ട​വ​ർ സ്ഥാ​പി​ക്കു​ന്ന സ്ഥ​ല​ത്തി​ന് സെ​ന്‍റ​ിന് ഒ​രു​ല​ക്ഷം ന​ൽ​ക​ണം: സം​യു​ക്ത ആ​ക്‌ഷൻ കൗ​ൺ​സി​ൽ
Tuesday, September 3, 2024 1:21 AM IST
ഇ​രി​ട്ടി: വ​യ​നാ​ട്-​ക​രി​ന്ത​ളം കെ.​വി ലൈ​ൻ ട​വ​ർ സ്ഥാ​പി​ക്കു​ന്നി​ട​ത്ത് സ്ഥ​ല​ത്തി​ന് ഒ​രു ല​ക്ഷ​വും ലൈ​ൻ ക​ട​ന്നു പോ​കു​ന്ന സ്ഥ​ല​ത്തി​ന് സെ​ന്‍റി​ന് 50,000 രൂ​പ​യും വി​ള​ന​ഷ്ടപ​രി​ഹാ​ര നി​ര​ക്ക് വ​ർ​ധി​പ്പി​ക്ക​ണ​മെ​ന്നും ഇ​രി​ക്കൂ​ർ, പേ​രാ​വൂ​ർ മ​ണ്ഡ​ലം സം​യു​ക്ത ആ​ക്ഷ​ൻ കൗ​ൺ​സി​ൽ യോ​ഗം ആ​വ​ശ്യ​പ്പെ​ട്ടു. ന​ഷ്ട​പ​രി​ഹാ​ര​വു​മാ​യി ബ​ന്ധ​പ്പെ​ട്ട് കെ​എ​സ്ഇ​ബി പു​റ​ത്തി​റ​ക്കി​യ ക​ർ​ണാ​ട​ക മോ​ഡ​ൽ പാ​ക്കേ​ജി​നെ ത​ള്ളി​യ ശേ​ഷം സം​യു​ക്ത ആ​ക്ഷ​ൻ കൗ​ൺ​സി​ലു​ക​ളു​ടെ ന​യ​രൂ​പീ​ക​ര​ണ യോ​ഗ​മാ​ണ് ഇ​ക്കാ​ര്യം ഒ​റ്റ​ക്കെ​ട്ടാ​യി പ്ര​ഖ്യാ​പി​ച്ച​ത്. ഉ​ളി​ക്ക​ൽ പ​ഞ്ചാ​യ​ത്ത് ഓ​ഫീ​സി​ൽ എം​എ​ൽ​എ​മാ​രാ​യ സ​ണ്ണി ജോ​സ​ഫ്, സ​ജീ​വ് ജോ​സ​ഫ് എ​ന്നി​വ​രു​ടെ നേ​തൃ​ത്വ​ത്തി​ൽ വി​ളി​ച്ചു കൂ​ട്ടി​യ ന​യ​രൂ​പീ​ക​ര​ണ യോ​ഗ​മാ​ണ് ന​ഷ്ട​പ​രി​ഹാ​രം സം​ബ​ന്ധി​ച്ച് ഏ​ക​ക​ണ്ഠേ​ന​യു​ള്ള ‌അ​ഭി​പ്രാ​യം മു​ന്നോ​ട്ടു വ​ച്ച​ത്.

പൊ​തു​വാ​യ ആ​വ​ശ്യം എ​ന്ന നി​ല​യി​ൽ ജോ​സ​ഫ് എം​എ​ൽ​എ അ​വ​ത​രി​പ്പി​ച്ച പാ​ക്കേ​ജ് നി​ർ​ദേ​ശം യോ​ഗം ഒ​റ്റ​ക്കെ​ട്ടാ​യി അം​ഗീ​ക​രി​ക്കു​ക​യാ​യി​രു​ന്നു. ന​ഷ്ട​പ​രി​ഹാ​ര​വു​മാ​യി ബ​ന്ധ​പ്പെ​ട്ട് ക​ർ​ണാ​ട​ക മോ​ഡ​ൽ പാ​ക്കേ​ജ് ച​ർ​ച്ച ചെ​യ്യാ​ൻ ഇ​ന്ന് ക​ണ്ണൂ​രി​ൽ ഉ​ദ്യോ​ഗ​സ്ഥ ത​ല​ത്തി​ൽ ചേ​രു​ന്ന യോ​ഗ​ത്തി​ൽ അ​വ​ത​രി​പ്പി​ക്കേ​ണ്ട കാ​ര്യ​ങ്ങ​ളും തീ​രു​മാ​നി​ച്ചു.

