വി​ദേ​ശി​ക​ൾ മ​യ​ക്കു​മ​രു​ന്നു​മാ​യി പി​ടി​യി​ലാ​യ കേ​സി​ൽ അ​ന്വേ​ഷ​ണം ഡൽഹിയിലേക്ക്
Saturday, June 29, 2024 4:43 AM IST
നെ​ടു​മ്പാ​ശേ​രി : വ​ൻ മ​യ​ക്കു​മ​രു​ന്ന് ശേ​ഖ​ര​വു​മാ​യി വി​ദേ​ശ വ​നി​ത​യും പു​രു​ഷ​നും വി​മാ​ന​ത്താ​വ​ള​ത്തി​ൽ പി​ടി​യി​ലാ​യ കേ​സി​ൽ അ​ന്വേ​ഷ​ണം ഡ​ൽ​ഹി​യി​ലേ​ക്ക് വ്യാ​പി​പ്പി​ക്കു​ന്നു. ടാ​ൻ​സാ​നി​യ​ൻ സ്വ​ദേ​ശി​ക​ളാ​യ ഒ​മാ​രി അ​തു​മാ​നി ജോം​ഗോ, വെ​റോ​ണി​ക്ക എ​ന്നി​വ​ർ ഒ​രാ​ഴ്ച മു​ൻ​പാ​ണ് നെ​ടു​മ്പാ​ശേ​രി വി​മാ​ന​ത്താ​വ​ള​ത്തി​ൽ നി​ന്ന് ഡ​യ​റ​ക്ട​റേ​റ്റ് ഓ​ഫ് റ​വ​ന്യൂ ഇ​ന്‍റ​ലി​ജ​ൻ​സ് വി​ഭാ​ഗ​ത്തി​ന്‍റെ പി​ടി​യി​ലാ​യ​ത്. ഇ​രു​വ​രും ചേ​ർ​ന്ന് 3287 ഗ്രാം ​കൊ​ക്കെ​യ്​നാ​ണ് വ​യറ്റി​ൽ ഒ​ളി​പ്പി​ച്ച് ക​ട​ത്താ​ൻ ശ്ര​മി​ച്ച​ത്.

അ​ങ്ക​മാ​ലി​യി​ലെ സ്വ​കാ​ര്യ ആ​ശു​പ​ത്രി​യി​ൽ പ്ര​വേ​ശി​പ്പി​ച്ച് ഒ​രാ​ഴ്ച​കൊണ്ടാണ് ഇ​വ​രു​ടെ വ​യ​റ്റി​ൽ നി​ന്നും അ​ന്വേ​ഷ​ണ ഉ​ദ്യോ​ഗ​സ്ഥ​ർ​ക്ക് കൊ​ക്കെ​യി​ൻ പൂ​ർ​ണ​മാ​യും പു​റ​ത്തെ​ടു​ക്കാ​നാ​യ​ത്. ക​ണ്ടെ​ടു​ത്ത മ​യ​ക്കു​മ​രു​ന്നി​ന് 33 കോ​ടി രൂ​പ വി​ല​ വ​രും.

എ​ത്യോ​പ്യ​യി​ൽ നി​ന്ന് ദോ​ഹ വ​ഴി​യാ​ണ് ഇ​വ​ർ നെ​ടു​മ്പാ​ശേ​രി​യി​ലെ​ത്തി​യ​ത്. ഇ​വി​ടെ നി​ന്നും ഡ​ൽ​ഹി​യി​ലേ​ക്ക് പോ​കാ​നാ​യി​രു​ന്നു പ​ദ്ധ​തി. ഡ​ൽ​ഹി​യി​ലേ​ക്കു​ള്ള വി​മാ​ന ടി​ക്ക​റ്റും ഇ​വ​രു​ടെ കൈ​വ​ശ​മു​ണ്ടാ​യി​രു​ന്നു. മ​യ​ക്കു​മ​രു​ന്ന് ഡ​ൽ​ഹി​യി​ൽ കൈ​മാ​റാ​നാ​യി​രു​ന്നു പ​ദ്ധ​തി​യെ​ന്നാ​ണ് ചോ​ദ്യം ചെ​യ്യ​ലി​ൽ ഇ​വ​ർ വ്യ​ക്ത​മാ​ക്കി​യ​ത്.

ഇ​തേ​ത്തു​ട​ർ​ന്നാ​ണ് ഡി​ആ​ർഐ​യു​ടെ അ​ന്വേ​ഷ​ണം ഡ​ൽ​ഹി​യി​ലേ​ക്ക് നീ​ണ്ട​ത്. പ്ര​തി​ക​ളു​മാ​യി വാ​ട്സ്ആ​പ്പി​ൽ ബ​ന്ധ​പ്പെ​ട്ട ന​മ്പ​ർ കേ​ന്ദ്രീ​ക​രി​ച്ചാ​ണ് അ​ന്വേ​ഷ​ണം.

മ​യ​ക്കു​മ​രു​ന്ന് സ്വീ​ക​രി​ക്കാ​നെ​ത്തു​ന്ന​വ​രെ കു​റി​ച്ച് കൂ​ടു​ത​ൽ വി​വ​ര​ങ്ങ​ൾ ത​ങ്ങ​ൾ​ക്ക് അ​റി​യി​ല്ലെ​ന്നാ​ണ് പി​ടി​യി​ലാ​യ​വ​ർ ആ​വ​ർ​ത്തി​ച്ച് പറയു​ന്ന​ത്. എ​ന്നാ​ൽ ഇ​വ​രി​ൽ നി​ന്ന് ല​ഭി​ച്ച മ​റ്റ് ചി​ല സൂ​ച​ന​ക​ളു​ടെ അ​ടി​സ്ഥാ​ന​ത്തി​ലാ​ണ് അ​ന്വേ​ഷ​ണം പു​രോ​ഗ​മി​ക്കു​ന്ന​ത്.

Copyright @ 2022 , Rashtra Deepika Ltd.