സെ​ബി​ൻ ജോ​സ​ഫ്

ന്യൂ​ഡ​ൽ​ഹി: ലോ​ക്സ​ഭ, നി​യ​മ​സ​ഭ, ത്രി​ത​ല പ​ഞ്ചാ​യ​ത്ത് തെ​ര​ഞ്ഞെ​ടു​പ്പു​ക​ൾ ഒ​രു​മി​ച്ചു ന​ട​ത്തു​ന്ന ‘ഒ​രു രാ​ജ്യം, ഒ​രു തെ​ര​ഞ്ഞെ​ടു​പ്പ്’ 2029ൽ യാ​ഥാ​ർ​ഥ്യ​മാ​യേ​ക്കും. രാ​ജ്യം ഒ​റ്റ തെ​ര​ഞ്ഞെ​ടു​പ്പി​ലേ​ക്ക് പോ​കു​ന്ന​തി​നു മു​ന്നോ​ടി​യാ​യി സം​സ്ഥാ​ന നി​യ​മ​സ​ഭ​ക​ളു​ടെ കാ​ലാ​വ​ധി​ക​ൾ കൂ​ട്ടു​ന്ന​തും കു​റ​യ്ക്കു​ന്ന​തും സം​ബ​ന്ധി​ച്ച സ​മ​യ​ക്ര​മം നി​യ​മ​ ക​മ്മീ​ഷ​ൻ രൂ​പീ​ക​രി​ക്കും.

ലോ​ക്സ​ഭ, നി​യ​മ​സ​ഭ തെ​ര​ഞ്ഞെ​ടു​പ്പു​ക​ൾ ഒ​രു​മി​ച്ചു ന​ട​ത്തു​ന്ന​തി​നു​ള്ള റി​പ്പോ​ർ​ട്ട് സ​മ​ർ​പ്പി​ക്കാ​ൻ കേ​ന്ദ്ര​സ​ർ​ക്കാ​ർ നി​യോ​ഗി​ച്ച മു​ൻ രാ​ഷ്‌​ട്ര​പ​തി രാം​നാ​ഥ് കോ​വി​ന്ദ് അ​ധ്യ​ക്ഷ​നാ​യ സ​മി​തി നി​യ​മ​ക​മ്മീ​ഷ​നു​മാ​യി പ്ര​ത്യേ​കം കൂ​ടി​ക്കാ​ഴ്ച ന​ട​ത്തി​യി​രു​ന്നു.

വേ​ണ്ട​ത്ര സ​മ​യം അ​നു​വ​ദി​ച്ചാ​ൽ രാ​ജ്യ​ത്ത് ഒ​റ്റ തെ​ര​ഞ്ഞെ​ടു​പ്പു ന​ട​ത്താ​ൻ സാ​ധി​ക്കു​മെ​ന്ന് തെ​ര​ഞ്ഞെ​ടു​പ്പു ക​മ്മീ​ഷ​ൻ പ​റ​ഞ്ഞ​താ​യി നി​യ​മ ക​മ്മീ​ഷ​ൻ ചെ​യ​ർ​പേ​ഴ്സ​ണ്‍ ഋ​തു​രാ​ജ് അ​വ​സ്തി പ​റ​ഞ്ഞു. ഒ​റ്റ തെ​ര​ഞ്ഞെ​ടു​പ്പി​നാ​യി തെ​ര​ഞ്ഞെ​ടു​പ്പു ക​മ്മീ​ഷ​ൻ പൊ​തു വോ​ട്ട​ർ​പ​ട്ടി​ക രൂ​പീ​ക​രി​ക്കും. ലോ​ക്സ​ഭ, നി​യ​മ​സ​ഭാ തെ​ര​ഞ്ഞെ​ടു​പ്പു​ക​ൾ ഒ​രു​മി​ച്ചു ന​ട​ത്തു​ന്ന​ത് പ​ണ​ച്ചെ​ല​വ് കു​റ​യ്ക്കു​ന്ന​തി​നും സ​ഹാ​യ​കമാ​കും.

ജ​ന​പ്രാ​തി​നി​ധ്യ നി​യ​മ​വും മ​റ്റു നി​യ​മ​ങ്ങ​ളും ഭേ​ദ​ഗ​തി ചെ​യ്യു​ന്ന​തു സം​ബ​ന്ധി​ച്ച് നി​യ​മ ​ക​മ്മീ​ഷ​ൻ കേ​ന്ദ്ര​സ​ർ​ക്കാ​രി​നു റി​പ്പോ​ർ​ട്ട് ന​ൽ​കും. പാ​ർ​ല​മെ​ന്‍റി​ൽ മാ​ത്രം നി​യ​മം പാ​സാ​ക്കി​യാ​ൽ മ​തി​യോ എ​ന്ന​തു​ സം​ബ​ന്ധി​ച്ചും പ​ഠ​നം ന​ട​ത്തും.

ത്രി​ത​ല പ​ഞ്ചാ​യ​ത്ത് തെ​ര​ഞ്ഞെ​ടു​പ്പു​ക​ൾ ലോ​ക്സ​ഭ, നി​യ​മ​സ​ഭാ തെ​ര​ഞ്ഞെ​ടു​പ്പു​ക​ൾ​ക്കൊ​പ്പം ന​ട​ത്തു​ന്ന​തു സം​ബ​ന്ധി​ച്ച് രാം​നാ​ഥ് കോ​വി​ന്ദ് സ​മി​തി കേ​ന്ദ്ര​സ​ർ​ക്കാ​രി​നു ശി​പാ​ർ​ശ സ​മ​ർ​പ്പി​ക്കും. തെ​ര​ഞ്ഞെ​ടു​പ്പു​ക​ൾ എ​ങ്ങ​നെ ന​ട​ത്ത​ണ​മെ​ന്നതു സം​ബ​ന്ധി​ച്ചും സ​മി​തി റി​പ്പോ​ർ​ട്ട് ന​ൽ​കും.


