റെ​യി​ൽ​വേ​യി​ൽ ജോ​ലി വാ​ഗ്ദാ​നം ന​ൽ​കി കോ​ടി​ക​ൾ ത​ട്ടി​യെ​ടു​ത്ത സം​ഭ​വം: ത​ല​ശേ​രി​യി​ൽ ര​ണ്ടു പേ​ർ അ​റ​സ്റ്റി​ൽ
Friday, September 13, 2024 1:30 AM IST
ത​ല​ശേ​രി: റെ​യി​ൽ​വേ​യി​ൽ ജോ​ലി വാ​ഗ്ദാ​നം ചെ​യ്ത് സം​സ്ഥാ​ന​ത്തി​ന്‍റെ വി​വി​ധ ഭാ​ഗ​ങ്ങ​ളി​ൽ​നി​ന്നും കോ​ടി​ക​ൾ ത​ട്ടി​യെ​ടു​ത്ത സം​ഭ​വ​ത്തി​ൽ ര​ണ്ടു​പേ​ർ അ​റ​സ്റ്റി​ൽ. കേ​സി​ലെ മൂ​ന്നാം​പ്ര​തി​യും തി​രു​വ​ന​ന്ത​പു​രം മ​ല​യി​ൻ​കീ​ഴ് വി​വേ​കാ​ന​ന്ദ ന​ഗ​റി​ൽ അ​നി​ത്തി​ൽ ഗീ​താ റാ​ണി (65), ര​ണ്ടാം പ്ര​തി പു​ന​ലൂ​ർ ഐ​ക്ക​ര​ക്കോ​ണം ക​ക്കോ​ട് ശ്രു​തി​ല​യ​ത്തി​ൽ ശ​ര​ത്ത് എ​സ്. ശി​വ​ൻ (34) എ​ന്നി​വ​രെ​യാ​ണ് ത​ല​ശേ​രി പോ​ലീ​സ് അ​റ​സ്റ്റ് ചെ​യ്ത​ത്. പ്ര​തി​ക​ളു​ടെ കാ​റും പോ​ലീ​സ് ക​സ്റ്റ​ഡി​യി​ലെ​ടു​ത്തു. ഇ​വ​രി​ൽ​നി​ന്നും വി​ല​പ്പെ​ട്ട രേ​ഖ​ക​ളും പി​ടി​ച്ചെ​ടു​ത്തി​ട്ടു​ണ്ട്. അ​റ​സ്റ്റി​ലാ​യ ഗീ​താ റാ​ണി കേ​ര​ള​ത്തി​ലെ ഒ​രു എം​പി​യു​ടെ പി​എ ആ​യി​രു​ന്നെ​ന്നും പ​റ​യ​പ്പെ​ടു​ന്നു.

ഇ​ന്ത്യ​ൻ റെ​യി​ൽ​വേ​യി​ൽ ക്ല​ർ​ക്ക്, ട്രെ​യി​ൻ മാ​നേ​ജ​ർ, സ്റ്റേ​ഷ​ൻ മാ​നേ​ജ​ർ തു​ട​ങ്ങി​യ ജോ​ലി​ക​ൾ വാ​ഗ്ദാ​നം ചെ​യ്താ​ണ് കോ​ടി​ക​ളു​ടെ ത​ട്ടി​പ്പ് ന​ട​ത്തി​യ​ത്. ഗീ​താ റാ​ണി സ​മാ​ന​മാ​യ ഏ​ഴു കേ​സു​ക​ളി​ലും പ്ര​തി​യാ​ണെ​ന്ന് പോ​ലീ​സ് പ​റ​ഞ്ഞു. കൊ​യ്യോ​ട് സ്വ​ദേ​ശി ശ്രീ​കു​മാ​ർ, ഭാ​ര്യ സ​ഹോ​ദ​ര​ൻ ഇ​രി​ട്ടി പാ​യ​ത്തെ അ​രു​ൺ എ​ന്നി​വ​ർ ന​ൽ​കി​യ പ​രാ​തി​യി​ലാ​ണ് ഗീ​താ​റാ​ണി ഉ​ൾ​പ്പെ​ടെ മൂ​ന്നു പേ​രെ പ്ര​തി ചേ​ർ​ത്ത് ത​ല​ശേ​രി ടൗ​ൺ പോ​ലീ​സ് കേ​സെ​ടു​ത്ത​ത്. ഇ​വ​രി​ൽ​നി​ന്നും 36 ല​ക്ഷം രൂ​പ​യാ​ണ് പ്ര​തി​ക​ൾ കൈ​ക്ക​ലാ​ക്കി​യ​ത്. ഒ​ന്നാം പ്ര​തി​യും സി​പി​എം നേ​താ​വും മു​ൻ ബ്ലോ​ക്ക് പ​ഞ്ചാ​യ​ത്തം​ഗ​വു​മാ​യി​രു​ന്ന ചൊ​ക്ലി നെ​ടു​ന്പ്ര​ത്തെ കെ.​ശ​ശി​യെ നേ​ര​ത്തെ പോ​ലീ​സ് അ​റ​സ്റ്റ് ചെ​യ്തി​രു​ന്നു. ഇ​യാ​ൾ ഇ​പ്പോ​ൾ റി​മാ​ൻ​ഡി​ലാ​ണ്.


റെ​യി​ൽ​വേ റി​ക്രൂ​ട്ടിം​ഗ് ബോ​ർ​ഡ് സീ​നി​യ​ർ ഓ​ഫീ​സ​ർ ച​മ​ഞ്ഞാ​ണ് ഗീ​താ​റാ​ണി ത​ട്ടി​പ്പ് ന​ട​ത്തി​യ​തെ​ന്ന് പോ​ലീ​സ് അ​ന്വ​ഷ​ണ​ത്തി​ൽ ക​ണ്ടെ​ത്തി​യി​രു​ന്നു. ശ്രീ​കു​മാ​റി​ന് ആ​ദ്യം റെ​യി​ൽ​വേ​യി​ൽ ക്ലാ​ർ​ക്ക് ജോ​ലി​യാ​ണ് വാ​ഗ്ദാ​നം ചെ​യ്ത​ത്. 18 ല​ക്ഷം രൂ​പ​യാ​ണ് ഇ​തി​നാ​യി കൈ​പ്പ​റ്റി​യ​ത്. തു​ട​ർ​ന്ന് വ്യാ​ജ അ​പ്പോ​യി​ൻ​മെ​ന്‍റ് ലെ​റ്റ​ർ ന​ൽ​കു​ക​യും തൃ​ശി​നാ​പ്പി​ള്ളി​യി​ൽ ക്ലാ​ർ​ക്കാ​യി ജോ​ലി​യി​ൽ പ്ര​വേ​ശി​ക്കാ​ൻ നി​ർ​ദേ​ശി​ക്കു​ക​യും ചെ​യ്തു. തൊ​ട്ട​ടു​ത്ത ദി​വ​സം ത​ന്നെ ബി​ടെ​ക് ബി​രു​ദ​മു​ള്ള​തി​നാ​ൽ ട്രെ​യി​ൻ മാ​നേ​ജ​ർ ത​സ്തി​ക ന​ൽ​കാ​മെ​ന്ന് പ​റ​ഞ്ഞ് 20 ല​ക്ഷം രൂ​പ കൂ​ടി വാ​ങ്ങി വ്യാ​ജ നി​യ​മ​ന ഉ​ത്ത​ര​വ് ന​ൽ​കി ബം​ഗ​ളൂ​രു​വി​ൽ ജോ​ലി​യി​ൽ പ്ര​വേ​ശി​ക്കാ​ൻ നി​ർ​ദേ​ശി​ച്ചു. ജോ​ലി​യി​ൽ ചേ​രാ​ൻ ചെ​ന്ന​പ്പോ​ഴാ​ണ് ശ്രീ​കു​മാ​റി​ന് ത​ട്ടി​പ്പ് മ​ന​സി​ലാ​യ​ത്.