ന്യൂ​ഡ​ൽ​ഹി: രാ​ജ​സ്ഥാ​നി​ലെ രാ​ഷ്‌​ട്രീ​യ ര​ജ​പു​ത് ക​ർ​ണി​സേ​ന​യു​ടെ ദേ​ശീ​യ അ​ധ്യ​ക്ഷ​ൻ സു​ഖ്ദേ​വ് സിം​ഗ് ഗോ​ഗാ​മേ​ദി​യെ അ​ക്ര​മി​ക​ൾ വെ​ടി​വ​ച്ച് കൊ​ല​പ്പെ​ടു​ത്തി. ഇ​ന്ന​ലെ ഉ​ച്ച​ക​ഴി​ഞ്ഞ് സു​ഖ്ദേ​വി​ന്‍റെ ജ​യ്പു​ർ ന​ഗ​ര​ത്തി​ലെ ശ്യാം​ന​ഗ​റി​ലു​ള്ള വീ​ട്ടി​ലെ​ത്തി​യ മൂ​ന്ന് അ​ക്ര​മി​ക​ൾ സം​സാ​ര​ത്തി​നി​ടെ വെ​ടി​യു​തി​ർ​ക്കു​ക​യാ​യി​രു​ന്നു.

സു​ര​ക്ഷാ ഉ​ദ്യോ​ഗ​സ്ഥ​ന്‍റെ പ്ര​ത്യാ​ക്ര​മ​ണ​ത്തി​ൽ അ​ക്ര​മി​ക​ളി​ൽ ഒ​രാ​ൾ കൊ​ല്ല​പ്പെ​ട്ടു. സു​ഖ്ദേ​വി​ന്‍റെ സു​ര​ക്ഷാ ഉ​ദ്യോ​ഗ​സ്ഥ​ർ​ക്കും വെ​ടി​യേ​റ്റി​ട്ടു​ണ്ട്. സംഭവത്തിൽ പ്രതിഷേധിച്ച് കർണിസേന ഇന്നു രാജസ്ഥാനിൽ ബന്ദിന് ആഹ്വാനം നൽകിയിട്ടുണ്ട്.

ലോ​റ​ൻ​സ് ബി​ഷ്ണോ​യി​യു​ടെ നേ​തൃ​ത്വ​ത്തി​ലു​ള്ള അ​ധോ​ലോ​ക​സം​ഘ​വു​മാ​യി ബ​ന്ധ​പ്പെ​ട്ടു പ്ര​വ​ർ​ത്തി​ക്കു​ന്ന രോ​ഹി​ത് ഗൊ​ഡാ​ര സ​മൂ​ഹ​മാ​ധ്യ​ത്തി​ലൂ​ടെ കൊ​ല​പാ​ത​ക​ത്തി​ന്‍റെ ഉ​ത്ത​ര​വാ​ദി​ത്വം ഏ​റ്റെ​ടു​ത്തി​ട്ടു​ണ്ട്. സു​ഖ്ദേ​വി​നു നേ​രേ അ​ക്ര​മി​ക​ൾ വെ​ടി​യു​തി​ർ​ക്കു​ന്ന​തി​ന്‍റെ സി​സി​ടി​വി ദൃ​ശ്യ​ങ്ങ​ൾ പു​റ​ത്തു​വ​ന്നി​ട്ടു​ണ്ട്.


ദീ​ർ​ഘ​നാ​ളാ​യി സു​ഖ്ദേ​വി​നു​നേ​രെ വ​ധ​ഭീ​ഷ​ണി​യു​ണ്ടാ​യി​രു​ന്നു. അ​ക്ര​മി​ക​ളെ തി​രി​ച്ച​റി​ഞ്ഞ​താ​യി ജ​യ്പു​ർ പോ​ലീ​സ് ക​മ്മീ​ഷ​ണ​ർ ബി​ജു ജോ​ർ​ജ് ജോ​സ​ഫ് പ​റ​ഞ്ഞു.

സം​ഭ​വ​ത്തെ​ത്തു​ട​ർ​ന്ന് ജ​യ്പു​രി​ൽ ക​ർ​ണി​സേ​നാ പ്ര​വ​ർ​ത്ത​ക​ർ റോ​ഡു​ക​ൾ ഉ​പ​രോ​ധി​ച്ചു. ന​ഗ​ര​ത്തി​ൽ സം​ഘ​ർ​ഷാ​വ​സ്ഥ നി​ല​നി​ൽ​ക്കു​ക​യാ​ണ്. സം​സ്ഥാ​ന​ത്ത് സു​ര​ക്ഷ ശ​ക്ത​മാ​ക്കി​യ​താ​യി ഡി​ജി​പി ഉ​മേ​ഷ് മി​ശ്ര പ​റ​ഞ്ഞു.

2015 ൽ ​ര​ജ​പു​ത് ക​ർ​ണി​സേ​ന​യി​ൽ​നി​ന്ന് പു​റ​ത്താ​ക്കി​യ​തി​നെ​ത്തു​ട​ർ​ന്നാ​ണ് സു​ഖ്ദേ​വ് രാ​ഷ്‌​ട്രീ​യ ര​ജ്പു​ത് ക​ർ​ണി​സേ​ന രൂ​പീ​ക​രി​ച്ച​ത്. ദീ​പി​ക പ​ദു​ക്കോ​ണ്‍ നാ​യി​ക​യാ​യ പ​ദ്മാ​വ​ത് സി​നി​മ​യ്ക്കെ​തി​രേ ഇ​രു ക​ർ​ണി​സേ​നാ വി​ഭാ​ഗ​വും രം​ഗ​ത്തെ​ത്തി​യി​രു​ന്നു.