കാ​ലാ​വ​സ്ഥാ വ്യ​തി​യാ​നം: ജി​ല്ല​യി​ൽ മ​ണ്‍​സൂ​ണ്‍ ടൂ​റി​സം പ്ര​തി​സ​ന്ധി​യി​ൽ
Monday, June 17, 2024 3:45 AM IST
തൊ​ടു​പു​ഴ: മ​ഴ​ക്കാ​ല​ത്ത് ഇ​ടു​ക്കി​യു​ടെ സൗ​ന്ദ​ര്യ​വും കാ​ലാ​വ​സ്ഥ​യും ആ​സ്വ​ദി​ക്കാ​ൻ ഒ​ട്ടേ​റെ വി​നോ​ദ സ​ഞ്ചാ​രി​ക​ൾ എ​ത്തി​യി​രു​ന്ന മ​ണ്‍​സൂ​ൺ ടൂ​റി​സം സീ​സ​ണ്‍ പ്ര​തി​സ​ന്ധി​യി​ൽ. നി​റ​ഞ്ഞു​ക​വി​ഞ്ഞൊ​ഴു​കു​ന്ന വെ​ള്ള​ച്ചാ​ട്ട​ങ്ങ​ളും പ്ര​കൃ​തി ഒ​രു​ക്കു​ന്ന ദൃ​ശ്യ​വി​സ്മ​യ​ങ്ങ​ളും കോ​ട​മ​ഞ്ഞും ത​ണു​പ്പും ആ​സ്വ​ദി​ക്കാ​ൻ മ​ണ്‍​സൂ​ണ്‍ കാ​ല​ത്ത് ജി​ല്ല​യി​ലേ​യ്ക്ക് നി​ര​വ​ധി സ​ഞ്ചാ​രി​ക​ളാ​ണ് ഒ​ഴു​കി​യെ​ത്തു​ന്ന​ത്.

ജൂ​ണ്‍ മു​ത​ൽ തു​ട​ങ്ങു​ന്ന മ​ണ്‍​സൂ​ണ്‍ കാ​ലം ജി​ല്ല​യി​ലെ ടൂ​റി​സം കേ​ന്ദ്ര​ങ്ങ​ളി​ലെ റി​സോ​ർ​ട്ടു​ക​ൾ, ഹോ​ട്ട​ലു​ക​ൾ, ഹോം ​സ്റ്റേ എ​ന്നി​വ​ർ​ക്കെ​ല്ലാം ചാ​ക​ര​ക്കാ​ല​മാ​ണ്. എ​ന്നാ​ൽ ഇ​ത്ത​വ​ണ പ​തി​വാ​യി ല​ഭി​ച്ചി​രു​ന്ന മ​ഴ​യി​ൽ ഉ​ണ്ടാ​യി​രി​ക്കു​ന്ന കു​റ​വാ​ണ് പ്ര​ധാ​ന പ്ര​തി​സ​ന്ധി. മ​ഴ ശ​ക്ത​മാ​കു​ന്ന​തോ​ടെ ജി​ല്ല​യി​ൽ അ​ടി​ക്ക​ടി ഉ​ണ്ടാ​കു​ന്ന നി​യ​ന്ത്ര​ണ​ങ്ങ​ളും മ​ണ്‍​സൂ​ണ്‍ ടൂ​റി​സ​ത്തി​നു തി​രി​ച്ച​ടി​യാ​യി മാ​റു​ന്നു​ണ്ട്.

മ​ണ്‍​സൂ​ണ്‍ ടൂ​റി​സം ഇ​ത്ത​വ​ണ കൂ​ടു​ൽ സ​ജീ​വ​മാ​കു​ന്ന​തി​നു​ള്ള സാ​ഹ​ച​ര്യ​ങ്ങ​ളാ​യി​രു​ന്നു നി​ല​വി​ലു​ണ്ടാ​യി​രു​ന്ന​ത്. ഉ​ത്ത​ര​ന്ത്യേ​യി​ൽ ഉ​ഷ്ണ​ത​രം​ഗം ക​ടു​ത്ത സാ​ഹ​ച​ര്യ​ത്തി​ൽ അ​വി​ടെ​നി​ന്നും നി​ര​വ​ധി സ​ഞ്ചാ​രി​ക​ൾ അ​തി​ർ​ത്തി ക​ട​ന്ന് ജി​ല്ല​യി​ലെ ടൂ​റി​സം കേ​ന്ദ്ര​ങ്ങ​ളി​ലെ​ത്തു​മെ​ന്നാ​യി​രു​ന്നു പ്ര​തീ​ക്ഷ.

