ​മ്മ​യു​ടെ കൈ​യി​ൽ​നി​ന്നു ബേ​ബി​ച്ചേ​ച്ചി തൂ​മ്പ ഏ​റ്റു​വാ​ങ്ങി. ബേ​ബി ജ​നി​ക്കും​മു​മ്പേ പി​താ​വ് മ​ര​ണ​പ്പെ​ട്ടു.

ഒാ​ർ​മ​വ​ച്ച കാ​ലം മു​ത​ൽ അ​മ്മ കു​ഴി​വെ​ട്ടാ​ൻ പോ​കു​ന്പോ​ൾ ബേ​ബി​യും ഒ​പ്പം പോ​കും. ആ​ദ്യ​മൊ​ക്കെ സെ​മി​ത്തേ​രി​യെ​ന്നു കേ​ൾ​ക്കു​ന്പോ​ൾ പേ​ടി​യു​ണ്ടാ​യി​രു​ന്നു. അ​മ്മ കു​ഴി​യെ​ടു​ക്കു​ന്ന​തും നോ​ക്കി സെ​മി​ത്തേ​രി​യു​ടെ ഒ​രു വ​ശ​ത്ത് ഇ​രി​ക്കും.

അ​ങ്ങ​നെ പ​തി​വാ​യ​തോ​ടെ സെ​മി​ത്തേ​രി​യോ​ടും മൃ​ത​ദേ​ഹ​ങ്ങ​ളോ​ടു​മു​ള്ള പേ​ടി​യും മ​ടി​യും ചെ​റു​പ്പ​ത്തി​ലേ ഇ​ല്ലാ​താ​യി. മൃ​ത​സം​സ്കാ​ര ശേ​ഷം കു​ഴി​യും മൂ​ടി എ​ല്ലാ​വ​രും പോ​യി​ക്ക​ഴി​യു​മ്പോ​ൾ ആ ​അ​മ്മ​യും മ​ക​ളും മ​രി​ച്ച​യാ​ളു​ടെ ആ​ത്മ​ശാ​ന്തി​ക്കാ​യി പ്രാ​ർ​ഥി​ച്ചി​ട്ട് വീ​ട്ടി​ലേ​ക്കു മ​ട​ങ്ങും.

ആ​ദ്യ കാ​ല​ത്ത് അ​മ്മ​യ്ക്കു കൂ​ട്ടി​രു​ന്ന മ​ക​ൾ പി​ന്നീ​ട് കൗ​മാ​ര​ത്തി​ൽ അ​മ്മ​യെ കൂ​ട്ടി​രു​ത്തി ജോ​ലി ഏ​റ്റെ​ടു​ത്തു. ജോ​ലി വേ​ണ്ടെ​ന്നു​വ​ച്ചാ​ലോ​യെ​ന്ന് അ​ന്നൊ​ക്കെ ചി​ന്തി​ച്ചി​രു​ന്നു. പ​ക്ഷേ, സാ​ഹ​ച​ര്യം മു​ന്നോ​ട്ടു​ന​യി​ച്ചു.

മ​ടു​പ്പി​ല്ലാ​തെ മു​ന്നോ​ട്ട്

ഈ ​സെ​മി​ത്തേ​രി​യി​ൽ ഇ​രു​നൂ​റി​ല​ധി​കം ക​ല്ലു കെ​ട്ടി​ത്തി​രി​ച്ച ക​ല്ല​റ​ക​ളാ​ണു​ള്ള​ത്. മ​ണ്ണ് നി​റ​ച്ചി​ട്ടി​രി​ക്കു​ന്ന ക​ല്ല​റ​ക​ളി​ലെ മ​ണ്ണ് നാ​ല​ടി​യി​ല​ധി​കം കോ​രി​മാ​റ്റി​യാ​ണ് ഓ​രോ മൃ​ത​സം​സ്കാ​ര​വും ന​ട​ത്തു​ക. സ്ലാ​ബും മാ​ർ​ബി​ളു​ക​ളും ഇ​ട്ട കു​ടും​ബ​ക്ക​ല്ല​റ​ക​ൾ പൊ​ളി​ച്ചും മ​ണ്ണു വെ​ട്ടി​മാ​റ്റി​യും ചി​ല​പ്പോ​ൾ ക​ല്ല​റ ഒ​രു​ക്ക​ണം.

