Play Audio

റേ​ഷ​ൻ​ക​ട​യി​ൽ ഇ​താ​ണ​വ​സ്ഥ
Tuesday, January 14, 2025 12:00 AM IST
ലോ​റി​സ​മ​രം തു​ട​രു​ക​യാ​ണ്. കാ​ശു​ ത​ന്നി​ല്ലെ​ങ്കി​ൽ ത​ങ്ങ​ളു​മി​ല്ലെ​ന്ന് ഇ-​പോ​സ് ക​ന്പ​നി​യും അ​റി​യി​ച്ചു. 27 മു​ത​ൽ റേ​ഷ​ൻ വ്യാ​പാ​രി​ക​ളും സ​മ​ര​ത്തി​ലേ​ക്ക്. സ​ർ​ക്കാ​ർ ഇ​ട​പെ​ട്ടി​ല്ലെ​ങ്കി​ൽ പേ​രി​നു തു​റ​ന്നു​വ​ച്ചി​രി​ക്കു​ന്ന റേ​ഷ​ൻ ക​ട​ക​ൾ അ​ട​ച്ചു​പൂ​ട്ടേ​ണ്ടി​വ​രും.

ലോ​റി​സ​മ​ര​ത്തെ​ത്തു​ട​ർ​ന്ന് അ​രി​യും മ​റ്റി​ന​ങ്ങ​ളും എ​ത്താ​താ​യ​തോ​ടെ റേ​ഷ​ൻ​ക​ട​ക​ൾ കാ​ലി​യാ​യി​ത്തു​ട​ങ്ങി. സ​ബ്സി​ഡി​യു​ള്ള മു​ൻ​ഗ​ണ​നാ കാ​ർ​ഡു​ക​ൾ​ക്കു മാ​ത്ര​മാ​ണ് പ​ല​യി​ട​ത്തും അ​രി​പോ​ലും ല​ഭി​ക്കു​ന്ന​ത്. മ​റ്റു​ള്ള​വ​ർ പൊ​തു​വി​പ​ണി​യി​ൽ​നി​ന്നു കൂ​ടി​യ വി​ല​യ്ക്ക് അ​രി വാ​ങ്ങാ​ൻ നി​ർ​ബ​ന്ധി​ത​രാ​യി​രി​ക്കു​ക​യാ​ണ്.

റേ​ഷ​ൻ വ്യാ​പാ​രി​ക​ൾ 27 മു​ത​ൽ അ​നി​ശ്ചി​ത​കാ​ല സ​മ​ര​വും പ്ര​ഖ്യാ​പി​ച്ചി​ട്ടു​ണ്ട്. കോ​ടി​ക​ളു​ടെ കു​ടി​ശി​ക തീ​ർ​ക്കാ​ത്ത​തി​നാ​ലും ക​രാ​ർ പു​തു​ക്കാ​ത്ത​തി​നാ​ലും ഈ ​മാ​സം അ​വ​സാ​ന​ത്തോ​ടെ സേ​വ​നം അ​വ​സാ​നി​പ്പി​ക്കു​മെ​ന്ന് ഇ-​പോ​സ് യ​ന്ത്ര​ങ്ങ​ളു​ടെ ത​ക​രാ​റു​ക​ൾ പ​രി​ഹ​രി​ക്കു​ന്ന ക​ന്പ​നി​യും അ​റി​യി​ച്ചി​രി​ക്കു​ന്നു. സ​ർ​ക്കാ​ർ അ​ടി​യ​ന്ത​ര​മാ​യി ഇ​ട​പെ​ട്ടി​ല്ലെ​ങ്കി​ൽ ഇ​പ്പോ​ൾ പേ​രി​നു തു​റ​ന്നു​വ​ച്ചി​രി​ക്കു​ന്ന റേ​ഷ​ൻ​ക​ട​ക​ൾ അ​ട​ച്ചു​പൂ​ട്ടേ​ണ്ടി​വ​രും.

കോ​ടി​ക്ക​ണ​ക്കി​നു രൂ​പ​യു​ടെ കു​ടി​ശി​ക വി​ത​ര​ണം മു​ട​ങ്ങി​യ​തി​ൽ പ്ര​തി​ഷേ​ധി​ച്ചാ​ണ് എ​ഫ്സി​ഐ ഗോ​ഡൗ​ണി​ൽ​നി​ന്ന് സ​പ്ലൈ​കോ​യു​ടെ സം​ഭ​ര​ണ​ശാ​ല​യി​ലേ​ക്കും അ​വി​ടെ​നി​ന്ന് റേ​ഷ​ൻ​ക​ട​ക​ളി​ലേ​ക്കു​മു​ള്ള ഭ​ക്ഷ്യ​ധാ​ന്യ വി​ത​ര​ണം ക​രാ​റു​കാ​ർ നി​ർ​ത്തി​വ​ച്ച​ത്.