എ​ന്നാ​ൽ പ്ര​തീ​ക്ഷി​ച്ച​തു​പോ​ലെ ഇ​ത്ത​വ​ണ സ​ഞ്ചാ​രി​ക​ളു​ടെ വ​ര​വു​ണ്ടാ​യി​ട്ടി​ല്ലെ​ന്ന് റി​സോ​ർ​ട്ട് ഉ​ട​മ​ക​ളും മ​റ്റും പ​റ​യു​ന്നു. പ​ല റി​സോ​ർ​ട്ടു​ക​ളും മ​ണ്‍​സൂ​ണ്‍​കാ​ല​ത്ത് പ്ര​ത്യേ​ക പാ​ക്കേ​ജ് ഒ​രു​ക്കി​യാ​ണ് സ​ന്ദ​ർ​ശ​ക​രെ കാ​ത്തി​രി​ക്കു​ന്ന​ത്. മൂ​ന്നാ​റി​ലും വാ​ഗ​മ​ണ്ണി​ലു​മാ​ണ് മ​ണ്‍​സൂ​ണ്‍ കാ​ല​ത്ത് ഏ​റെ സ​ന്ദ​ർ​ശ​ക​രെ​ത്തു​ന്ന​ത്.

വെ​ള്ള​ച്ചാ​ട്ട​ങ്ങ​ളും പ​ച്ച പു​ത​ച്ചു നി​ൽ​ക്കു​ന്ന പു​ൽ​മേ​ടു​ക​ളും തേ​യി​ല​ത്തോ​ട്ട​ങ്ങ​ളും ഒ​ക്കെ​യാ​ണ് മ​ണ്‍​സൂ​ണ്‍ കാ​ല​ത്ത് സ​ഞ്ചാ​രി​ക​ളു​ടെ പ്ര​ധാ​ന ആ​ക​ർ​ഷ​ണം. ചീ​യ​പ്പാ​റ, വാ​ള​റ, പെ​രി​ങ്ങ​ൽ​കു​ത്ത്, തൊ​മ്മ​ൻ​കു​ത്ത്, ആ​ന​യാ​ടി​ക്കു​ത്ത്, വ​ള​ഞ്ഞ​ങ്ങാ​നം, തൂ​വ​ൽ, ന​യ​മ​ക്കാ​ട്, കീ​ഴാ​ർ​കു​ത്ത്, പാ​ണ്ടി​ക്കു​ഴി, അ​രു​വി​ക്കു​ഴി തു​ട​ങ്ങി ജി​ല്ല​യി​ലെ വെ​ള്ള​ച്ചാ​ട്ട​ങ്ങെ​ല്ലാം ഈ ​സ​മ​യം ജ​ല​സ​മൃ​ദ്ധ​മാ​കാ​റു​ണ്ട്.

കൊ​ടും ചൂ​ടു​മൂ​ലം വ​ര​ണ്ടു​ണ​ങ്ങി​യി​രു​ന്ന വെ​ള്ള​ച്ചാ​ട്ട​ങ്ങ​ൾ​ക്ക് ക​ഴി​ഞ്ഞ മാ​സം ല​ഭി​ച്ച വേ​ന​ൽ മ​ഴ​യോ​ടെ ജീ​വ​ൻ​വ​ച്ചു. എ​ങ്കി​ലും പ​തി​വു പോ​ലെ സ​ന്ദ​ർ​ശ​ക​രു​ടെ കാ​ര്യ​മാ​യ ഒ​ഴു​ക്ക് പ​ല​യി​ട​ങ്ങ​ളി​ലും ഉ​ണ്ടാ​യി​ട്ടി​ല്ല. കാ​ല​വ​ർ​ഷം ശ​ക്തി​പ്പെ​ടാ​ത്ത​തി​നാ​ൽ പ​ല​യി​ട​ത്തും നീ​രൊ​ഴു​ക്ക് കു​റ​ഞ്ഞി​ട്ടു​മു​ണ്ട്.

കാ​ലാ​വ​സ്ഥാ വ്യ​തി​യാ​ന​വും ക​ന​ത്ത മ​ഴ​യു​ടെ ആ​രം​ഭ​ത്തോ​ടെ അ​പ​ക​ട സാ​ധ്യ​ത മു​ന്നി​ൽ​ക്ക​ണ്ട് ജി​ല്ലാ ഭ​ര​ണ​കൂ​ടം ഏ​ർ​പ്പെ​ടു​ത്തു​ന്ന നി​രോ​ധ​ന​വും ജി​ല്ല​യി​ലേ​ക്കു​ള്ള സ​ഞ്ചാ​രി​ക​ളു​ടെ വ​ര​വു കു​റ​യ്ക്കു​ന്നു​ണ്ട്.