കൂ​ട്ടു​ക​ക്ഷി, ന്യൂ​ന​പ​ക്ഷ സ​ർ​ക്കാ​രു​ക​ൾ അ​ധി​കാ​ര​ത്തി​ൽ വ​ന്നാ​ലും അ​വി​ശ്വാ​സ​ത്തി​ലൂ​ടെ സ​ർ​ക്കാ​ർ രാ​ജി​വ​ച്ചാ​ലും എ​ന്തു ന​ട​പ​ടി സ്വീ​ക​രി​ക്ക​ണ​മെ​ന്ന​തു സം​ബ​ന്ധി​ച്ചും സ​മി​തി ശി​പാ​ർ​ശ ന​ൽ​കും.

ക​ഴി​ഞ്ഞ 18ന് ​അ​ഞ്ചുദി​വ​സ​ത്തെ പ്ര​ത്യേ​ക പാ​ർ​ല​മെ​ന്‍റ് സ​മ്മേ​ള​നം വി​ളി​ച്ച​പ്പോ​ൾ ഈ ​വി​ഷ​യം ച​ർ​ച്ച​ചെ​യ്യു​മെ​ന്ന് പ്ര​തി​പ​ക്ഷ പാ​ർ​ട്ടി​ക​ൾ ക​രു​തി​യെ​ങ്കി​ലും വ​നി​താ സം​വ​ര​ണ ബി​ൽ പാ​സാ​ക്കു​ക​യാ​ണു ചെ​യ്ത​ത്. ഒ​റ്റ തെ​ര​ഞ്ഞെ​ടു​പ്പ് രാ​ജ്യ​ത്തി​ന്‍റെ ഫെ​ഡ​റ​ൽ സം​വി​ധാ​ന​ത്തെ പ്ര​തി​കൂ​ല​മാ​യി ബാ​ധി​ക്കു​മെ​ന്ന് വി​മ​ർ​ശ​ന​മു​ണ്ട്. തെ​ര​ഞ്ഞെ​ടു​പ്പ് ഒ​രു നേ​താ​വി​ലേ​ക്കു മാ​ത്രം കേ​ന്ദ്രീ​ക​രി​ക്കു​മെ​ന്നും പ്രാ​ദേ​ശി​ക വി​ഷ​യ​ങ്ങ​ൾ ച​ർ​ച്ച ചെ​യ്യ​പ്പെ​ടി​ല്ലെ​ന്നു​മാ​ണ് പ​ര​ക്കെ​യു​ള്ള ആ​ശ​ങ്ക.

കാലാവധി എങ്ങനെ?

2029ൽ രാ​ജ്യം ഒ​റ്റ തെ​ര​ഞ്ഞെ​ടു​പ്പി​ലേ​ക്ക് പോ​കു​ക​യാ​ണെ​ങ്കി​ൽ ചി​ല നി​യ​മ​സ​ഭ​ക​ളു​ടെ കാ​ലാ​വ​ധി ദീ​ർ​ഘി​പ്പി​ക്കു​ക​യും ചി​ല​ത് വെ​ട്ടി​ച്ചു​രു​ക്കു​ക​യും ചെ​യ്യേ​ണ്ടി​വ​രും. ഇ​തു​സം​ബ​ന്ധി​ച്ച സ​മ​യ​ക്ര​മം നി​യ​മ ക​മ്മീ​ഷ​ൻ രൂ​പീ​ക​രി​ച്ചു​വ​രി​ക​യാ​ണ്.

ലോ​ക്സ​ഭ, നി​യ​മ​സ​ഭാ തെ​ര​ഞ്ഞെ​ടു​പ്പു​ക​ൾ ഒ​രു​മി​ച്ച് ന​ട​ത്തു​ക​യാ​ണെ​ങ്കി​ൽ തെ​ര​ഞ്ഞെ​ടു​പ്പു പ്ര​ക്രി​യ കൂ​ടു​ത​ൽ ല​ളി​ത​മാ​കു​മെ​ന്നാ​ണ് നി​യ​മ​ക​മ്മീ​ഷ​ന്‍റെ നി​ല​പാ​ട്. ത്രി​ത​ല പ​ഞ്ചാ​യ​ത്ത് തെ​ര​ഞ്ഞെ​ടു​പ്പു​ക​ൾ​കൂ​ടി ഒ​രു​മി​ച്ചു ന​ട​ത്ത​ണ​മെ​ന്ന് നി​ർ​ദേ​ശ​മു​ണ്ടെ​ങ്കി​ലും മ​റ്റൊ​രു ഘ​ട്ട​മാ​യി ആ ​വ​ർ​ഷം​ത​ന്നെ ന​ട​ത്താ​നാ​ണ് 22-ാം നി​യ​മ ക​മ്മീ​ഷ​ന്‍റെ ശി​പാ​ർ​ശ.

തെ​ര​ഞ്ഞെ​ടു​പ്പ് പ്ര​ക്രി​യ, സ​ഭ​ക​ളു​ടെ കാ​ലാ​വ​ധി എ​ന്നി​വ സം​ബ​ന്ധി​ച്ച സ​മ​യ​ക്ര​മം രൂ​പീ​ക​രി​ക്കാ​ൻ നി​യ​മ​ ക​മ്മീ​ഷ​ന്‍റെ കാ​ലാ​വ​ധി കേ​ന്ദ്ര​സ​ർ​ക്കാ​ർ 2024 ഓ​ഗ​സ്റ്റ് വ​രെ നീ​ട്ടി​യി​ട്ടു​ണ്ട്.