യാതൊരു കുറ്റബോധവുമില്ല; ടി.പി.വധക്കേസ് പ്രതി കെ.സി.രാമചന്ദ്രനെതിരേ ജയിലധികൃതരുടെ റിപ്പോര്ട്ട്
Tuesday, February 27, 2024 11:50 AM IST
കൊച്ചി: ടി.പി.വധക്കേസിലെ പ്രതി കെ.സി.രാമചന്ദ്രനെതിരേയുള്ള ജയിലധികൃതരുടെ റിപ്പോര്ട്ട് പുറത്ത്. ജീവപര്യന്തം ശിക്ഷ അനുഭവിച്ചുകൊണ്ട് ദീര്ഘകാലമായി ജയിലില് ഉണ്ടെങ്കിലും രാമചന്ദ്രന് യാതോരു കുറ്റബോധവുമില്ലെന്നാണ് റിപ്പോര്ട്ട്.
ജയിലധികൃതര് ഹൈക്കോടതിയില് സമര്പ്പിച്ച റിപ്പോര്ട്ടാണ് പുറത്തുവന്നത്. കുറ്റകൃത്യത്തില് താന് ഉള്പ്പെട്ടിട്ടില്ലെന്നും തനിക്ക് കുറ്റബോധത്തിന്റെ ആവശ്യമില്ലെന്നുമാണ് ഇയാളുടെ നിലപാട്. കൊടിസുനി ഉള്പ്പെടെയുള്ള പ്രതികള് ജയില്ചട്ടം അനുസരിച്ചുള്ള ജോലികള് പോലും ചെയ്യാറില്ലെന്നും റിപ്പോര്ട്ടില് പറയുന്നു.
അതേസമയം പ്രതികള്ക്ക് പരമാവധി ശിക്ഷ നല്കണമെന്നാവശ്യപ്പെട്ടുള്ള പ്രോസിക്യൂഷന്റെ ഹര്ജിയില് ഹൈക്കോടതിയില് വാദം തുടങ്ങി. നിരവധി ആളുകള് ചേര്ന്ന് ആസൂത്രണം ചെയ്ത് നടപ്പാക്കിയ കൊലപാതകമാണിതെന്ന് പ്രോസിക്യൂഷന് കോടതിയില് പറഞ്ഞു. ഹര്ജിയില് വാദം തുടരുകയാണ്.