Play Audio

മാ​നം​മു​ട്ടെ അ​ഭി​മാ​നം
Friday, January 17, 2025 12:00 AM IST
ത​​​​ള​​​​രാ​​​​ത്ത നി​​​​ശ്ച​​​​യ​​​​ദാ​​​​ർ​​​​ഢ്യ​​​​വും ക​​​​ഠി​​​​നാ​​​​ധ്വാ​​​​ന​​​​ത്തി​​​​ന്‍റെ ഉ​​​​ത്ത​​​​മ​​​​മാ​​​​തൃ​​​​ക​​​​യു​​​​മാ​​​​യി ബ​​​​ഹി​​​​രാ​​​​കാ​​​​ശ ശാ​​​​സ്ത്ര​​​​രം​​​​ഗം കു​​​​തി​​​​ക്കു​​​​ന്പോ​​​​ൾ വ​​​​ലി​​​​യ ല​​​​ക്ഷ്യ​​​​ങ്ങ​​​​ളി​​​​ലേ​​​​ക്ക് ന​​​​മ്മു​​​​ടെ രാ​​​​ജ്യം ചി​​​​റ​​​​കു​​​​വി​​​​രി​​​​ക്കു​​​​മെ​​​​ന്നു പ്ര​​​​ത്യാ​​​​ശി​​​​ക്കാം.

ബ​ഹി​രാ​കാ​ശ ശാ​സ്ത്ര​ജ്ഞ​രു​ടെ മി​ക​വി​ൽ രാ​ജ്യ​ത്തി​ന്‍റെ അ​ഭി​മാ​നം വീ​ണ്ടും മാ​നം​തൊ​ട്ടു. ബ​ഹി​രാ​കാ​ശ​ത്തു​വ​ച്ച് ര​ണ്ടു പേ​ട​ക​ങ്ങ​ളെ കൂ​ട്ടി​യോ​ജി​പ്പി​ക്കു​ന്ന പ​രീ​ക്ഷ​ണ​മാ​ണ് ഇ​ന്ത്യ​ൻ ബ​ഹി​രാ​കാ​ശ ഗ​വേ​ഷ​ണ സം​ഘ​ട​ന (ഐ​എ​സ്ആ​ർ​ഒ) യു​ടെ ശാ​സ്ത്ര​ജ്ഞ​ർ‌ ഇ​ന്ന​ലെ വി​ജ​യ​ക​ര​മാ​യി പൂ​ർ​ത്തി​യാ​ക്കി​യ​ത്. ച​ന്ദ്ര​യാ​ൻ-4, ഇ​ന്ത്യ​ൻ ബ​ഹി​രാ​കാ​ശ നി​ല​യം സ്ഥാ​പി​ക്കു​ക, സ്വ​ന്ത​മാ​യി ഒ​രു മ​നു​ഷ്യ​നെ ച​ന്ദ്ര​നി​ലെ​ത്തി​ക്കു​ക എ​ന്നി​ങ്ങ​നെ രാ​ജ്യ​ത്തി​ന്‍റെ ബ​ഹി​രാ​കാ​ശ ഗ​വേ​ഷ​ണ​ത്തി​ന്‍റെ ഭാ​വി​സ്വ​പ്ന​ങ്ങ​ളി​ലേ​ക്കു​ള്ള സു​പ്ര​ധാ​ന ചു​വ​ടു​വ​യ്പാ​ണ് ഈ ​നേ​ട്ടം. ഇ​ന്ന​ലെ രാ​വി​ലെ​യാ​ണ് ച​രി​ത്രം​കു​റി​ച്ച പ​രീ​ക്ഷ​ണ​വി​ജ​യം ഐ​എ​സ്ആ​ർ​ഒ ലോ​ക​ത്തോ​ടു പ്ര​ഖ്യാ​പി​ച്ച​ത്. അ​മേ​രി​ക്ക, റ​ഷ്യ, ചൈ​ന എ​ന്നി​വ​ർ​ക്കു​ശേ​ഷം ഈ ​നേ​ട്ടം ഇ​ന്ത്യ​ക്കു മാ​ത്രം സ്വ​ന്തം.