ക​രാ​റു​കാ​രു​ടെ സം​ഘ​ട​ന​യാ​യ കേ​ര​ള ട്രാ​ൻ സ്പോ​ർ​ട്ടിം​ഗ് കോ​ൺ​ട്രാ​ക്‌​ടേ​ഴ്‌​സ്‌ അ​സോ​സി​യേ​ഷ​നാ​ണ് ജ​നു​വ​രി ഒ​ന്നു​മു​ത​ൽ വി​ത​ര​ണ​ത്തി​ൽ​നി​ന്നു പി​ൻ​വാ​ങ്ങി​യ​ത്. സം​സ്ഥാ​ന​ത്ത്‌ 60 ക​രാ​റു​കാ​രാ​ണ് റേ​ഷ​ൻ വി​ത​ര​ണ​ത്തി​നു​ള്ള​ത്‌. ഓ​രോ താ​ലൂ​ക്കി​ലും ഏ​ക​ദേ​ശം 45 വാ​ഹ​ന​ങ്ങ​ളാ​ണ് ഓ​ടു​ന്ന​ത്.

ഒ​ക്ടോ​ബ​ർ മു​ത​ൽ ഡി​സം​ബ​ർ വ​രെ വാ​ഹ​ന​ങ്ങ​ൾ ഓ​ടി​ച്ച​തി​ന്‍റെ പ​ണ​മാ​ണ് ക​രാ​റു​കാ​ർ​ക്ക് പൂ​ർ​ണ​മാ​യും കൊ​ടു​ക്കാ​നു​ള്ള​ത്. സെ​പ്റ്റം​ബ​റി​ലേ​തും ഭാ​ഗി​ക​മാ​യി കു​ടി​ശി​ക​യാ​ണ്. ര​ണ്ടു വ​ർ​ഷ​ത്തി​നി​ടെ ക​രാ​റു​കാ​ർ ഇ​തേ ആ​വ​ശ്യ​ത്തി​നാ​യി നാ​ലാ​മ​ത്തെ സ​മ​ര​മാ​ണ് ന​ട​ത്തു​ന്ന​ത്. ലോ​റി​ത്തൊ​ഴി​ലാ​ളി​ക​ളും ഗോ​ഡൗ​ണു​ക​ളി​ലെ ക​യ​റ്റി​റ​ക്കു​കാ​രും സാ​ന്പ​ത്തി​ക പ്ര​തി​സ​ന്ധി​യി​ലാ​യി.

ഇ​തി​നു പു​റ​മെ​യാ​ണ് റേ​ഷ​ൻ വ്യാ​പാ​രി​ക​ളു​ടെ സ​മ​ര​പ്ര​ഖ്യാ​പ​നം. വ്യാ​പാ​രി​ക​ളു​ടെ നാ​ലു സം​ഘ​ട​ന​ക​ൾ ഉ​ൾ​പ്പെ​ടു​ന്ന റേ​ഷ​ൻ കോ-​ഓ​ർ​ഡി​നേ​ഷ​ൻ സം​യു​ക്ത സ​മി​തി​യാ​ണ് വേ​ത​ന പാ​ക്കേ​ജ് പ​രി​ഷ്ക​രി​ക്കു​ക, കേ​ന്ദ്ര​സ​ർ​ക്കാ​രി​ന്‍റെ ഡ​യ​റ​ക്ട് പേ​യ്മെ​ന്‍റ് സം​വി​ധാ​നം ഉ​പേ​ക്ഷി​ക്കു​ക തു​ട​ങ്ങി​യ ആ​വ​ശ്യ​ങ്ങ​ൾ ന​ട​പ്പാ​ക്കി​യി​ല്ലെ​ങ്കി​ൽ 27 മു​ത​ൽ അ​നി​ശ്ചി​ത​കാ​ല​ത്തേ​ക്ക് പ​ണി​മു​ട​ക്കു​മെ​ന്നു പ്ര​ഖ്യാ​പി​ച്ചി​രി​ക്കു​ന്ന​ത്.

അ​തു​പോ​ലെ, ഈ ​മാ​സം 31ന് ​സേ​വ​നം നി​ർ​ത്തു​മെ​ന്നാ​ണ് റേ​ഷ​ൻ​ക​ട​ക​ളി​ലെ ഇ-​പോ​സ് യ​ന്ത്ര​ങ്ങ​ളു​ടെ ക്ര​മീ​ക​ര​ണ​വും അ​റ്റ​കു​റ്റ​പ്പ​ണി​ക​ളും ന​ട​ത്തു​ന്ന ഹൈ​ദ​രാ​ബാ​ദ് ആ​സ്ഥാ​ന​മാ​യ ക​ന്പ​നി​യു​ടെ അ​റി​യി​പ്പ്. പ​ണം ല​ഭി​ക്കാ​ത്ത​തും ക​രാ​ർ പു​തു​ക്കാ​ത്ത​തു​മാ​ണ് അ​വ​രു​ടെ പ്ര​ശ്നം.

