International News
കർദിനാൾ ന്യൂമാനും മറിയം ത്രേസ്യയും വിശുദ്ധ ഗണത്തിലേക്ക്
കർദിനാൾ ന്യൂമാനും മറിയം ത്രേസ്യയും വിശുദ്ധ ഗണത്തിലേക്ക്
Thursday, February 14, 2019 1:37 AM IST
വ​ത്തി​ക്കാ​ൻ​സി​റ്റി: ഹോ​ളി​ഫാ​മി​ലി സ​ന്യാ​സി​നീ സ​മൂ​ഹ സ്ഥാ​പ​ക മ​റി​യം ത്രേ​സ്യ​യും ഇം​ഗ്ല​ണ്ടി​ലെ ക​ർ​ദി​നാ​ൾ ജോ​ൺ ന്യൂ​മാ​നും വി​ശു​ദ്ധ പ​ദ​വി​യി​ലേ​ക്ക് ഉ​യ​രു​ന്നു. ഇ​രു​വ​രെ​യും വി​ശു​ദ്ധ​രാ​യി പ്ര​ഖ്യാ​പി​ക്കു​ന്ന ഡി​ക്രി​ക​ൾ പു​റ​പ്പെ​ടു​വി​ക്കാ​ൻ നാ​മ​ക​ര​ണ​ത്തി​നാ​യു​ള്ള തി​രു​സം​ഘ​ത്തെ മാ​ർ​പാ​പ്പ ചു​മ​ത​ല​പ്പെ​ടു​ത്തി. നാ​മ​ക​ര​ണ തീ​യ​തി പി​ന്നീ​ടു പ്ര​ഖ്യാ​പി​ക്കും.

തി​രു​സം​ഘ​ത്തി​ന്‍റെ പ്രീ​ഫെ​ക്റ്റ് ക​ർ​ദി​നാ​ൾ ആ​ഞ്ച​ലോ ബെ​ച്ചി​യു ചൊ​വ്വാ​ഴ്ച ഫ്രാ​ൻ​സി​സ് മാ​ർ​പാ​പ്പ​യെ സ​ന്ദ​ർ​ശി​ച്ച​പ്പോ​ഴാ​ണ് ഈ ​നി​ർ​ദേ​ശം ന​ല്ക​പ്പെ​ട്ട​ത്.

ഇ​തോ​ടൊ​പ്പം ഹം​ഗ​റി​യി​ൽ ക​മ്യൂ​ണി​സ്റ്റ് ത​ട​വ​റ​യി​ൽ ദീ​ർ​ഘ​കാ​ലം ക​ഴി​ഞ്ഞ ക​ർ​ദി​നാ​ൾ ജോ​സ​ഫ് മി​ൻ​സെ​ന്തി​ അടക്കം അ ഞ്ച് പേരെ ധ​ന്യ​രായി പ്ര​ഖ്യാ​പി​ക്കു​ന്ന ഡി​ക്രി​യും പു​റ​പ്പെ​ടു​വി​ക്കും. ഇ​ക്വ​ഡോ​റി​ലെ ഒ​രു ര​ക്‌​ത​സാ​ക്ഷി​യെ വാ​ഴ്ത്ത​പ്പെ​ട്ട​വ​നാ​യും പ്ര​ഖ്യാ​പി​ക്കും.

ഹം​ഗ​റി​യി​ൽ എ​സ്റ്റ​ർ​ഗോ​മി​ൽ ആ​ർ​ച്ച് ബി​ഷ​പ് ആ​യി​രു​ന്ന ക​ർ​ദി​നാ​ൾ മി​ൻ​സെ​ന്തി (1842-1975) അ​ന്ത്യ​കാ​ല​ത്ത് ഓ​സ്ട്രി​യ​യി​ലെ വി​യ​ന്ന​യി​ലാ​യി​രു​ന്നു.

