സത്യനാഥന്റെ കൊലപാതകം; സിപിഎം നേതാക്കൾക്കെതിരെ പരാതിയുമായി ബിജെപി
Saturday, February 24, 2024 1:35 AM IST
കോഴിക്കോട്: സിപിഎം നേതാവ് പി.വി. സത്യനാഥന്റെ കൊലപാതകത്തിൽ പരാതിയുമായി ബിജെപി. സിപിഎം നേതാക്കൾക്കെതിരെയാണ് ബിജെപി പരാതി നൽകിയത്. കൊലപാതകത്തിനു പിന്നിൽ ആർഎസ്എസ് എന്ന് പ്രചരിപ്പിച്ചുവെന്നാണ് പരാതി.
എം. സ്വരാജ്, എം. വിജിൻ എംഎൽഎ എന്നിവർക്കെതിരെ കലാപ ആഹ്വാനത്തിനു കേസെടുക്കണമെന്ന് ആവശ്യപ്പെട്ടാണ് പരാതി. കോഴിക്കോട് സിറ്റി പോലീസ് കമ്മീഷണർക്കാണ് പരാതി നൽകിയത്.
എം. സ്വരാജ്, എം. വിജിൻ എന്നിവർ സത്യനാഥന്റെ കൊലപാതകത്തിനു പിന്നിൽ ആർഎസ്എസ് എന്ന് ഫേസ്ബുക്കിൽ പോസ്റ്റ് ചെയ്തിരുന്നു. പിന്നീട് പോസ്റ്റ് തിരുത്തിയിരുന്നു.