ആ​ദ്യ കാ​ല​ത്ത് എ​ല്ലാം മ​ണ്ണ് മാ​ത്രം നി​റ​ച്ച കു​ഴി​മാ​ട​ങ്ങ​ളാ​യി​രു​ന്നു. അ​ന്നു മ​ഴ​ക്കാ​ല​മാ​യാ​ൽ കു​ഴി​വെ​ട്ടു​ക ദു​ഷ്ക​രം. ചി​ല​പ്പോ​ൾ നാ​ലും അ​ഞ്ചും മ​ണി​ക്കൂ​ർ ജോ​ലി ചെ​യ്യേ​ണ്ടി വ​രും. എ​ന്നാ​ൽ, ഇ​ന്ന് ഓ​രോ​ന്നും സെ​ല്ലു​ക​ളാ​യി കെ​ട്ടി​ത്തി​രി​ച്ച​തി​നാ​ൽ അ​ത്ര​യും ബു​ദ്ധി​മു​ട്ടി​ല്ല.

അ​ധി​കം അ​വ​ശി​ഷ്ട​ങ്ങ​ളി​ല്ലെ​ങ്കി​ൽ ര​ണ്ടു മ​ണി​ക്കൂ​ർ കൊ​ണ്ട് കു​ഴി​വെ​ട്ടി ഒ​രു​ക്കാം. മൂ​ടാ​നും ഒ​രു മ​ണി​ക്കൂ​റി​ൽ താ​ഴെ മ​തി. ശ​രീ​ര​ത്തി​ന് 17ലെ ​ആ​രോ​ഗ്യം 67ൽ ​ഇ​ല്ല എ​ന്ന​തൊ​ഴി​ച്ചാ​ൽ കു​ഴി​വെ​ട്ട് പ​ഴ​യ​തി​ലും കു​റ​ച്ചു​കൂ​ടി സൗ​ക​ര്യ​പ്ര​ദ​മാ​യെ​ന്നു ബേ​ബി​ച്ചേ​ച്ചി.

മ​പേ​ടി​ച്ചു​വി​റ​ച്ച കാ​ലം

ജോ​ലി തു​ട​ങ്ങി​യ ആ​ദ്യ കാ​ല​ങ്ങ​ളി​ൽ ഭീ​ക​ര​വും പേ​ടി​പ്പെ​ടു​ത്തു​ന്ന​തു​മാ​യ മൃ​ത​ദേ​ഹ ദൃ​ശ്യ​ങ്ങ​ളും കാ​ണേ​ണ്ടി വ​ന്നി​ട്ടു​ണ്ട്. ദി​വ​സ​ങ്ങ​ളോ​ളം പേ​ടി​ച്ച് ഉ​റ​ങ്ങാ​തെ​യും മ​നം​മ​ടു​പ്പു​കൊ​ണ്ട് ഭ​ക്ഷ​ണം ക​ഴി​ക്കാ​തെ​യും ക​ഴി​ഞ്ഞി​ട്ടു​ണ്ട്. എ​ന്നാ​ൽ, ഇ​ന്ന് അ​ങ്ങ​നെ​യു​ള്ള കാ​ഴ്ച​ക​ൾ വി​ര​ളം.

എ​ങ്കി​ലും ഭാ​ഗി​ക​മാ​യും മ​റ്റും അ​ഴു​കി​യ ശ​രീ​ര​ങ്ങ​ൾ വ​ല്ല​പ്പോ​ഴും കൈ​കാ​ര്യം ചെ​യ്യേ​ണ്ടി വ​രാ​റു​ണ്ട്. 45 വ​ർ​ഷ​ങ്ങ​ൾ​ക്ക് അ​പ്പു​റ​ത്ത് ഒ​രി​ക്ക​ൽ ത​യാ​റാ​ക്കി​ക്കൊ​ണ്ടി​രു​ന്ന കു​ഴി​യി​ൽ അ​ഴു​കാ​ത്ത ശ​രീ​രം ക​ണ്ടു​പേ​ടി​ച്ച് ഓ​ടി​യ ച​രി​ത്ര​വും ബേ​ബി​ച്ചേ​ച്ചി​ക്കു​ണ്ട്.

അ​ക്കാ​ല​ങ്ങ​ളി​ൽ വി​ദേ​ശ​ത്തു മ​രി​ക്കു​ന്ന​വ​രു​ടെ ശ​രീ​രം കൊ​ണ്ടു​വ​ന്നി​രു​ന്ന​തു പ്ര​ത്യേ​ക​ത​രം പെ​ട്ടി​ക​ളി​ലാ​യി​രു​ന്നു. പ​ല​പ്പോ​ഴും പെ​ട്ടി​യു​ടെ മൂ​ടി മാ​ത്രം പൊ​ട്ടി​ച്ചു മ​റ്റു​ള്ള​വ​ർ​ക്കു കാ​ണാ​ൻ സൗ​ക​ര്യം ഒ​രു​ക്കി​യ ശേ​ഷം സം​സ്ക​രി​ക്കും. ഇ​തി​ൽ മൃ​ത​ദേ​ഹ​ങ്ങ​ൾ അ​ഴു​കാ​ൻ വൈ​കും.