മ​ണ്‍​സൂ​ണ്‍ ടൂ​റി​സം ക​ണ​ക്കി​ലെ​ടു​ത്ത് മൂ​ന്നാ​റി​ൽ പ്ര​ദേ​ശി​ക ക്ല​ബു​ക​ളു​ടെ സ​ഹ​ക​ര​ണ​ത്തോ​ടെ മ​ണ്‍​സൂ​ണ്‍ ഫു​ട്ബോ​ൾ മ​ൽ​സ​രം, രാ​മ​ക്ക​ൽ​മേ​ട്ടി​ൽ മ​ഴ ന​ട​ത്തം, വാ​ഗ​മ​ണ്ണി​ൽ മ​ണ്‍​സൂ​ണ്‍ മ്യൂ​സി​ക് എ​ന്നീ പ​രി​പാ​ടി​ക​ൾ ഡി​ടി​പി​സി​യു​ടെ നേ​തൃ​ത്വ​ത്തി​ൽ സം​ഘ​ടി​പ്പി​ക്കാ​റു​ണ്ട്. എ​ന്നാ​ൽ ജി​ല്ല​യി​ലെ സാ​ഹ​ച​ര്യം ക​ണ​ക്കി​ലെ​ടു​ത്ത് ഇ​പ്പോ​ൾ ഡി​ടി​പി​സി കാ​ല​വ​ർ​ഷ സ​മ​യ​ത്ത് ഇ​ത്ത​രം വി​നോ​ദോ​പാ​ധി​ക​ൾ കാ​ര്യ​മാ​യി പ്രോ​ത്സാ​ഹി​പ്പി​ക്കു​ന്നി​ല്ല.

വെ​ള്ള​ച്ചാ​ട്ട​ങ്ങ​ളി​ൽ ജാ​ഗ്ര​ത വേ​ണം

മ​ഴക്കാ​ല​ത്ത് വെ​ള്ള​ച്ചാ​ട്ട​ങ്ങ​ൾ സ​ന്ദ​ർ​ശി​ക്കു​ന്പോ​ൾ സ​ഞ്ചാ​രി​ക​ൾ കൂ​ടു​ത​ൽ ജാ​ഗ്ര​ത പു​ല​ർ​ത്ത​ണ​മെ​ന്നും അ​ധി​കൃ​ത​രു​ടെ നി​ർ​ദേ​ശ​മു​ണ്ട്. പ​ല​പ്പോ​ഴും മ​ഴ​ക്കാ​ല​ത്ത് വെ​ള്ള​ച്ചാ​ട്ട​ങ്ങ​ളി​ൽ അ​പ​ക​ടം പ​തി​വാ​ണ്. ഇ​തും നി​യ​ന്ത്ര​ണ​ങ്ങ​ൾ ഏ​ർ​പ്പെ​ടു​ത്താ​ൻ അ​ധി​കൃ​ത​രെ നി​ർ​ബ​ന്ധി​ത​മാ​ക്കു​ന്നു. മ​ഴ​യു​ള്ള സ​മ​യ​ത്ത് വെ​ള്ള​ച്ചാ​ട്ട​ത്തി​ന് സ​മീ​പ​ത്തെ പാ​റ​ക​ളി​ൽ വ​ഴു​ക്ക​ൽ ഉ​ണ്ടാ​കും. ഇ​ത് അ​പ​ക​ട​സാ​ധ്യ​ത വ​ർ​ധി​പ്പി​ക്കു​ന്നു.

നീ​ന്ത​ൽ വ​ശ​മി​ല്ലാ​ത്ത​വ​ര​ട​ക്കം ഇ​ത്ത​രം സ്ഥ​ല​ങ്ങ​ളി​ൽ പോ​കു​ന്ന​തും അ​പ​ക​ട​ത്തി​ന്‍റെ തോ​ത് കൂ​ട്ടും. സ്ത്രീ​ക​ളും കു​ട്ടി​ക​ളു​മ​ട​ക്കം നി​ര​വ​ധി സ​ഞ്ചാ​രി​ക​ൾ എ​ത്തു​ന്ന ഇ​ത്ത​രം വി​നോ​ദ​സ​ഞ്ചാ​ര കേ​ന്ദ്ര​ങ്ങ​ളി​ൽ മ​തി​യാ​യ സു​ര​ക്ഷാ സം​വി​ധാ​ന​ങ്ങ​ൾ ഒ​രു​ക്കാ​ത്ത​തും പ്ര​തി​സ​ന്ധി​യാ​ണ്.

വാ​ഗ​മ​ണ്‍ ചി​ല്ലു​പാ​ലം അ​ട​ച്ചു

വാ​ഗ​മ​ണ്ണി​ലെ പ്ര​ധാ​ന ആ​ക​ർ​ഷ​ണ​മാ​യ ചി​ല്ലു​പാ​ലം ക​ഴി​ഞ്ഞ ഒ​ന്നു മു​ത​ൽ അ​ട​ച്ചി​രി​ക്കു​ന്ന​തും ജി​ല്ല​യി​ലേ​ക്കു​ള്ള സ​ഞ്ചാ​രി​ക​ളു​ടെ വ​ര​വു കു​റ​യ്ക്കു​ന്ന​തി​നു കാ​ര​ണ​മാ​യി. വാ​ഗ​മ​ണ്ണി​ലെ ചി​ല്ലു​പാ​ലം സ​ന്ദ​ർ​ശ​ക​ർ​ക്കാ​യി തു​റ​ന്നു​കൊ​ടു​ത്ത​തോ​ടെ ജി​ല്ല​യി​ൽ ഏ​റ്റ​വും കൂ​ടു​ത​ൽ ആ​ളു​ക​ൾ സ​ന്ദ​ർ​ശി​ക്കു​ന്ന വി​നോ​ദ സ​ഞ്ചാ​ര കേ​ന്ദ്ര​മാ​യി വാ​ഗ​മ​ണ്‍ അ​ഡ്വ​ഞ്ച​ർ പാ​ർ​ക്ക് മാ​റി​യി​രു​ന്നു.

ദി​വ​സേ​ന 1200 പേ​രാ​ണ് ചി​ല്ലു​പാ​ലം സ​ന്ദ​ർ​ശി​ക്കു​ന്ന​ത്. അ​ഡ്വ​ഞ്ച​ർ​പാ​ർ​ക്കി​ൽ ദി​വ​സേ​ന 5000 ത്തോ​ളം പേ​രും സ​ന്ദ​ർ​ശി​ച്ചി​രു​ന്നു. പ്ര​ധാ​ന സീ​സ​ണു​ക​ളി​ൽ സ​ന്ദ​ർ​ശ​ക​രു​ടെ എ​ണ്ണം ഇ​തി​ലു​മേ​റെ​യാ​കും. എ​ന്നാ​ൽ ചി​ല്ലു​പാ​ലം അ​ട​ച്ച​തോ​ടെ അ​ഡ്വ​ഞ്ച​ർ പാ​ർ​ക്കി​ലെ സ​ഞ്ചാ​രി​ക​ളു​ടെ എ​ണ്ണം 1500 ഓ​ള​മാ​യി കു​റ​ഞ്ഞു.

വ​ർ​ക്ക​ല ബീ​ച്ചി​ലെ ഫ്ളോ​ട്ടിം​ഗ് ബ്രി​ഡ്ജി​ലെ അ​പ​ക​ട​ത്തി​ന്‍റെ പ​ശ്ചാ​ത്ത​ല​ത്തി​ലാ​ണ് വാ​ഗ​മ​ണ്ണി​ലെ ചി​ല്ലു​പാ​ല​വും അ​ട​യ്ക്കാ​ൻ ടൂ​റി​സം വ​കു​പ്പ് നി​ർ​ദേ​ശം ന​ൽ​കി​യ​ത്. എ​ന്നാ​ൽ വാ​ഗ​മ​ണ്‍ ചി​ല്ലു​പാ​ല​ത്തി​ന്‍റെ സു​ര​ക്ഷി​ത​ത്വം ഉ​റ​പ്പു വ​രു​ത്തി​യി​ട്ടു​ണ്ടെ​ന്നും സ​ന്ദ​ർ​ശ​ക​ർ​ക്കാ​യി തു​റ​ക്കാ​ൻ അ​നു​വ​ദി​ക്ക​ണ​മെ​ന്നും ആ​വ​ശ്യ​പ്പെ​ട്ട് ടൂ​റി​സം വ​കു​പ്പി​ന് റി​പ്പോ​ർ​ട്ട് ന​ൽ​കി​യി​ട്ടു​ണ്ടെ​ന്ന് ജി​ല്ലാ ടൂ​റി​സം പ്ര​മോ​ഷ​ൻ കൗ​ണ്‍​സി​ൽ സെ​ക്ര​ട്ട​റി ജി​തീ​ഷ് ജോ​സ് പ​റ​ഞ്ഞു.
Copyright @ 2018 , Rashtra Deepika Ltd.