ദൊ​ഡൊ​മ: റു​വാ​ണ്ട​യി​ൽ ഭീ​തി വി​ത​ച്ച മാ​ര്‍ബ​ര്‍ഗ് വൈ​റ​സ് ടാ​ൻ​സാ​നി​യ​യി​ലും പ​ട​രു​ന്നു. വ​ട​ക്ക​ന്‍ ടാ​ന്‍സാ​നി​യ​യി​ല്‍ മാ​ര്‍ബ​ര്‍ഗ് രോ​ഗം ബാ​ധി​ച്ച് എ​ട്ടു​പേ​ര്‍ മ​രി​ച്ച​താ​യി ലോ​കാ​രോ​ഗ്യ സം​ഘ​ട​ന അ​റി​യി​ച്ചു.

ക​ഴി​ഞ്ഞ പ​ത്തി​ന് ടാ​ൻ​സാ​നി​യ​യി​ലെ വ​ട​ക്കു​പ​ടി​ഞ്ഞാ​റ​ൻ ക​രേ​ഗ സം​സ്ഥാ​ന​ത്തെ ര​ണ്ടു ജി​ല്ല​ക​ളി​ൽ ഒ​ന്പ​തു പേ​ര്‍ക്ക് രോ​ഗം സ്ഥി​രീ​ക​രി​ച്ച​താ​യും ഇ​തി​ല്‍ എ​ട്ടുപേ​ര്‍ മ​രി​ച്ച​താ​യും ലോ​കാ​രോ​ഗ്യ സം​ഘ​ട​ന സെ​ക്ര​ട്ട​റി ജ​ന​റ​ൽ ടെ​ദ്രോ​സ് അ​ദാ​നോം ഗെ​ബ്രി​യേ​സ​സ് അ​റി​യി​ച്ചു.

ആ​രോ​ഗ്യ​പ്ര​വ​ര്‍ത്ത​ക​ര്‍ ഉ​ള്‍പ്പെ​ടെ​യു​ള്ള രോ​ഗി​ക​ളു​ടെ സ​മ്പ​ര്‍ക്ക​പ്പ​ട്ടി​ക തി​രി​ച്ച​റി​ഞ്ഞി​ട്ടു​ണ്ട്. കൂ​ടു​ത​ല്‍ പ​രി​ശോ​ധ​ന​ക​ള്‍ ന​ട​ത്തി​വ​രി​ക​യാ​ണ്. രോ​ഗ​നി​രീ​ക്ഷ​ണം ശ​ക്തി​പ്പെ​ടു​ത്തു​ന്ന​തി​നാ​ല്‍ വ​രും​ദി​വ​സ​ങ്ങ​ളി​ല്‍ കൂ​ടു​ത​ല്‍ കേ​സു​ക​ള്‍ പ്ര​തീ​ക്ഷി​ക്കു​ന്ന​താ​യും ടെ​ദ്രോ​സ് അ​ദാ​നോം സ​മൂ​ഹ​മാ​ധ്യ​മ​മാ​യ എ​ക്സി​ല്‍ പ​റ​ഞ്ഞു.

എ​ബോ​ള​യോ​ളം മാ​ര​ക​മാ​യ വൈ​റ​സാ​ണ് മാ​ര്‍ബ​ര്‍ഗ്. പ​ഴം​തീ​നി വ​വ്വാ​ലു​ക​ളി​ലൂ​ടെ​യാ​ണ് വൈ​റ​സ് വ്യാ​പ​നം ന​ട​ക്കു​ക. വ​ള​രെ പെ​ട്ടെ​ന്നു വ്യാ​പി​ക്കു​ന്ന മാ​ര്‍ബ​ര്‍ഗ് വൈ​റ​സി​ന് ഉ​യ​ര്‍ന്ന മ​ര​ണ​നി​ര​ക്കാ​ണു​ള്ള​ത്.


88 ശ​ത​മാ​ന​മാ​ണ് മ​ര​ണ​നി​ര​ക്ക്. ഒ​രാ​ൾ​ക്ക് ഈ ​വൈ​റ​സ് ബാ​ധ​യു​ണ്ടാ​യാ​ൽ ര​ണ്ടു മു​ത​ല്‍ 21 ദി​വ​സ​ത്തി​നു​ള്ളി​ൽ രോ​ഗ​ല​ക്ഷ​ണ​ങ്ങ​ള്‍ പ്ര​ക​ട​മാ​കും. രോ​ഗം ഗു​രു​ത​ര​മാ​കു​ന്ന​വ​രി​ല്‍ ര​ക്ത​സ്രാ​വ​മു​ണ്ടാ​കു​മെ​ന്നും വി​ദ​ഗ്ധ​ര്‍ പ​റ​യു​ന്നു.

രോ​ഗ​ബാ​ധി​ത​രാ​യ വ്യ​ക്തി​ക​ളു​മാ​യി അ​ടു​ത്ത സ​മ്പ​ര്‍ക്കം വ​ഴി രോ​ഗം പ​ട​രു​ന്നു. രോ​ഗം ബാ​ധി​ച്ച് ചി​കി​ത്സ തേ​ടാ​ത്ത 88 ശ​ത​മാ​നം പേ​രി​ലും മാ​ര്‍ബ​ര്‍ഗ് മാ​ര​ക​മാ​യേ​ക്കാം. പ​നി, പേ​ശീ​വേ​ദ​ന, വ​യ​റി​ള​ക്കം, ഛര്‍ദി, ബാ​ഹ്യ ര​ക്ത​സ്രാ​വം എ​ന്നി​വ​യാ​ണു ല​ക്ഷ​ണ​ങ്ങ​ള്‍. മാ​ര്‍ബ​ര്‍ഗി​ന് അം​ഗീ​കൃ​ത വാ​ക്‌​സി​നോ ചി​കി​ത്സ​യോ ഇ​ല്ല.

ക​ഴി​ഞ്ഞ സെ​പ്റ്റം​ബ​ര്‍ 27ന് ​റു​വാ​ണ്ട​യി​ലാ​ണ് രോ​ഗം ആ​ദ്യം റി​പ്പോ​ര്‍ട്ട് ചെ​യ്ത​ത്. രോ​ഗം സ്ഥി​രീ​ക​രി​ച്ച 66 പേ​രി​ല്‍ 15 പേ​ര്‍ മ​രി​ച്ച​താ​യി റു​വാ​ണ്ട​ന്‍ ഉ​ദ്യോ​ഗ​സ്ഥ​ര്‍ അ​റി​യി​ച്ചി​രു​ന്നു. മ​രി​ച്ച​വ​രി​ല്‍ ഭൂ​രി​ഭാ​ഗ​വും ആ​ദ്യം രോ​ഗം സ്ഥി​രീ​ക​രി​ച്ച​വ​രെ പ​രി​ച​രി​ച്ച ആ​രോ​ഗ്യ പ്ര​വ​ര്‍ത്ത​ക​രാ​ണ്.