സ​മ​ര​ക്കാ​രെ പി​ന്തി​രി​പ്പി​ക്കാ​നാ​വാ​തെ സ​ബ് ക​ള​ക്ട​ര്‍ മ​ട​ങ്ങി
Friday, June 28, 2024 4:46 AM IST
വൈ​പ്പി​ന്‍: റോ​ഡ് ഉ​പ​രോ​ധ​ത്തെ​ത്തു​ട​ര്‍​ന്ന് സ്ഥ​ല​ത്തെ​ത്തി​യ സ​ബ് ക​ള​ക്ട​ര്‍ സ​മ​ര​ക്കാ​രെ പി​ന്തി​രി​പ്പി​ക്കാ​നാ​വാ​തെ മ​ട​ങ്ങി. ക​ട​ല്‍​ഭി​ത്തി നി​ർ​മാ​ണ​ത്തി​ന്‍റെ പേ​രി​ല്‍ ഇ​നി​യും ത​ങ്ങ​ളെ പ​റ​ഞ്ഞ് പ​റ്റി​ക്കാ​ന്‍ ഒ​രു ഉ​ദ്യോ​ഗ​സ്ഥ​നും ഒ​രു സ​ര്‍​ക്കാ​രി​നും അ​വ​സ​രം ന​ല്‍​കി​ല്ലെ​ന്ന സ​മ​ര​ക്കാ​രു​ടെ ഉ​റ​ച്ച തീ​രു​മാ​ന​ത്തി​നു മു​ന്നി​ല്‍ സ​ബ് ക​ള​ക്ട​ര്‍ കെ.​മീ​ര​യ്ക്ക് മ​റു​പ​ടി ഉ​ണ്ടാ​യി​ല്ല.

ചെ​ല്ലാ​നം മോ​ഡ​ലി​ല്‍ ടെ​ട്രാ പോ​ഡ് ഉ​പ​യോ​ഗി​ച്ചു​ള്ള ക​ട​ല്‍​ഭി​ത്തി നി​ർ​മാ​ണ പ​ദ്ധ​തി സ​ര്‍​ക്കാ​രി​ല്‍ സ​മ​ര്‍​പ്പി​ച്ചി​ട്ടു​ണ്ടെ​ന്നും അ​നു​മ​തി കി​ട്ടു​ന്ന മു​റ​യ്ക്ക് പ​ണി​ക​ള്‍ ആ​രം​ഭി​ക്കു​മെ​ന്ന് സ​ബ് ക​ള​ക്ട​ര്‍ സ​മ​ര​ക്കാ​ര്‍​ക്ക് ആ​ദ്യം ഉ​റ​പ്പ് ന​ല്‍​കി​യെ​ങ്കി​ലും പ​ദ്ധ​തി ഉ​ട​ന്‍ ന​ട​പ്പി​ലാ​ക്ക​ണ​മെ​ന്ന സ​മ​ര​ക്കാ​രു​ടെ ആ​വ​ശ്യം അ​പ്രാ​യോ​ഗി​ക​മാ​ണെ​ന്ന് അ​വ​ര്‍ അ​റി​യി​ച്ചു.

ത​ല്‍​ക്കാ​ലം 100 മീ​റ്റ​ര്‍ നീ​ള​ത്തി​ല്‍ ജി​യോ ബാ​ഗ് സ്ഥാ​പി​ക്കു​ക​യും മ​ണ​ല്‍ ബ​ണ്ട് നി​ർ​മി​ക്കാ​ന്‍ പ​ഞ്ചാ​യ​ത്തി​നു പ​ണം അ​നു​വ​ദി​ക്കാ​മെ​ന്നും ഉ​റ​പ്പു ന​ല്‍​കി.

തീ​ര​വാ​സി​ക​ളു​ടെ ആ​വ​ശ്യ​പ്ര​കാ​രം വെ​ള്ളം ഒ​ഴു​കി പോ​കാ​നു​ള്ള ഡ്രെ​യി​നേ​ജി​ന്‍റെ പ​ണി​ക​ള്‍ ആ​രം​ഭി​ച്ചി​ട്ടു​മു​ണ്ട്. മാ​ത്ര​മ​ല്ല, കേ​ടു​പാ​ടു​ക​ള്‍ സം​ഭ​വി​ച്ച വീ​ടു​ക​ള്‍​ക്ക് ന​ഷ്ട​പ​രി​ഹാ​ര​വും പ​രി​ഗ​ണി​ക്കാ​മെ​ന്ന് ഉ​റ​പ്പ് ന​ല്‍​കി​യ സ​ബ് ക​ള​ക്ട​ര്‍ ക​ട​പ്പു​റ​ത്തെ ദു​രി​ത ബാ​ധി​ത മേ​ഖ​ല സ​ന്ദ​ര്‍​ശി​ച്ച ശേ​ഷ​മാ​ണ് മ​ട​ങ്ങി​യ​ത്.

Copyright @ 2022 , Rashtra Deepika Ltd.