നഗരമധ്യത്തിൽ വെടിവയ്പ്പ്; ഞെട്ടൽ മാറാതെ കുടുംബം
Monday, July 29, 2024 6:40 AM IST
തി​രു​വ​ന​ന്ത​പു​രം: അ​വ​ധി ദി​ന​മാ​യ ഇ​ന്ന​ലെ രാ​വി​ലെ ത​ല​സ്ഥാ​ന ന​ഗ​രം ഞെ​ട്ടി​യ​ത് എ​യ​ര്‍ പി​സ്റ്റ​ളു​മാ​യെ​ത്തി​യ സ്ത്രീ ​മ​റ്റൊ​രു സ് ത്രീ​യു​ടെ വീ​ട്ടി​ലെ​ത്തി വെ​ടി​യു​തി​ര്‍​ത്ത സം​ഭ​വം കേ​ട്ടു കൊ​ണ്ടാ​ണ്. ന​ഗ​ര​മ​ധ്യ​ത്തി​ലെ വ​ഞ്ചി​യൂ​രി​ലെ വീ​ട്ടി​ലെ​ത്തി​യ സ്ത്രീ​യാ​ണ് വീ​ട്ട​മ്മ​യാ​യ സ്ത്രീ​യ്ക്കു നേ​ര്‍​ക്കു വെ​ടി​യു​തി​ര്‍​ത്ത​ത്.

വ​ഞ്ചി​യൂ​രി​ലെ വി.​എ​സ്. ഷി​നി (40)യു​ടെ വ​ല​തു കൈ​പ്പ​ത്തി​യി​ലാ​ണ് വെ​ടി​യേ​റ്റ​ത്. സ്വ​കാ​ര്യ ആ​ശു​പ​ത്രി​യി​ല്‍ പ്ര​വേ​ശി​പ്പി​ച്ച ഷി​നി​യു​ടെ ഉ​ള്ളം​കൈ​യി​ല്‍ ത​റ​ച്ച പെ​ല്ല​റ്റ് ശ​സ്ത്ര​ക്രി​യ ന​ട​ത്തി പു​റ​ത്തെ​ടു​ത്തു.

രാ​വി​ലെ പ​ത്രം വാ​യി​ച്ചു​കൊ​ണ്ടി​രി​ക്കെ കോ​ളിം​ഗ് ബെ​ല്ല​ടി​ച്ച്, കൊ​റി​യ​ര്‍ ന​ല്‍​കാ​നെ​ത്തി​യ സ്ത്രീ ​മ​രു​മ​ക​ള്‍​ക്ക് നേ​രെ വെ​ടി​യു​തി​ര്‍​ത്ത​തി​ന്‍റെ ഞെ​ട്ട​ലി​ല്‍നി​ന്ന് വ​ഞ്ചി​യൂ​ര്‍ ചെ​മ്പ​ക​ശേ​രി പെ​രു​ന്താ​ന്നി പോ​സ്റ്റ് ഓ​ഫീ​സ് ലെയിൻ പ​ങ്ക​ജി​ല്‍ കെ.​ ഭാ​സ്‌​ക​ര​ന്‍ നാ​യ​ര്‍ ഇനിയും മോ​ചി​ത​നാ​യി​ട്ടി​ല്ല. അ​പ്ര​തീ​ക്ഷി​ത ആ​ക്ര​മ​ണ​മാ​ണ് ന​ട​ന്ന​തെ​ന്നാ​ണ് ഇ​വ​ര്‍ പ​റ​യു​ന്ന​ത്.

വെ​ടി​യു​തി​ര്‍​ത്തശേ​ഷം പു​റ​ത്തേ​ക്ക് ഓ​ടി​യ അ​ക്ര​മി​യാ​യ സ്ത്രീ​യു​ടെ പി​ന്നാ​ലെ പോ​കാ​ന്‍ ഭാ​സ്‌​ക്ക​ര​ന്‍ നാ​യ​ര്‍ ശ്ര​മി​ച്ചെ​ങ്കി​ലും അ​ടു​ത്ത വെ​ടി ത​നി​ക്ക് നേ​രെ​യു​ണ്ടാ​കു​മെ​ന്നു ഭ​യ​ന്നു ഭാ​ര്യ​യും കു​ട്ടി​ക​ളും ത​ന്നെ ചേ​ര്‍​ത്തു​പി​ടി​ച്ച് നി​ല​വി​ളി​ച്ചെ​ന്ന് അ​ദ്ദേ​ഹം പ​റ​ഞ്ഞു.സം​ഭ​വ​ത്തെ​ക്കു​റി​ച്ചു റി​ട്ട​യേ​ര്‍​ഡ് മി​ലി​ട്ട​റി എ​ന്‍​ജി​നി​യ​റിം​ഗ് ഉ​ദ്യോ​ഗ​സ്ഥ​നാ​യ ഭാ​സ്‌​ക​ര​ന്‍ നാ​യ​ര്‍ പ​റ​യു​ന്ന​തിങ്ങനെ.കോ​ളിം​ഗ് ബെ​ല്ലു കേ​ട്ടു വാ​തി​ല്‍ തു​റ​ന്ന​പ്പോ​ള്‍ മു​ഖം ത​ല​യു​ള്‍​പ്പെ​ടെ മ​റ​ച്ച സ്ത്രീ​യാ​യി​രു​ന്നു, ഷി​നി ഇ​വി​ടെ​യാ​ണോ താ​മ​സി​ക്കു​ന്ന​തെ​ന്നു ചോ​ദി​ച്ചു.