ച​ർ​ച്ച് ഓ​ഫ് ഇം​ഗ്ല​ണ്ടി​ൽ വൈ​ദി​ക​നാ​യ​ശേ​ഷം മ​ധ്യ​പ്രാ​യ​ത്തി​ൽ ക​ത്തോ​ലി​ക്കാ സ​ഭ​യി​ൽ ചേ​ർ​ന്ന ക​ർ​ദി​നാ​ൾ ന്യൂ​മാ​ൻ (1801-1890) പ്ര​ഭാ​ഷ​ക​നും ഗ്ര​ന്ഥ​കാ​ര​നും വി​ദ്യാ​ഭ്യാ​സ പ്ര​വ​ർ​ത്ത​ക​നു​മാ​യി​രു​ന്നു. ലീ​ഡ് കൈ​ൻ​ഡ്‌​ലി ലൈ​റ്റ് എ​ന്ന വി​ശ്രു​ത പ്രാ​ർ​ഥ​നാ​ഗാ​നം ര​ചി​ച്ച അ​ദ്ദേ​ഹം ആ​രം​ഭി​ച്ച​താ​ണ് ഓ​റ​ട്ട​റി ഓ​ഫ് സെ​ന്‍റ് ഫി​ലി​പ്പ് നേ​രി. ല​ണ്ട​നി​ൽ ജ​നി​ച്ച അ​ദ്ദേ​ഹം ബ​ർ​മി​ങ്ങാ​മി​ലെ എ​ഗ്ബാ​സ്റ്റ​ണി​ലാ​ണ് അ​ന്ത്യ​വി​ശ്ര​മം കൊ​ള്ളു​ന്ന​ത്. വൈ​ദി​ക പ​ദ​വി​യി​ൽ നി​ന്ന് നേ​രെ ക​ർ​ദി​നാ​ൾ സ്ഥാ​ന​ത്തേ​ക്ക് ഉ​യ​ർ​ത്ത​പ്പെ​ട്ട​യാ​ളാ​ണു ന്യൂ​മാ​ൻ.


ഹോ​ളി​ഫാ​മി​ലി സ​ന്യാ​സി​നീ സ​മൂ​ഹ​ത്തി​ന്‍റെ സ്ഥാ​പ​ക​യാ​യ വാ​ഴ്‌‌​ത്ത​പ്പെ​ട്ട മ​റി​യം ത്രേ​സ്യ 1876 ഏ​പ്രി​ൽ 26-ന് ​മാ​ള പു​ത്ത​ൻ​ചി​റ മ​ങ്കി​ടി​യാ​ൻ കു​ടും​ബ​ത്തി​ൽ ജ​നി​ച്ചു. 1914 മേ​യ് 14നാ​ണു സ​ന്യാ​സി​നി സ​മൂ​ഹം സ്ഥാ​പി​ച്ച​ത്. 1926 ജൂ​ൺ എ​ട്ടി​നു കു​ഴി​ക്കാ​ട്ടു​ശേ​രി​യി​ലാ​യി​രു​ന്നു അ​ന്ത്യം. ദ​രി​ദ്ര​രോ​ടു പ്ര​ത്യേ​ക ആ​ഭി​മു​ഖ്യം പു​ല​ർ​ത്തി​യി​രു​ന്നു മ​റി​യം ത്രേ​സ്യ.

1999 ജൂ​ൺ 28-ന് ​ധ​ന്യ​പ​ദ​വി​യി​ലേ​ക്കും 2000 ഏ​പ്രി​ൽ ഒ​ൻ​പ​തി​ന് വാ​ഴ്‌​ത്ത​പ്പെ​ട്ട​വ​രു​ടെ ഗ​ണ​ത്തി​ലേ​ക്കും മ​റി​യം ത്രേ​സ്യ ഉ​യ​ർ​ത്ത​പ്പെ​ട്ടു.

മ​​​റി​​​യം ത്രേ​​​സ്യ​​​യു​​​ടെ മ​​​ധ്യ​​​സ്ഥ​​​ത​​​യി​​​ലു​​​ള്ള അ​​​ത്‌ഭുത​​​രോ​​​ഗ​​​ശാ​​​ന്തി ക​​​ർ​​​ദി​​​നാ​​​ൾ​​​മാ​​​രു​​​ടെ തി​​​രു​​​സം​​​ഘം ഈ ​​​മാ​​​സ​​​മാ​​​ദ്യം സ്ഥി​​​രീ​​​ക​​​രി​​​ച്ച​​​തു ദീ​​​പി​​​ക ഫെ​​​ബ്രു​​​വ​​​രി ആ​​​റി​​​നു റി​​​പ്പോ​​​ർ​​​ട്ട് ചെ​​​യ്തി​​​രു​​​ന്നു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.