എ​സ്ഡി​എ​ക്സ് 01 അ​ഥ​വാ ചേ​സ​ർ, എ​സ്ഡി​എ​ക്സ് 02 അ​ഥ​വാ ടാ​ർ​ജ​റ്റ് എ​ന്നീ ര​ണ്ടു പേ​ട​ക​ങ്ങ​ളാ​ണ് സ്പേ​ഡെ​ക്സി​ൽ (സ്പേ​സ് ഡോ​ക്കിം​ഗ് എ​ക്സ്പെ​രി​മെ​ന്‍റ്) ഉ​ണ്ടാ​യി​രു​ന്ന​ത്. 220 കി​ലോ​ഗ്രാം വീ​തം തൂ​ക്ക​മു​ള്ള പേ​ട​ക​ങ്ങ​ൾ വി​ക്ഷേ​പ​ണ​ത്തി​നു​ശേ​ഷം ശ്ര​ദ്ധാ​പൂ​ർ​വം തെ​ര​ഞ്ഞ​ടു​ത്ത വേ​ഗ​ത്തി​ലാ​യി​രു​ന്നു ബ​ഹി​രാ​കാ​ശ​ത്തു സ​ഞ്ച​രി​ച്ചി​രു​ന്ന​ത്. സം​യോ​ജ​നം ഈ ​മാ​സം ഏ​ഴി​നു ന​ട​ത്താ​നാ​യി​രു​ന്നു ആ​ദ്യം നി​ശ്ച​യി​ച്ചി​രു​ന്ന​ത്. പി​ന്നീ​ട് സാ​ങ്കേ​തി​ക കാ​ര​ണ​ങ്ങ​ളാ​ൽ ഒ​ന്നി​ലേ​റെ​ത്ത​വ​ണ മാ​റ്റി​വ​യ്ക്കു​ക​യാ​യി​രു​ന്നു.

ശ്രീ​ഹ​രി​ക്കോ​ട്ട​യി​ൽ​നി​ന്ന് ഡി​സം​ബ​ർ 30നാ​ണ് സ്പേ​ഡെ​ക്സ് പ​ദ്ധ​തി​യു​ടെ കു​തി​പ്പു തു​ട​ങ്ങി​യ​ത്. ഒ​രേ റോ​ക്ക​റ്റി​ൽ വി​ക്ഷേ​പി​ച്ച പേ​ട​ക​ങ്ങ​ൾ ബ​ഹി​രാ​കാ​ശ​ത്തു​വ​ച്ചു വേ​ർ​പി​രി​യു​ക​യാ​യി​രു​ന്നു. തു​ട​ർ​ന്ന് പേ​ട​ക​ങ്ങ​ൾ ത​മ്മി​ലു​ള്ള അ​ക​ലം ആ​ദ്യം 15 മീ​റ്റ​റാ​യും പി​ന്നീ​ട് മൂ​ന്നു മീ​റ്റ​റാ​യും കു​റ​ച്ചു. പി​ന്നീ​ടാ​ണ് ക​ണ​ക്ട​റു​ക​ൾ ഉ​പ​യോ​ഗി​ച്ച് പേ​ട​ക​ങ്ങ​ളെ കൂ​ട്ടി​യോ​ജി​പ്പി​ച്ച​ത്.

ഐ​എ​സ്ആ​ർ​ഒ​യു​ടെ മു​ൻ ചെ​യ​ർ​മാ​ൻ ഡോ. ​എ​സ്. സോ​മ​നാ​ഥി​നു​ള്ള യാ​ത്ര​യ​യ​പ്പു സ​മ്മാ​ന​മാ​യും ഈ ​ച​രി​ത്ര​നേ​ട്ട​ത്തെ വി​ശേ​ഷി​പ്പി​ക്കാം. പ​ദ്ധ​തി​യു​ടെ മു​ന്നൊ​രു​ക്ക​ങ്ങ​ളി​ലും വി​ക്ഷേ​പ​ണ​സ​മ​യ​ത്തും അ​ദ്ദേ​ഹ​മാ​യി​രു​ന്നു ബ​ഹി​രാ​കാ​ശ​സം​ഘ​ട​ന​യു​ടെ ത​ല​പ്പ​ത്ത്. ബ​ഹി​രാ​കാ​ശ​രം​ഗ​ത്തെ പ്ര​വ​ർ​ത്ത​ന​ങ്ങ​ളെ ജ​ന​കീ​യ​വ​ത്ക​രി​ച്ച ശാ​സ്ത്ര​ജ്ഞ​ൻ കൂ​ടി​യാ​യി​രു​ന്നു സോ​മ​നാ​ഥ്. അ​ദ്ദേ​ഹ​ത്തി​ന്‍റെ പി​ൻ​ഗാ​മി​യാ​യെ​ത്തി​യ വി. ​നാ​രാ​യ​ണ​നും അ​ഭി​മാ​നി​ക്കാ​ൻ വ​ക​യാ​യി.

