ബി​ര്‍മിം​ഗ്ഹാം: റി​ക്കാ​ര്‍ഡു​ക​ള്‍ ഒ​ന്നൊ​ന്നാ​യി ക​ട​പു​ഴ​കി ഇം​ഗ്ല​ണ്ടി​നെ​തി​രാ​യ ര​ണ്ടാം ടെ​സ്റ്റ് ക്രി​ക്ക​റ്റി​ല്‍ ഇ​ന്ത്യ​ന്‍ ക്യാ​പ്റ്റ​ന്‍ ശു​ഭ്മാ​ന്‍ ഗി​ല്ലി​ന്‍റെ ബാ​റ്റിം​ഗ് ശു​ഭ​യാ​ത്ര. ആ​ദ്യ​ദി​നം സെ​ഞ്ചു​റി തി​ക​ച്ച ഗി​ല്‍, ര​ണ്ടാം​ദി​നം ഇ​ര​ട്ട​സെ​ഞ്ചു​റി​യും ക​ട​ന്നു മു​ന്നേ​റി​യ​പ്പോ​ള്‍ ഇ​ന്ത്യ​യു​ടെ സ്‌​കോ​ര്‍ 500ഉം ​ക​ഴി​ഞ്ഞു കു​തി​ച്ചു.

ടെ​സ്റ്റ് ക​രി​യ​റി​ലെ ക​ന്നി ഡ​ബി​ൾ സെ​ഞ്ചു​റി​യു​മാ​യി ശു​ഭ്മാ​ൻ ഗി​ൽ ബി​ര്‍മിം​ഗ്ഹാ​മി​ൽ ത​ക​ർ​ത്താ​ടി. 387 പ​ന്തി​ൽ 30 ഫോ​റും മൂ​ന്നു സി​ക്സും അ​ട​ക്കം 269 റ​ൺ​സ് നേ​ടി​യ​ശേ​ഷ​മാ​ണ് ഗി​ൽ പു​റ​ത്താ​യ​ത്. സ്കോ​ർ 574ൽ ​നി​ൽ​ക്കു​ന്പോ​ൾ എ​ട്ടാം ന​ന്പ​ർ വി​ക്ക​റ്റാ​യി ഗി​ൽ മ​ട​ങ്ങി​. ശേ​ഷി​ച്ച ര​ണ്ട് വി​ക്ക​റ്റ് വേ​ഗ​ത്തി​ൽ നി​ലം​പൊ​ത്തി​യ​പ്പോ​ൾ ഇ​ന്ത്യ​യു​ടെ ഒ​ന്നാം ഇ​ന്നിം​ഗ്സ് സ്കോ​ർ 151 ഓ​വ​റി​ൽ 587ൽ ​എ​ത്തി​നി​ന്നു.

ഒ​ന്നാം ഇ​ന്നിം​ഗ്സി​നാ​യി ക്രീ​സി​ൽ എ​ത്തി​യ ഇം​ഗ്ല​ണ്ടി​ന് കാ​ര്യ​ങ്ങ​ൾ ശു​ഭ​മ​ല്ലാ​യി​രു​ന്നു. 25 റ​ണ്‍​സ് എ​ടു​ക്കു​ന്ന​തി​നി​ടെ മൂ​ന്ന് വി​ക്ക​റ്റ് ഇം​ഗ്ല​ണ്ടി​നു ന​ഷ്ട​മാ​യി. ബെ​ൻ ഡ​ക്ക​റ്റ് (0), ഒ​ല്ലി പോ​പ്പ് (0) എ​ന്നി​വ​രെ തു​ട​ർ​ച്ച​യാ​യ പ​ന്തു​ക​ളി​ൽ പു​റ​ത്താ​ക്കി​യ ആ​കാ​ശ് ദീ​പാ​ണ് ഇം​ഗ്ല​ണ്ടി​നെ പ്ര​തി​രോ​ധ​ത്തി​ലാ​ക്കി​യ​ത്. സാ​ക്ക് ക്രാ​ളി​യെ (19) മു​ഹ​മ്മ​ദ് സി​റാ​ജും പു​റ​ത്താ​ക്കി. 77/3 എ​ന്ന നി​ല​യി​ലാ​ണ് ഇം​ഗ്ല​ണ്ട് ര​ണ്ടാം​ദി​നം ക്രീ​സ് വി​ട്ട​ത്. ജോ ​റൂ​ട്ട് (18), ഹാ​രി ബ്രൂ​ക്ക് (30) എ​ന്നി​വ​രാ​ണ് ക്രീ​സി​ൽ.