പേ​രാ​വൂ​ർ ഇ​രി​ക്കൂ​ർ മ​ണ്ഡ​ല​ങ്ങ​ളി​ലെ പ​ഞ്ചാ​യ​ത്തു​ക​ളി​ൽ നി​ന്നും നി​ര​വ​ധി ക​ർ​ഷ​ക​രും ഭൂ​വു​ട​മ​ക​ളും പ​ങ്കെ​ടു​ത്തു. ന്യാ​യ​മാ​യ ന​ഷ്ട​പ​രി​ഹാ​രം ല​ഭി​ച്ചാ​ൽ മാ​ത്ര​മേ നി​ർ​മാ​ണം അ​നു​വ​ദി​ക്കു​ക​യു​ള്ളു​വെ​ന്നും അ​ല്ലാ​ത്ത​പ​ക്ഷം അ​ടു​ത്ത ഘ​ട്ട​മാ​യി സ​മ​ര​പ​രി​പാ​ടി​ക​ൾ ഉ​ൾ​പ്പെ​ടെ സം​ഘ​ടി​പ്പി​ക്കാ​നും തീ​രു​മാ​നി​ച്ചു.

മ​ണി​ക്ക​ട​വ് ഫൊ​റോ​ന വി​കാ​രി ഫാ. ​പ​യ​സ് പ​ടി​ഞ്ഞാ​റേ​മു​റി ക​ർ​ഷ​ക​രു​ടെ ആ​വ​ശ്യ​ങ്ങ​ൾ ഓ​രോ​ന്നും അ​വ​ത​രി​പ്പി​ച്ചു. ന​ഷ്ട​പ​രി​ഹാ​രം, ട​വ​റു​ക​ളു​ടെ ഉ​യ​രം വ​ർ​ധി​പ്പി​ച്ച് വീ​തി കു​റ​യ്ക്കാ​നു​ള്ള ന​ട​പ​ടി​ക​ൾ, വീ​ടു​ക​ൾ​ക്ക് വ​രു​ന്ന നാ​ശ​ന​ഷ്ട​ത്തി​ന് സ്‌​ക്വ​യ​ർ ഫീ​റ്റി​ന് 1500 മു​ത​ൽ 2000 രൂ​പ​വ​രെ ന​ഷ്ട​പ​രി​ഹാ​രം ന​ൽ​കു​ക, റോ​ഡ് നി​ർ​മാ​ണ സ​മ​യ​ത്ത് സം​ഭ​വി​ക്കു​ന്ന ന​ഷ്ട​ങ്ങ​ൾ​ക്ക് ഉ​ചി​ത​മാ​യ ന​ഷ്ട​പ​രി​ഹാ​രം, ട​വ​ർ സ്ഥാ​പി​ക്കു​ന്ന​തി​നേ​ക്കാ​ൾ കൂ​ടു​ത​ൽ സ്ഥ​ലം ലൈ​ൻ ട​ന്നു​പോ​കു​ന്ന മേ​ഖ​ല​ക​ളി​ൽ ന​ഷ്ട​പ്പെ​ടു​ന്ന​തു​കൊ​ണ്ട് ത​ത്തു​ല്യ​മാ​യ ന​ഷ്ട​പ​രി​ഹാ​രം ഇ​വി​ടെ​യും ല​ഭി​ക്ക​ണം എ​ന്നു യോ​ഗം ആ​വ​ശ്യ​പ്പെ​ട്ടു.


ട​വ​ർ സ്ഥാ​പി​ക്കു​ന്ന​തി​ന് പ​ദ്ധ​തി​ക്ക് ഏ​ക​ദേ​ശം 55 ഏ​ക്ക​ർ സ്ഥ​ലം മാ​ത്ര​മാ​ണ് ആ​വ​ശ്യം . ക​ണ​ക്കു​ക​ൾ പ്ര​കാ​രം വ​ള​രെ തു​ച്ഛ​മാ​യ ഒ​രു തു​ക മാ​ത്ര​മാ​ണ് ന​ഷ​ട​പ​രി​ഹാ​ര​ത്തി​നാ​യി ചെ​ല​വ​ഴി​ക്കേ​ണ്ടി വ​രി​ക​യു​ള്ളൂ.

900 കോ​ടി​ക്ക് മു​ക​ളി​ൽ ചെല​വ് ക​ണ​ക്കാ​ക്കു​ന്ന പ​ദ്ധ​തി ഭാ​വി​യി​ൽ ഇ​പ്പോ​ൾ സ്ഥാ​പി​ക്കു​ന്ന ലൈ​നി​നു​ക​ൾ​ക്ക് താ​ഴെ വീ​ണ്ടും ലൈ​നു​ക​ൾ വ​രു​മെ​ന്നും ഈ ​സാ​ഹ​ച​ര്യ​ത്തി​ൽ ‌ ഒ​രു കൃ​ഷി​യും ന​ട​ത്താ​ൻ ക​ഴി​യി​ല്ലെ​ന്ന​മു​ള്ള അ​ധി​കൃ​ത​രു​ടെ വാ​ദം യാ​ഥാ​ർ​ഥ്യ​ങ്ങ​ൾ​ക്ക് നി​ര​ക്കാ​ത്ത​താ​ണെ​ന്നും യോ​ഗം അ​ഭി​പ്രാ​യ​പ്പെ​ട്ടു.