പ​ദ്ധ​തി​ക​ളു​ടെ ചെ​ല​വു ചു​രു​ക്കു​ന്ന​തി​ന്‍റെ ഭാ​ഗ​മാ​യി സ്പേ​ഡെ​ക്സി​നെ ബ​ഹി​രാ​കാ​ശ​ത്തെ​ത്തി​ച്ച റോ​ക്ക​റ്റ് മ​റ്റു പ്ര​ധാ​ന പ​രീ​ക്ഷ​ണ​ങ്ങ​ൾ​ക്കും ഉ​പ​യോ​ഗി​ക്കു​ന്നു​ണ്ട്. സാ​ധാ​ര​ണ ഇ​ത്ത​രം റോ​ക്ക​റ്റു​ക​ൾ ബ​ഹി​രാ​കാ​ശ​ത്തെ ച​വ​റാ​യി മാ​റു​ക​യാ​ണു പ​തി​വ്. 24 പേ​ലോ​ഡു​ക​ൾ വി​ക്ഷേ​പി​ച്ച​തി​ൽ ര​ണ്ടു പ​രീ​ക്ഷ​ണ​ങ്ങ​ൾ ന​ട​ത്തി​ക്ക​ഴി​ഞ്ഞു. ബ​ഹി​രാ​കാ​ശ​ത്ത് വി​ത്തു​ക​ൾ മു​ള​പ്പി​ക്കു​ന്ന​താ​യി​രു​ന്നു ഒ​ന്ന്. റോ​ബോ​ട്ടി​ക് ഹ​സ്ത​വു​മാ​യി ബ​ന്ധ​പ്പെ​ട്ട​താ​യി​രു​ന്നു ര​ണ്ടാ​മ​ത്തെ പ​രീ​ക്ഷ​ണം. ര​ണ്ടും ഭാ​വി​യി​ലേ​ക്കു​ള്ള വ​ലി​യ നേ​ട്ട​മാ​ണെ​ന്നാ​ണ് ശാ​സ്ത്ര​ജ്ഞ​ർ ക​രു​തു​ന്ന​ത്.

ഐ​എ​സ്ആ​ർ​ഒ​യി​ലെ ശാ​സ്ത്ര​ജ്ഞ​രു​ടേ​താ​ണ് സ്പേ​ഡ​ക്സ് ദൗ​ത്യ​ത്തി​ന്‍റെ ആ​ശ​യം. എ​ന്നാ​ൽ ഉ​പ​ഗ്ര​ഹ​ത്തി​ന്‍റെ അ​ന്തി​മ​സ​ങ്ക​ല​നം, പ​രീ​ക്ഷ​ണം എ​ന്നി​വ അ​ന​ന്ത് ടെ​ക്നോ​ള​ജീ​സ് എ​ന്ന ക​മ്പ​നി​യാ​ണ് ന​ട​ത്തി​യ​ത്. ബ​ഹി​രാ​കാ​ശ​രം​ഗ​ത്ത് ഇ​ന്ത്യ​യു​ടെ സ​മീ​പ​കാ​ല നേ​ട്ട​ങ്ങ​ളെ ലോ​ക​രാ​ജ്യ​ങ്ങ​ൾ പ്ര​ശം​സി​ച്ചി​ട്ടു​ണ്ട്. 2023 ഓ​ഗ​സ്റ്റ് 23ന്, ​ച​ന്ദ്ര​യാ​ൻ-3 ച​ന്ദ്ര​ന്‍റെ ഉ​പ​രി​ത​ല​ത്തി​ൽ വി​ജ​യ​ക​ര​മാ​യ സോ​ഫ്റ്റ് ലാ​ൻ​ഡിം​ഗി​ലൂ​ടെ ച​രി​ത്രം സൃ​ഷ്ടി​ച്ചു. ഇ​തു​വ​രെ പ​രീ​ക്ഷി​ച്ച​റി​യ​പ്പെ​ടാ​ത്ത ച​ന്ദ്ര​ന്‍റെ ദ​ക്ഷി​ണ​ധ്രു​വ​ത്തി​നു സ​മീ​പം എ​ത്തു​ന്ന ആ​ദ്യ​ത്തെ രാ​ഷ്‌​ട്ര​മാ​യി ഇ​ന്ത്യ മാ​റി. ആ​ദി​ത്യ-​എ​ൽ1 ബ​ഹി​രാ​കാ​ശ പേ​ട​കം ഹാ​ലോ ഭ്ര​മ​ണ​പ​ഥ​ത്തി​ലേ​ക്കു വി​ക്ഷേ​പി​ച്ച​താ​ണ് നാ​ഴി​ക​ക്ക​ല്ലാ​യ മ​റ്റൊ​രു നേ​ട്ടം.

