ചെറുപുഴ: വൈദ്യുത ലൈനിനു മുകളിൽ വീണ മരം മുറിച്ച് മാറ്റുന്നതിനിടെ മരവും ലൈനും ദേഹത്ത് വീണ് കെഎസ്ഇബി ജീവനക്കാരൻ മരിച്ചു. ഞെക്ളി കരിപ്പോട്ടെ എം.കെ. റഫീഖ് (41) ആണ് മരിച്ചത്.
തൊള്ളത്തുവയലിൽ വൈദ്യുത ലൈനിൽ വീണ മരം മുറിച്ചു മാറ്റുന്നതിനിടെയാണ് അപകടം. ഉടൻ പാടിയോട്ടുചാലിലെ സ്വകാര്യ ആശുപത്രിയിലെത്തിച്ചെങ്കിലും രക്ഷിക്കാനായില്ല. പാടിയോട്ടുചാൽ സെക്‌‌ഷൻ ഓഫീസിലെ ഫസ്റ്റ്‌ ഗ്രേഡ് ജീവനക്കാരനാണ്. കബറടക്കം ഇന്നു രാവിലെ 11ന് ഞെക്ലി ജുമാ മസ്ജിദ് കബർസ്ഥാനിൽ. ഭാര്യ: ഹൈറുന്നിസ. മക്കൾ: ഷഹബാസ്, റുഫൈദ (ഇരുവരും വിദ്യാർഥികൾ). സഹോദരൻ: ഷംസുദ്ദീൻ.