Play Audio

അ​സ്ഥാ​ന​ത്തെ ആ​ലി​നു പി​ന്നി​ൽ ഒ​ളി​ക്കു​ന്ന​വ​രോ​ട്
Saturday, January 25, 2025 12:00 AM IST
ഇ​​​​​​​വി​​​​​​​ടെ മ​​​​​​​നു​​​​​​​ഷ്യ​​​​​​​ർ​​​​​​​ക്ക് ജോ​​​​​​​ലി ചെ​​​​​​​യ്ത്, കൃ​​​​​​​ഷി ചെ​​​​​​​യ്ത് അ​​​​​​​ന്ത​​​​​​​സോ​​​​​​​ടെ ജീ​​​​​​​വി​​​​​​​ക്ക​​​​​​​ണം. അ​​​​​​​ന്ത​​​​​​​സോ​​​​​​​ടെ മ​​​​​​​രി​​​​​​​ക്കു​​​​​​​ക​​​​​​​യും വേ​​​​​​​ണം. അ​​​​​​​ല്ലാ​​​​​​​തെ ക​​​​​​​ടു​​​​​​​വ​​​​​​​യും പു​​​​​​​ലി​​​​​​​യും ക​​​​​​​ടി​​​​​​​ച്ചു​​​​​​​വ​​​​​​​ലി​​​​​​​ച്ചും ആ​​​​​​​ന​​​​​​​യു​​​​​​​ടെ ച​​​​​​​വി​​​​​​​ട്ടേ​​​​​​​റ്റു ശ​​​​​​​രീ​​​​​​​രം ച​​​​​​​ത​​​​​​​ഞ്ഞ​​​​​​​ര​​​​​​​ഞ്ഞും മ​​​​​​​രി​​​​​​​ക്കേ​​​​​​​ണ്ട​​​​​​​വ​​​​​​​ര​​​​​​​ല്ല ആ​​​​​​​രും. കാ​​​​​​​ട്ടു​​​​​​​പ​​​​​​​ന്നി കു​​​​​​​ത്തി​​​​​​​മ​​​​​​​റി​​​​​​​ച്ചി​​​​​​​ട്ട് പി​​​​​​​ട​​​​​​​യേ​​​​​​​ണ്ട​​​​​​​വ​​​​​​​രു​​​​​​മ​​​​​​ല്ല.

കാ​ടി​റ​ങ്ങു​ന്ന വ​ന്യ​ജീ​വി​ക​ൾ​ക്കും നാ​ണം​കെ​ട്ട ഭ​ര​ണ​കൂ​ട​ത്തി​നു​മി​ട​യി​ൽ ആ​ർ​ത്ത​നാ​ദം​പോ​ലെ പാ​യു​ക​യാ​ണു കേ​ര​ള​ത്തി​ലെ ന​ര​ജീ​വി​തം. വീ​ണ്ടു​മൊ​രു മ​നു​ഷ്യ​ജീ​വ​നി​താ ദാ​രു​ണ​മാ​യി പി​ട​ഞ്ഞു​തീ​ർ​ന്നി​രി​ക്കു​ന്നു.