നി​ല​വി​ൽ 36,000 കോ​ടി അ​മേ​രി​ക്ക​ൻ ഡോ​ള​റി​ന്‍റെ ആ​ഗോ​ള ബ​ഹി​രാ​കാ​ശ സ​മ്പ​ദ്‌​വ്യ​വ​സ്ഥ​യു​ടെ ര​ണ്ടു​ശ​ത​മാ​ന​ത്തോ​ളം വി​ഹി​തം ഇ​ന്ത്യ​യു​ടേ​താ​ണ്. ഐ​എ​സ്ആ​ർ​ഒ​യു​മാ​യി ബ​ഹി​രാ​കാ​ശ​മേ​ഖ​ല​യി​ൽ കൈ​കോ​ർ​ക്കു​ന്ന നാ​നൂ​റി​ല​ധി​കം സ്ഥാ​പ​ന​ങ്ങ​ളു​ണ്ട്. ഇ​ക്കാ​ര്യ​ത്തി​ൽ ആ​ഗോ​ള​ത​ല​ത്തി​ൽ ഇ​ന്ത്യ അ​ഞ്ചാം സ്ഥാ​ന​ത്താ​ണ്. ത​ദ്ദേ​ശീ​യ​മാ​യ ഉ​പ​ഗ്ര​ഹ​ങ്ങ​ളു​ടെ നി​ർ​മാ​ണം, വി​ക്ഷേ​പ​ണ പ​രി​ഹാ​ര​ങ്ങ​ൾ, പ​രി​ക്ര​മ​ണ മാ​നേ​ജ്‌​മെ​ന്‍റ് പ​രി​ഹാ​ര​ങ്ങ​ൾ മു​ത​ലാ​യ​വ​യി​ൽ ശ്ര​ദ്ധ കേ​ന്ദ്രീ​ക​രി​ക്കു​ന്ന ബ​ഹി​രാ​കാ​ശ മേ​ഖ​ല​യി​ലെ നി​ർ​മാ​ണ​വി​ഭാ​ഗം ഭാ​വി​യി​ൽ ഇ​ന്ത്യ​യെ ആ​ഗോ​ള ബ​ഹി​രാ​കാ​ശ സ​മ്പ​ദ്‌​വ്യ​വ​സ്ഥ​യി​ൽ ഏ​റെ മു​ന്നി​ലെ​ത്തി​ക്കു​മെ​ന്നാ​ണ് പ്ര​തീ​ക്ഷി​ക്കു​ന്ന​ത്.

ത​ള​രാ​ത്ത നി​ശ്ച​യ​ദാ​ർ​ഢ്യ​വും ക​ഠി​നാ​ധ്വാ​ന​ത്തി​ന്‍റെ ഉ​ത്ത​മ​മാ​തൃ​ക​യു​മാ​യി ബ​ഹി​രാ​കാ​ശ ശാ​സ്ത്ര​രം​ഗം കു​തി​ക്കു​ന്പോ​ൾ വ​ലി​യ ല​ക്ഷ്യ​ങ്ങ​ളി​ലേ​ക്ക് ന​മ്മു​ടെ രാ​ജ്യം ചി​റ​കു​വി​രി​ക്കു​മെ​ന്നു പ്ര​ത്യാ​ശി​ക്കാം. സ​മ​ർ​പ്പി​ത​രാ​യ ശാ​സ്ത്ര​ജ്ഞ​രെ അ​ഭി​ന​ന്ദി​ക്കാം.
Copyright @ 2018 , Rashtra Deepika Ltd.