ഉ​ണ​ർ​ന്നു പ്ര​വ​ർ​ത്തി​ച്ച് പോ​ലീ​സും മാ​ധ്യ​മ​ങ്ങ​ളും; കാ​ണാ​താ​യ കു​ട്ടി​യെ ര​ണ്ടു മ​ണി​ക്കൂ​റി​നു​ള്ളി​ൽ ക​ണ്ടെ​ത്തി
Monday, July 29, 2024 2:58 AM IST
റാ​ന്നി: നാ​ടി​നെ മു​ൾ​മു​ന​യി​ൽ നി​ർ​ത്തി​യ പെ​ൺ​കു​ട്ടി​യെ ഒ​ടു​വി​ൽ ക​ണ്ടെ​ത്തി. റാ​ന്നി പോ​ലീ​സ് സ്റ്റേ​ഷ​ൻ പ​രി​ധി​യി​ൽ​നി​ന്നാ​ണ് പ്രാ​യ​പൂ​ർ​ത്തി​യാ​ക​ത്ത കു​ട്ടി​യ കാ​ണാ​താ​യ​ത് . പോ​ലീ​സും നാ​ട്ടു​കാ​രും ചേ​ർ​ന്ന് ന​ട​ത്തി​യ തെ​രി​ച്ചി​ലി​നൊ​ടു​വി​ലാ​ണ് കു​ട്ടി​യെ ക​ണ്ടെ​ത്തി​യ​ത്. കു​ട്ടി സു​ര​ക്ഷി​ത​യാ​ണെ​ന്ന് പോ​ലീ​സ് അ​റി​യി​ച്ചു.

ഇ​ന്ന​ലെ രാ​വി​ലെ ഒ​ന്പ​തോ​ടെ​യാ​ണ് കു​ട്ടി​യെ കാ​ണാ​താ​യ​ത്. ഈ ​സ​മ​യ​ത്ത് വീ​ട്ടി​ൽ മു​ത്ത​ശി മാ​ത്ര​മാ​ണ് ഉ​ണ്ടാ​യി​രു​ന്ന​ത്. മാ​താ​പി​താ​ക്ക​ൾ സ്ഥ​ല​ത്തു​ണ്ടാ​യി​രു​ന്നി​ല്ല. ഭ​ക്ഷ​ണം കൊ​ടു​ത്ത ശേ​ഷം അ​ടു​ക്ക​ള​യി​ൽ പോ​യ മു​ത്ത​ശി തി​രി​കെ വ​ന്ന​പ്പോ​ൾ കു​ട്ടി​യെ കാ​ണാ​നി​ല്ലാ​യി​രു​ന്നു. വി​വ​രം ഉ​ട​ൻ​ത​ന്നെ പോ​ലീ​സി​ൽ അ​റി​യി​ച്ചു.

പോ​ലീ​സ് സം​വി​ധാ​ന​ങ്ങ​ൾ ഉ​ട​ൻ​ത​ന്നെ ജാ​ഗ​രൂ​ക​രാ​കു​ക​യും മാ​ധ്യ​മ​ങ്ങ​ളു​മാ​യി സ​ഹ​ക​രി​ച്ച് ന​ട​ത്തി​യ ച​ടു​ല നീ​ക്ക​വു​മാ​ണ് കു​ട്ടി​യെ ഒ​രു മ​ണി​ക്കൂ​റി​നു​ള്ളി​ല്‍ ക​ണ്ടെ​ത്താന്‌ സഹായിച്ചത്. പോ​ലീ​സ് ആ​ദ്യം ന​ട​ത്തി​യ അ​ന്വേ​ഷ​ണ​ത്തി​ൽ കു​ട്ടി​യെ​ക്കു​റി​ച്ച് ഒ​രു വി​വ​ര​വും ല​ഭി​ക്കാ​തെ വ​ന്ന​തോ​ടെ മാ​ധ്യ​മ​ങ്ങ​ളെ അ​റി​യി​ക്കു​ക​യാ​യി​രു​ന്നു. ചാ​ന​ലു​ക​ളി​ലും ന​വ​മാ​ധ്യ​മ​ങ്ങ​ളി​ലും സ​ന്ദേ​ശം പ​ര​ന്ന​തോ​ടെ നാ​ട്ടു​കാ​രും അ​ന്വേ​ഷ​ണ​ത്തി​ൽ പ​ങ്കാ​ളി​ക​ളാ​യി.

വ​ഴ​ക്കു പ​റ​ഞ്ഞ​തി​ന് മു​ത്ത​ശി​യു​മാ​യി പി​ണ​ങ്ങി ചി​റ​യ്ക്ക​പ്പ​ടി​യി​ലു​ള്ള ബ​ന്ധു​വീ​ട്ടി​ലേ​ക്കു റോ​ഡി​ലൂ​ടെ ന​ട​ന്നു​പോ​കു​ക​യാ​യി​രു​ന്ന കു​ട്ടി​യെ സം​ശ​യം തോ​ന്നി​യ നാ​ട്ടു​കാ​ര്‍ ത​ട​ഞ്ഞു​വ​യ്ക്കു​ക​യാ​യി​രു​ന്നു.

പി​ന്നാ​ലെ പോ​ലീ​സി​ല്‍ അ​റി​യി​ക്കു​ക​യും അ​വ​രെ​ത്തി 11.30 യോ​ടെ കു​ട്ടി​യെ സ്റ്റേ​ഷ​നി​ലേ​ക്ക് കൂ​ട്ടിക്കൊണ്ടു പോ​കുക​യു​മാ​യി​രു​ന്നു. ന​വ​മാ​ധ്യ​മ​ങ്ങ​ളി​ല്‍ ചി​ത്ര​വും വി​വ​ര​വും പ്ര​ച​രി​ച്ച​താ​ണ് കു​ട്ടി​യെ പെ​ട്ടെന്നു ത​ന്നെ ക​ണ്ടെ​ത്താ​ന്‍ ക​ഴി​ഞ്ഞ​ത്.
Copyright @ 2018 , Rashtra Deepika Ltd.