വ​യ​നാ​ട് മാ​ന​ന്ത​വാ​ടി താ​ലൂ​ക്കി​ൽ പ​ഞ്ചാ​ര​ക്കൊ​ല്ലി​യി​ലെ താ​ത്കാ​ലി​ക വ​നം വാ​ച്ച​ർ അ​ച്ച​പ്പ​ന്‍റെ ഭാ​ര്യ താ​റാ​ട്ട് ഉ​ന്ന​തി​യി​ലെ രാ​ധ (45)യെ​യാ​ണ് ഇ​ന്ന​ലെ രാ​വി​ലെ പ​തി​നൊ​ന്നോ​ടെ ക​ടു​വ ആ​ക്ര​മി​ച്ചു കൊ​ന്നു​തി​ന്ന​ത്. പ്രി​യ​ദ​ർ​ശി​നി എ​സ്റ്റേ​റ്റി​നു സ​മീ​പം വ​ന​ത്തോ​ടു ചേ​ർ​ന്ന സ്വ​കാ​ര്യ കൃ​ഷി​യി​ട​ത്തി​ൽ കാ​പ്പി​ക്കു​രു പ​റി​ക്കു​ന്ന​തി​നി​ടെ​യാ​ണ് ആ​ക്ര​മ​ണ​മു​ണ്ടാ​യ​ത്. രാ​ധ​യെ ക​ടു​വ വ​ന​ത്തി​ലേ​ക്കു വ​ലി​ച്ചി​ഴ​യ്ക്കു​ക​യും ശ​രീ​ര​ഭാ​ഗ​ങ്ങ​ൾ ഭ​ക്ഷി​ക്കു​ക​യും ചെ​യ്തു. വ​ന​ത്തി​ൽ പ​ട്രോ​ളിം​ഗ് ന​ട​ത്തു​ക​യാ​യി​രു​ന്ന ത​ണ്ട​ർ ബോ​ൾ​ട്ട് സം​ഘ​മാ​ണ് രാ​ധ​യു​ടെ മൃ​ത​ദേ​ഹം ക​ണ്ടെ​ത്തി​യ​ത്. ഇ​ന്ത്യ​യു​ടെ വ​നി​താ ക്രി​ക്ക​റ്റ് താ​രം മി​ന്നു​മ​ണി​യു​ടെ അ​മ്മാ​വ​ന്‍റെ ഭാ​ര്യ​യാ​ണ് മ​രി​ച്ച രാ​ധ.

ന​ര​ഭോ​ജി​ക്ക​ടു​വ​യെ വെ​ടി​വ​ച്ചു​കൊ​ല്ലാ​ൻ ഉ​ത്ത​ര​വി​ട്ടി​ട്ടു​ണ്ട്. മ​രി​ച്ച സ്ത്രീ​യു​ടെ കു​ടും​ബ​ത്തി​ന് ന​ഷ്ട​പ​രി​ഹാ​ര​മാ​യി 11 ല​ക്ഷം രൂ​പ സ​ർ​ക്കാ​ർ പ്ര​ഖ്യാ​പി​ച്ചു. ക​ടു​വ​യെ പി​ടി​കൂ​ടാ​ൻ പ​തി​വു​പോ​ലെ കൂ​ടു​മൊ​രു​ങ്ങി. വ​നം​വ​കു​പ്പി​ന്‍റെ ദ്രു​ത​ക​ർ​മ​സേ​ന ക​ടു​വ​യെ​ത്തേ​ടി പ​ര​ക്കം​പാ​ച്ചി​ലി​ലാ​ണ്. ഇ​ത്ര​യു​മാ​ണ് ന​ടു​ക്കു​ന്ന സം​ഭ​വ​വു​മാ​യി ബ​ന്ധ​പ്പെ​ട്ട വ​സ്തു​ത​ക​ൾ. അ​സ്ഥാ​ന​ത്ത് ആ​ലു മു​ള​ച്ചാ​ൽ അ​തും വെ​ട്ടി വി​റ്റു കാ​ശാ​ക്കാ​മെ​ന്നു ക​രു​തി കു​ലു​ങ്ങി​ച്ചി​രി​ച്ചു നാ​ടു വാ​ഴു​ന്ന ഏ​മാ​ന്മാ​രോ​ടാ​ണ് ഇ​നി പ​റ​യാ​നു​ള്ള​ത്. പു​തി​യ കാ​ര്യ​ങ്ങ​ളൊ​ന്നു​മ​ല്ല. സ​ങ്ക​ട​വും രോ​ഷ​വും തി​ങ്ങി​നി​റ​ഞ്ഞ് ഗ​ദ്ഗ​ദ​ക​ണ്ഠ​രാ​യി എ​ത്ര​യോ പേ​ർ കൈ​കൂ​പ്പി പ​റ​ഞ്ഞ കാ​ര്യ​ങ്ങ​ൾ​ത​ന്നെ.