ഇം​ഗ്ല​ണ്ടി​ല്‍ റിക്കാർഡ് ഗില്ലാട്ടം

ടെ​സ്റ്റ് ക്രി​ക്ക​റ്റി​ല്‍ ഇം​ഗ്ല​ണ്ടി​ല്‍ ഒ​രു ഇ​ന്ത്യ​ന്‍ താ​ര​ത്തി​ന്‍റെ ഏ​റ്റ​വും ഉ​യ​ര്‍ന്ന വ്യ​ക്തി​ഗ​ത സ്‌​കോ​ര്‍ എ​ന്ന റി​ക്കാ​ര്‍ഡ് ശു​ഭ്മാ​ന്‍ ഗി​ല്‍ സ്വ​ന്ത​മാ​ക്കി. 1979ല്‍ ​ഓ​വ​ലി​ല്‍ സു​നി​ല്‍ ഗാ​വ​സ്‌​ക​ര്‍ നേ​ടി​യ 221 റ​ണ്‍സ് എ​ന്ന റി​ക്കാ​ര്‍ഡാ​ണ് ഗി​ല്‍ ഇ​ന്ന​ലെ ത​ക​ര്‍ത്ത​ത്. ക​രു​ണ്‍ നാ​യ​ര്‍ (303*) മാ​ത്ര​മാ​ണ് ഇം​ഗ്ല​ണ്ടി​നെ​തി​രേ ടെ​സ്റ്റി​ല്‍ ട്രി​പ്പി​ള്‍ സെ​ഞ്ചു​റി നേ​ടി​യി​ട്ടു​ള്ള​ത്. ഇം​ഗ്ല​ണ്ടി​നെ​തി​രേ ഏ​റ്റ​വും ഉ​യ​ര്‍ന്ന സ്‌​കോ​ര്‍ എ​ന്ന​തി​ല്‍ വി​നോ​ദ് കാം​ബ്ലി (224), വി​രാ​ട് കോ​ഹ്‌​ലി (235) എ​ന്നി​വ​രെ​യും ഗി​ല്‍ ഇ​ന്ന​ലെ പി​ന്ത​ള്ളി.

ഇം​ഗ്ല​ണ്ടി​ല്‍ ഡ​ബി​ള്‍ സെ​ഞ്ചു​റി നേ​ടു​ന്ന മൂ​ന്നാ​മ​ത് ഇ​ന്ത്യ​ന്‍ താ​ര​മാ​ണ് ഗി​ല്‍. സു​നി​ല്‍ ഗാ​വ​സ്‌​ക​ര്‍ (1979ല്‍ 221), ​രാ​ഹു​ല്‍ ദ്രാ​വി​ഡ് (2002ല്‍ 217) ​എ​ന്നി​വ​രാ​ണ് മു​മ്പ് ഈ ​നേ​ട്ട​ത്തി​ലെ​ത്തി​യ​ത്.

ഇം​ഗ്ലീ​ഷ് മ​ണ്ണി​ല്‍ ഒ​രു ഇ​ന്ത്യ​ന്‍ ക്യാ​പ്റ്റ​ന്‍റെ ഏ​റ്റ​വും ഉ​യ​ര്‍ന്ന സ്‌​കോ​ര്‍ എ​ന്ന റി​ക്കാ​ര്‍ഡും 25കാ​ര​നാ​യ ഗി​ല്ലി​നു സ്വ​ന്തം. 1990ല്‍ ​ഓ​ള്‍ഡ് ട്രാ​ഫോ​ഡി​ല്‍ മു​ഹ​മ്മ​ദ് അ​സ്ഹ​റു​ദ്ദീ​ന്‍ നേ​ടി​യ 179 റ​ണ്‍സ് ഇ​തോ​ടെ ര​ണ്ടാം സ്ഥാ​ന​ത്തേ​ക്കു പി​ന്ത​ള്ള​പ്പെ​ട്ടു. ഇ​ന്ത്യ​ന്‍ ടെ​സ്റ്റ് ക്യാ​പ്റ്റ​ന്‍റെ ഏ​റ്റ​വും ഉ​യ​ര്‍ന്ന വ്യ​ക്തി​ഗ​ത സ്‌​കോ​ര്‍ എ​ന്ന നേ​ട്ട​വും ഗി​ല്‍ സ്വ​ന്ത​മാ​ക്കി. 2019ല്‍ ​ദ​ക്ഷി​ണാ​ഫ്രി​ക്ക​യ്‌​ക്കെ​തി​രേ വി​രാ​ട് കോ​ഹ്‌​ലി നേ​ടി​യ 254 നോ​ട്ടൗ​ട്ട് ആ​യി​രു​ന്നു ഇ​തു​വ​രെ​യു​ള്ള റി​ക്കാ​ര്‍ഡ്.


