മാവേലിക്കരയില് സി.എ.അരുണ്കുമാര്, പന്ന്യനും ആനിരാജയും മത്സരിക്കും; സിപിഐയുടെ സ്ഥാനാര്ഥി പട്ടികയായി
Monday, February 26, 2024 3:28 PM IST
തിരുവനന്തപുരം: ലോക്സഭാ തെരഞ്ഞെടുപ്പിനുള്ള സിപിഐയുടെ അന്തിമ സ്ഥാനാര്ഥി പട്ടികയായി. മാവേലിക്കരയില് കൃഷിമന്ത്രി പി.പ്രസാദിന്റെ അഡീഷണല് പ്രൈവറ്റ് സെക്രട്ടറിയും യുവനേതാവുമായ സി.എ.അരുണ്കുമാര് തന്നെ മത്സരിക്കും.
തിരുവനന്തപുരത്ത് പന്ന്യന് രവീന്ദ്രനും വയനാട്ടില് ആനിരാജയും തൃശൂരില് വി.എസ്.സുനില്കുമാറും സ്ഥാനാര്ഥികളാകും. അതത് ജില്ലാ കൗണ്സിലുകള് സ്ഥാനാര്ഥികളാകാനുള്ള മൂന്ന് പേരുടെ പേരുകള് നിര്ദേശിച്ചിരുന്നു.
ഈ പട്ടികയില് നിന്നാണ് സംസ്ഥാന നിര്വാഹക സമിതിയും സംസ്ഥാന കൗണ്സിലും ചേര്ന്ന് സ്ഥാനാര്ഥികളെ തീരുമാനിച്ചത്. സിപിഐ സംസ്ഥാന സെക്രട്ടറി ബിനോയ് വിശ്വം വൈകിട്ട് നാലിന് സ്ഥാനാര്ഥികളെ ഔദ്യോഗികമായി പ്രഖ്യാപിക്കും.