പ​ക്ഷേ, പ​റ​യാ​തെ വ​യ്യ. ഇ​വി​ടെ മ​നു​ഷ്യ​ർ​ക്ക് ജോ​ലി ചെ​യ്ത്, കൃ​ഷി ചെ​യ്ത് അ​ന്ത​സോ​ടെ ജീ​വി​ക്ക​ണം. അ​ന്ത​സോ​ടെ മ​രി​ക്കു​ക​യും വേ​ണം. അ​ല്ലാ​തെ ക​ടു​വ​യും പു​ലി​യും ക​ടി​ച്ചു​വ​ലി​ച്ചും ആ​ന​യു​ടെ ച​വി​ട്ടേ​റ്റു ശ​രീ​രം ച​ത​ഞ്ഞ​ര​ഞ്ഞും മ​രി​ക്കേ​ണ്ട​വ​ര​ല്ല ആ​രും. കാ​ട്ടു​പ​ന്നി കു​ത്തി​മ​റി​ച്ചി​ട്ട് പി​ട​യേ​ണ്ട​വ​രു​മ​ല്ല.

ഇ​ക്കാ​ര്യം ഉ​റ​പ്പു​വ​രു​ത്തേ​ണ്ട ഒ​രു ഭ​ര​ണ​കൂ​ടം ഇ​വി​ടെ​യു​ണ്ട്. മു​ഖ്യ​മ​ന്ത്രി​യു​ണ്ട്. മ​ന്ത്രി​സ​ഭ​യു​ണ്ട്. അ​തി​ലൊ​രു വ​നം​മ​ന്ത്രി​യു​ണ്ട്. അ​ദ്ദേ​ഹ​ത്തി​നു കീ​ഴി​ൽ വ​നം​വ​കു​പ്പു​ണ്ട്. അ​തു​ക്കും​മേ​ലെ കേ​ന്ദ്ര​ഭ​ര​ണ​മു​ണ്ട്. കേ​ന്ദ്ര​നി​യ​മ​ങ്ങ​ളു​ണ്ട്. അ​വി​ടെ​യും മ​ന്ത്രി​മാ​രും ഉ​ദ്യോ​ഗ​സ്ഥ​രു​മു​ണ്ട്. മ​രി​ച്ചു​വീ​ഴു​ന്ന മ​നു​ഷ്യ​രു​ടെ നി​ല​വി​ളി ഇ​വ​രെ​യാ​രെ​യും അ​സ്വ​സ്ഥ​രാ​ക്കു​ന്നി​ല്ല. അ​വ​രു​ടെ​യെ​ല്ലാം മ​ണി​മ​ന്ദി​ര​ങ്ങ​ൾ​ക്കു ചു​റ്റും ശ​ക്ത​മാ​യ ബ​ന്ത​വ​സു​ണ്ട്. ക​ടു​വ​യും ആ​ന​യും പോ​യി​ട്ട് ഈ​ച്ച പോ​ലും ക​ട​ക്കി​ല്ല. പി​ന്നെ​യ​വ​രെ​ന്തി​നു വേ​വ​ലാ​തി​പ്പെ​ട​ണം?

