കെഎസ്എഫ്ഇ കളക്ഷൻ ഏജന്റിനെ വെട്ടിക്കൊല്ലാൻ ശ്രമം
Monday, February 26, 2024 8:41 PM IST
ആലപ്പുഴ: കെഎസ്എഫ്ഇ കളക്ഷൻ ഏജന്റിനെ ഓഫീസിൽ വച്ച് വെട്ടികൊല്ലാൻ ശ്രമം. ആലപ്പുഴ ജില്ലയിലെ കളർകോട് ശാഖയിലെ കളക്ഷൻ ഏജന്റ് മായാദേവിക്ക് വെട്ടേറ്റ സംഭവത്തിൽ ഇവരുടെ സഹോദരി ഭർത്താവ് സുരേഷ് കുമാറിനെ പോലീസ് അറസ്റ്റ് ചെയ്തു.
തിങ്കളാഴ്ച ഉച്ചയ്ക്ക് ഓഫീസിനുള്ളിലേക്ക് കടന്നുവന്ന സുരേഷ് കുമാർ മറ്റു ജീവനക്കാരുടെ മുന്നിൽവച്ച് മായാദേവിയെ വെട്ടുകയായിരുന്നു. ആക്രമണത്തിൽ ഗുരുതരമായി പരിക്കേറ്റ യുവതി ആശുപത്രിയിൽ ചികിത്സയിലാണ്.
അക്രമണത്തിന്റെ സിസിടിവി ദൃശ്യങ്ങൾ പുറത്തുവന്നു.പോലീസ് സ്ഥലത്തെത്തി തെളിവുകൾ ശേഖരിച്ചു.