അ​ങ്ങ​നെ സം​സ്ക​രി​ക്ക​പ്പെ​ട്ട ഒ​രാ​ളു​ടെ ഭാ​ഗി​ക​മാ​യി മാ​ത്രം അ​ഴു​കി​യ ശ​രീ​രം ക​ണ്ടാ​ണ് ബേ​ബി​ച്ചേ​ച്ചി ഭ​യ​ന്നോ​ടി​യ​ത്. അ​മ്മ കൂ​ട്ടി​രി​ക്കെ​യാ​ണ് സം​ഭ​വ​മെ​ന്ന​തു​കൊ​ണ്ടാ​ണ് പേ​ടി​ച്ചു ജീ​വ​ൻ പോ​കാ​തി​രു​ന്ന​തെ​ന്നു പ​റ​യു​ന്പോ​ൾ ചേ​ച്ചി​ക്കു ചി​രി.

നാ​ട്ടി​ൽ ല​ഭ്യ​മാ​കു​ന്ന പെ​ട്ടി​ക​ളി​ലാ​ണ് ഇ​ന്നു വി​ദേ​ശ​ത്തു​നി​ന്നു കൊ​ണ്ടു​വ​രു​ന്ന മൃ​ത​ദേ​ഹ​ങ്ങ​ളും സം​സ്ക​രി​ക്കു​ന്ന​ത്. എ​ന്നി​രു​ന്നാ​ലും ഉ​പ​യോ​ഗി​ച്ചി​രു​ന്ന മ​രു​ന്നു​ക​ളു​ടെ​യും മ​റ്റും പ്ര​തി​പ്ര​വ​ർ​ത്ത​ന​ഫ​ല​മാ​യി ചി​ല മൃ​ത​ദേ​ഹ​ങ്ങ​ൾ നാ​ലും അ​ഞ്ചും വ​ർ​ഷ​ങ്ങ​ൾ ക​ഴി​ഞ്ഞാ​ലും പൂ​ർ​ണ​മാ​യി അ​ഴു​ക​ണ​മെ​ന്നി​ല്ല.

സെ​ല്ലു​ക​ളു​ടെ എ​ണ്ണം കൂ​ടി​യ​തോ​ടെ ഇ​ന്ന് ഏ​ക​ദേ​ശം നാ​ലു വ​ർ​ഷ​ത്തി​നു ശേ​ഷം മാ​ത്ര​മേ കു​ഴി​ക​ൾ പു​ന​രു​പ​യോ​ഗി​ക്കേ​ണ്ടി വ​രു​ന്നു​ള്ളൂ എ​ന്ന​തു​കൊ​ണ്ട് പ​ഴ​യ​തു​പോ​ലെ അ​ഴു​കാ​ത്ത ശ​രീ​ര​ഭാ​ഗ​ങ്ങ​ൾ കു​റ​വാ​ണ്.

ആ​ൾ​ബ​ഹ​ള​വും സ​ങ്ക​ട​വും ക​ര​ച്ചി​ലും ഉ​ള്ള സം ​സ്കാ​ര​ശു​ശ്രൂ​ഷ​ക​ളാ​യി​രു​ന്നു ഏ​റെ​യും. എ​ന്നാ​ൽ, കോ​വി​ഡ്കാ​ലം പ​തി​വു​ക​ൾ തെ​റ്റി​ച്ചു. ന​ല്ല വാ​ക്കും ന​ല്ല യാ​ത്ര​യും ഏ​താ​ണ്ട് ഉ​റ​പ്പു​ള്ള​തു സെ​മി​ത്തേ​രി​യി​ൽ മാ​ത്ര​മെ​ന്ന് വി​ശ്വ​സി​ക്കു​ന്ന ആ​ളാ​ണ് ബേ​ബി​ച്ചേ​ച്ചി.

മ​ആ​രും മ​രി​ക്ക​രു​തേ...

1977ലാ​ണ് ബേ​ബി​ക്ക് ഒ​രു കൂ​ട്ട് കി​ട്ടി​യ​ത്. മു​ന​മ്പ​ത്തെ സ​മ്പ​ന്ന​മാ​യ ഒ​രു ഹൈ​ന്ദ​വ ത​റ​വാ​ട്ടി​ൽ​നി​ന്ന് ഒ​രാ​ളാ​ണ് ബേ​ബി​യെ സ്നേ​ഹി​ച്ച് എ​ത്തി​യ​ത്.