ഇ​ന്ന​യി​ന്ന വ​ർ​ഷ​ങ്ങ​ളി​ൽ ഇ​ത്ര​യി​ത്ര പേ​ർ വ​ന്യ​മൃ​ഗ​ങ്ങ​ളു​ടെ ആ​ക്ര​മ​ണ​ങ്ങ​ളി​ൽ മ​രി​ച്ചെ​ന്നും ഇ​ത്ര പേ​ർ​ക്കു പ​രി​ക്കേ​റ്റെ​ന്നും ഇ​ത്ര ഏ​ക്ക​ർ കൃ​ഷി​യി​ടം ന​ശി​ച്ചെ​ന്നു​മൊ​ക്കെ​യു​ള്ള ക​ണ​ക്കു​ക​ളു​ണ്ട്. ദീ​പി​ക​യും മ​റ്റു​ള്ള​വ​രു​മെ​ല്ലാം പ​ല​വ​ട്ടം പ​റ​ഞ്ഞു​ക​ഴി​ഞ്ഞ​താ​ണ്. എ​ത്ര ക​ണ​ക്കു​ക​ൾ വേ​ണ​മെ​ങ്കി​ലും ഇ​നി​യും നി​ര​ത്താം. എ​ത്ര നി​ല​വി​ളി​ക​ൾ വേ​ണ​മെ​ങ്കി​ലും പെ​റു​ക്കി​ക്കൂ​ട്ടി ഭ​ര​ണാ​ധി​കാ​രി​ക​ൾ​ക്കു മു​ന്നി​ൽ ചൊ​രി​യാം. അ​തു​കൊ​ണ്ടെ​ന്തു കാ​ര്യം? ക​ഴി​ഞ്ഞ​ദി​വ​സം വ​നം​മ​ന്ത്രി നി​യ​മ​സ​ഭ​യി​ൽ പ​റ​ഞ്ഞ​തു ന​മ്മ​ളെ​ല്ലാം കേ​ട്ട​താ​ണ്.

വ​ന്യ​മൃ​ഗ​ങ്ങ​ൾ മ​നു​ഷ്യ​രെ ആ​ക്ര​മി​ക്കു​ന്ന കാ​ര്യം പ​റ​യു​ന്പോ​ൾ, ആ ​സ്വ​ര​ത്തി​ലെ പു​ച്ഛ​വും പ​രി​ഹാ​സ​വും ന​മ്മ​ളെ പൊ​ള്ളി​ച്ച​താ​ണ്. വ​ന്യ​മൃ​ഗ ആ​ക്ര​മ​ണ​ങ്ങ​ൾ സ​ർ​ക്കാ​ർ കു​റ​ച്ചു​കൊ​ണ്ടു​വ​ന്നു എ​ന്ന അ​വ​കാ​ശ​വാ​ദം കേ​ട്ടു ക​ര​യ​ണോ ചി​രി​ക്ക​ണോ എ​ന്ന​റി​യാ​തെ വ​ശം​കെ​ട്ട​താ​ണ്. വ​ന​ത്തി​നു​ള്ളി​ൽ ക​യ​റി കാ​ട്ടു​മൃ​ഗ​ങ്ങ​ളെ ഇ​ള​ക്കി​വി​ടു​ന്ന അ​രാ​ഷ്‌​ട്രീ​യ സം​ഘ​ട​ന​ക​ളെ​ക്കു​റി​ച്ചു​ള്ള "അ​റി​വി​ന്‍റെ ആ​ഴം’ ക​ണ്ട് അ​ന്തം​വി​ട്ട​താ​ണ്.