എ​ന്താ കാ​ര്യ​മെ​ന്നു ചോ​ദി​ച്ചപ്പോൾ ഒ​രു ര​ജി​സ്റ്റേ ർഡ് കൊ​റി​യ​ല്‍ ഉ​ണ്ടെ​ന്നു വ​ന്ന സ്ത്രീ ​പ​റ​ഞ്ഞു. ഷി​നി​ക്ക് പ​ല​പ്പോ​ഴും കൊ​റി​യ​ര്‍ വ​രാ​റു​ണ്ട്, എ​ന്നാ​ല്‍ ഷി​നി​ക്കേ കൊ​ടു​ക്കൂ​വെ​ന്ന് ആ​രും നി​ര്‍​ബ​ന്ധം പ​റ​ഞ്ഞി​ട്ടി​ല്ല. ഷി​നി​യെ വി​ളി​ക്കാ​ന്‍ പ​റ​ഞ്ഞു. വി​ളി​ച്ചു. പേ​ന മ​റ​ന്നു പോ​യി, പേ​ന​കൂ​ടി എ​ടു​ക്കാ​ന്‍ പ​റ​യ​ണേ എ​ന്ന് വ​ന്ന സ്ത്രീ ​പ​റ​ഞ്ഞു.

ഷി​നി​യോ​ട് പേ​ന​കൂ​ടി എ​ടു​ക്കാ​ന്‍ പ​റ​ഞ്ഞു. പേ​ന​യെ​ടു​ത്ത് ഷി​നി വ​ന്നു. കൊ​റി​യ​റു​മാ​യി വ​ന്ന സ്ത്രീ ​വ​ലി​യ ഷീ​റ്റ് പേ​പ്പ​റും വ​ലി​യ ക​വ​റും എ​ടു​ത്തു. ക​വ​ര്‍ മു​ന്നോ​ട്ടു നീ​ട്ടി. ഒ​പ്പി​ടാ​ന്‍ ഷി​നി ഒ​രു​ങ്ങി​യ​തും വെ​ടി​വ​ച്ചു. ഷി​നി കൈ ​കൊ​ണ്ട് ത​ട​ഞ്ഞു. ഉ​ള്ളം ക​യ്യി​ല്‍ വെ​ടി​കൊ​ണ്ടു. പി​ന്നീ​ട് ത​റ​യി​ല്‍ ര​ണ്ടു ത​വ​ണ വെ​ടി​വ​ച്ചു. അ​ത്യാ​വ​ശ്യം ഉ​യ​ര​മു​ണ്ട്.

ആ​രോ​ഗ്യ​മു​ള്ള സ്ത്രീ​യാ​ണ്. ബെ​ല്ല​ടി​ച്ച​പ്പോ​ഴാ​ണ് വാ​തി​ല്‍ തു​റ​ന്ന​ത് വാ​ഹ​ന​ത്തി​ന്‍റെ ശ​ബ്ദ​മൊ​ന്നും കേ​ട്ടി​ല്ല. സം​ഭ​വ ശേ​ഷം പു​റ​ത്തേ​ക്ക് ഓ​ടി​യ സ്ത്രീ​യു​ടെ പി​ന്നാ​ലെ പോ​കാ​ന്‍ തു​നി​ഞ്ഞെ​ങ്കി​ലും ത​നി​ക്ക് നേ​രെ വെ​ടി​വ​യ്ക്കു​മെ​ന്ന് ഭ​യ​ന്നു ഭാ​ര്യ​യും കു​ട്ടി​ക​ളും പി​ടി​ച്ചു. ഇ​വ​രു​ടെ നി​ല​വി​ളി കേ​ട്ട് അ​യ​ല്‍​വാ​സി​ക​ള്‍ ഓ​ടി​യെ​ത്തി​യ​പ്പോ​ഴേ​യ്ക്കും ഇ​വ​ര്‍ ക​ട​ന്നി​രു​ന്നു.

കാ​റി​ലാ​യി​രു​ന്നു അ​ക്ര​മി​യാ​യ സ്ത്രീ ​ക​ട​ന്ന​ത്. ത​നി​യ്ക്ക് ശ​ത്രു​ക്ക​ളാ​രും ഇ​ല്ലെ​ന്നാ​ണ് ആ​ശു​പ​ത്രി​യി​ല്‍ ചി​കി​ത്സ​യി​ലു​ള്ള ഷി​നി പോ​ലീ​സി​നു ന​ല്‍​കി​യ മൊ​ഴി. തി​രു​വ​ന​ന്ത​പു​രം എ​ന്‍​എ​ച്ച് എ​മ്മി​ലെ പി​ആ​ര്‍​ഒ​യാ​ണ് ഷി​നി. ഭ​ര്‍​ത്താ​വി​നു മാ​ലി​ദ്വീ​പി​ലാ​ണ് ജോ​ലി.
Copyright @ 2018 , Rashtra Deepika Ltd.