ന്യൂ​ഡ​ൽ​ഹി: ത​രം മാ​റ്റാ​നു​ള്ള ഭൂ​മി 25 സെ​ന്‍റി​ൽ കൂ​ടു​ത​ലാ​ണെ​ങ്കി​ൽ അ​ധി​ക​മു​ള്ള സ്ഥ​ല​ത്തി​ന്‍റെ ഫീ​സ് അ​ട​ച്ചാ​ൽ മ​തി​യെ​ന്ന ഹൈ​ക്കോ​ട​തി വി​ധി സു​പ്രീം​കോ​ട​തി സ്റ്റേ ​ചെ​യ്തു.

അ​ധി​ക​മു​ള്ള സ്ഥ​ല​ത്തി​ന്‍റെ മാ​ത്രം ന്യാ​യ​വി​ല​യു​ടെ പ​ത്തു ശ​ത​മാ​നം ഫീ​സ​ട​ച്ചാ​ൽ മ​തി​യെ​ന്ന ഹൈ​ക്കോ​ട​തി വി​ധി​യാ​ണ് സു​പ്രീം​കോ​ട​തി സ്റ്റേ ​ചെ​യ്ത​ത്. സം​സ്ഥാ​ന സ​ർ​ക്കാ​രി​ന്‍റെ ഹ​ർ​ജി പ​രി​ഗ​ണി​ച്ചാ​ണ് ജ​സ്റ്റീ​സു​മാ​രാ​യ സി.​ടി. ര​വി​കു​മാ​ർ, സ​ഞ്ജ​യ് കു​മാ​ർ എ​ന്നി​വ​ർ അ​ട​ങ്ങി​യ ബെ​ഞ്ചി​ന്‍റെ ന​ട​പ​ടി.

ചെ​റി​യ അ​ള​വി​ൽ ഭൂ​മി ത​രം മാ​റ്റു​ന്ന​വ​രെ സ​ഹാ​യി​ക്കാ​നാ​ണ് 25 സെ​ന്‍റ് വ​രെ​യു​ള്ള ഭൂ​മി​യു​ടെ ത​രം​മാ​റ്റ​ത്തി​നു സ​ർ​ക്കാ​ർ ഫീ​സി​ള​വ് ന​ൽ​കി​യി​രി​ക്കു​ന്ന​തെ​ന്ന് സു​പ്രീം​കോ​ട​തി ഉ​ത്ത​ര​വി​ൽ പ​റ​യു​ന്നു.

നെ​ൽ​വ​യ​ൽ ത​ണ്ണീ​ർ​ത്ത​ട സം​ര​ക്ഷ​ണ നി​യ​മ​ത്തി​ലെ 27 എ ​വ​കു​പ്പ് പ്ര​കാ​രം 25 സെ​ന്‍റ് വ​രെ​യു​ള്ള ഭൂ​മി​ക്കാ​ണ് ഇ​ള​വ് അ​നു​വ​ദി​ച്ചി​രി​ക്കു​ന്ന​ത്. അ​തി​ൽ കൂ​ടു​ത​ലു​ള്ള ഭൂ​മി ത​രം മാ​റ്റു​ക​യാ​ണെ​ങ്കി​ൽ ആ​കെ​യു​ള്ള ഭൂ​മി​യു​ടെ പ​ത്തു ശ​ത​മാ​നം ന്യാ​യ​വി​ല അ​നു​സ​രി​ച്ച് ഫീ​സ് ഈ​ടാ​ക്കാ​ൻ അ​നു​വ​ദി​ക്ക​ണ​മെ​ന്നും സം​സ്ഥാ​ന സ​ർ​ക്കാ​ർ ആ​വ​ശ്യ​പ്പെ​ട്ടു.


ഇ​ള​വ് ചെ​റു​കി​ട ഭൂ​മി ഉ​ട​മ​ക​ളെ സ​ഹാ​യി​ക്കാ​ൻ മാ​ത്രം ഉ​ള്ള​താ​ണെ​ന്നും 2021 ഫെ​ബ്രു​വ​രി 25ന് ​ഉ​ത്ത​ര​വ് പു​റ​പ്പെ​ടു​വി​ച്ചി​രു​ന്നു​വെ​ന്നും സം​സ്ഥാ​ന സ​ർ​ക്കാ​രി​നുവേ​ണ്ടി ഹാ​ജ​രാ​യ സീ​നി​യ​ർ അ​ഭി​ഭാ​ഷ​ക​ർ വി​ശ​ദീ​ക​രി​ച്ചു.

തു​ട​ർ​ന്നാ​ണ് സു​പ്രീം​കോ​ട​തി സ്റ്റേ ​ഉ​ത്ത​ര​വ് പു​റ​പ്പ​ടു​വി​ച്ച​ത്. ഭൂ​മി ത​രം മാ​റ്റു​ന്പോ​ൾ 25 സെ​ന്‍റി​ന് ശേ​ഷ​മു​ള്ള അ​ധി​കഭൂ​മി​ക്കു മാ​ത്രം ഫീ​സ് വാ​ങ്ങി​യാ​ൽ മ​തി​യെ​ന്നാ​യി​രു​ന്നു ഹൈ​ക്കോ​ട​തി​യു​ടെ സിം​ഗി​ൾ ബെ​ഞ്ചും ഡി​വി​ഷ​ൻ ബെ​ഞ്ചും ഉ​ത്ത​ര​വി​ട്ടി​രു​ന്ന​ത്.