കേ​ന്ദ്ര​നി​ർ​ദേ​ശ​പ്ര​കാ​രം ഇ-​പോ​സ് സം​വി​ധാ​നം വ​ഴി മാ​ത്ര​മേ റേ​ഷ​ൻ വി​ത​ര​ണം പാ​ടു​ള്ളൂ എ​ന്ന നി​ബ​ന്ധ​ന​യു​ള്ള​തി​നാ​ൽ കു​ടി​ശി​ക കൊ​ടു​ത്തു തീ​ർ​ത്തി​ല്ലെ​ങ്കി​ൽ സം​സ്ഥാ​ന​ത്തെ 14,000ത്തി​ലേ​റെ റേ​ഷ​ൻ​ക​ട​ക​ൾ നി​ശ്ച​ല​മാ​കും. 2.75 കോ​ടി രൂ​പ കു​ടി​ശി​ക​യു​ണ്ടെ​ന്നാ​ണ് അ​റി​യു​ന്ന​ത്.

മ​റ്റു പ​ല ബി​ല്ലു​ക​ളു​ടെ​യും കാ​ര്യ​ത്തി​ലെ​ന്ന​പോ​ലെ സ​മ​രം ന​ട​ത്താ​തെ സ​ർ​ക്കാ​രി​ൽ​നി​ന്നു കി​ട്ടാ​നു​ള്ള​തു കി​ട്ടി​ല്ലെ​ന്ന​തു ന​ട​പ്പു​രീ​തി​യാ​യി. സ്കൂ​ളി​ലെ ഉ​ച്ച​ഭ​ക്ഷ​ണ പ​ദ്ധ​തി​യി​ലെ പ​ണം കി​ട്ടാ​ത്ത​തി​ന്‍റെ പേ​രി​ൽ അ​ധ്യാ​പ​ക​ർ അ​നു​ഭ​വി​ക്കു​ന്ന സാ​ന്പ​ത്തി​ക പ്ര​തി​സ​ന്ധി എ​ത്ര​യോ ത​വ​ണ കേ​ര​ളം ച​ർ​ച്ച ചെ​യ്തു.

വി​ശ​പ്പു​ര​ഹി​ത കേ​ര​ളം പ​ദ്ധ​തി​യു​ടെ ഭാ​ഗ​മാ​യി ഭ​ക്ഷ്യ-​പൊ​തു​വി​ത​ര​ണ വ​കു​പ്പ് തു​ട​ങ്ങി​യ സു​ഭി​ക്ഷ ഹോ​ട്ട​ലു​ക​ൾ​ക്കു കൊ​ടു​ക്കാ​നു​ള്ള പ​ണം കു​ടി​ശി​ക​യാ​യ​തോ​ടെ പ​ല​യി​ട​ത്തും പ്ര​വ​ർ​ത്ത​നം നി​ല​ച്ചു. നെ​ല്ലു സം​ഭ​രി​ച്ച​തി​ന്‍റെ പ​ണം ക​ർ​ഷ​ക​ർ​ക്കു കൊ​ടു​ത്തി​ട്ടി​ല്ല.

കൊ​ട്ടി​ഘോ​ഷി​ച്ച് തു​ട​ങ്ങു​ന്ന ജ​ന​കീ​യ പ​ദ്ധ​തി​ക​ളൊ​ന്നും മു​ന്നോ​ട്ടു കൊ​ണ്ടു​പോ​കാ​ൻ സ​ർ​ക്കാ​രി​നു ക​ഴി​യു​ന്നി​ല്ല. തു​ട​ങ്ങു​ന്ന​തി​ന്‍റെ കീ​ർ​ത്തി​യും പ്ര​ശ​സ്തി​യും ക​ഴി​ഞ്ഞാ​ൽ തി​രി​ഞ്ഞു​നോ​ക്കി​ല്ല. സ​പ്ലൈ​കോ മാ​വേ​ലി സൂ​പ്പ​ർ മാ​ർ​ക്ക​റ്റു​ക​ളെ​യും റേ​ഷ​ൻ​ക​ട​ക​ളെ​യും സ്കൂ​ളു​ക​ളി​ലെ ഉ​ച്ച​ഭ​ക്ഷ​ണ​ത്തെ​യും 20 രൂ​പ​യു​ടെ ഊ​ണി​നെ​യു​മൊ​ക്കെ ആ​ശ്ര​യി​ക്കു​ന്ന​വ​രു​ടെ എ​ണ്ണം നി​സാ​ര​മ​ല്ല.

അ​ത് സം​സ്ഥാ​ന​ത്തെ സാ​ന്പ​ത്തി​കാ​വ​സ്ഥ​യു​ടെ പ്ര​തി​ഫ​ല​നം​കൂ​ടി​യാ​ണ്. അ​തു​പോ​ലും നേ​രേ​ചൊ​വ്വേ ന​ട​ത്താ​നാ​കു​ന്നി​ല്ലെ​ന്നു പ​റ​യ​രു​ത്; സ​ർ​ക്കാ​ര​ല്ലേ.
Copyright @ 2018 , Rashtra Deepika Ltd.