ചെറുപുഴ: തലശേരി അതിരൂപതയുടെ സാമൂഹ്യവിഭാഗമായ തലശേരി സോഷ്യൽ സർവീസ് സൊസൈറ്റിയുടെ 58ാം സ്ഥാപകദിനാചരണം ചെറുപുഴ യൂണിറ്റിന്‍റെ നേതൃത്വത്തിൽ സംഘടിപ്പിച്ചു. യൂണിറ്റ് ഡയറക്ടർ ഫാ. ഫിലിപ്പ്‌ ഇരുപ്പക്കാട്ട് ഉദ്ഘാടനം ചെയ്ത് പ്രതിജ്ഞ ചൊല്ലിക്കൊടുത്തു. പ്രസിഡന്‍റ് ബേബി മാങ്കോട്ടിൽ അധ്യക്ഷത വഹിച്ചു. ഉഷ ബാലകൃഷ്ണൻ, സൈനബ നങ്ങാരത്ത്, ഷീബ വർഗീസ്, തോമസ് കൈപ്പനാനിക്കൽ, ഏബ്രഹാം ചെമ്മനാംതടം, ബിനോയി തോപ്പിൽ, ജോർജ്കുട്ടി കാഞ്ഞിരത്തിനാൽ, ജോളി കൊച്ചുപറമ്പിൽ, കൊച്ചുറാണി പുഞ്ചക്കുന്നേൽ തുടങ്ങിയവർ പ്രസംഗിച്ചു.
പയ്യാവൂർ: ചെറിയഅരീക്കമലയിൽ സംഘടിപ്പിച്ച ചടങ്ങിൽ ടിഎസ്എസ്എസ് ചെറിയഅരീക്കമല ട്രസ്റ്റ് ഡയറക്ടർ ഫാ. ജോസഫ് പുതുമന പതാക ഉയർത്തി. തുടർന്ന് നടന്ന സമ്മേളനത്തിൽ വയനാട്, വിലങ്ങാട് ദുരിതാശ്വാസ പ്രവർത്തന ഫണ്ടിലേക്ക് 10,000 രൂപയും തലശേരി സോഷ്യൽ സർവീസ് സൊസൈറ്റിയുടെ നമ്മുടെ വീട് പദ്ധതിയിലേക്ക് 25,000 രൂപയും ടിഎസ്എസ്എസ് തലശേരി അതിരൂപത പ്രസിഡന്‍റ് ജോഷി കുന്നത്തിന് കൈമാറി. ചെറിയഅരീക്കമല ട്രസ്റ്റ് പ്രസിഡന്‍റ് ഷിബു കാവുംപുറത്ത്, സെക്രട്ടറി ജോജോ പുല്ലാട്ട്, ഇടവക കോ-ഓർഡിനേറ്റർ ബോബി കടുവാതൂക്കിൽ എന്നിവർ പ്രസംഗിച്ചു.