പയ്യാവൂർ: നെല്ലിക്കുറ്റി സെന്റ് അഗസ്റ്റിൻസ് ഹൈസ്കൂളിൽ ദേശീയ കായിക ദിനാചരണം നടത്തി. സ്കൂൾ മുഖ്യാധ്യാപകൻ സിബി ഫ്രാൻസീസ് ഉദ്ഘാടനം ചെയ്തു.
സീനിയർ അസിസ്റ്റന്റ് മജി മാത്യു അധ്യക്ഷത വഹിച്ചു. ചടങ്ങിൽ സ്കൂളിലെ കായികാധ്യാപകൻ കെ.ജെ.തോമസിനെ സിബി ഫ്രാൻസീസ് ആദരിച്ചു. ബിജു എം.ദേവസ്യ, കെ.സി.ലിസി, അവിധാൻ നിഷാന്ത് എന്നിവർ പ്രസംഗിച്ചു. ചടങ്ങിൽ വിമുക്തി ക്വിസ് മത്സരത്തിൽ മൂന്നാം സ്ഥാനം നേടിയ അർപ്പിത അൽഫോൻസയെ മൊമന്റോ നല്കി അനുമോദിച്ചു. വിവിധ കായിക മത്സരങ്ങളിൽ സമ്മാനാർഹരായ വിദ്യാർഥികൾക്കും അനുമോദനം നല്കി.