കു​ഴി​വെ​ട്ടു​കാ​രി​യെ ജീ​വി​ത​സ​ഖി​യാ​ക്കാ​നു​ള്ള തീ​രു​മാ​ന​ത്തി​നു പ​ല​രും എ​തി​രാ​യി​രു​ന്നെ​ങ്കി​ലും അ​വ​സാ​നം അ​ദ്ദേ​ഹം ആ​ന്‍റ​ണി പു​ഷ്കി​ൻ എ​ന്ന പേ​ര് സ്വീ​ക​രി​ച്ച് 1994ൽ ​നി​യ​മ​പ​ര​മാ​യി ബേ​ബി​യു​ടെ ജീ​വി​ത​ത്തി​ലേ​ക്കു വ​ന്നു. പ​ള്ളി​പ്പു​റം പ​ള്ളി ന​ൽ​കി​യ ഭൂ​മി​യി​ൽ വീ​ടു​വ​ച്ചാ​ണ് കു​ടും​ബം താ​മ​സി​ക്കു​ന്ന​ത്. പ​ള്ളി​യു​ടെ വി​ളി​പ്പാ​ട​ക​ലെ.

ഇ​ക്കാ​ല​മ​ത്ര​യും പ​ള്ളി ചു​മ​ത​ല​ക്കാ​രാ​യെ​ത്തി​യ വൈ​ദി​ക​രും കൈ​ക്കാ​ര​ൻ​മാ​രും സ്നേ​ഹ​ത്തോ​ടെ​യും ബ​ഹു​മാ​ന​ത്തോ​ടെ​യു​മാ​ണ് ഇ​ട​പെ​ട്ടി​ട്ടു​ള്ള​തെ​ന്ന് ബേ​ബി​ച്ചേ​ച്ചി.

പ​ള്ളി​പ്പു​റം പ​ള്ളി​യി​ലെ​യും സ​മീ​പ​ത്തെ ചി​ല പ​ള്ളി​ക​ളി​ലേ​യും ക​രി​മ​രു​ന്നു പ്ര​യോ​ഗ​ത്തി​ന്‍റെ​യും ചു​മ​ത​ല വ​ർ​ഷ​ങ്ങ​ളോ​ളം ബേ​ബി​യു​ടെ കു​ടും​ബ​ത്തി​നാ​യി​രു​ന്നു.

എ​ന്നാ​ൽ, വ​ർ​ഷ​ങ്ങ​ൾ​ക്കു മു​ൻ​പ് ജോ​ലി​ക്കാ​രി​ൽ ഒ​രാ​ൾ​ക്ക് അ​പ​ക​ട​മു​ണ്ടാ​യ​തോ​ടെ അ​ത് ഒ​ഴി​ഞ്ഞു. ആ​ഴ്ച​ക​ളും മാ​സ​ങ്ങ​ളും ജോ​ലി​യി​ല്ലാ​താ​യ സാ​ഹ​ച​ര്യ​വും ചി​ല​പ്പോ​ൾ ഒ​രേ ദി​വ​സം ഒ​ന്നി​ല​ധി​കം കു​ഴി ഒ​രു​ക്കേ​ണ്ട സ്ഥി​തി​യും വ​ന്നി​ട്ടു​ണ്ട്.

ഓ​രോ മ​ര​ണ​ത്തി​ന്‍റെ​യും ന​ഷ്ട​വ​ശം ഹൃ​ദ​യ​ത്തി​ലേ​റ്റി​യാ​ണ് അ​വ​സാ​ന മ​ണ്ണ് അ​വ​ർ കോ​രി ഇ​ടു​ന്ന​ത്. ജോ​ലി​ക്ക് നി​ശ്ചി​ത കൂ​ലി ഏ​ർ​പ്പെ​ടു​ത്തി​യി​ട്ടു​ണ്ട്. എ​ങ്കി​ലും ആ​രും മ​രി​ക്ക​രു​തേ എ​ന്നു പ്രാ​ർ​ഥി​ച്ചാ​ണ് ഒാ​രോ ദി​വ​സ​വും തു​ട​ങ്ങു​ന്ന​തെ​ന്നു ബേ​ബി​ച്ചേ​ച്ചി പ​റ​യു​ന്നു.

ആ​ന്‍റ​ണി ആ​റി​ൽ​ചി​റ ച​മ്പ​ക്കു​ളം
Copyright @ 2018 , Rashtra Deepika Ltd.