എ​ജ്ബാ​സ്റ്റ​ണി​ല്‍ ച​രി​ത്രം

നോ​ട്ടിം​ഗ്ഹാ​മി​ലെ എ​ജ്ബാ​സ്റ്റ​ണ്‍ മൈ​താ​ന​ത്ത് ഇ​ന്ത്യ​യു​ടെ ഏ​റ്റ​വും ഉ​യ​ര്‍ന്ന സ്‌​കോ​റി​ലേ​ക്കാ​ണ് (587) ഗി​ല്‍ ടീ​മി​നെ കൈ​പി​ടി​ച്ച​ത്. 2022 ജൂ​ണി​ല്‍ കു​റി​ച്ച 416 റ​ണ്‍സാ​യി​രു​ന്നു ഈ ​മൈ​താ​ന​ത്ത് ഇ​ന്ത്യ​യു​ടെ ഇ​തു​വ​രെ​യു​ള്ള ഉ​യ​ര്‍ന്ന ഇ​ന്നിം​ഗ്‌​സ് സ്‌​കോ​ര്‍. നീ​ണ്ട 18 വ​ര്‍ഷ​ത്തി​നു​ശേ​ഷം ടീം ​ഇ​ന്ത്യ, ഇം​ഗ്ല​ണ്ടി​ല്‍ 500 റ​ണ്‍സ് പി​ന്നി​ടു​ന്ന​തി​നും എ​ജ്ബാ​സ്റ്റ​ണ്‍ ഇ​ന്ന​ലെ സാ​ക്ഷ്യം​വ​ഹി​ച്ചു. 2007 ഓ​ഗ​സ്റ്റി​ല്‍ അ​നി​ല്‍ കും​ബ്ലെ​യു​ടെ സെ​ഞ്ചു​റി മി​ക​വി​ല്‍ 664 റ​ണ്‍സ് നേ​ടി​യ​താ​യി​രു​ന്നു ഏ​റ്റ​വും ഒ​ടു​വി​ല്‍ ഇ​ന്ത്യ ഇം​ഗ്ലീ​ഷ് മ​ണ്ണി​ല്‍ 500 ക​ട​ന്ന​ത്.

ജ​ഡേ​ജ-​​സു​ന്ദ​ര്‍

അ​ഞ്ച് വി​ക്ക​റ്റ് ന​ഷ്ട​ത്തി​ല്‍ 310 റ​ണ്‍സ് എ​ന്ന നി​ല​യി​ലാ​ണ് ഇ​ന്ത്യ ര​ണ്ടാം​ദി​ന​മാ​യ ഇ​ന്ന​ലെ ഒ​ന്നാം ഇ​ന്നിം​ഗ്‌​സ് പു​ന​രാ​രം​ഭി​ക്കാ​ന്‍ എ​ത്തി​യ​ത്. 114 റ​ണ്‍സു​മാ​യി ഗി​ല്ലും 41 റ​ണ്‍സു​മാ​യി ര​വീ​ന്ദ്ര ജ​ഡേ​ജ​യു​മാ​യി​രു​ന്നു ക്രീ​സി​ല്‍. നേ​രി​ട്ട 80-ാം പ​ന്തി​ല്‍ ജ​ഡേ​ജ അ​ര്‍ധ​ശ​ത​ക​ത്തി​ലെ​ത്തി.

263-ാം പ​ന്തി​ല്‍ ഗി​ല്‍ 150 തി​ക​ച്ചു. ഇ​രു​വ​രും ക്രീ​സി​ല്‍ ഉ​റ​ച്ച​തോ​ടെ ഇം​ഗ്ല​ണ്ട് വി​യ​ര്‍ത്തു. ജോ ​റൂ​ട്ടും ഹാ​രി ബ്രൂ​ക്കു​മെ​ല്ലാം പ​ന്ത് എ​റി​യാ​ന്‍ നി​യോ​ഗി​ക്ക​പ്പെ​ട്ടു. ഒ​ടു​വി​ല്‍ സ്‌​കോ​ര്‍ 414ല്‍ ​എ​ത്തി​യ​പ്പോ​ള്‍ ജ​ഡേ​ജ​യെ ജോ​ഷ് ടോ​ങ് പു​റ​ത്താ​ക്കി. 137 പ​ന്തി​ല്‍ 89 റ​ണ്‍സ് നേ​ടി​യാ​ണ് ജ​ഡേ​ജ മ​ട​ങ്ങി​യ​ത്. ഗി​ല്‍-​ജ​ഡേ​ജ ആ​റാം വി​ക്ക​റ്റ് കൂ​ട്ടു​കെ​ട്ടി​ല്‍ 203 റ​ണ്‍സ് പി​റ​ന്നു.

തു​ട​ര്‍ന്നു ക്രീ​സി​ലെ​ത്തി​യ വാ​ഷിം​ഗ്ട​ണ്‍ സു​ന്ദ​റി​നൊ​പ്പം ഗി​ല്‍ ത​ക​ര്‍ത്ത​ടി​ച്ചു. ഇ​വ​രു​ടെ ഏ​ഴാം വി​ക്ക​റ്റ് കൂ​ട്ടു​കെ​ട്ടി​ല്‍ 144 റ​ണ്‍സ് പി​റ​ന്നു. ഈ ​കൂ​ട്ടു​കെ​ട്ടി​ല്‍ 86 പ​ന്തി​ല്‍ ഗി​ല്‍ 95 റ​ണ്‍സ് സം​ഭാ​വ​ന ചെ​യ്തു. 103 പ​ന്തി​ല്‍ 42 റ​ണ്‍സ് നേ​ടി​യ വാ​ഷിം​ഗ്ട​ണ്‍ സു​ന്ദ​റി​നെ റൂ​ട്ട് ബൗ​ള്‍ഡാ​ക്കി.