തിരുവനന്തപുരം: പേരൂർക്കട അന്പലമുക്ക് ജംഗ്ഷനു സമീപം ചോർച്ച കണ്ടെത്തിയതിനെത്തുടർന്ന് അറ്റകുറ്റപ്പണികൾ നടത്തുന്നതിനായി നാളെ രാത്രി പത്തുമുതൽ 30 ന് വൈകുന്നേരം ആറുവരെ പേരൂർക്കട, ഉൗളംപാറ, കുടപ്പന്നക്കുന്ന്, അന്പലമുക്ക്, മുട്ടട, പരുത്തിപ്പാറ, കേശവദാസപുരം, നാലാഞ്ചിറ,
ഉള്ളൂർ ജവഹർ നഗർ, വെള്ളയന്പലം, കവടിയാർ, കുറവൻകോണം, നന്തൻകോട്, പട്ടം, പ്ലാമൂട്, മുറിഞ്ഞപാലം, ഗൗരീശപട്ടം, മെഡിക്കൽ കോളജ്, കുമാരപുരം എന്നീ പ്രദേശങ്ങളിൽ ശുദ്ധജലവിതരണം തടസപ്പെടും. ആവശ്യമായ മുൻകരുതലുകൾ സ്വീകരിക്കണമെന്ന് വാട്ടർ അതോറിറ്റി നോർത്ത് ഡിവിഷൻ എക്സിക്യൂട്ടീവ് എഞ്ചിനീയർ അറിയിച്ചു.