ഉഴിച്ചിൽ കേന്ദ്രത്തിൽ എത്തിയ യുവാക്കൾക്ക് വീസ വാഗ്ദാനം ചെയ്ത് തട്ടിയത് ലക്ഷങ്ങൾ; കന്യാകുമാരി സ്വദേശി പിടിയിൽ
Tuesday, November 28, 2023 1:33 AM IST
കൊച്ചി: ഉഴിച്ചില് കേന്ദ്രത്തില് ചികിത്സക്ക് എത്തിയ യുവാക്കള്ക്ക് വീസ വാഗ്ദാനം ചെയ്ത് ലക്ഷങ്ങൾ തട്ടിയ കേസിലെ പ്രതി പിടിയിൽ.
കന്യാകുമാരി വേദനഗര് ഇരുളപ്പപുരം ബാവാ കാസിമി(49) നെയാണ് റൂറല് ജില്ലാ സൈബര് ക്രൈം പോലീസ് അറസ്റ്റ് ചെയതത്.
അങ്കമാലി സ്വദേശി ഫെമി, പാലിശേരി സ്വദേശി അഞ്ജു, കൊരട്ടി സ്വദേശി റോഷി ആന്ഡ്രോസ്, കോട്ടയം സ്വദേശി രതീഷ് കുമാര് എന്നിവരില് നിന്ന് രണ്ട് ലക്ഷം രൂപയാണ് തട്ടിയെടുത്തത്. മലേഷ്യയിലേക്കുള്ള തൊഴിൽ വീസ വാഗ്ദാനം ചെയ്തായിരുന്നു തട്ടിപ്പ്.
ചെങ്ങന്നൂരിലെ ഒരു ഉഴിച്ചില് കേന്ദ്രത്തില് ചികിത്സയ്ക്ക് പോയ സമയത്താണ് ബാവാ കാസിം രതീഷ് കുമാറിനെ പരിചയപ്പെടുന്നത്. ഉയര്ന്ന ശമ്പളമുള്ള പാക്കിംഗ് ജോലി ശരിയാക്കി നല്കാമെന്നായിരുന്നു വാഗ്ദാനം.
തുടര്ന്ന് രണ്ട് ഘട്ടങ്ങളിലായി രണ്ട് ലക്ഷം വീതം എട്ട് ലക്ഷം രൂപ ഇയാള്ക്ക് കൈമാറി. വിശ്വസിപ്പിക്കുന്നതിനായി മെഡിക്കല് പരിശോധനയ്ക്കും കൊണ്ടുപോയി.
പിന്നീട് വീസ പോലെ തോന്നിക്കുന്ന ഒരു പേപ്പര് വാട്സ്ആപ്പ് വഴി യുവാക്കള്ക്ക് ഇയാൾ അയച്ചു കൊടുത്തു. അപ്പോഴാണ് സംഗതി തട്ടിപ്പാണെന്ന് യുവാക്കൾക്ക് മനസിലായത്.
യുവാക്കൾ പരാതി നൽകിയതിനെത്തുടർന്ന് പോലീസ് നടത്തിയ അന്വേഷണത്തിൽ ബാവ കാസിം പറഞ്ഞ പേരില് ഒരു സ്ഥാപനം പോലും പ്രവര്ത്തിക്കുന്നില്ലെന്ന് കണ്ടെത്തുകയായിരുന്നു.
പ്രതിയെ നാഗര്കോവില് നിന്നുമാണ് പിടികൂടിയത്. ഇയാളുടെ അക്കൗണ്ടിലൂടെ ലക്ഷങ്ങളുടെ ഇടപാടുകള് നടന്നതായി പോലീസ് അന്വേഷണത്തില് വ്യക്തമായി.