ഇ​തൊ​ക്കെ എ​ഴു​ന്ന​ള്ളി​ക്കാ​ൻ മ​ന്ത്രി​ക്കു നാ​ണ​മി​ല്ലെ​ങ്കി​ലും, കേ​ൾ​ക്കു​ന്ന ജ​ന​ത്തി​ന്, ഇ​ര​ക​ളാ​യ പാ​വം മ​നു​ഷ്യ​ർ​ക്ക്, ക​ർ​ഷ​ക​ർ​ക്ക്, ആ​ദി​വാ​സി​ക​ൾ​ക്ക് നാ​ണ​മു​ണ്ട്. കാ​ര​ണം, അ​വ​ർ പ​ണി​യെ​ടു​ത്ത് അ​ന്ത​സോ​ടെ ജീ​വി​ക്കാ​ൻ ശീ​ലി​ച്ച​വ​രാ​ണ്. അ​ന്ത​സി​ല്ലാ​ത്ത ന്യാ​യീ​ക​ര​ണ​ങ്ങ​ളി​ലൂ​ടെ ത​രം​താ​ഴ്ന്ന രാ​ഷ്‌​ട്രീ​യ​ക്ക​ളി​ക്കൊ​ന്നും അ​വ​ർ​ക്കു നേ​ര​മി​ല്ല. കാ​ര്യ​ങ്ങ​ൾ പ​ഠി​ക്കാ​ൻ മു​ട്ടി​നു മു​ട്ടി​നു വി​ദേ​ശ​ത്തേ​ക്കു പ​റ​ക്കു​ന്ന​വ​ർ ഇ​ക്കാ​ര്യ​ത്തി​ൽ വി​ദേ​ശ​രാ​ജ്യ​ങ്ങ​ളി​ൽ എ​ന്താ​ണു ന​ട​ക്കു​ന്ന​തെ​ന്ന​റി​യാ​ൻ മെ​ന​ക്കെ​ടാ​റി​ല്ല. വി​വ​ര​മു​ള്ള​വ​ർ പ​റ​യു​ന്ന​തു ചെ​വി​ക്കൊ​ള്ളാ​റു​മി​ല്ല.

പെ​റ്റു​പെ​രു​കി കാ​ടു തി​ക​യാ​തെ നാ​ട്ടി​ലി​റ​ങ്ങു​ന്ന മൃ​ഗ​ങ്ങ​ളെ വേ​ട്ട​യാ​ടാ​നും തി​ന്നാ​നും അ​വി​ടെ ജ​ന​ങ്ങ​ൾ​ക്കു അ​ധി​കാ​രം ന​ല്കും. അ​ങ്ങ​നെ​യാ​ണു മൃ​ഗ​ബാ​ഹു​ല്യം നി​യ​ന്ത്രി​ക്കു​ന്ന​ത്. പ്ര​കൃ​തി​യു​ടെ സ​ന്തു​ല​നം നി​ല​നി​ർ​ത്തു​ന്ന​ത്. ഇ​ന്ത്യ​യി​ലാ​ക​ട്ടെ 1971ൽ ​പാ​സാ​ക്കി​യ പ​ഴ​ഞ്ച​ൻ വ​ന​നി​യ​മ​ത്തെ കെ​ട്ടി​പ്പി​ടി​ച്ചു​കൊ​ണ്ടി​രി​ക്കു​ന്നു. ക​ടു​വ നൂ​റു പേ​രെ കൊ​ന്നാ​ലും ക​ടു​വ​യെ കൊ​ല്ലാ​ൻ നോ​ക്കു​ന്പോ​ൾ നൂ​റു മ​ർ​മ​ങ്ങ​ളാ​ണ്. ഒ​ന്നി​ലും തൊ​ടാ​ൻ വ​യ്യ.

എ​ല്ലാ നി​യ​മ​ങ്ങ​ളും കാ​ലാ​നു​സൃ​തം പ​രി​ഷ്ക​രി​ക്കേ​ണ്ട​താ​ണെ​ന്ന പ്രാ​ഥ​മി​ക​വി​വ​രം പോ​ലു​മി​ല്ലാ​ത്ത ഭ​ര​ണാ​ധി​കാ​രി​ക​ളെ സ​ഹി​ക്കേ​ണ്ട ഗ​തി​കേ​ടി​ലാ​ണ് നാം. ​സ്വ​ന്തം ആ​നു​കൂ​ല്യ​ങ്ങ​ൾ ഉ​യ​ർ​ത്താ​ൻ മാ​ത്രം പ​രി​ഷ്കാ​ര​ങ്ങ​ൾ കൊ​ണ്ടു​വ​രു​ന്ന ജ​നാ​ധി​പ​ത്യം!

