നവജാതശിശുക്കള് വെന്തു മരിച്ച സംഭവം; ആശുപത്രി ഉടമ അറസ്റ്റില്
Sunday, May 26, 2024 6:38 PM IST
ന്യൂഡല്ഹി: ഡല്ഹി വിവേക് വിഹാറിലെ കുട്ടികളുടെ ആശുപത്രിയിലുണ്ടായ തീപിടിത്തത്തിൽ ഏഴ് നവജാതശിശുക്കള് വെന്തുമരിച്ച സംഭവത്തില് ആശുപത്രി ഉടമ അറസ്റ്റില്. സംഭവത്തിന് ശേഷം ഒളിവിൽ പോയ ആശുപത്രി ഉടമ ഡോ.നവീന് കിച്ചിയാണ് അറസ്റ്റിലായത്.
വിവിധ വകുപ്പുകള് പ്രകാരം നവീന് കിച്ചിക്കെതിരെ കേസെടുത്തെന്ന് ഡല്ഹി പോലീസ് അറിയിച്ചു. ശനിയാഴ്ച രാത്രിയിലുണ്ടായ തീപിടിത്തത്തിൽ പൊള്ളലേറ്റ അഞ്ചു കുഞ്ഞുങ്ങള് ഇപ്പോഴും ഗുരുതരാവസ്ഥയില് തുടരുകയാണ്.
വിവേക് വിഹാറില് ചട്ടങ്ങള് പാലിക്കാതെ രണ്ട് നിലകളിലായി പ്രവർത്തിച്ചിരുന്ന ആശുപത്രിയിലാണ് അപകടം ഉണ്ടായത്. ആശുപത്രിയുടെ താഴെ പ്രവർത്തിച്ചിരുന്നു ഓക്സിജന് സിലണ്ടറിലുണ്ടായ പൊട്ടിത്തെറിക്ക് പിന്നാലെയാണ് തീപിടിത്തമുണ്ടായെതന്ന് പ്രദേശവാസികള് പറഞ്ഞു.
തീപിടിത്തത്തെ കുറിച്ച് അന്വേഷിക്കാൻ ലെഫ്റ്റനന്റ് ഗവർണര് ചീഫ് സെക്രട്ടറിക്ക് നിര്ദേശം നൽകി.