ഇന്ത്യൻ പീനൽ കോഡ്, എവിഡൻസ് ആക്ട്, സിആർപിസി എന്നീ ക്രിമിനൽ നിയമങ്ങളുടെ പേരുകൾ ഹിന്ദിയിലാക്കാനുള്ള പുതിയ നിയമഭേദഗതി പുനഃപരിശോധിക്കണമെന്ന് എൻ.കെ. പ്രേമചന്ദ്രൻ ആവശ്യപ്പെട്ടു. അദാനി കുംഭകോണ വിഷയവും മണിപ്പുർ വിഷയവും ഇപ്പോഴും പരിഹരിക്കപ്പെടാതെ കിടക്കുകയാണെന്ന് പി. സന്തോഷ് കുമാർ ആരോപിച്ചു.
പലസ്തീൻ-ഇസ്രയേൽ സംഘർഷവും ഇന്ത്യയുടെ നിലപാടും പാർലമെന്റിൽ ചർച്ചചെയ്യണമെന്ന് പ്രതിപക്ഷ നേതാക്കൾ സർവകക്ഷിയോഗത്തിൽ ആവശ്യപ്പെട്ടു. 37 ബില്ലുകളാണ് പാർലമെന്റിന്റെ പരിഗണനയിലുള്ളത്. ഇതിൽ 12 എണ്ണം പാസാക്കിയെടുക്കാനാണ് സർക്കാരിന്റെ തീരുമാനം. 17-ാം ലോക്സഭയുടെ 14-ാം സമ്മേളനവും രാജ്യസഭയുടെ 262-ാം സമ്മേളനവുമാണിത്.
ചോദ്യത്തിനു കോഴ വിവാദത്തിൽ തൃണമൂൽ കോണ്ഗ്രസ് എംപി മഹുവ മൊയ്ത്രയ്ക്തെിരേയുള്ള പാർലമെന്റ് എത്തിക്സ് കമ്മിറ്റിയുടെ റിപ്പോർട്ട് ലോക്സഭയുടെ മേശപ്പുറത്ത് വയ്ക്കും.