വ​ന​ത്തെ​യും വ​ന്യ​ജീ​വി​ക​ളെ​യും സം​ര​ക്ഷി​ക്കാ​നാ​ണ് വ​നം​വ​കു​പ്പ്. ശ​രി​ത​ന്നെ. എ​ന്നാ​ൽ, വ​ന​ത്തി​ലു​ള്ള മൃ​ഗ​ങ്ങ​ളു​ടെ എ​ണ്ണം നി​ജ​പ്പെ​ടു​ത്താ​നും അ​വ നാ​ട്ടി​ലി​റ​ങ്ങി ആ​ളു​ക​ളെ കൊ​ല്ലു​ന്നി​ല്ലെ​ന്നു​റ​പ്പു​വ​രു​ത്താ​നും അ​വ​ർ​ക്കു ബാ​ധ്യ​ത​യു​ണ്ട്. ക​ഷ്ട​പ്പെ​ട്ടു ചെ​യ്യു​ന്ന കൃ​ഷി ന​ശി​പ്പി​ക്കു​ന്ന കാ​ട്ടു​പ​ന്നി​യെ​യെ​ങ്ങാ​ൻ കൊ​ല്ലാ​നി​ട​യാ​യാ​ൽ വ​ൻ "ഓ​പ്പ​റേ​ഷ​നി’​ലൂ​ടെ അ​വ​രെ പി​ടി​കൂ​ടി ഞെ​ളി​ഞ്ഞു​നി​ന്നു ഫോ​ട്ടോ​യ്ക്കു പോ​സ് ചെ​യ്യു​ന്ന വ​നം​വ​കു​പ്പു​ദ്യോ​ഗ​സ്ഥ​രും അ​വ​രെ നി​ല​യ്ക്കു​നി​ർ​ത്താ​ന​റി​യാ​ത്ത മ​ന്ത്രി​യു​മു​ള്ള നാ​ട്ടി​ൽ ഇ​തൊ​ക്കെ ആ​രോ​ടു പ​റ​യാ​ൻ!

ആ​ന ച​വി​ട്ടി​ക്കൊ​ന്ന, ക​ടു​വ​യും പു​ലി​യും വ​ലി​ച്ചു​കീ​റി​യ മ​നു​ഷ്യ​രു​ടെ ഓ​രോ തു​ള്ളി ചോ​ര​യി​ൽ​നി​ന്നും പ്ര​തി​ഷേ​ധ​ത്തി​ന്‍റെ ഒ​രാ​യി​രം വാ​രി​ക്കു​ന്ത​ങ്ങ​ൾ ഉ​യ​ർ​ന്നെ​ന്നു​വ​രാം. ക​ഴി​ഞ്ഞ ഡി​സം​ബ​റി​ൽ കോ​ത​മം​ഗ​ലം കു​ട്ട​ന്പു​ഴ​യി​ൽ ആ​ന ച​വി​ട്ടി​ക്കൊ​ന്ന എ​ൽ​ദോ​സി​ന്‍റെ സ​ഞ്ചി​യി​ലു​ണ്ടാ​യി​രു​ന്ന ന​ക്ഷ​ത്രം ചു​ട്ടു​പ​ഴു​ത്തു പ​ല​രെ​യും പൊ​ള്ളി​ച്ചെ​ന്നു​വ​രാം. മാ​റ്റ​ത്തി​നു മാ​ത്ര​മാ​ണു മാ​റ്റ​മി​ല്ലാ​ത്ത​തെ​ന്നു പ​റ​ഞ്ഞ​താ​രെ​ന്നു കേ​ര​ള​ത്തി​ലെ ഭ​ര​ണ​ക്കാ​ർ മ​റ​ക്ക​രു​ത്.
Copyright @ 2018 , Rashtra Deepika Ltd.