ശ്രീകണ്ഠപുരം: ഓണം സ്പെഷ്യൽ ഡ്രൈവിന്റെ ഭാഗമായി എക്സൈസ് സംഘം നടത്തിയ റെയ്ഡിൽ വാറ്റുകേന്ദ്രങ്ങൾ കണ്ടെത്തി വാഷ് നശിപ്പിച്ചു. വലിയ അരീക്കമല, വഞ്ചിയം, ചോലപ്പനം ഭാഗങ്ങളിൽ നടത്തിയ റെയിഡിലാണ് വാഷ് പിടികൂടിയത്.
ശ്രീകണ്ഠപുരം റേഞ്ച് ഓഫീസിലെ അസി.എക്സൈസ് ഇൻസ്പെക്ടർ പി.ആർ.സജീവിന്റെ നേതൃത്വത്തിലായിരുന്നു റെയ്ഡ്. ഏരുവേശി തോട്ടുചാലിൽ നിന്നാണ് ബാരലുകളിലായിക്കി സൂക്ഷിച്ച് 130 ലിറ്റർ വാഷ് പിടികൂടി നശിപ്പിച്ചത്. അസി. എക്സൈസ് ഇൻസ്പെക്ടർ കെ.പി. വിജയൻ, പ്രിവന്റീവ് ഓഫീസർമാരായ എം.പി.ഹാരിസ്, പി.എ.രഞ്ജിത്ത് കുമാർ, എം.വി. പ്രദീപൻ, സിവിൽ എക്സൈസ് ഓഫീസർ അഖിൽ ജോസ് എന്നിവരും പരിശോധന നടത്തിയ സംഘത്തിലുണ്ടായിരുന്നു.