ന്യൂ​ഡ​ൽ​ഹി: മൂ​ന്നു സം​സ്ഥാ​ന​ങ്ങ​ളി​ലെ ബി​ജെ​പി വി​ജ​യ​ത്തി​ന്‍റെ പ​ശ്ചാ​ത്ത​ല​ത്തി​ൽ ആ​രോ​പ​ണ​വു​മാ​യി ബി​എ​സ്പി അ​ധ്യ​ക്ഷ മാ​യാ​വ​തി. വോ​ട്ടെ​ണ്ണ​ൽസ​മ​യ​ത്ത് പോ​രാ​ട്ടം ഇ​ഞ്ചോ​ടി​ഞ്ചാ​യി​രു​ന്നു.

എ​ന്നാ​ൽ വ​ള​രെ​ പെ​ട്ടെ​ന്ന് ഫ​ലം ഏ​ക​പ​ക്ഷീ​യ​മാ​യ​ത് ഗൗ​ര​വ​മാ​യി ചി​ന്തി​ക്കേ​ണ്ട കാ​ര്യ​മാ​ണെ​ന്ന് മാ​യാ​വ​തി എ​ക്സി​ൽ കു​റി​ച്ചു. ഇ​ത്ത​ര​മൊ​രു ഫ​ലം വി​ശ്വ​സി​ക്കാ​ൻ സാ​ധാ​ര​ണ​ക്കാ​രാ​യ വോ​ട്ട​ർ​മാ​ർ​ക്കു ക​ഴി​യി​ല്ലെ​ന്നും മാ​യാ​വ​തി ചൂ​ണ്ടി​ക്കാ​ട്ടി.

രാ​ജ്യ​ത്ത് അ​ടു​ത്തി​ടെ ന​ട​ന്ന നി​യ​മ​സ​ഭാ തെ​ര​ഞ്ഞെ​ടു​പ്പി​ന്‍റെ ഫ​ലം കേ​വ​ലം ഒ​രു ക​ക്ഷി​ക്ക് അ​നു​കൂ​ല​മാ​യി​രു​ന്നു. ബി​എ​സ്പി​യു​ടെ മു​ഴു​വ​ൻ സം​ഘ​ട​നാ സം​വി​ധാ​ന​വും ഒ​ത്തൊ​രു​മി​ച്ചു പ്ര​വ​ർ​ത്തി​ച്ചി​രു​ന്നു. തെ​ര​ഞ്ഞെ​ടു​പ്പി​ന്‍റെ ഘ​ട്ട​ത്തി​ൽ ഇ​ഞ്ചോ​ടി​ഞ്ചു പോ​രാ​ട്ട​മാ​ണ് ന​ട​ന്ന​ത്. എ​ന്നാ​ൽ അ​ത്ത​ര​മൊ​രു ഫ​ല​മ​ല്ല പു​റ​ത്തു​വ​ന്ന​തെ​ന്നും മാ​യാ​വ​തി കൂ​ട്ടി​ച്ചേ​ർ​ത്തു.


ഇ​ങ്ങ​നെ​യൊ​രു വി​ധി വി​ശ്വ​സി​ക്കാ​ൻ വ​ള​രെ ബു​ദ്ധി​മു​ട്ടാ​ണ്. ജ​ന​ങ്ങ​ൾ​ക്കി​ട​യി​ൽ ഇ​ത് സം​ശ​യ​ത്തി​നും ആ​ശ​ങ്ക​യ്ക്കും കാ​ര​ണ​മാ​കും. അം​ബേ​ദ്ക​റി​ൽ​നി​ന്ന് പ്ര​ചോ​ദ​നം ഉ​ൾ​ക്കൊ​ണ്ട് മു​ന്നോ​ട്ടു​ പോ​കാ​ൻ ബി​എ​സ്പി പ്ര​വ​ർ​ത്ത​ക​ർ ശ്ര​മി​ക്ക​ണ​മെ​ന്നും തെ​ര​ഞ്ഞെ​ടു​പ്പു ഫ​ല​ങ്ങ​ളി​ൽ അ​സ്വ​സ്ഥ​രാ​കാ​തെ മു​ന്നോ​ട്ടു പോ​കാ​നു​ള്ള ക​രു​ത്ത് പ്ര​സ്ഥാ​ന​ത്തി​നു​ണ്ടെ​ന്നും മാ​യാ​വ​തി വ്യ​ക്ത​മാ​ക്കി. തെ​ര​ഞ്ഞെ​ടു​പ്പു ഫ​ല​ത്തി​നു പി​ന്നാ​ലെ വോ​ട്ടിം​ഗ് യ​ന്ത്ര​ത്തി​ലെ ക്ര​മ​ക്കേ​ട് ആ​രോ​പി​ച്ച് കോ​ണ്‍ഗ്ര​സും രം​ഗ​ത്തു​വ​ന്നി​രു​ന്നു.

ലോ​ക്സ​ഭാ തി​ര​ഞ്ഞെ​ടു​പ്പി​നു മു​ന്നോ​ടി​യാ​യി ഈ​ മാ​സം പ​ത്തി​ന് ബി​എ​സ്പി​യു​ടെ അ​ഖി​ലേ​ന്ത്യാ യോ​ഗം ചേ​രും. നാ​ലു സം​സ്ഥാ​ന​ങ്ങ​ളി​ൽ നേ​രി​ടേ​ണ്ടി വ​ന്ന തെ​ര​ഞ്ഞെ​ടു​പ്പു തോ​ൽ​വി​യാ​ണ് ല​ക്നോ​യി​ൽ ന​ട​ക്കു​ന്ന യോ​ഗ​ത്തി​ൽ പ്ര​ധാ​ന​മാ​യും ച​ർ​ച്ച​യാ​കു​ക.