ആ​ദ്യ നി​ർ​ദേ​ശം
പ​രി​ഗ​ണി​ക്കു​ന്നി​ല്ലെ​ങ്കി​ൽ
പ്ലാ​ൻ ബി

​ക​ർ​ഷ​ക​രു​ടെ​യും സ്ഥ​ല​മു​ട​മ​ക​ളു​ടെ​യു​മൊ​പ്പം ത​ങ്ങ​ളു​മു​ണ്ടാ​കു​മെ​ന്ന് എം​എ​ൽ​എ​മാ​ർ യോ​ഗ​ത്തെ അ​റി​യി​ച്ചു. ട​വ​ർ സ്ഥാ​പി​ക്കു​ന്ന ഭൂ​മി​ക്ക് സെ​ന്‍റി​ന് ഒ​രു ല​ക്ഷ​വും ലൈ​ൻ ക​ട​ന്നു പോ​കു​ന്ന സ്ഥ​ല​ത്തി​ന് സെ​ന്‍റി​ന് 50,000 രൂ​പ​യും എ​ന്ന പാ​ക്കേ​ജ് അം​ഗീ​ക​രി​ക്കു​ന്നി​ല്ലെ​ങ്കി​ൽ ട​വ​ർ സ്ഥാ​പി​ക്കു​ന്ന ഭൂ​മി​ക്ക് ന്യാ​യ​വി​ല​യു​ടെ പ​ത്തി​ര​ട്ടി​യും ലൈ​ൻ ക​ട​ന്നു പോ​കു​ന്ന സ്ഥ​ല​ത്തി​ന് അ​ഞ്ചി​രി​ട്ടി​യും എ​ന്ന മ​റ്റൊ​രു നി​ർ​ദേ​ശം ഇ​ന്ന് ന​ട​ക്കു​ന്ന യോ​ഗ​ത്തി​ൽ അ​ധി​കൃ​ത​ർ​ക്ക് മു​ന്നി​ൽ അ​വ​ത​രി​പ്പി​ക്കും.ബ​ദ​ൽ നി​ർ​ദേ​ശം എ​ന്ന നി​ല​യി​ൽ ഫാ. ​പ​യ​സ് പ​ടി​ഞ്ഞാ​റെ​മു​റി​യാ​ണ് ഈ ​പ്ലാ​ൻ യോ​ഗ​ത്തി​ൽ അ​വ​ത​രി​പ്പി​ച്ച​ത്.

ഇ​ന്നു ന​ട​ക്കു​ന്ന ച​ർ​ച്ച​യി​ൽ പ​ഞ്ചാ​യ​ത്ത് പ്ര​സി​ഡ​ന്‍റു​മാ​ർ, ആ​ക്ഷ​ൻ കൗ​ൺ​സി​ൽ ഭാ​ര​വാ​ഹി​ക​ൾ ഉ​ൾ​പ്പെ​ടെ​യു​ള്ള അം​ഗ​ങ്ങ​ളെ പ​ങ്കെ​ടു​പ്പി​ക്ക​ണ​മെ​ന്ന് ബ​ന്ധ​പ്പെ​ട്ട ഉ​ദ്യോ​ഗ​സ്ഥ​രോ​ട് ആ​വ​ശ്യ​പ്പെ​ട്ടി​ട്ടു​ണ്ട്. അ​ല്ലാ​ത്ത പ​ക്ഷം എം​എ​ൽ​എ​മാ​ർ യോ​ഗം ബ​ഹി​ഷ്ക​രി​ക്കാ​നും തീ​രു​മാ​നി​ച്ചു.

യോ​ഗ​ത്തി​ൽ ബ്ലോ​ക്ക് പ​ഞ്ചാ​യ​ത്ത് പ്ര​സി​ഡ​ന്‍റ് കെ. ​വേ​ലാ​യു​ധ​ൻ, പ​ഞ്ചാ​യ​ത്ത് പ്ര​സി​ഡ​ന്‍റു​മാ​രാ​യ കു​ര്യാ​ച്ച​ൻ പൈ​മ്പ​ള്ളി​കു​ന്നേ​ൽ, പി.​സി. ഷാ​ജി, ജോ​ജി ക​ന്നി​ക്കാ​ട്ട്, ബേ​ബി ഓ​ടം​പ​ള്ളി​ൽ, മി​നി ഷൈ​ബി, ആ​ക്ഷ​ൻ കൗ​ൺ​സി​ൽ ഭാ​ര​വാ​ഹി​ക​ളാ​യ തോ​മ​സ് വ​ർ​ഗീ​സ്, പൈ​ലി വാ​ത്യാ​ട്ട്, ബെ​ന്നി പു​തി​യാ​മ്പു​റം, പ​ഞ്ചാ​യ​ത്തം​ഗ​ങ്ങ​ൾ എ​ന്നി​വ​രും പ​ങ്കെ​ടു​ത്തു.